تجمع للصف الخامس ابتدائي للعام الدراسي 2012 / 2013

[أم عبووووود]

هلا حبيبتي

ان شالله اذا بنتج كانت ماشيه برابع راح تكون خامس سهله عليها

اتوقع العربي يبي له شويه والعلوم

ربي يوفق عيالي وعيالكم ان شالله

 

[بناتي عيوني]

السلام عليكم مشكوره علي هذي التجمع لان الصراحه مفيد لكل وحده منا ا ا نا عندي بناتي تؤم وحاطتهم في صف واحد ا الصراحه رابع صعبه حيل

 

[بناتي عيوني]

الله يوفق عيالنا وينجحهم ويطلعون من خامس

 

[كارلوفي فاري]

السلام عليكم. وبلش الشغل اليووم

 

[بناتي عيوني]

الدراسه الجديه راح تبلش يوم الاحد والله يوفق عيالنا

 

[الأميرة جوري]

تسلمين ام عبود

 

[أم عبووووود]

يعطيكم العافيه حبيباتي

ان شالله ربي يسهل ويعينا على تدريس عيالنا ولا يخسر التعب

طبعا احنا من اول يوم ابله الانجليزي طلبت موضوع من عشر اسطر عن سفرة الصيف
الكتب خذناها كلها كامله الا الحياتيه والحاسوب ماعطوا ولدي يمكن المدرسه بحصتها توزع

اللي مضايقني ان ماكو جدول والجنطه ثقيله وااايد عليه والله يعور القلب وهو شايلها

 

[يا كويتنا]

انا بنتي بخامس


ان شاء الله تجمعنا ايكون فعال ومتعاونين مع بعضً


اكثر ابلع مبلشه بقوه ابلت العربي


كل يوم تعطيهم جم صفحه تمارين بس الاحد ايبلش اول درس الا اهو سوره علا ما اظن


وبدت حركات اللي اتبط الجبد الابله اطلبت جم طلب تالي غيروا الابله

 

[shorok]

صبحكم الله بالخير كويتيات بصراحه ممكن انا اكثر وحده راح استفيد من هالتجمع لأني توني ناقله ولدي من الخاص الى مدرسة حكومة و احس نفسي ضايعه بالطوشه واياه و كاسر خاطري لأنه ضعيف باللغه العربيه و انصدم لما شاف كل المواد اللي يدرسونها بالعربي (علوم رياضيات اجتماعيات وطنيه) ،طبعا أول موقف صار واياه بالرياضيات عطوه اول درس انه يكتب الأرقام على طريقة العدد اللفظي انصدم و مافهم اساسا شنو معنى العدد اللفظي لما رد البيت اضطريت اشرح له الدرس بالانجليزي عشان يقدر يحله الله يعينا هالسنة ، ثاني شي للحين ما عطوه الخطة و الجنطه وايد ثقيله و اللي يعافيكم ابي اعرف جم كتاب عطوهم في كل المواد عشان اعرف شنو ناقصه

 

[بناتي عيوني]

الله يوفق اعيالنا ولايضيع تعبنا

 

[منيرة خالد]

السلام عليكم


اشكر مدرسة انجفه بالسالميه لجميع ستاف المدرسه من اول يوم تدريس وجدول وخطه دراسيه مجهود يشكرون عليه


بعض الكتب ما استلموها مثل الحاسوب والوطنيه والاجتماعيات



الرياضيات يبيله يبيله متابعه يوميه لانه اكثر من موضوع مع بعض الضرب وقراة الارقام بالملايين والعكس

 

[aroosalshemal]

انا ولد بخامس وان شاء الله ماتكون اصب من رابع

لان رابع حيل متروسه وصعبه

هالاسبوع قالولهم الاحد والاثنين مراجعه

والثلاثاء والاربعاء امتحان تقييمي من الوزاره واحتمال الخميس يكون اول درس ياخذونه

طبعا الامتحان بس جذي مراجعه للطلاب ما عليه اي درجه

مدرستنا مو شيئ جديد عليها عقب شهر يا الله يعطونهم الجداول

والرياضيات بدوا اول درس والله يسهل الامور

 

[محبة الجنة]

وانا معاكم ولدي بخامس وان شاء الله سهالات يارب

 

