تجمع طالبات رابعة ثانوي مسائي 2011-2012 حياكم

[Malak_galbi]

السلاام عليكم ، عفيييه بنات فيدوني ! تنصحوني أحول مسائي ؟ ! ويساعدؤون ولا لا ؟ ومنوو أحسن الرابيه ولا رزينه ؟أو إذا في غيرهم بمنطقه الرابعه ؟ ابي جواب عن تجربه عفيه ! !
وأنا ع نظام التراكمي ، إذا عدت 12 شلون على درجات 10 و 11 صج تتكنسل ويأخذون بس مجهود 12 ؟ وصج الأعمال 30 %و الامتحانات 70% ؟

والمسائي يبيله تعب مثل الصبح ؟ ولا أخف ؟

والله يوفقناا يإااارب وفرحناا بالنسب الحلووه

حبوبه انتي تدرسين صباحي والا ماتدرسين او شنوووو

احنا راح يحسبون لنا 100% بسنه رابعه بسس شلون توزيع الدرجات بعدنا مانعرف

واكيييد يبيله تعب ومجابل ودراسه وتركيز

امييين ياااارب :yaaaaaarb:​

 

[عذبة الأطبااع]

بنات من احصل مذكرات المرشد ؟

 

[aNa mNe]

أنا عمري 19 كنت صباحي يعني عدتها مره وهذي الثانيه ف مفكره أحول مسائي
اهو أكييد يبيله تعب وتركيز بس قصدي كثر ضغط دوام الصبح ؟ أنا سمعت أنه اشوه ودرجات الأعمال مضمونه وامتحانات الفتره من المدرسه بس الفائنل إلي نمتحن الصبح ، ،

ومتى إخير وقت للتسجيل ؟ واللي عنده فكره عن منو أحسن الرابيه أو رزينه أو غيرهم بالرابعه ؟

 

[aNa mNe]

دوام من ساغه جم لي جم !

 

[توت1]

بناااااااات بلييييييييز نبي موضوع خااااااص للاسئله الهامه في الثانويه العامه 12
يعنى موضوع اللي تشارك فيه تحط اسئله مهمه لاي ماده اخذتها من مدرستها او من مدرسه خاصه اوووو من وحده بلييييييييز وبدون ردود مثل شكرا ويعطيج العافيه نبي كل المشاركات في الموضوع تكون مهمه منووووو تسوي الموضووع ؟؟

 

[M!Ss Un!VerSe]

مفاهيم الخجل انا طلبوا مني غير هالطلبات صورة الجنسية و الرقم المدني مال الوالد والوالده..
مع ان البنات يقولون ماطلبو منهم بس اخذيهم احتياط..

 

[Malak_galbi]

عذبه الاطباااع

ماعندي خبر والله

 

[توت1]

الدوام الساعه 4 ويخلص ايام 9 وايام 9 ونص

 

[Malak_galbi]

مس

اناااا اخذوو صوره لبطاقه ابوي المدنيه
قالت لازم حق شنووو ماادري


aNa mNe

التسجيل مستمر لي 3-10
ومااعرف عن الرابعه والا جان ساعدتج

على كلامهم ان المسائي يساعدون للامانه ماادري اول سنه ادرس وانا الوحيده اللي بالعايله ردت تدرس
بسس انتى نظام اليديد يعني عندج معدل تراكمي مو مثلنا ماادري شلون يحسبونها لج واذا يصير او لا
انتى روحي للمنطقه التعليميه وسالي عن كل شي


بالنسبه للدوام من 4وربع لي 9ونص الاحد والاثنين
و4وربع لي 9الا عشر او 9 وعشر باجي الايام على كلام البناااات



عسى ربي يوفقنا

 

[توت1]

ام مشعل خلي تجمعنا في الليل بعد الدوام

قبل الدوام يالله نلم حوستنا خخخخخخخخ

 

[Malak_galbi]

توت

صح كلامج قبل الدوام ماكو وقت
بعد الدوام التحلطم والسوالف تطلع لووول
عسى الله يوفقنا ياااارب

يالله تصبحون على يوم يديد وخير وموفقين كلكم يالغالين

 

[aNa mNe]

أمييييين
بروح باجر ان شاء الله ؤبشوف
بس بخصوص المواد الأخياريه إلي ترفع المعدل و الالعاب وجذي ماكو صح ؟

 

[قطعة حلا2]

