تجمع للى عيالهم بيروحون اولى روضه

[بطة رشيقة]

السلام عليكم شلونكم بنات ...

سويت هالتجمع وقلت ابى الكل يشارك فيه يعنى شنو شعوووركم ان عيالكم بيدشوووون الروضه خصوصا اذا كان البيبى الاول وماعندج اخوان له وخوات او ماعندج احد دش من قبل روضه ... شلون بتعدلون نومتهم ..؟ و شلون راح تسيطرون على الوضع وما تخلووونهم يبجون اول يوم او الاسبوع الاول كله ... انا وايد احاتى ولدى مسكين اخاف يبجى حرام ... وهم احاتى الحمام ... ما ادرى شنو بيسووون ... وشنو رايكم بروضات الحكووومه تتوقعون ان عيالنا بيستفيدون منها ..؟ الله يوفقهم وينشيهم ويحفظهم يارب يارب ​

 

[toto2006]

انا معااج بنتي اول وحده عندي و بعايلتنا بتدش الروضه بس انا مدخلتها حضانه من قبل و روضتها انشالله بتكون نفس حضانتها ريبورن اللي بالزهرا متعوديين عليها و يحبون بنتي و اهيه تحبهم و يم بيتنا علشان جذي بدخلها روضه فيها بس مادري متى راح تبدي

 

[زوجة جوجي]

انا بعد ولدي اولى روضه بال english playgroup
بس مدخلته سنتين حضانه لكن هذا مايمنع انه يبجي
هههههه

وعلى النومه اهوه الحين عند امي بالكويت وخواتي مداومين من قبل العيد فالحمدلله نومته متعدله

حبيبي مادري شلون بيداوم وانا بعيده عنه دوامهم يبلش الاحد ان شاء الله

ومشكورة على هالموضوع

 

[د.شريفة]

رد : تجمع للى عيالهم بيروحون اولى روضه

السلام عليكم
الله يعيينج على البجي وشي عااااادي بس اللي عليج تسوينه
اول يوم قعدي معاه .. ساعاتين ثلاث بعدين امشي واخذيه وياج لا يقعد اليوم كله
وخليه متطمن ان انتي قاعده
ثاني يوم .. قعدي معاه بعد وحاولي تمشين .. من غير مايحس فيج
ساعه وردي اخذيه
وثالث يوم ... قعدي معاه وراح يدري انج راح تنحاشين نفس امس .. هم امشي وخليه لي اخر الدوام
وكملي الاسبوع الاول جذي على الاقل

وبعدين خلاص وديه وخليه يدخل الصف يمكن يبجي قوي قلبج ... وامشي راح يتعود قوليله بس يأذن الظهر راح تسمع الاذان راح ايي على طول

والله يعيين والنومه تتعدل مع الوقت

 

[om deaj]

انا معاكم بعد
توني اليوم خلصت لبس الروضة وبيني وبينكم اعاني مع النوم ليلحين يسهر للي الساعة 3 الفجر وما ينام الا بالتفق
والروضة يم بيتي وانا حامل ومالي خلق اودي واييب بس ابوه معتمد علي لانه لو عليه ماراح يداوم الولد
بصراحة انصدمت اليوم لما تاكدت انه مرحلة رياض الاطفال الزامية شكوووووووووووووووووووووووو
كلها غناوي ومهارات يتعلمها واحنا في البيت ماله داعي العبالة
ولدي روضته حكومة وبيني وبينكم ادري ماراح يستفيد شي بس النومة ان شاء الله تتعدل

للعلم انا دخلته نادي بالصيف تعلم فيه عربي وقرآن وشفت اني اقدر اسيطر على موضوع انه يندمج مع اليهال واني اتركه بس اعطيه خبر اني يمه بالادارة

وموضوع الحمام سواها مرة على نفسه وحس بالفشلة وقلت منها يتعلم انه يقول للأبلة بروح الحمام
بس النادي كان العصر يعني مرات ما يرضى يروح الحمام قبل لا نروح النادي
بس الحين من يقعد وديه الحمام وغسلي ويها وفرشس ضروسه وطرشيه الروضة وبقول للابلة تخلي الدادا توديه عقب الاكل

 

[بطة رشيقة]

حيام الله حبيباتى نورتوااااا الموضوع ومشكورين وماقصرتواا اشوه فى وايد بنات وياى الله يعين ان شالله وربى يبلغنا فيهم ... ويحفظهم لنا ان شالله ومثل ما قلتوا شوى شوى انه بيتعدل النوم وكل شى بس اهم شى ان ما يبجون الصبح واى انا يعور قلبى من البجى لانى جربت دخلته حضانه شهر 7 شهر كامل واهو يبجى ؟

المهم الحين يعنى كلكم متفقين معاى ان عيااالنا ما راح يستفيدون من روضه الحكووومه ..؟ انا حاطه ببالى انى سنه 2 ادخله روضه خاصه او ادخله دورات يتعلم شوى والله يكون بالعون

 

[.،:"$الـعـوبــــة$":،.]

