تجمع صيف ماليزيا 2012

[بنت أبوه]

:eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17)::eh_s(17):​

مرحباااااا​

حبيت هالقروب لأنه بنسبه لي قربت العطله ههههه لانه بنتي تعطل بعد أسبوعين والحمدالله ​

تم الحجز لماليزيا علي القطريه والفنادق منتجع صنواي لاقون جراند ملينيوم دعوااااتكم انه تسهل ​

يااارب ​

 

[نـازك الملائكة]

احنا إن شاء الله رحلتنا بـ 2 يوليو
وراح نروح على سلانجور ولنكاوي وبينانج وكوالمبور ونروح من كوالا لجنتيغ ونرجع بنفس اليوم

\

/

 

[كراميلو]

مبروك فتح التجمع
والله يتتمم لكل وحدة سفرتها ووييسر لها ويجعلها سفره سعيده باذن الواحد الاحد...
انا ان شاء الله رحلتنا يوم 30يونيو والوصول يوم 1يوليو...الى كوالا..
وتخطيطنا ..
يوم سلانجور...
3ايام لنكاوي...
3ايام بيانغ...
2يومين جنتق..
4ايام كوالا...
وبنحاول نزيد يوم ادا حصلنا حجز عوده يوم 15يوليو لان عودتنا يوم14يوليو بسبب عدم الحجوزات
اداتوفر حجز يوم 15بنضيف يوم البورت ديسكون ...
الله يتتممم وييسر..
عاد يالله خبراتكم وخلونا نستفيد من هالتجمع الحلو جعلها جمعه مباركه....

ودي ....

 

[ساره الدوسري]

وأنا بعد بروح معكم بإذن الله..
بس في موفي الإجازه بتاريخ اغسطس يعني نهاية رمضان وبتعيد هناك بإذن الله..

 

[الجمووووح]

انا انشاء الله ناويه اروح اخر شهر 6 او نصه

وقاعده احاتي لاني راح اكون بالشهر السادس

وهذا اول حمل لي

 

[twinsmam]

السلام عليكم
مبرووووك افتتاح التجمع
ان شاء الله سفرتنا بتاريخ 21 يونيو و العوده 5 يوليو حجزت عالطيران السيريلانكي
ناويه اروح سلانغور بيانغ جنتينج و كوالا
بس لي الحين محتاره بالفنادق بليييز ساعدوني بأسامي الفنادق و اذا في شقق واايد احسن لأن معاي عيالي

 

[my world]

مرحبا شكرا عالتجمع

انا حجزت بس للاسف مو اكيد حجزت تذاكر من غير اقامه عشان اذا اكدت الموعد احجز الاقامه وسويت هالحركه عشان الحق عالاسعار المنخفضه وحجزي الكويتيه دايركت ب 315 دينار وكانت ارخص من القطريه والاماراتيه و الاتحاد و السيريلانكيه ما ابيها

و عسا ربي يتمم علينا كلنا يسهل امورنا يا رب

 

[*فدك*]

ساعدوني وانا ودي اروح مليزيا بس ماعندي خبره كلش عن الفنادقوالمناطق وين ووين نروح
انا وزوجيوبنتي عمرها سنه
ابي نصايحكم

 

[كراميلو]

مفيش تفاعل نايمين
شدوو الهمه هههه
نبي التفاعل ونستفيد من بعض...

ساعدوني وانا ودي اروح مليزيا بس ماعندي خبره كلش عن الفنادقوالمناطق وين ووين نروح
انا وزوجيوبنتي عمرها سنه
ابي نصايحكم

المناطق كثيره يمكن اكثر من 90 منطقه بس ع حد علمي وووقراءتي في بعض المنتديات
سلانقور _لنكاوي -بيانغ- الكاميرون - جنتق -وكوالا -البورت ديسكون ...هذي اكثرالناس يروحوها
وايضا في مناطق حلوة بس الايروحوها تكون زيارتهم الثانيه وانتي ع راحتش
مثل صباح ..بتراجويا وكثير لاااتحضرني الان ...
وانتي ع كيفك اهم شئ تحجزي الطيران الدولي وبعدها تحددي المناطق الابتزورريها ووتحجزي الفنادق والطيران الداخلي
وانصحك بمنتدى العرب المسافرون لان فيه كل شئ ماشاء الله ...

