تجمع لكل اللي حملوا بعد رحلة علاج طويلة

[اسيرة زوجها]

السلام عليكم


شلونكم بنات


نبي نسوي تجمع لكل اللي تموا فتره طويلة بدون حمل والله اكرمهم بس بودي يقولون لنا وين كانوا يعالجون وجم تموا يعالجون
وشنو كانت مراحل علاج عشان نستفيد من تجاربهم نتلافى الاخطاء اللي طاحوا فيها ونفرح معاهم بفرحتهم وايضا ندعي لهم بتثبيت حملهم انشالله

 

[مطرب84]

جزاك الله خير على الموضوع انا اعالج عند شراره والحمدلله حملت بعد سنة 3 شهور بس للاسف تعورت بعد 6اسابيع والحين انطر انشالله احمل باسرع وقت يارب .......

لاتنسوني بالدعاء....

 

[ام مهدي]

انا كنت اعالج عند الدكتورة فوزية القطان عالجت زوجي كان فيه التهاب ومشاكل في السائل المنوي وكان عندي هرمون الحليب مرتفع وعطتني حبوب نزلت الهرمون وحملت بد سبع شهور والحين عندي ولدي الله يحفظه صار عمره سنة وشهرين والف الحمدلله والشكر على نعمته والله يعطي كل محرومة باذنه الواحد الأحد ويفرج عنكم ويفرحكم بشوفة الضنا قولوا آميييين يارب العالمين

 

[ombaza]

يوم كانت بنتي عمرها سنتين ونص قررت احمل بس تاخرت تقريبا سنه راجعت بالصباح وكل تحاليلي كانت زينه الحمدالله مافيني شي ويوم حولوني اطفال الانابيب عشان اسوي تلقيح صناعي اليوم اللي رحتعشان ابطل ملف واسوي تحاليل كانت متأخره علي اسبوع او اكثر بس ماهتميت لانها تتأخر علي من النفسيه وحنت علي السستر حللي تحليل حمل قبل سويته وانا مو مهتمه وحتى خذت النتيجة وماشفتها وديتها لها جان تقولي حااامل انا وريلي سوينا فلم
بس انصح البنات قبل لاتراجعين بالخاص وتقطين همجة فلوس سوي تحاليلج واشعة ملونة مالت قناة التبويض بالصباح لانهم يسونهم لج بدون تاخير وحتى التلقيح صراحه وايد زين هناك

 

[اسيرة زوجها]

يعطيج لعافيه عالموضوع الحلو

وانا ناطره الردود عشان استفيد

ان شاء الله يثبتون الموضوع

الله يعافيج حبوبه
وانشالله يفيدونج البنات
وانا بعد مثلج اتمنى يثبتون الموضوع عشان الكل يستفيد

 

[اسيرة زوجها]

جزاك الله خير على الموضوع انا اعالج عند شراره والحمدلله حملت بعد سنة 3 شهور بس للاسف تعورت بعد 6اسابيع والحين انطر انشالله احمل باسرع وقت يارب .......

لاتنسوني بالدعاء....

انشالله الله يعوضج بالذريه الصالحه عاجلا وليس اجلا يارب العالمين
واخذي حبوب فوليك اسيد واذا كنتي متين نقصي وزنج واهم شي اكلي عدل قبل الدوره وبالدور عشان تكون بويضتج اوكي واذا فيج فقر دم او التهاب بالبول او المهبل لازم عالجنه واذا الله كتب لج الحمل انشالله ديري بالج على روحج

 

[اسيرة زوجها]

انا كنت اعالج عند الدكتورة فوزية القطان عالجت زوجي كان فيه التهاب ومشاكل في السائل المنوي وكان عندي هرمون الحليب مرتفع وعطتني حبوب نزلت الهرمون وحملت بد سبع شهور والحين عندي ولدي الله يحفظه صار عمره سنة وشهرين والف الحمدلله والشكر على نعمته والله يعطي كل محرومة باذنه الواحد الأحد ويفرج عنكم ويفرحكم بشوفة الضنا قولوا آميييين يارب العالمين

الله يحفظه لج انشالله ويبارك لج فيه والله يسمع منج انشالله ويرزق كل محرومه

 

[اسيرة زوجها]