رد : تجمع للى عيالهم بيروحون اولى روضه

ياحلو تجمعكم بنات ،، انا بعد بنضم لكم ولو اني للحين ضايعة !
طبعا للحين ماسجلنا البنت بالروضة لأنا ماندري وين الله قاطنا ! وقالوا فيه تسجيل متاخر وبنروح بكرة !
ووديييييييييييييييييييييي بالخاص ! بس محد معطيني وجه ! لأني متأخرة !
ومفكرة انها ماتروح حكومة اذا ماحصلنا مكان بالخاص !
واذا كلش كلش ، سجلتها العصر ، وانا رايحة دوامي واوديها على طريقي ،،
وللحين طبعا ضايعة ، وبكرة ان شاءالله اعطيكم المعلومات والاخبار الأكيدة ،​

 

[ريوومة 1982]

انا بعد وياكم بنتي تروح اولى روضه بس مو خايفه عليها وايد لان مدخلتها سنتين حضانه و الصيف نادي يعني ماخذة على الجو


و سجلتها حكومه لان اخوها من قبل مدخلته خاص من الحضانه لي ثانيه ابتدائي و بصراحه ماشفت نتيجه


غير التحبيط و نضيق الخلق يبون ياهل يتحرك بالرموت كنترول


لا و الله كانه احنا حكومه اشزينه

 

[نورالكويت]

رد : تجمع للى عيالهم بيروحون اولى روضه

انا معاكم ان شاءالله ولدي بيدش اولى روضه بس خاطرى ادخله خاص من صجكم حكومه شبيستفيد اذا عالاغاني والرقص مايعتاز ماشاءاللة حافظينها صم ابيه يحفظونه قران وادعيه ولغات على قده

بس على الله القاله مكان لاني ماسجلتة كلششششششششش يعني ببلش توني انزين شلون عالتسجيل بالخاص شالمطلوب نفس الحكومه؟

 

[بطة رشيقة]

هلا بنات حياكم الله وربى يقدرنا ولا يخذلنا ويهدى عييلنا وان شالله ما يبجون ولا يفضحوونا

هلا فيكم كلكم


نور الكووويت اى والله انا جذى قلت انى ابى اسجله روضه خاصه بس سبحان مالله كتب واخر شى دخلته روضتى لما انا كنت صغيره وان شالله يستفيد مثل امه خخخ وعلى الخاص والله ما ادرى شنو طلبااتهم بس ترى انتى متاخره اتوقع ان ما راح يقثبلووووونج وماكو الاتنظرين سنه ثانيه تودينه والله يوفقه ان شالله ..

ريوووومه حبيبتى انتى اول وحده تقولى جذى عن روضات الخاص صج ..؟ عيالج ما استفادوا منهم ..؟ انا سامعه انهم يبون الياهال يشارك ويلتزم وياهم بس يعنى يكتسب منهم حفظ القرءان وجذى بس ماعليه كل شى ربج كاتبه فيه الخير وان شالله ربى يوووفقهم ويحفظهم ..

العووبه حبيبتى الله يوفقج وان شالله تحصلين مكان حق بنتج بس لا تخلينها بالبيت اذا ما لقيتى روضه خاصه حرام تروح عليها السنين اصلا انتى الحين ما راح تحصلين لان الروضات سكروا من زمان اقصد الخاص فانتى الحين خليها على الحكووومه وان شالله تستفيد ...

 

[دمثة]

انا نفسيتي تعبانة لولدي بروح الروضة وضااايق خلقي وببجي

 

[انوار المحبه]

انا معاكم ولدي هالسنه اولى روضه و دوامهم متى 21-9 و لازم اظبط نومه ما بقى شي المشكله يسهر و الله يعينا على التوصيل بس ولدي متحمس كل يوم يسالني ماما متى اروح سكول .. و انا مسجلته حكومه يم بيتنا بس خرعتوني صج ما راح يستفاد

 

[أم@الحلوين]

السلام عليكم

مشكوره صاحبة الموضوع بطه رشيقه ع الموضوع

حياكم في تجمعنا للسنه الثانيه على التوالي للي عيالهم بيروحون أولى روضه وثانيه روضه في قسم ركن أولياء الامور

وهذا رابط تجمعناا
http://www.q8yat.net/showthread.php?t=694120

 

[Q8stylle]

يسلموووو علي التجمع الحلووو