تجمع طالبات رابعة ثانوي مسائي 2011-2012 حياكم

[ام مشعل المطيري]

مبروك للناجحين هم السابقون ونحن اللاحقون وان شاء اللة نفرح مثل مافرحوا يابنات هذا تجمع حق البنات اللي تبي تعيد او تدرس رابعة انا عن نفسي خريجة مقررات وسألتهم يصير اعيد رابعة وقالولي الحمدللة يصير انا متزوجة وودي اجيب نسبة وخايفة ماجيب بحكم البيت وعيالي وصارلي خمس سنين ع الدراسة فقلت نسوي هالتجمع نفيد غيرنا ونشجع بعضناونشوف المدارس اللي فيها المسائي ونساعد بعض انا بالمنطقة الرابعة كل وحدة تدخل تقول اي منطقة وجم صارلها سنة متخرجة وحياكم اللة:eh_s(9):

 

[** مفاهيم الخجل **]

هلاااااااا

انا بعد بعيد رابعه وعندي دبلوم ودفعة 2007

وعلمي والله خايفه احس اني ناسيه كل شي الله يستر ويسرها يارب

اممممممم اي انا بالمنطقه العاشره والله يكون بعونا


اي صج متى التسجيل ؟؟؟

 

[بنت عطا]

بنات التسجيل يكون على بدايه الدوام شهر٩ دربالكم لايطوفكم جنه بس شهر يعني لين شهر١٠ ويصكر ويكون بالمنطقه التعليميه اللي عليها بطاقتج

وكل المطلوب اهم راح يقولون لكم عنه وطبعا في قسم تعليم الكبار

ولاتخافون سهالات انامتزوجه وعيال والحمدلله هالسنه تخرجت وبنسبه حلوه اهو على الوحده وحرصها عالدراسه وقوه عزيمتها اللي عندها هدف تحققه ان شاءالله وتوكلوا على الله

 

[بنت عطا]

حبيبتي مفاهيم حتى لو ناسيه كل شي انتي بتدرسين من جديد مع الابله درس درس يعني لاتحاتين

 

[سكون الورد]

بالتوفيق ان شالله

سهالات ومتعه والايام تعدي بسرعه
بس شدو حيلكم ولا تحاتون ^.^ انا طالبة مسائي والحمدلله نجحت وبتفوق
وقدمت ع الجامعه الحين وان شالله انقبل بالقسم اللي ابية

ودعواتنا لكم بالتوفيق

 

[سكون الورد]

بنات التسجيل يكون على بدايه الدوام شهر٩ دربالكم لايطوفكم جنه بس شهر يعني لين شهر١٠ ويصكر ويكون بالمنطقه التعليميه اللي عليها بطاقتج

وكل المطلوب اهم راح يقولون لكم عنه وطبعا في قسم تعليم الكبار

ولاتخافون سهالات انامتزوجه وعيال والحمدلله هالسنه تخرجت وبنسبه حلوه اهو على الوحده وحرصها عالدراسه وقوه عزيمتها اللي عندها هدف تحققه ان شاءالله وتوكلوا على الله

مبرووك بنت عطا

الف مبرووك التخرج ومنها للاعلى يارب:ggdw:

 

[بنت عطا]

الله يبارك فيج ياقلبي انا بعد قدمت عالجامعه ونسبتي٨٣.٥٤ وان شاءالله اشوفج هناك ويارب يقبلوني التربيه

والف مبروووك لج جم نسبتج ؟!

 

[بنتmbc1]

up

up

up

up

up

 

[ام مشعل المطيري]

واللة انكم فرحتوني اللة يوفقنا ونجيب اعلى النسب شدوا حيلكم شرايكم نراجع قواعد الانجليزي من الحين لان انا ميح بصراحة

 

[noor_alfala]

انا بعد ان شاء الله بسجل معاكم

انا سجلت الكورس الي طاف منازل بس مانجحت الله ماكتب وانا دفعة ٢٠٠٨ علمي و تابعه منطقة العاصمه

 

[ام مشعل المطيري]

حياج اللة واللة يوفقج وعساها خيرة بنات شنو المواد اللي ترفع النسبة بالادبي عشان نتفرغ لهم ساعدونا

 

[أحلى البشر]

بنات انصحكم بالمسائي والله وناسه وتمر الايام بسرعه ومتساهلين وعالاقل تسوين شي كان بخاطرج منزمان وتدشين الجامعه
وبالنسبه لنسيان المعلومات انا متخرجه من سنه 2001 والحين المناهج حيل اسهل من على وقتنا وتمتحنين نص الفصل وتقطين الكتاب وعادي اللي موفاهمته يبيله مدرسه امرج لله انا عن نفسي كان اصعب المواد عندي فرنسي وانجليزي واحصاء يبتلهم مدرسات بس فترة الامتحانات والحمدلله سبحانه يسهل لج طريق العلم واي سؤال انا حاضره
بس تكفون اللي تقرا ردي تدعيلي انقبل بالكليه اللي فيها خير لي :**

 

[ام مشعل المطيري]

امين امين عسى اللة يوفق الجميع بس ماقلتيلنا جم نسبتج حمسينا شوي

 

[ام مشعل المطيري]

وكنتي اي مدرسة وشلون الدوام والغياب وجم حصة باليوم

 

[** مفاهيم الخجل **]

بنات والله تشوقون على الدراسه


بنت عطا حتى انا افكراقول سهالات يمكن الله يسخرهم لنا وتتغير الاحوال ونصير االشي الي حنا نبيه


فعلا بنات الواحد لا زم يشد حيله عشان يوصل الي يبيه ومو مهم العمر المهم التعليم والشهادة الي ترفع الراس


يارب وفقنا وسهلها علينا

 

[ام مشعل المطيري]

عاد حبايبي ابي اشوفكم لي شهر سبعة الجاي مو تطنشون باذن اللة من يوم السبت راح افتر بالمواقع واسجل القواعد الانجلش واقولكم اذا في شي مهم لانضيع الفرصة جدامنا ترى شهر ونص والايام تركض انا بحاول اطقطق بالانجلش لان صج خايفة منة

 

[noor_alfala]

انا الحمدلله دارسه كل المواد بحكم اني كنت ماخذه منازل و المناهج واايد سهله و بالمسائي الكتب بتقسم و كل كورس فيه امتحان مو نفس المنازل كنا حيييييل مضغوطيين تخيلو ٦ كتب حق العربي انا ماقول صعب بس بتشتتون وقت الامتحان يعني شنو الي بتركزون فيه و شنو الي بتخلونه بس ان شاء الله بالمسائي نقدر انييب نسب عاليه لاني شفت نسب هل سنه ما شاء الله واااايد حلوه وتبشر بالخير و الله يوفق كل وحده فيكم و يحقق لها إلي تتمناه

 

[** مفاهيم الخجل **]

اي فعلا بنات لا تاخذون منازل لان بنات وااااايد رسبو

اخذو مسائي وناسه حتنا تعرفون على بنات والوقت يمر بسرعه سبحان الله


انا وياج ام مشعل بالانجليزي مو ذاك الزود الله يستر وان شاء الله ما يقصرون ويانا ويساعدونا

 

[جلكسيه اس 3]

أنا بسجل هالسنه بس الأستاذ بالمعهد حبطني
يقول مهما تراجعين أول بأول ماراح يكون مخي مثل مخ البنيه اللي عمرها عشرين و تحت
أنا بسوي اللي علي و الله كريم

 

[ام مشعل المطيري]

وتعم بالله اللة يوفق الجميع