تجمع للسافرات الي سويسرا واوربا ؟ شنو أحلى شي شفتيه هناك ؟ و أحلي موقف صارلك ؟

[& الذاهبه &]

عشتووورة ممكن سؤال

 

[قلب عشتار]

عشتووورة ممكن سؤال

أمرى أم خالد ؟؟؟؟؟؟؟
خير ان شاء الله تونى اشبك انشغلت شوى_03ba:

 

[قلب عشتار]

ههه الظاهر سافرت أم خالد ؟؟؟؟؟؟؟؟؟

 

[& الذاهبه &]

لا ماساافرت بس انشغلت مع عياالي شوي


حبوووبه شوفي احنا بنكون انشاء الله بجنيف يوم الكرنفال ابي فندق قريب البحيرة وسعره بحدود الميه دينااار اوكي

وبعدها بنروح انترلاكن بعدين بنرجع جنيف ثلاث لياالي هني عااد ابي فندق بسعر معقوول وقريب تراام....ما ابيه غالي حيل

وشنووو الشي اللي شفتيه بسويسراا وعجبج حيل اي منطقة؟؟؟

رحلتناا 12 ليلة بشهر ثمانيه اذا الله يسر

 

[قلب عشتار]

شوفى بجنيف انا ماسكنت الا بفندق تشرشل ويم البحيره ما استخدمنا السياره بس ايب الغامت ؟؟؟ بس حماتى اسكنت حوالى عشرين يوم بجنيف مابين موفنبك اللى يم المطار 5نجوم وفيه باص مجانى للسوق والبحيره 24ساعه وبعدين اطلعوا منه وراحت فندق امدحته حيل فيه مول كبير ومحلات ومطاعم وعالبحيره (سويت هوتيل )فندق ومجمع ومطاعم وبحيره تحسفت انى ماشفته لانه لهينا بالمهرجان وكان كل شى مسكر ومطر
واحلى منطقه اعجبتنى ؟؟؟شوفى طلعى من جنيف روحى الى لوزان يوم وسوقها حلو وكله كويتين كشخه ومفتوح وفيفى ونواحيها, بعدين روحى لقريه مولسون وايييييييييييييييييييييد خيال طريجها وبحيرتها لونها ينن فيها زحلاقيات وقريه قديمه مصنع جبن وتلفريك لقمه جبل
في احد الشوارع تركى يبيع شاورما اخذو وحده وقعدوا اكلوها عند قمه تله وطالعوا البحيره اللى لونها يزوغ العقل والبيوت النايمه
بعدين عندك من جنيف تقدرين تروحين لشامونيه بفرنسا قريبه عليكم بالقطار اتفقوا مع الفندق يتصل ويظبط لكم روحه حقها لازم يسألكم الارصاد الجويه اذا كان زين الجو والا لا
بعدين بين لوزان وفيفى فندق اسمه كومفورت يسوى عرض عالعشا ربيان مشوى تطلبين غنشه يعطيكم الثانيه مجانى يابلاش ربيان جامبو طلبناه غنشتين ب30 دينار موهنى البوق نفسه كليناه بالهلتون طلع علينه 80 دينار رجعنا البيت يواعه
اذا ذكرت شى اقول لك

 

[& الذاهبه &]

مشكوره ياااقلبي انا حاطه عيني على الوارويك..شرايج فيه ووين صار سي اند اي بجنيف؟؟؟

 

[قلب عشتار]

وين الحلوات اللى سافروا هالسنه شنهى مواقفكم الطريفه ونسونا يالله

 

[قلب عشتار]

للرفع_03ba:

 

[فراشة لكويت]

الله ,,الله .على الموضوع
بصراحه رروعه ووناسه :ggdw::ggdw:
انا يا حلوات صارلي مواقف ووايد بس اللي اذكره انه هلسنه نفس الموقف يتكرر ليمن لاعت جبدي :eh_s(14):
احنا هلسنه رحنا المانيا ،هولندا ،وبلجيكا بس الاقامه الرئيسيه في المانيا بس السالفه اللي تحضرني الحين ؟
نفس سالفه المصريه اللي تبشر بلنصرانيه !!
اما انا هلسنه مابقى مبشر عربي بالمانيا مابشرني ... الا واحد فظيع وقثيث وكنت اشوي واذبحه ...!! السالفه مع هالمبشر يا محفوظات السلامه احنا سكنا وسط السوق وكل يوم ننزل ونتريق انا وريلي بنفس المطعم .:eh_s(6):
المهم مع ثالث يوم ياني هذاك الريال الابيض اللي تقولي عمره 58 او 62 المهم يا وقف جبالي بالضبط وقعد يطالعني ويتاتا حقرته جان ايي ويندسني على جتفي بعد ماشاف ريلي راح الجمعيه اللي مجابله المطعم
جان يقولي وانا ميته من الخوف المسيح ينتظرك لازم تتوبي للمسيح :eh_s(1)::eh_s(1):
انا جاي لاليك خصوصي
لاتقولين مسلمه والا مسيحيه انتي لازم تجي علكنيسه وتتوبي للرب وانا قسيس فيها وناطرك هناك ..!!!
وراح والله وقف قلبي من الخرعه وجراته واسلوبه الوصخ ,, اثاري الاخ (مالت عليه مايسوى اقول اخ ) مبشر نصراني سوري :eh_s(14):
ويوم يا ريلي قلبتها مناحه من الخرعه والاسلوب ..
اثاريه مينن ريلي من وصلنا .. يقولي ريلي بعد ما مات من الضحك :dddds: اشفيج خايفه ترى اللي اصادفهم من الكويتيين اهنيه يقوللي نفس القصه
لنفس الشخص ...!!! تدرون طلع يستقصد بس الكويتتين !!
يقول ريلي الضاهر انه نصاب وحرامي تبشيري .... _03BA:
بس
واذا تذكرت شي اقوله ,,, باي بنام

