تجمع..شنو نجهز للميداني

[ام فطوم86]

حبيباتي خريجات الكورس الجاي...
اول شي مبروووووووووووووووك على التخرج..
ثانيا..انا من فرحتي بالتخرج مادري شنو اجهز حق الميداني..كل يوم ودي اروح السوق فأبي من معرفتكم تفيدونا شنو نجهز...
1 2 3 يالا نبدا...

 

[ام فطوم86]

شدعوه...اكثر من عشره دخلو الموضوع ولا احد رد...
عطوني ويه شالسالفه كرهتوني بالتخرج:lkmnkl:

 

[PinkY Dreams]

ههههههههههه ذكرتيني انا لمن كنت بفترة الميداني قعدت فبيتي صار عندي واسطه فجأه و خربوطيه

تدرين شنو الواسطه اقسم بالله اني بس دشيت عند واحد مسؤول قلتله بتزوج بوقت الميداني عرسي بوقت الميداني لمدة 3 تيام شلون اخاف يحسبون غياب جان يقول 3 تيام غياب عادي خل يحسبون جان اقوله لا انا شاطره مومتعوده على الغياب بس هالمره مضطره من ضروفي ولا هالمسؤول طلع اخرطييييييييييييييييييي مغازلجي درجه اولى جان يقول ماأطلع ريال اذا احسبولج غياب بالميداني وفعلا ضليت في البيت بالميداني و تخرجت بأمتياز وكل بنات القسم احتروا مني هههه امبيه مع اني ورب الكعبه ماسويت شي للمسؤول بس اهو مو صاحي استغفر الله

ههههههههه على البرررررررررررررررررررررركه التخررررررررج نسيت ماأباركلج

بس بتجهزين حق شنو ووين ميدانييج .؟ سوري بس ماحبيت اطلع شفتج معصبه تطقين بالطاوله جذي :lkmnkl:

 

[طالبة1990]

مبرووووك

وان شاء الله تستفيدين منه

عاد احلى فترة فترة الميداني مع انها كرااااف

شوفي على حسب المدرسة اللي بتروحين لها

احس اريح شي جينزات وقمصان طوال

بس في مدارس تمنعها

فتأكدي بالاول اذا تعرفين احد بالمدرسة

خوفج تزهبين وتشررين وبعدين ماتلبسينهم

اذا انتي محجبة حلو بعد التنانير السبور مولات مانجو

واخذي معاهم بديات حلوه فيها رسمات وحركات

وما أوصيج ع الكارديغان كثري منهم خلي عندج كل الالوان الاساسة

يعني احيانا يكون عندج بدي نص جم ولا حفر وعاجبج وبخاطرج تلبسينه يكون عندج كارديغان تلبسين فوقه

واذا انتي من حزب العبي فخيطي لج جم عباية <<< مع اني ما أأيدج ابد

خصوصا للابتدائي او المتوسط حلاته بدل

وبالتوفيق ان شاء الله

وانصحج تخففين المكياج يعني لاتعودينهم ع الميك اب الاوفر

خليج ناعمة قد ماتقدرين لان بتييج أيام مالج خلق تقعدين من النوم

ويكون عندج حصة أولى

ما اقول لاتحطين بس حطي بالمعقول وبين كل فترة وفترة حطي مكياج

وكثري الفلاتات

لان بتعبين اذا كل يوم بتلبسين كعب عالي

واحس اذرب بوااايد

وبعض المشرفات تعلق عليج ان صوت الكعب يشتت الطالبات

فتعودي ع الفلاتات اريح لج

 

[FuSheYa]

على حسب مكان الميداني

بس انا اايد الاخت اللي قالت الميداني احلى فتره

والله صاااااااجه

لا تعتبر دراسه ولا تعتبر شغل

الوضع يووونس ويشجع
بس طبعا المكان يحكم

 

[sh3ollah]

وااااااااي
حالي من حالج
متحمسة ومو متحمسة
بالاصح خايفة
افكر شنو بيكون احساسي اول الايام
احس اني بنحرج
وللحين مو عارفة شنو اجهز
قلت بشتري ملابس سبورت وعملية
بس انا نعوووومة وااايد وصغيرونة
اخاف يقولون عني ياهل مضيعة وياية تصير مدرسة بالغلط