تجمع رشيقات صيف 2011 Yes We Can Do It " Lets Go Girls

[ضي]

صاجه والله لموووي

بس انا كللللش ما عندي مشاكل بالخصر ولا الظهر الحمدلله مع انه وزني ووايد مشكلتي الارداف والزنود

وبطل الحين علي حملتكم

 

[ضي]

بحفظ الرحمن

 

[om l3yal]

صباح الورد والنوير عليكم يا وردات التجمع
ضيونة سامحيني النت امس علق ذبحني تالي حطيت راسي ما وعيت الا غفت عيني

 

[ضي]

معذوووووره حبيبتي

وصح النوم

 

[om l3yal]

صح بدنج ضيون والله من زمان قاعدة بس متكيسلة اليوم مادري شفيني
ها شلون الرجيم معاج شكلج الله يثبتج ان شاالله بصحة وعافية

 

[ضي]

واللله يا لولو حاسه فيج تصير فيني واااايد

او بالاصح دايما اول مااقعد اكون داايخه وتعبانه ساعه بعدها اصحصح

والرجيم والله الحمدلله زيييين ومتشجعه معاكم

بس ان شااااءالله ينزل وزني يارررررب

 

[ناروكو]

صباح الورد والنوير عليكم يا وردات التجمع
ضيونة سامحيني النت امس علق ذبحني تالي حطيت راسي ما وعيت الا غفت عيني

صباح النور والسرور على البنور(تحيه من السعوديه):eh_s(8):

 

[om l3yal]

امين ضيونة
عاد اليوم عندي وايد اشيا لازم اسويها
اليهال عندهم مدرسة وانطر الخدم يخلصون شغل البيت باخذهم اساحلهم اغديهم برا لاني بوديهم بيت اختي سفرت خدمها لانهم (.......) وبرجع بسرعة لان ريلي المغرب يوصل
مالي خلق اليوم اجابل الحمولة كلش شكلي بقعد وبسكر بابي اتحجج اني بدرس اليهال عاد امس قلت بسوي كيكة وانزلها بس بعدين لي ماكلت منها شقولهم لانم مايدرون عني فهونت

 

[om l3yal]

اهلين ناروكو شلونج شخبارج

 

[ضي]

اووول شي يوصل ريلج بالسلامه

ثاني شي شلون مدرسه اليمعه ------ ادري لقافه بس طوفيها :/

وحمولتج زيييييين سويتي مايدرون عنج،،، زين ملاحظين الضعف؟ علقوا ؟

 

[عيون سارة]

صباح الخير على الهواء مباشرة كوفي

 

[om l3yal]

يا طويلة العمر مدرسة تييهم البيت يعني خصوصي
والحمولة انا توني بس شهرين عندهم كنت في بيتي ملكي حلالي بس بيت الحمولة خالي ماكو الا خالتي فريلي صار له سنة يحن ويرن خلينا نروح نعدل هناك وناجر البيت يختج صج كثر الدق يفج اللحام بس للامانة مالي شغل باي احد اول ماقعدنا عيزت من خالتي لا اطبخين تغدي معانا مارضت ييتها بكل الطرق والاساليب خو اقصاها نفر واحد ما راح تزيد ولا تنقص بس مارضت ريلي قال خليها علا راحتها
ويوم دخلت المستشفا ماكنت عندهم فمحد درا وانا ماحب يتدخلون بشووني كلش يقولون ضعفانة اقول رجيم مرة مرت حماي سالتني انتي تشترين وجبات الرجيم قلت لها شدراج كانت شايفة بناي بالجمعية قلت لها خلاص عرفتي سر رجيمي علا فكرة بنتي كانت تشتري بس سلطة
الاسبوع اللي طاف دقت علي بنت اخت مرت حماي الثاني واهي رفيجتي حيييل وتدري غني جان تقولي خالتي تقول ام العيال شمسوية اللي ضعفت جان اقولها رجيم ردت عليها رجيم قاطة نصها اكيد مسوية عملية قلت لها الله واكبر عليها اي نص وانا حتي الربع ماقطيت وكيلج الله ظليت ثلاث ايام معتفسة تقول قلت لها مادري تبين روحي صعديلها وساليها قلت لها زين سويتي اللي يبي يسالني واجاوب لا يروح من وراي ينبش ماحب هالاسلوب كلش

 

[ضي]

سارونه شلونج؟؟

وشلون الرجيم؟

وبالعااااافيه



لولو

ترا الحين ياااااااكثر اللي ينبشون من ورااج

بس طاااااف مالج شغل باحد

 

[ناروكو]

دعواتكم لي بكره عندي اختبار كيمياء

 

[ضي]

٨
٨
٨
٨
٨

الله يوفقج ويسهلج امتحانج

 

[om l3yal]

اي والله ضيون
واللي يضايقني حتا كلمة ماشاالله ماتنقال ليش عاد لا من جسمكم ولا من صحتكم وعافيتكم
مرة وحدة هبت فيتي شالرشاقة شالضعف ومن هالحجي وتقولي الفال لنا نوصل ونصير مثلج بطت جبدي جان اقولها تبين قال اي والله ابي
قلت لها شقي بطنج وقصي معدتج وتعبي مثل ماتعبت ولما الحين تعبانة وتصيرين فججت عيونها ومن يومها اليمعة اللي كانت فيها محد فيهم قط ولا كلمة امي وخواتي يقولون زين تسوين افتكيتي من القيل والقال

 

[om l3yal]

ناروكو الله يوفقج ويفتحها بوجهج ويسهل امورج كلها ان شاالله

 

[ضي]

والله هالناس يقهرون ،يحطون عينهم

ووالله لو ليلحينج علي متنج جان هممممم ما افتكيتي

مااااتدرين شيبون ،،، ولا اا يعجبهم شي ،،، استغفرر الله

 

[عيون سارة]

مرحبا بنات قاعده اقرا ردودكم واتريق :eh_s(7):

ريوقي كورن فليكس فيتنس

 

[ضي]

بالعااافيهه سارونه

حلو طعمه ؟ عمري ما جربته