تجمع للبنات اللي على طول الضغط عندهم نازل @ شنو الحل ؟؟ @

[@ الرسامة @]

السلام عليكم ورحمة الله وبركاته



بنات انا صارلي سنة على هالوضع ضغطي كله نازل
اعراضه بدت من عقب ولادتي القيصرية تبذلت فيها حيل


المهم

اعراضه اني ادوخ حتى بالسيارة وانا اسوق ودي انام وانا بالسيارة طبعا ماكنت ادري ان هذا يسمونه دوخة


بشرحلكم شنو وضعي

صداع لي درجة لحد يمر جدامي ما اقدر اشوف شي يتحرك
ابي انام طول الوقت
دقات القلب سريعة
انا نظري ممتاز بس الحين ما اقدر اشوف بالليل خصوصا لما اسوق وايد اتضايق من الاضاءة والحركة بالشارع
زغللة بالبصر



شريت جهاز الضغط وطبعا من سابع المستحيلات يصير طبيعي اللي اهو 80 على 120


انا ضغطي يوصل 44 تخيلوووووووووو ؟؟؟ على 106
واذا ممتاز يوصل لي 69 !!!!




سويت تحليل دم وطلع عندي الحديد نازل حيل وقاعدة اكل حبوب حديد
قاعدة اكثر من اكل الاملاح بس ماكو فايدة يصعد ويرد ينزل



شنو الحل ؟؟؟؟

 

[نبض السعاده]

رد : تجمع للبنات اللي على طول الضغط عندهم نازل @ شنو الحل ؟؟ @

الله يشافيج

بس حاولي تاكلين اكل مفيد انا جذي

اذا صمت اذا ماكلت شي ينزل عندي الضغط

التغذيه وانا ساعات اذا نزل اشرب لبن وروب

 

[@ الرسامة @]

رد : تجمع للبنات اللي على طول الضغط عندهم نازل @ شنو الحل ؟؟ @

نبض السعادة مشكورة على الرد
وانا قاعدة اسوي رجيم علشان وزني ينزل بس قاعدة اركز على اكل المفيد والخضروات والسوائل

وصح الصيام ياثر اول امس كنت صايمة ومن امس واليوم ضغطي مابين ال 44 وال47

 

[@ الرسامة @]

رد : تجمع للبنات اللي على طول الضغط عندهم نازل @ شنو الحل ؟؟ @

اب.
اب
اب
اب

 

[فانيلا]

رد : تجمع للبنات اللي على طول الضغط عندهم نازل @ شنو الحل ؟؟ @

هذا اسمه الهبوط

ماله اي علاج بس انج تدارين على عمرج بالاكل

يعني زيدي الاملاح في اكلج

وموضوعج وااايد مهم

وللرفع ان شاء الله نلقى حل

 

[@ الرسامة @]

رد : تجمع للبنات اللي على طول الضغط عندهم نازل @ شنو الحل ؟؟ @

فانيلا



الله يرفع شانج بين الناس يارب
مشكلتي حتى لو ازيد الملح يرتفع بس يرد ينزل
والله يشافي الجميع يارب

 

[SwEeT aPpLe]

انا مثلج بس اذا كليت يرد طبيعي ماينفعج غير الاكل ... يعني حتى مو زيادة الملح لاني كنت ازيد الملح وهم يوم يصير زين وعشرة لا .. عدلت الاكل والحلويات والسكريات قليلهم وان شاءالله الله يشافينا ..

 

[Angel_BElongER]

رد : تجمع للبنات اللي على طول الضغط عندهم نازل @ شنو الحل ؟؟ @

حبوبة انتي مو متابعة مع دكتور؟؟؟
يعني بس سويتي تحليل و خلاص؟؟؟


بالنسبة للضغط الطبيعي الرقم يختلف من انسان للثاني وهم يظل ضغطه طبيعي
الحين مو الضغط يكون عبارة عن بسط ومقام؟ >>>>>>> مدرسة رياضيات على غفلة

البسط يكون من 90 الى 145
والمقام من 60 الى 90

والنسب هذي^^^ طبيعية بس تختلف باختلاف الجنس والعمر والحالة النفسية والاجتماعية وغيرها

بس هم استشيري طبيب عشان تتطمنين اكثر

والله يشافيج ويشافي كل المسلمين ياااااااااارب

 

[رووز q8]

رسامه الله يعينا انا نفسج ويمكن العن

اربع وعشرين ساعه دايخه وبس ودي انام ، امس رايحه السوق اخلص لي جم شغله دخت وطحت عليهم بالمحل


مادري صراحه اتوقع ماله علاج ! تخفيف ذنوب ان شالله شنقول بعد =(

 

[فوشيه عجيبه]

up

up

up

 

[مملوحة_الوصايف]

