تجمع دموي بالرحم وانا بالرابع

[امواج الكويت]

السلام عليكم

بنات اليومبالليل نزلت علي قطعه وبعدها دم رحناطوارئ الصباح سوولي دخول وتو سويت سونار قالوا عندج تجمع دموي كبير شوي بالرحم

منو صار لها نفسي وراح تكفون علموني*

 

[Eng.Kokoro]

الله يشفييج

وفي مواضيع بالصفحات القديمه بنات حاشهم تجمع دموي وان شاءالله يشوفون موضوعج ويردون

 

[امواج الكويت]

ياليت والله

 

[بعيدة الدار]

حبيبتي لاتحاتين بنت خالتي مثلج واستمر حملها وجابت احلى ولد
بس الدم ماوقف الا بالسادس

 

[امواج الكويت]

ان شاءالله يام علي الله يسمع منج

 

[auoma]

انا حاشني بس مو دم احمر كان دم بني وحاشني بالرابع
واخذت ابر مثبت وحبوب مثبت وراحه
ولله الحمد وقف
الله يثبت حمالج يارب ومايضيع تعب كل حامل

 

[om Firas]

انا بعد كان في تجمع دم واستمر معاي لي الرابع واخذت حبوب مثبته
وارتحت ماكنت اتحرك لان الدكتوره منعتني من الحركه والحمدلله جبت احلى بنوته
لا تحاتين وريحي حالج عالاخر واخذ مثبتات الله يثبته وتفرحين بشوفته

 

[امواج الكويت]

بنات انا مريحه بس قاعد تنزل قطع خايفه منها

 

[اخت خالتهم]

امواج حياتي رفعي ريول
وانتي تاخذين مثبت ؟؟
انصحج بالابر واايد زينه
ولا يحرمج من الضنا يارب

 

[أأأميرة الورد]

الله يقر عيووووونج بشووفة البيبي

 

[بعيدة الدار]

طمنيني عليج ؟ للحين ينزل عليج الدم

 

[امواج الكويت]

اي بس اقل يقولون انفصال جزئي بالمشيمه والتحم على دم متجلط وهو اللي ينزل الحين والحمدلله على كل حال

 

[auoma]

نفسي اول الرابع انفصال جزء بالمشيمه ديري بالج أخذي ابر حتى لو الدكتور ماعطاج انتي طلبيهم
وارتاحي ولاتداومين

 

[MzOoOn 22]

عسى الله يريح ويطمن بالج يارب

طمنينا وربي قلبي معاج ...

 

[امواج الكويت]

اوما انا ماخذه مجلس طبي والحين نايمه بالصباح وسالتهم عن الابر قالوا لا خلج عالتحاميل والمثبت والله كريم

 

[++MesK++]

انا صار معاي تجمع دموي بالثالث و الرابع و كان ينزل علي قطع دم

خذيت مثبتات و ريحت نفسي على الاخر


و الحمدلله عدت على خيييييير

 

[^حبيبة الكل^]

حبيبتي انا نايمه بالصباح جناح8 نفس الشي انفصال جزئي بالمشيمه وينزل علي دم و الحين التجمع عندي قاعد يقل هذا الشي مو عارفين سببه انا
لاني اخذ علاجات سيوله للقلب فيسوي انفصال مشيمه انا الانفصال و التجمع معاي من الاسبوع الثامن و الحين انا بالاسبوع ال19 الله يتمم علينا لا تحاتين

بس بقولج شي السنة الي فاتت كانت تنزل علي قطع دم كان تجمع دموي وهذا الرحم كان يطرده بس للاسف هذا سببلي نزول ماي البيبي باول الخامس و البيبي نزلت بالاسبوع 23 لكن هالحمله غير يارب لك الحمد وبالنسبه لابر التثبيت الصباح ابدا مايعطونها قبل الاسبوع ال18 لانها تاثر علي العضو التناسلي للجنين انا تو من اسبوعين عطوني اياها
خلج علي الحبوب و التحاميل و ارتاحي علي ظهرج و اذا بغيتي سونار طلبي الدكتوره فاطمة الزيد جدا ممتازه او الدكتور جيرس بس جيرس باجازه كرسيماس
الله يتمم عليج وعلي ميخالف هذا اختبار من رب العالمين

 

[^حبيبة الكل^]

اي و اي شي تبينه راسليني علي الخاص لاني صرت خبره بهالسوالف

 

[لهفة المشتاقه]

حبيبتي ان شالله ربي يشافيج واهم شي ديربالج علي نفسج
عسي ربي يفرحج بشوفة ضناج مشافه معافه
وانتي تكونين معاه بصحه لاتحاتين اللي ربج كاتبه بيصير
طمنيني عليج

 

[عطرالكلام]

سلامتج حبيبتي
ماتشوفين شر