تجمع خبرة الجمعية التعاونية ياللة حياكم معانا

[umhamad2009]

:eh_s(9): شلونكم بنات الي عندها افكار للخبرة منبهات قصص بور بوينت مسابقات مبتكرة تفضل وتحطها وهذا كلة في ميزان اعمالها:ioljnmlk:

 

[عهود الحب]

الهدف العام للاسبوع الأول

التعرف على السوق المركزي وبعض أقسامه.



1
يتعرف على السوق المركزي
يستمع بخشوع للآية القرانية
يقلد ادوار بعض العاملين بالجمعية


2

يتعرف على كلمة [ ....... أنا اخترت عربة وممكن تختارون كلمة سوق او كلمة نقود
يحافظ على نظافة الجمعية التعاونية
او
يحرص على الوقوف بنظام عند المحاسب

يحوط حول كلمة عربة
يركب صورة عربة
يجمع بطاقات الكلمة من بين البطاقات



3

يتعرف على العدد 6 رمزا ومدلولا
يشارك اقرانه المسابقات
يصفق 6 مرات



4

يتعرف على قسم [ ............. عندكم عدة اقسام الألبان المنظفات قسم المعلبات
يحافظ على ترتيب ارفف القسم
يقوم بعمل مسابقة جماعية

اذا قسم المنظفات يفضل هدف يتعلق بسلامة الطفل مثال
يحترس من العبث بالمواد الخطرة او الضارة




وفي هدف اجتماعي حلو
يحرص على دفع ثمن مشترواته







بالنسبة للمثيرات والمسابقات والقصص والافكار

نشوف شنو عندكم
منكم نستفيد الي عندها فكرة تسدحها هنا

 

[عهود الحب]

الاقسام كل يوم قسم بروح يعني يطلع لكم قسمين بس

 

[غروك وغيروك]

انزين هدفي يتعرف على أقسام الجمعية الخارجية اشلون أبدأ فيه ؟

والمسابقات شنو أسوي اللي عندها أفكار تفيدنا جزاها الله خير

 

[umhamad2009]

تسلمي يا عهود دايما سباقة بالخير انا درسي يتعرف على العدد 6 شنو المنبة والمسابقات المبتكرة اهدافي :
يتعرف على العدد 6 رمزا ومدلوللا
يشارك الاطفال في المسابقات بحماس
يقفز للعدد 6 قفزات
بغيت اساللك يا عهود انتوتعبع اي توجية اللعددية عندكم مجموعة ولا مجموعتين

 

[umhamad2009]

اختاري ا ي قسم من الاقسام الخارجية للجمعية مثل الخباز الخياط مثلا حسب جمعيتكم شنو اقسامها بعدين سئلي الاطفال شنو الاقسام الخارجية

 

[عهود الحب]

الاقسام الخارجية الاسبوع الثاني ومن ضمنهم البريد


اللحين بس الاقسام الداخلية


بالنسبة للتوجيه انا تبع الفروانية التعليمية
وخوش توجيه يامالهم العافية يارب
وموجهتي الاولى وداد المجيمي خوش مرة عسى ربي يوسع لها
احس نفضت الغبار وسنعتنا





العددي مجموعة واحدة فقط بس له شروط
والعددي عشقي الدائم
احب الرياضيات بشكل عام والعددي فيه حركة فيه مسابقات فيه اكشنات
اما المسابقات
انا ماخذة جم فكرة من موضوعي مال العاب الحلقة
وجم فكرة من ابلة اماراتية نزلت موضوع هني قبل فترة

تقدرين تطلعين على موضوع ابلة امارتية ترى حطت افكار تهبل
وهم العاب الحلقة تلاقين فيه شغلات شكثر للعددي
ولاتفكرين ولاتحتارين

 

[umhamad2009]

بغيت اسئللك اذا ععندك بور بوينت للعدد 6 امنبة مبتكر

 

[umhamad2009]

احنا توجيهنا العاصمة وموجهتنا ناديا الكوت

 

[umhamad2009]

شنو اقدر اصنف العددية

 

[umhamad2009]

شدعوة ليش الي يدخلون ما يردون على موضوعنا

 

[عهود الحب]