 

[twinsmam]

اي والله ماكو تفاعل
يلا ساعدونا بالمناطق و الفنادق و الشقق الفندقيه بليييز و شرايكم من اي منطقه المفروض نبدي الرحله؟؟ و شلون عالجناط خصوصا ان معانا يهال
my world شفيها السيريلانكيه؟ ضيقتي خلقي عاد انا اول مره اسافر فيها بس الكل يمدحها لي

 

[نـازك الملائكة]

الأفضل الواحد يبدأ من من سلانجور من مطار كوالمبور إلى سلانجور 45 دقيقة
وأفضل الفنادق في سلانجور صن واي وفندق الخيول الذهبية وفندق برميدا وتكفي يومين هالمدنية
وتحجزون على طيران اير اسيا من سلانجور إلى لنكاوي وفيها فنادق كثييييرة وفخمة
منها ويستن بس غااالي وفيه فندق برجايا وفيه اربياك ايسلاند فيه كثير فنادق
وبعدها ترحون إلى بينانج وفيه وسيلتين نقل عن طريق الطيران الداخلي ومدته 40 دقيقه وفيه على الفيري ثلاث أو اربع ساعات
وحجزنا بفندق البارك رويال ويمدحونه وفيه فندق راسا سايينغ والهوليدي إن وفيه فندق شاينجريلا وفيه الفيو بيتش
هذا افضل الفنادق في بينانج فيه فنادق كثيييره غيرها واسعارها ارخص
وبعدها ترحون من النكاوي إلى كوالمبور وتجلسون فيها كم يوووم وفيه فنادق كثيييييره بكوالمبور وعاد ترحون وترجعون بنفس اليوم لجنتيغ قريبه من كوالمبور أو تنامون فيها
وفيها مدينة الكاميرون هذي باااااااردة وامطار وضباب بس ما فيها اماكن تسوى احس جنتيغ تغني عنها واقرب
وعاد اللي يحب يروح آخر يوم لبورت ديكسون هالمدينة تكفي فيها يوم لانو مافيها شيء للاسرخاء بس وتاخذون فله وبينها وبين مطار كوالمبور عشان العودة 45 دقيقه

وإن شاء الله اكون افدت الجميع

 

[كراميلو]

يلا ساعدونا بالمناطق و الفنادق و الشقق الفندقيه بليييز و شرايكم من اي منطقه المفروض نبدي الرحله؟؟ و شلون عالجناط خصوصا ان معانا يهال

my world شفيها السيريلانكيه؟ ضيقتي خلقي عاد انا اول مره اسافر فيها بس الكل يمدحها لي

صح لسانك نبدي بالشناط بصراحه مفيش تفاعل يالكويتيات خخخخخ
ايش احسن شئ ف اللبس الا سافرو من قبل ماليزيا ...
من النواحي كلها وايش تنصحونا ....

وووووووووويالله شدوووووو الهممم يووووه شكلي ارو مكان ثاني غيركم ~_^

 

[^ام العيون السود^]

مبروووك التجمع
انا العام رحت ماليزيا مع زوجي بدون بنتي قعدت 23 يوم وكان واجد عليها واول مره اسافر ماليزيا والصراحه حبيتها وناويه اروح لها بالعيد بس هالمره باخذ بنتي عمرها 3 سنين ونص وبقعد اسبوعين انشالله حدها 15 يوم
ارخص طيران لقيته علي السيرلانكيه التذاكر ب 404 دينار انا وزوجي وبنتي وانا اول مره اجرب السيرلانكيه ماعندي اي فكره عنها ،،، ياريت اللي جربت السيرلانكيه تقولنا عنها؟؟؟

 

[^ام العيون السود^]

الفنادق في كوالمبور احسن فندق وعن تجربه فندق قراند مليينيوم خمس نجوم روعه ونظيف وحلو تعاملهم معانا في مغربي يتكلم عربي عند الرسبشن والفطور منوع ولذيذ ومن مميزاته انه بشارع العرب وجنب مجمع بافليون وقباله مجمع فهرنهايت وقريب من ماكدونلز وهذا اهم شي وكل شي قريب منه مايحتاج تاكسي
http://q.bstatic.com/images/hotel/max300/934/934317.jpg
وهذي الغرفة المزدوجه واسعاره مناسبه

 

[أم سيف وسلطان]

اتسيرون وتردون بالسلامة

 

[twinsmam]

بنات وايد سمعت ما يمدحون لنكاوي خصوصا اذا معاي يهال صغار شرايكم اكنسلها؟
يعني رحلتي تصير
2 سلانغور - الييرمد
3 بيننج - بارك رويال
3 جينتنج - فسرست وورلد
6 كوالا- The nomed saucasa شقق فندقيه
عندي جم استفسار
1- اذا بروح من سيلانغورالى بيننج بالطيران الداخلي عادي اخذ كل جناطي معاي؟؟
2- و اذا بروح من بيننج الى جينتنج لازم ارجع كوالا و منها اخذ باص؟؟
3- و اذا بحجز طيران داخلي لازم من الحين؟؟ دخلت عل] اسيا اير و كاتبين Adult , infant قصدهم الكبير من سنتين؟؟
4- وحده سامعه عن الشقق الفندقيه الي بكوالا؟؟
سوووووووري على كثرة الأسئله

 

[نــــورهـ]

