تجمع لمحبين تعلم اللغه الانجليزيه

[روعة ذاتي]

السلام عليكم و رحمة الله وبركاته
سويت موضوع من قبل عن تعلم اللغه
الانجليزيه و كان في ردود حابين فعلا
يتعلمون و بعض الاخوات الله يجزاهم خير
ذكروا بعض المعاهد و الاكثريه كانوا يقولون
امديست و قلت ادق و اسال قبل لا اتعنى و اروح
للامانه سعرهم خيالي
اول اسبوع 100وشي و اداومين بهالاسبوع
بس 3ايام
والاسبوع اللي بعده نفس الطريقه ومبلغ بروح
ينزلون جنا 5دنانير عن الاسبوع الاول

لو ندري ان السالفه جذي جان دخلنا انقلش
سكول "خلونا بالمستقبل"
ايد وحده ماتصفق و اتمنى يكون الموضوع
مثبت
1-اسامي افلام اجنبيه :تساعد على تعلم اللغه
و طريقة النطق
2-اسامي اغاني :نفس ميزة الافلام
3-اسامي كتب :كلمات و قواعد و اتمنى
تكون مترجمه عشان يسهل التعلم
4-اللي حابه تذكر اسم معهد اتمنى مايكون
باهظ الثمن >حبيتها ههههه
وتحط البيانات كامله اسم المعهد و الرقم و سعره
بليز بنات مابي اسامي برد والرقم والسعر برد
ثاني عشان الكل يفهم شنو اللي تقصدينه
ويستفيد
و اخيرا :اسأل الله لي ولكم التوفيق ...

 

[روعة ذاتي]

انتظر تعاونكم معي ...

 

[روعة ذاتي]

اي صح لي عتب على بنات جامعة الacm
ما اشوف لهم اي تجمع او اي مواضيع عن جامعتهم
اتمنى احد منهم يبادر بهالشي

 

[روعة ذاتي]

اب
اب
اب

 

[روعة ذاتي]

شدعوه بنات ماكو ولا مشاركه ، أنزين اذا انتوا بلابل باللغه و مو محتاجين فيدونا

 

[Miss Basma ..}]

أنا مستواي بالانجلش ضعيف
و بدش 12
و ما جتني الرغبة في تعلم اللغة إلا السنة الي طافت
و عن نفسي دشيت معهد British council

لي عودة عشان أتكلم عن المعهد و شغلات ثانية

 

[Miss Basma ..}]

عشان تتقوين بالانجلش لازم يكون عندج رغبة و دافع
و مهم أنج تحفظين الكلمات الي ما تعرفينها و تقرأين و تستمعين و تتحدثين
و تتكلمين مع الناس بالإنجلش

عن نفسي ما أشوف أن المعاهد أساسية عشان تتقوين باللغة
بس أنا سببي الأساسي لدخولي لمعهد هو أني أبي أتكلم مع الناس و أتعامل معاهم باللغة الإنجليزية
و بشكل عام الاعتماد على المعهد بروحه ما يفيد حيل
لازم تسمعين و تقرأين و تحفظين

أنا دشيت المجلس البريطاني British council
المعهد هذا مقسمينه لمستويات
و عشان تدخلينه لازم تاخذين امتحان مستوى عشان يحطونج بالمستوى الي يناسبج

امتحان المستوى كان عبارة عن :
Speaking قعدت مع أحدهم و سألني أسئلة بالانجلش و أسئلته سهلة و بعدين عندج أسئلة اختياري قواعد و كلمات و إذا مو غلطانة كان في فقرة صغيرة عليها سؤال

بعد الامتحان يحددون مستواج و يحطونج بصف و تدفعين لهم
أنا دفعت 220 دك و مدة دورتي من تاريخ 24-7 إلى 16-8
تقريباً أربع أسابيع
و بعد ما أنهيه المستوى هذا
بانتقل للمستوى الي وراه

و الدراسة سهلة و حلوة
و أنا ما اخترت هالمعهد إلا بعد ما نصحتنا أبلتي الانجلش فيه و بعد ما شفت المدح حقه

 

[MayOumii~]

انا مستجدة بالaum
انا لغتي زينة الحمدلله بس يبيلي ممارسة عشآن جذي باخذ تمهيدي عندهمئ
دير بآلج بس من كلام الي بالافلام لان الاجانب نفسنا مو كلهم يعتمدون عالقواعد
بس همن بيساعدج