[عين عذاري @@]

السلام عليكم يا امهات أنا بعد معاكم بنتي بالصف الخامس والله يعينا معاهم ووفقها ووفق عيالكم قولوا امين

 

[بناتي عيوني]

الله يوفق اعيالنا وينجحهم

 

[JANAA]

السلام عليكم ورحمة الله وبركاته

انا ابني السنه خامس ويارب على خير كلهم ينجحون ويبيضون وجوهنا

 

[أم عبووووود]

حياكم الله خواتي اليدد بهالتجمع وان شالله راح نستفيد من بعض

اختي shorok
حبيبتي لاتحاتين وانتي معانا ان شالله الامور سهله وبسيطه بس لازم يتقوى بالعربي لان ان ماعرف يقرا ولا يكتب ماراح يسوي ولا شي فلازم تجابلينه من هالناحيه وباجي الامر سهالات الحمد الله

طبعا ان الحين كل المواد بلشوا الا الرياضيات غايبه صار لها يومين ياعل المانع خير

الشي اللي صدمني قاله لي ولدي ان عندهم ابله الله يسامحها قايلة لهم انا انصحكم تييبون مدرسين من الحين لان خامس صعبه وهو ياحياتي مخترع عاد مسكته وفهمته ان كل واحد ومجهوده اللي يجابل ينجح ويتفوق وقلت اخوك ربي يحفظه ان شالله كان الاول عالمدرسة بخامس وابيك تكون مثله والابله تلاقيها هي ماتعرف تدرس ولدها والحمد الله اقتنع والله يستر اذا في مدرسات جذي والمصيبه ان ولدها بخامس الله يستر عليه ويوفقه .

ربي يوفق عيالي وعيالكم ان شالله ولايضيع لنا ولا لهم تعب ويرزقهم بافضل المدرسين والمدرسات

 

[بقلبي انت]

والله اكره شي عندي الابله إلي تحبط الطالب والله مالج خلق تدرسينهم ليش صرتي مدرسه عشان المعاش اخر الشهر
والله بعض الابلات الله يهديهم لاذمه ولاضمير ماتعطي من وقتها للطالب تشرح وتفهم المعلومه
اتذكر العام ابلة بنتي العلوم كانت كل درس تشرحه تعطيهم فيه امتحان قصير وبصراحه حركتها عجبتني خلت بنتي تحفظ
دروس الكتاب اول بأول الحين اسم الله عليها بسادس يارب وفق عيالنا وبناتنا بدراستهم ويسرامورهم وسهلها ياكريم

 

[xxx]

السلام عليكم

عسى هالجمعية على خير والكل يستفيد

انا معاكم وبنتي بخامس كانت بالخاص وهالسنة نقلتها ووايد احاتي العلوم الرياضيات لانها دارستهم بالانجليزي

وللحين ماعطوها جدول وما اشوف عندكم خطة اسبوعيه ولا مايعطون ؟؟

 

[أم عبووووود]

والله اكره شي عندي الابله إلي تحبط الطالب والله مالج خلق تدرسينهم ليش صرتي مدرسه عشان المعاش اخر الشهر
والله بعض الابلات الله يهديهم لاذمه ولاضمير ماتعطي من وقتها للطالب تشرح وتفهم المعلومه
اتذكر العام ابلة بنتي العلوم كانت كل درس تشرحه تعطيهم فيه امتحان قصير وبصراحه حركتها عجبتني خلت بنتي تحفظ
دروس الكتاب اول بأول الحين اسم الله عليها بسادس يارب وفق عيالنا وبناتنا بدراستهم ويسرامورهم وسهلها ياكريم

هلا حبيبتي
والله انا معاج بهالموضوع ما احب التحبيط وتكسير المجاديف لان الطالب راح يكره الماده ويمكن المدرسة بكبرها .
هذا الشي يعتمد على المدرسة وضميرها ربي يسخرهم لعيالنا ان شالله
حاولي انتي تسوين لبنتج هالحركه لانها فعلا ممتازة انا جربتها مع بنتي والاسلامية الابله كانت تسوي لهم امتحان بدرسين درسين ووقت الامتحان بس مراجعه

ربي يوفق عايلي وعيالكم ان شالله