 

[قلب عشتار]

:ch12:نامى نامى واحلمى بالتنصيرى يتقلب على ويهه بنار جهنم ؟؟؟ موشايف هالخراب والايدز والاوبئه من جماعتهم وملتهم المحرفه الحمدالله والشكر
مشكوره عالمشاركه حبيبتى

 

[قلب عشتار]

ههه ما قامت فراشه الكويت ليما الحين انا اللى بنام ؟؟؟؟؟؟؟؟؟

 

[فراشة لكويت]

اهلين قلب عشتار
انا برنامجي بالليل على الاب توب لانه طول النهار هياته ولويه يهال ,,
المهم من المواقف اللي ما انساها ركبنا انا وربلي القطار بنروح من فرانكفورت الى كولون ومن الجيد قلنا بنروح الصبح ونرد بالليل والمسافه بعيد
ووايد انصحونا انه نام بكالون او ليله مايمد نرد وبالليل في خطوره .. المهم انا قلت بعلي خلنا ماسمع رحنا لكالون وافترينا لمصنع الكاكاو وشفنا الكنيسه اللي بدت منها الحرب الصليبيه على المسلمين .. وقلت لريلي خلنا نفتر بالسوق شوي ..
المهم ردينا واحنا بالطريج القطار اللي احنا فيه يوقف في ثلاث محطات قبل فرانكفورت واحنا قاعدين بالكراسي في صبي تقولين عمره 18 معانا ..
وقفنا بلمحطه الاولى ونزل الصبي جدامنا ..وبعد شوي جان اشوفه ياي من بعيد وقعد بنفس الكرسي!!!!!جدامنا نزل والحين بعد ما مشينا رد شلون ؟؟؟؟؟؟؟
اخترعنا انا وريلي والله وقفت قلوبنا من الرعب والله تقولون فيلم .. المهم تكرر الموقف لثلاث محطات ..
وما صدقنا نزلنا فرانكفورت ... جان يقول ريلي والله لعرف شنو القصه مايصير يني مستحيل ...
اثاري الصبي مينون ينزل من باب ويدخل من الباب الثاني في كل محطه ... والله اخترعنا ..

 

[قلب عشتار]

هههههههههه مينون ذرب ؟؟؟؟؟ ما عرفتوه من كشخته !!!!!!!! انا نفس الموقف فى شامونيه ريال طينه مبهدل ومينون وهدومه مرقعه من التشقق قاعد بحال سبيله ويوم مرت وحده كويتيه كبيره بالعمر نازله من جيبهم بتسأل عن فندق جدام ريلها وعيال ين اينونه وقام يسبها بالفرنسى وحط عذاريب الدنيا عليها وشنه من صجه ؟؟؟؟؟؟؟ والمسكينه يناديها ريلها تعالى ركبى خلينا نمشى وفرنسين بالكافيه يطالعون نصهم ساكت ونصهم ميت ضحك الله ياخذهم محد ياه وقاله عيب مايجوز هذيلى ضيوف ؟؟؟؟؟؟؟ سليحط

 

[فراشة لكويت]

لا اشوة الحمدلله
هذا ما تعرضنا ترى اهما طبعهم الوصخ مالهم شغل لوينذبح
احد جدامهم ...

 

[قلب عشتار]

زين وشين

 

[قلب عشتار]

مبارك عليكم الشهر

 

[قلب عشتار]

كل عام وانتم بخير بنات عدنا والعود أحمد
ها شنو مواقفكم وسوالفكم بسويسرا الحلوه مشتاقين لكم وين ام خالد ؟؟؟؟ شصار بسفرتك مالت اغسطس سولفيلنا عنها حبوبه رحتى اللى قلنا عنها
حياكم