وعندج بريتش كونسل حلوو انا مريتهم هالعطلة والجو اهناك حيل حيل عائلي وناسة
يعني جميع الجنسيات وشفت كويتية طاقتها سوالف ويا اجنبية

حلووو حيل بس هم غالي يعني بالشهر 200 -300
ومو يوميا دوامج يمكن 3 ايام بالاسبوع اتوقع
هذيل المعاهد اغلبهم تجارية يعني همهم الفلوس وبس
لان لو تدشين وانتي ما تبين تتعلمين ماراح تتعلمين
اعرف ناس استفادت وناس لا كلش ما تمدحه

عالعموم انتي تقدرين تستفيدين بطريقة حلو واهيا نفسها الي شفته ببريتش كونسل
انج تتعرفين على اجنبية اي دولة المهم مو عربية ان شاء الله هندية
وقوي علاقتج وياها وكله سولفي وياها راح تتقوين باذن الله


وانشوفج ان شاء الله بالجامعة [=

 

[MayOumii~]

هذا تجمع حق aum و acm ..

http://www.q8yat.com/t1075052.html

توه ببدآيته وان شاء الله نلقى بنآت ويآنآ

 

[Miss Basma ..}]

http://www.q8yat.com/t730245.html
الموضوع هذا فيه طريقة حلوة تساعدج على حفظ الكلمات و ترسيخها بعقلج

 

[CôôlஜŚŦяάwbĕrяy]

up
up up
up up up
up up up up
up up up up up
up up up up up up
up up up up up up up
up up up up up up up up
up up up up up up up up up
up up
up up
up up
up up
up up​

 

[Miss Basma ..}]

up up

Learning English is amusing

 

[روعة ذاتي]

مشكورين فديتكم ماقصرتوا ، MayOumii~ حياتي انتي عالبال والله و ماراح انسى تشجيعج لي من يومين كنت قرأ مسجاتج بالمنتدى قلت لولا الدعم و كلامج اللي يشجع جان وصلت لهالطموح

 

[روعة ذاتي]

جزاكم الله خير

 

[Miss Basma ..}]

Learning English - Home

هذه صفحة لتعليم اللغة الإتجليزية .
هي جزء من موقع BBc
أتوقع إنها ممكن تفيدكم

 

[Miss Basma ..}]

في شي باللغة الإنجليزية اسمه Pronunciation ( النطق )
لو تفتحين القاموس بتلاحظين أنه قرب كل كلمة حروف غريبة
هذه الحروف تحدد طريقة نطقج للكلمة

مثلاً كلمة climb
Pronunciation تبعها هو klaim

مثال آخر :
was
لو أطلب من مبتدئ ما مرت عليه هالكلمة من قبل راح ينطقها واس و هذا خطأ لأن آخر حرف ننطقه ز
النطق لكلمة was هو wəz
في هالكلمة بعضنا يمد w بسبب وجود حرف a و هذا خطأ لأن نطق حرف a مثل ə فما نمد الكلمة

شنو الفائدة لما تتعلمين Pronunciation ؟

نطقج للكلمات بيتحسن و بيصير مشابه لنطق الأجانب
أيضاً لما تقرأين كلمة جديدة عليج و تعرفين معناها بتتوهقين بطريقة نطقها بس لو تعلمتي Pronunciation راح تفتحين عالقاموس و تدورين الكلمة و تقرأين نطقها

و هذه صفحة أكثر من رائعة لتعليم النطق
BBC Learning English | Pronunciation Tips

 

[MayOumii~]

مشكورين فديتكم ماقصرتوا ، MayOumii~ حياتي انتي عالبال والله و ماراح انسى تشجيعج لي من يومين كنت قرأ مسجاتج بالمنتدى قلت لولا الدعم و كلامج اللي يشجع جان وصلت لهالطموح

حبيبتي التوفيق من الله سبحانه
وعسآج دووم متوفقة قولي آميــن:eh_s(17):

( http://www.q8yat.com/t934297.html ) ~

هذا رآبط موضوع في شرح قوآعد الزمــن حده فآدني آتمنى يفيدج إن شاء الله :eh_s(15):
واذا لقيت شي ممكن يفيدج رآح أحطه لج