رد : تجمع للبنات اللي على طول الضغط عندهم نازل @ شنو الحل ؟؟ @

انا شكلي بصير معاكم
امس قاعده والله او ايني صداع من الساعه 10 لي الساعه 12 احس شي يندح براسي من داخل والله جنه شي ينبض وعورني انا مادري شنو عبالي عادي راسي يعورني شوي او بروح خذيت بندول ماكو فايده خذيت ثاني او حاولت انااام ماكو يوم رحت الطبيب ولا يقولي ضغطج نازل اول مره احد يقولي جذي عمررره ما صار معاي جذي لا ضغط نازل ولا مرتفع انا انصدمت امبي من متى او عطاني ابره ترفع الضغط او قالي اكلي موااالح او بعد يومين ردي قيسي الضغط عندج ياربي مادري من وين طلعتلي سالفة الضغط هذي بنات يمكن انتو اخبر الي صارلي هذا ممكن يصير على طول ولا مؤقت لاني قاريه ان مرات يكوون مؤقت اذا انتي من قبل ما تشكين منه او صار فجأه صج ولا .؟؟؟؟؟؟؟؟؟؟؟؟

عاد اليوم جذي شربت مرتين لبن اب لان مالح او هم حطيت معاه ملح شويه او خضيته قبل لا اشربه
وانا قريت هني بعد وبمنتدى ثاني عن الكركديه الحار وايد زين حق انخفاض الدم او المرميه بعد وانا اعتقد كله مرتبط بالتغذيه بالدرجه الاولى
والله يشافينا وشافي مرضى المسلمين يارب

 

[@ الرسامة @]

رد : تجمع للبنات اللي على طول الضغط عندهم نازل @ شنو الحل ؟؟ @

مملوحة
انا يحوشني صداع ما اقدر اركز والحين من بديت اداوم عقب العطلة وانا على طوووول دايخة ونايمة وعلى طاري اللبن كاهو بلشت اشربه وازيده ملح على الاقل يخف الصداع وانتي حطي بالج على عمرج انا من الهبوط حايشني صداع مزمن



‏​‏​‏​‏​‏​‏​‏​​‏​‏​‏​‏​‏​‏​‏
‏​‏‏​‏​‏​‏​‏​‏​
‏​‏​‏​‏​​‏​‏​‏​‏​‏​‏​‏
‏​‏‏​‏​‏​‏​‏​‏​‏‏​‏‏​‏​‏​‏​‏​‏​‏
‏​‏​‏​​‏​‏​‏​‏​‏​‏​‏

 

[@ الرسامة @]

رد : تجمع للبنات اللي على طول الضغط عندهم نازل @ شنو الحل ؟؟ @

فوشية مشكورة على الرفع




روز
الله يعينج انزين بسالج شلون عيونج بلليل تقدرين اتسوقين سيارة
انتي وضعج مثلي بس نبي البنات يفيدونا شنو نحط بالجنطة من اكل سبحان الله ادوخ او اصدع الا لاقية اكل بجنطتي



انجيل
انا مراجعة بس المستوصل مارحت حق تخصصي لاني بصراحة حيل مهملة بعمري بس لازم اراجع الحين خلاص صايرة وايد اتعب واطبة المستوصف مايبردون الجبد وبالنسبة للضغط انا ضغطي حيل نازل والطبيعي ترى ما يكون ولا يوصل لوضعي *

 

[@ الرسامة @]

رد : تجمع للبنات اللي على طول الضغط عندهم نازل @ شنو الحل ؟؟ @

سويت
الله يشافيج يارب انتي مثل وضعي الاكل مايفيدني حيل مجرد ساعة او اكثر شوي وبعدين ينزل انزين شنو علاقة الحلويات بالسالفة

 

[7atoto]

الله يشفيكم وايد ناس يحوشهم هالشي ورا ولاده!!
الرسامه انتي بولادتج الاخيره كان ضغطج مرتغع؟؟ وولودوج؟ مره قريت خبر ان اغلب الامهات اللي يصير معاهم ارتفاع بالضغط وقت الحمل بعد الولاده يعانون من انخفاضه
بس اكيد في حل مثل ما الضغط العالي في لهم حل

 

[غرشة عطر]

شوفي باقولج قصتي مع الهبوط اللي يوصل عندي 80 علي 50 قوووويه
اول مره جاني كنت بالحج قبل 10 سنين من الارهاق والتعب وقل النووم اول مره يجيني هالشي تخيلي اتشهد والناس حواليني اسمع صوتم يهفن علي واصرخ علي بالي اني مت وحماتي تقول عيونج طارت فوق علي بالنا ميته قعدوا يبجووون ديروا بالكم لاتستهينون بالهبوووووووووووط وعلي طول ماقصروا عطوني ملح بقلاص سفن بسرعه شربوني وحده بوحده <<<<<منقذذذ اول شي تشربونه اول مايجي الهبوووط يرفعه بدقيقه ،،،،واستمريت علي هاحال لي قبل شهر تدرون وين عالجت وتحسنت



