مرحبا بنات كيفكم ان شالله بخير وان شالله مستعدين لدراسه,,,وحشتوني وحشتوووووووني
حيييييييييييييييييييييييييييييييييييييييل....بنات انا مسائي ودرست 11 ادبي السنه اللي طافت واللحين الله يستر من رابعه بصراحه حدي خايفه واللي زاد الطين بله انه الغو الفتره الاولى والثالثه وهي اللي كاانت ترفع نسبنا فووووق,,,
ملاك قلبي انتي وياااي بنفس مدرستي ومدرستنا حلوه بس لو اللله يفكنا من البنات النحسات كان حنا بخير بس حابه اقولج انج نفس اختي احسبوا لها من 100 وعاد اختي داجه وكله غياب تخيلي جابت نسبه ماتوقعنها جابت 83 مشالله تبارك الله,,,بس اللي رفعها الفترتين 1و3 وعاد على حظي مافيه,,,
وبكره ماراح اداوم لانه لافيه كتب ولاشي لان يوزعون الكتب اول لصباحي وبعدين احنا بعدهم باسبوع تخيلي,,,بس انا خذيت كتب اختي واوارقها عشان كذا ماراح اداوم الا الاحد ان شالله,,
بنات ادري قرقرت وااايد بس بسألكم بما اني متزوجه وام لطفلين كيف اقدر اخصص وقت للمذاكره تكفون علموني ابي اجيب نسبه عاليه خبركم النسب ارفعوها واحتمال يرفعونها بعد مانتخرج,,,يالله بنات علموني فديتكم

 

[قطعة حلا2]

بنات ترى ماعندنا مواد اختياريه والعاااااااااااااااااااب بس حاسوب اللي عندنا وسهل حده,,,

 

[Malak_galbi]

قطعه حلا


صدمتيني صدمه عمرررررري
ليييييييييييييييييش ماكو فتره اولى وثالثه من صججججج تتكلمين منووو سألتي


انتى علمي او ادبي

زين يعني يساعدون المدرسااااااات

 

[قطعة حلا2]

بنات ولا عليكم امر بغيت الصوره حقت تجمعنا ابيها في توقيعي ههههه تراني عليميه,,,منو تسوي لي الله ينجحها وويوفقها وتجيب نسبه 99%

 

[عذبة الأطبااع]

مرحبا بنات كيفكم ان شالله بخير وان شالله مستعدين لدراسه,,,وحشتوني وحشتوووووووني
حيييييييييييييييييييييييييييييييييييييييل....بنات انا مسائي ودرست 11 ادبي السنه اللي طافت واللحين الله يستر من رابعه بصراحه حدي خايفه واللي زاد الطين بله انه الغو الفتره الاولى والثالثه وهي اللي كاانت ترفع نسبنا فووووق,,,
ملاك قلبي انتي وياااي بنفس مدرستي ومدرستنا حلوه بس لو اللله يفكنا من البنات النحسات كان حنا بخير بس حابه اقولج انج نفس اختي احسبوا لها من 100 وعاد اختي داجه وكله غياب تخيلي جابت نسبه ماتوقعنها جابت 83 مشالله تبارك الله,,,بس اللي رفعها الفترتين 1و3 وعاد على حظي مافيه,,,
وبكره ماراح اداوم لانه لافيه كتب ولاشي لان يوزعون الكتب اول لصباحي وبعدين احنا بعدهم باسبوع تخيلي,,,بس انا خذيت كتب اختي واوارقها عشان كذا ماراح اداوم الا الاحد ان شالله,,
بنات ادري قرقرت وااايد بس بسألكم بما اني متزوجه وام لطفلين كيف اقدر اخصص وقت للمذاكره تكفون علموني ابي اجيب نسبه عاليه خبركم النسب ارفعوها واحتمال يرفعونها بعد مانتخرج,,,يالله بنات علموني فديتكم

شنو الفترة الاولى والثالثة اللي ألغوها ؟ يعني ماعندنا امتحانات نص السنه ؟ مافهمت :eh_s(2)::eh_s(2):

 

[قطعة حلا2]

ملاك,,,الخبر انا قريته في الجريده ياقلبي والله لو اعرف اجيب الرابط كان جبته وكان نازل في 9/5 قبل ثلاث شهور,,,انتي ادخلي قوقل واكتبي قرار الغاء الفترتين 1و3 ويطلع لج,,,وعلا كلامهم الغوه عشان يشيلون الظغط الدراسي عن الطلبه وخلو بس امتحانت قصيره ووالله انا انصدمت مثلج واكثر,,

 

[Malak_galbi]

انا اعلمج

اول شي تروحين على الصوره وتضغطي الزر الايمين للفأر لوووول حلوه
وتروحي حق اخر كلمه خصائص وتسوين نسخ حق رابط الصوره وبعدها تروحين حق لوحه التحكم مالتج

تلاقين على اليمين وايد اشياء من بينهم تعديل التوقيع
ضغطي عليها راح يطلع لج مربع نفس مال الرد في المواضيع

شوفي من بين الادوات اللي فوق في مربع داخله جبل وخلفيه صفراء وشمس
اضغطي عليه وحطي رابط الصوره فيه وبعدين اوكي

وبعدين حفظ التوقيع ويطلع لج


اتمني يكون شرحي واضح

وعسى الله يرزقني بالنسبه 99 ان شاءالله ليش لا

 

[قطعة حلا2]

انا ادبي,,,والابلات حبوبات حييييييييييييل بس ابلات الصبااحي اف منهم قشرات حدهم لان حنا في الفتره 2و4 نمتحن صباحي فتشوفين الابلات حاطين علينا مدري ليه,,