تجمع دم ساعدوني

[glby7sas]

السلام عليكم ورحمه الله وبركاته
يابنات من امس وانا انزف رحت المستشفى سوولي سونار اول مره مابين معاهم السبب يقولولي كل شي سليم بعدين سوولي سونار ثاني ادق واكتشفو في تجمع دم صاير يم كيس البيبي وعنق الرحم
وقفتلي الدكتوره الاسبرين وكملتلي عالمثبتات وقالتلي لا تتحركين
بس انا لي اليوم ينزل دم
منو صارلها مثلي طمنوني واشلون تجمع الدم يروح

 

[مــتــنــحــة]

ماعندي خبر والله للاسف

انتي التزمي بكلام الدكتوره وارتاحي لاتسوين اي مجهود ليما يوقف الدم ان شاءالله

الله يثبت حملج يارب ويفرحج بشوفة ضناج متعافي وسليم يارب

 

[مذهلة2013]

اول شي حبيبتي ديري بالج الدم مو زين كلششش
وثاني شي شيلي توقيعج ترا العين حق والله ربي يثبتهم ويحميهم يارب ويقومج بالسلامه
واذا تبين دكتور شاطر حيان الاحمد اينن
واختي نزل دم وكانت نفسج تونز والسبب كانت جامعه زوجها واكييد بالاشهر الاولى خطوره
ديري بالج وقعدي وارتاحي لا تتعبين نفسج كلش

 

[M!SS.LOBY]

الله يثبت حملج

 

[نبض السعاده]

انا جذي مستمره علي الابر
اول شي عطتني حبوب وتحاميل شرجيه واللتزمت الراحه وعد الحركه
اخذت ابر خلصتهم لي الخامس غيرت الابر لي
لحد الحين اخذهم

والله يثبت حملي وحملج يارب

 

[زين ودلال]

الله يثبته ان شاء الله

 

[glby7sas]

مشكورين حبايبي ماقصرتو انا الحين خف الدم بس صار ينزل بني علي جنه اخر الدوره

 

[مسك أبيض]

الله يثبت حملك ماتشوفين شر حبيبتي الله لا يضيع لك تعب

 

[glby7sas]

حبيبتي مسك اللهم اميين ادعيلي والله خايفه حدي ظهري صار يعورني وليلحين مستمر نزول الدمم

 

[أأأميرة الورد]

الله يثبت حملج ويقر عيونج بشوفته

 

[glby7sas]

حبيبتي مشكوره جزاج الله خير

 

[((غلاي))]

اسمعي كلام الدكتوره
والله يتمم عليج و يثبت حملج يارب

 

[TINA]

سلامات و ما تشوفين شر
حبيبتي انا صار معاي نفس الشي بالضبط و وقالي الدكتور ممكن دم متجمع من الدورة او الرحم او انه كان ممكن يكون جنين و م كمل و كل هذا توقعات بس ما حد يعرف السبب بس هذا شي شائع يصير كثير عطاني ابره تثبيت و حبوب و مراجعات و لازم اظل نايمة ما اتحرك اسبوع بس حركات بسيطه مو اتقومين فجأه او تركضين كل شي على البطيئ و الدم يظل ينزل لين يخلص الكيس كله و يوقف لا تحاتين ما عليج الا العافية يا رب و تقومي بالسلامه انت و البيبي

 

[glby7sas]

حبيباتي مشكورين وماقصرتوو الله يعطيكم العافيه

 

[حلم مكسور]

صار لي كدا
تجمع دموي حول كيس الجنين
نزل دم واجد
تنومت في المستشفى وعطوني حبوب تثبيت وتحاميل وابر
ووقف الدم
ومنعوني عن الحركة لين دخلت الشهر الرابع
الله يثبت حملج وتقر عيونج بشوفة البيبي يارب

 

[ba6re8a]

انا نفس حالتج بالضضضضضضضضبط قبل اسبوع قالولي هالحجي انتي شكثر صارلج حامل؟ بس ماوقفولي لا بيبي اسبرين ولا ابر السيوله

 

[# غنوجة بيبي #]

وحده عن وحده تفرق


انا نزل علي دم بحملي اللي طاف

و تحول بني لمدة 5 اسابيع و اجهضته ب13 اسبوع

مو قصدي اخوفج

بس لان كانت عندي مشكله بالدم

و ان شاءالله ما تكون عندج


و يمكن لانج توأم

وايد نفسج ارتاحوا و ثبت

قليل اللي يجهضون

الله يثبته لج يا رب

 

[glby7sas]

بطريقه الحين انا دشيت الاسبوع ال 8 وهم ينزل بني فالحين قامت تعطيني ابر
غنوجه اليوم الدكتوره سوتلي سونار مره ثانيه وقالت عندج انفصال بس شنو يعني مافهمتها قالتلي لاتخافين ترا عادي مع المثبتات يروح بس ماتبيني انحرك من مكاني

 

[# غنوجة بيبي #]

شوفي قلبي حساس

انا كان انفصال بالمشيمه و ماعرفت السبب


بعد الاجهاض سويت تحاليل و طلع عندي تجلطات الدم

علاجها ابر سيوله


انتي دامج بالبدايه و توه صايرلج الانفصال الحقي على عمرج

سويت تحليل دم عن نسبة سيولة الدم و سوي تحليل ثاني عن الاجسام المضاده و سوي تحليل عن فقر الدم


و يا رب اكون فدتج

سويه بخاص يطلع نفس اليوم

عشان اذا صار فيج من هالاسباب تاخذين علاجهم و امورج تصير طيبه

لان وجودهم يسبب اجهاض 100%

والله اني خايفه عليج روحي سوي اللي قلته


و ادعيلي ربي يثبت حملي

 

[glby7sas]

غنوجه حبيبتي مشكوره سوتلي الدكتوره كل هالتحاليل بس طلعت سليمه مافي شي هذا غير انها رردتلي على الاسبرين اهو بروحه يسوي سيوله للدم بس البني مازال ينزل عليي