يوم كانت بنتي عمرها سنتين ونص قررت احمل بس تاخرت تقريبا سنه راجعت بالصباح وكل تحاليلي كانت زينه الحمدالله مافيني شي ويوم حولوني اطفال الانابيب عشان اسوي تلقيح صناعي اليوم اللي رحتعشان ابطل ملف واسوي تحاليل كانت متأخره علي اسبوع او اكثر بس ماهتميت لانها تتأخر علي من النفسيه وحنت علي السستر حللي تحليل حمل قبل سويته وانا مو مهتمه وحتى خذت النتيجة وماشفتها وديتها لها جان تقولي حااامل انا وريلي سوينا فلم
بس انصح البنات قبل لاتراجعين بالخاص وتقطين همجة فلوس سوي تحاليلج واشعة ملونة مالت قناة التبويض بالصباح لانهم يسونهم لج بدون تاخير وحتى التلقيح صراحه وايد زين هناك

انا هم بعرف شلون اوصل للصباح اذا رحت للمستوصف يقولون لي روحي الرقه امراض نسا والصراحه مارحت لاني معرف اي يوم العياده ومادري اذا يعطوني تحويل على طول ولا اروح الصباح بدون اي شي(تحويل)؟

 

[اسيرة زوجها]

ام بازا

انا الصراحه ابي اوصل مستشفى الصباح ماني قادره

المستوصف حولني مستشفى العدان وللحين ناطره موعدي يوم الثلاثا

اذا وصلتي له قوليلي شلون لا ودي اروح له اذا احملت هالشهرين ؟؟

 

[أثير الورد]

الله يرزقج يا اختى

 

[أغصان]

أنا بعد حولوني المستوصف للعدان وعطوني موعد يوم بتاريخ 25
وان شاءالله يصير خير ويستعجلون بتحويلي للصباح والله يعين

 

[أحلى عيون]

انا بصراحه من صار على زواجي 7 شهور وانا اعالج ليما وصلت الى 8 سنوات اول شي بمستشفى الفروانيه وعطوني ابر ليما صار فيني تهيج وترقدت في المستشفى وقعدت اسبوع فيها وحملت وتعورت لي 3 شهور من الحمل وبعدها ارتحت سنه وبعدين رحت لدكتوره عاليه الفضلي اخذت مني تقريبا الف دينار وما صار شي وبعدها رحت لدكتوره العراقيه والله نسيت اسمها الى عيادتها مقابل عياده فوزيه العوضي المهم واخذت مني تقريبا 800 دينار وما صار شي وبعدها حولت نفسي الى مستشفى السلام عند دكتور محمد صلاح واخذ مني تقريبا 500 دينار وسويت تلقيح صناعي عنده مرتين وماصار شي

واخر شي اختي في مستشفى الفروانيه تشتغل سوت لي تقرير عن حالتي وبعدها حولوني الى الصباح وواخذوا مني تحاليل انا وزوجي وسويت عندهم تلقيح صناعي حملت ولكن الله مااراد واجهضت وانا لي شهرين وكرروا التلقيح لقايه 12 مره ولله الحمد اخر مره حملت وعطوني تحاميل تثبيت والحمدلله ربي رزقني ببنتي الله يخليها يارب

وقعدت 3 سنين قالت لي اختي انه حماتها سافرت للاردن عند دكتور زيد الكيلاني وبالعطله الكبيره سافرت انا وزوجي وبنتي وسويت اطفال انابيب اخذ علي 2000 دينار ولله الحمد والمنه ربي رزقني بولدي ربي يحفظه

وبعدها قعدت 3 سنين وسافرت بالعطله الي راحت ودفعت مره ثانيه 2000 دينار وسويت اطفال انابيب وحملت ويوم وصلت للكويت اجهضت وانا حاليا قلت ارتاح وانشالله بعطله الصغيره ابي اسافر وارجع الاجنه ادعولي ربي يرزقني لاني فعلا تعبت والله وانا مشكلتي مااحمل الا باطفال انابيب

ربي يرزقني ويرزق كل محرومه يارب العالمين

 

[ماما فله]