هاي بنات شلونكم

من اي سفريات حجزتوا وبجم ؟؟

 

[بنت أبوه]

بنات وايد سمعت ما يمدحون لنكاوي خصوصا اذا معاي يهال صغار شرايكم اكنسلها؟
يعني رحلتي تصير
2 سلانغور - الييرمد
3 بيننج - بارك رويال
3 جينتنج - فسرست وورلد
6 كوالا- The nomed saucasa شقق فندقيه
عندي جم استفسار
1- اذا بروح من سيلانغورالى بيننج بالطيران الداخلي عادي اخذ كل جناطي معاي؟؟
2- و اذا بروح من بيننج الى جينتنج لازم ارجع كوالا و منها اخذ باص؟؟
3- و اذا بحجز طيران داخلي لازم من الحين؟؟ دخلت عل] اسيا اير و كاتبين Adult , infant قصدهم الكبير من سنتين؟؟
4- وحده سامعه عن الشقق الفندقيه الي بكوالا؟؟
سوووووووري على كثرة الأسئله

نووورالتجمع فيكم ياااهلااااا
Twinsmam
بخصوص لنكاوي معروفه جزيرة الرومانسيه انا ماجربته بس نفسج سمعت ماتصلح للأطفال

وثاني شي أحس جنتنج واااااجد عليها 3 ليالي قسمي الايام علي صنواي لاقون وبعده بيانج والفندق بارك رويال حلووو وبعده أرجعي لسيلانجور الي أهوفندقكم الأول لانه عادي تحطين الجناط
عندهم ومن غير رسوم أنا حطيتهم عندهم والله بدون قفل للجناط والحمدالله علي الامانه وبعده أطلعي للكوالمبور ومثلا أنتي حجزه خمس أيام بكوالمبور خصصي يوم لجنتنج من ساعه تسع أطلعي ورجعي أخر ليل نصيحه لانه الفنادق الي بجنتنج مونظيفه شوفي أقلب تقرير وبعدين معاج أطفال
ماتسوي تنامين فيه وأنتي وراحتج

أنا جربت طيران اسيا بروحه لبينانج بس برجعه رجعنا باص والله كان أحلااا لانه طيرانهم الله بالخير ومطارهم زحمه علي فكره مجمع صنواي لاقون فيه الباص مكانه برا المجمع مقابل مدينة الالعاب اذا ماني غلطانه ياخذج من سيلانجو الي بينانج ورجعه نفس طريقه أما طيرانهم ماعجبني

 

[بنت أبوه]

((اللهم لا سهل إلا ماجعلته سهلا وأنت تجعل الحزن إذا شئت سهلا))

الحمدالله الي ربي سهلا علينا وتم الحجز للماليزيا قالت لكم حجزت علي القطريه أنا وزوجي وعيالي 2طلع تذكرمن غير الفنادق680

الفنادق:
4ليالي صنواي لاقون
7ليالي كوالمبور فندق قراند مليينيوم

صنواي لاقون جربته قبل هالمره كلمت روووعه شويه عليها أما قراندملييينوم الله يستر أول مره

روحتنا إن شاءالله 9-مايو ورجعه 23 من نفس شهر

 

[نـازك الملائكة]

نووورالتجمع فيكم ياااهلااااا
twinsmam
بخصوص لنكاوي معروفه جزيرة الرومانسيه انا ماجربته بس نفسج سمعت ماتصلح للأطفال

وثاني شي أحس جنتنج واااااجد عليها 3 ليالي قسمي الايام علي صنواي لاقون وبعده بيانج والفندق بارك رويال حلووو وبعده أرجعي لسيلانجور الي أهوفندقكم الأول لانه عادي تحطين الجناط
عندهم ومن غير رسوم أنا حطيتهم عندهم والله بدون قفل للجناط والحمدالله علي الامانه وبعده أطلعي للكوالمبور ومثلا أنتي حجزه خمس أيام بكوالمبور خصصي يوم لجنتنج من ساعه تسع أطلعي ورجعي أخر ليل نصيحه لانه الفنادق الي بجنتنج مونظيفه شوفي أقلب تقرير وبعدين معاج أطفال
ماتسوي تنامين فيه وأنتي وراحتج

أنا جربت طيران اسيا بروحه لبينانج بس برجعه رجعنا باص والله كان أحلااا لانه طيرانهم الله بالخير ومطارهم زحمه علي فكره مجمع صنواي لاقون فيه الباص مكانه برا المجمع مقابل مدينة الالعاب اذا ماني غلطانه ياخذج من سيلانجو الي بينانج ورجعه نفس طريقه أما طيرانهم ماعجبني

معهاااا ما نصحك تنامين بجنتيغ لانو معاك اطفال وكثرة التنقل صعبة
وروحي وارجعي بنفس اليوم من كوالمبور