الدكتور سراج الموسوي بسيتي سنتر السالميه مكانه فوق عند المطاعم محله جنه صيدليه عنده جهاز كشف علي كل الجسم نفس دكتور الشافعي بالبحرين راحت له ام رفيجة اختي واهي اللي قالت لي عنه امها انشلت فجاه وماخلت طبيب وراحت له استمرت علي علاجه 3 شهور وقامت تمشي وتحرك نفس قبل جزاها الله خير يحط الوايرات عليج يشوف شنو علتج من راسج لي اصابع رجلج بالكمبيوتر قال لي انتي علي طول يجيج هبوط قلت اي !!!!!!!!قال مثانتج موزينه فعلا علي طول التهاب بالبول عزكم الله وكلاويي تعورني ومضادات ومغذيات قال انتي مثانتج تصرف كل الاملاح بجسمج ماتبقي ولاشي فبجذي يصير معاج هبوط عطاني حبوب اعشاب كباسيل شهر بس وتحسنت والله برمضان علي طول هبوط بس علي الله ثم علي الدكتور تحسنت وماعاد يجيني هبوط ولادوخه ولاينمل جسمي طبعا في اشياء ثانيه قال لي عنها انا معاي بالاساس ديسك والم برجلي قالي نقص كالسيوم حاد وفيتامين دال فعلا انا ماشرب حليب من كنت صغيره بالروضه <<<أمي تقول لي
عطاني علاج دروفين للمفاصل والاحتكاك والحمدلله ياااااااااااااااااااااااارب علاجه وحده بوحده والكالسيوم استمر عليه شهرين وعقب شهر مراجعه مجانيه
كلفني الجهاز والعلاج 45 دينار بس ابي دعواتكم ولايطوفكم هالدكتور علاجه وتشخيصه وعنده ززحمه ويستقبل الساعه 5 الي 8ونص وهذا رقمهم 99699235

دعواتكم لي بالشفاء من الورم واتمام عمليتي علي خير

 

[a3gl-5bla]

انا بعد يحوشني مرات الهبوط لما اتكون يايتلي الدوره اكثر شي
خصوصا ثاني يوم, لي درجة اني اقول حق رفيجاتي ترا يايتني الدوره يعني تزهبوا حق الطيحه!!

ارجف وايد و صدااع غير طبيعي و احس نفسي تعبانه و متكسره و مالي خلق شي و اتنفس بسرعه و قلبي يررررقع حييل

والله حتى ظهري تكسر من كثرة طيحاتي بس الله يستر

 

[مملوحة_الوصايف]

رد : تجمع للبنات اللي على طول الضغط عندهم نازل @ شنو الحل ؟؟ @

مملوحة
انا يحوشني صداع ما اقدر اركز والحين من بديت اداوم عقب العطلة وانا على طوووول دايخة ونايمة وعلى طاري اللبن كاهو بلشت اشربه وازيده ملح على الاقل يخف الصداع وانتي حطي بالج على عمرج انا من الهبوط حايشني صداع مزمن



‏​‏​‏​‏​‏​‏​‏​​‏​‏​‏​‏​‏​‏​‏
‏​‏‏​‏​‏​‏​‏​‏​
‏​‏​‏​‏​​‏​‏​‏​‏​‏​‏​‏
‏​‏‏​‏​‏​‏​‏​‏​‏‏​‏‏​‏​‏​‏​‏​‏​‏
‏​‏​‏​​‏​‏​‏​‏​‏​‏​‏

اي خلج على لبن اب او زيديه شوية ملح زين او حتى السفن زين مثل ما قالت غرشة عطر او مرضنا احسن من غيرنا وان شاءالله الله يشافينا :yaaaaaarb:

 

[Xal_mohrahX]

رد : تجمع للبنات اللي على طول الضغط عندهم نازل @ شنو الحل ؟؟ @

^^^^

يووووووووووووه يا الهضغطه اللي مسببلي ازمه

كل يوووووووم وهو هابط والله صرت ربيانه امشي واتصرع ما اقدر امشي ادووخ والدنيا تظلم وعوااار بالراس حدث ولا حرج

ورحت الطبيب وبشرني بالبشاره انه ماله علاج الهبوط

بس في قطره ومو موجوده بالكويت ويقول ما انصحج فيها

واحنا عندنا سستر بالبيت لم اتقيس ضغطي ويكون هابط على طول تقول للخدامه تسيويلي اكل ماااااااااااالح وتشربني لبن او روب وتزيده ملح << كرهة هالروتين

بس يلا ان شاء الله تخفيف ذنوب

والله يشافينا ان شاء الله


&&&
&&
&

 

[Turquoiseya]

حبيبتي ماتشوفين شر
هذا من ضغوطات الدوام

العام صكني هبوط الضغط 3 مرات والسبة الدوام وهواشاتي مع رئيسة قسمي اللي تبي تكتب بحصتي انتقادات مو موجودة

علاجج الراحة وان بالج يكون هادئ وريلاكس