أنا حملت عقب 3 سنوات بالبدايه رحت لعاليه الفضلي وللأسف طلعت انسانه تجاريه آنا رحت لها ببداية زواجي أعاني من التهابات وعطتني أبر الدنيا وهذا غير نفسها الخايسه جني يايه أطر منها أنا داشه بفلوسي مو بلاش المهم عقبها رحت حق مهجه وللأسف الطب واقف عنده علاجها متوقف عند كلوميد وأبره أخذها قبل الجماع وأخرها شككتني بريلي قالتلي انتي ما فيج شي العيب بزوجج بعد عمري ريلي ، عقبها قعدت فترة مقتنعه بكلامها ٌن ما فيني شي ، لفتت نظري اعلانات دكتوره هدى الزكري رحت عنده راجعت عنده من شهر سبعه السنه اللي طافت وبعدين فكرت أروح الحج بلغتها قالتلي عقب ما ترجعين نكمل كورس العلاج رجعت شهر واحد وكملت العلاج شهر 3 هالسنه حملت ولله الحمد وما صارلي شهر من ولدت والله لا يحرم كل إنسانه من شعور الأمومه والله يرزق كل محرومه ويحفظلي عيالي من كل شر ويخليهم ويخليلكم عيالكم ولا تيأسون من رحمة رب العالمين والله يفرح قلب كل محرومه بالحمال اللهم آمين

 

[أثير الورد]

عسى ربى مايحرمنا

 

[أغصان]

هلا حبيبتي حمامه
الحمدلله رحت لموعدي أمس ودخلوني عند دكتوره اسمها بلافي رايزادا بغرفه 7
وأخلاقها عسل صارت تسألني عن رحلة حياتي أقصد علاجي خلال التسع سنوات وسألتني اذا أنا سويت منظار لأنابيبي اذا هي سليمه ولا لا
قلتلها لأ ماسويت قالت خلاص احنا بنسويلك تحاليل وبنسويلك منظار عندنا واذا خلصنا كل التحاليل والفحوصات راح نحولك لمستشفى الصباح
قلتلها اوكي وسوت لي فحص مهبلي واخذت عينه وقالت وديها للمختبر وقالت فيك التهاب خفيف وعطتني تحميله
المهم قالتلي متى آخر دوره قلتلها في 18 \ 11 قالت خلاص سوي تحليل في اليوم الـ 21 قلتلها اوكي
وبعد ماطلعت من المستشفى وحسبت متى يصادف اليوم الـ 21 لقيته يصادف يوم الجمعه !! توهقت !!
شلون بسوي تحليل ؟ أقدر اجيهم يوم الخميس قبلها ولا اجيهم يوم الاحد ؟

 

[هندااا]

هلا اختي أغصان .....انا راح اجاوبج....بدام التحليل يصادف يوم الجمعه لازم اتسوينه الجمعة وروحي المختبرات ...مثل المختبر الألماني يفتح الجمعة...انا لمن رحت الصباح عطوني التحاليل وصادف تحليل 21 الجمعة وسويته بالمختبر الالماني..

 

[Snow-White]

اغصان ترى يقعدون المستشفيات بالعطل.. انا جم مرة صادف تحليلي الخميس ايام عطلة الخميس كانو قاعدين.. والحين على عطلة السبت هم قاعدين..انا كنت اروح اسوي سونار هناك

 

[أغصان]

هلا اختي أغصان .....انا راح اجاوبج....بدام التحليل يصادف يوم الجمعه لازم اتسوينه الجمعة وروحي المختبرات ...مثل المختبر الألماني يفتح الجمعة...انا لمن رحت الصباح عطوني التحاليل وصادف تحليل 21 الجمعة وسويته بالمختبر الالماني..

هلا حبيبتي هندااا
انا جا على بالي اروح لمختبر بس قلت يمكن مستشفى الحكومه ماتقبل فيه !!
بس وين مكانه المختبر الألماني ؟ وكم سعره التحليل ؟

ومشكووره ياقلبي على ردج

 

[أغصان]

اغصان ترى يقعدون المستشفيات بالعطل.. انا جم مرة صادف تحليلي الخميس ايام عطلة الخميس كانو قاعدين.. والحين على عطلة السبت هم قاعدين..انا كنت اروح اسوي سونار هناك

هلا حبيبتي
اذا جذيه يمكن اروح لهم الصبح اذا فاتحين سويت التحليل عندهم
واذا مو فاتحين اروح للمختبر اسوي التحليل
وعلى فكره طلع يصادف يوم الـ 21 يوم السبت لأن الشهر 30 مو 31 بس هم طلعت عطله :dddds:

وجزاكم الله كل خييييييير يااااااارب
ويرزقكم ماتتمنوووون

 

[هندااا]

هلا غصونة.........



المختبر الالماني بالجابرية يم ماكدونالدز....وتحليل البروجستيرون (21 الدورة) ب10 دنانير....اخذي الرقم من البداله