حسب الي تبينه
شنو تبين تصنفين وكله يمشي مايتعارض مع الخبرة
اذا كان هدفج قسم المعلبات صنفي قواطي صغار وقواطي كبار وخلي الفرق خاصيتين
حجم ونوع او لون

قسم الالبان جبن او لبنة او روب او حليب
قسم المنظفات علب صابون علب معجون فرش اسنان
قسم الخضار والفواكه ..........
وهكذا
وفي بعد اقسام شكثر بالجمعية انتي اختاري الشي الي تبينه حتى لو علب ماء او علب كلينكس صغار
كيفج يبة




بالنسبة للي يدشون ويقرون ويطلعون
التمسي لهم العذر يمكن ماعندهم شي يضيفونه
واذا عندهم ومايبون كيفهم
براحتهم الله الغني عنهم وعن اضافتهم

 

[umhamad2009]

ماشاء اللة عليج يا عهود دايما تساعدين

 

[umhamad2009]

حببتي عهود ما لقيت مسابقات اقدر استفيد منها من موضوع ابلة امارتية اذا عندش مسابقات سهلة ومبتكرة وبور بوينت عن العدد 6 ادري ما راح تقصريين

 

[البرن<أنا>سيسة]

انا عندي مسابقه بالشيط شاط تركيب الأدوات اللي بدرسينها مثل تركيب الألبان والثانيه تركيب المعلبات
يارب تكونون فهمتوا علي لأنها حللللوه

 

[كويتيه وطبعي خجول]

السلام عليكم




آنا عندي حلقتين راح أبلش الأحد بهالأهداف
يتعرف على السوق المركزي
يحرص على دفع ما يتم شراءه
يقلد حركة عملية الشراء


والاثنين

يتعرف على كلمة عربة
الالتزام بالنظام عند الوقوف عند المحاسب

واللي يعافيج أبيج تساعديني بالمنبهات وسير الدرس لأني أحس إني ضايعه وأبي أخلص شغلي بهالويك إند ما عندي وقت كلش وجزاج الله خير وربي يوفقج سواء ساعدتيني أو لأ

 

[عهود الحب]

أختي آنا عندي حلقتين راح أبلش الأحد بهالأهداف
يتعرف على السوق المركزي
يحرص على دفع ما يتم شراءه

يتعرف على السوق المركزي
يحرص على دفع ما يتم شراءه
يقلد ادوار بعض العاملين بالجمعية التعاونية

والاثنين

يتعرف على كلمة عربة
الالتزام بالنظام عند الوقوف عند المحاسب

الالتزام موهدف
عدليه بكلمة يحافظ على النظام عند وقوفه عند المحاسب
وطبعا لازم حركي : يحوط حول كلمة عربة
او يركب صورة عربة




الدرس الأول :
من خلال مثير
ما ادري شنو مثيرج بس انا بسوي مثير سوق مركزي بوربوينت
بعد ما يتعرفون عالمنظر تناقشينهم أين نراه بالسوق المركزي
ما اسم سوقنا المركزي او جمعيتنا
جمعية ال.. التعاونية
من خلال المناقشة نعزز الوطني انه الكويت وفرت لنا جمعيات تعاونية بكل منطقة
ثم نستمع للاية القرانية ... شرحها ان الله يحثنا على التعاون فيما بيننا لما فيه الخير للمجتمع
لعبة او مسابقة من خلالها نركب منظر السوق المركزي : فيه مناظر مكبرة بالمكتبات اشتريهم وقطعيهم بشكل بازل وخل الاطفال يركبونه
نشيدة الخبرة
ثم
رحلة الى ركن مسرح العرايس هناك تروي لهم [ فطومة فروحة اي شخصية ]
قصة الطفلة التي ذهبت للجمعية واكلت حلوى ولم تدفع ثمنها ولكن والدها نصحها بألا تأكل مرة اخرى بداخل الجمعية
الا بعد دفع الثمن للحلوى وحث الاطفال لنصح الطفلة وسؤالهم عن ما يفعلون بالجمعية
مسابقة عربتين ومن يملأ العربة بمحسوسات متنوعة ثم يوصلها للرف
تغذية راجعة وشكر الاطفال




الدرس 2

الكلمة
من خلال البوربوينت
تركيب صورة عربة [ اذا حصلته احمله لكم أو اسوي لكم شي جديد لأني مومحصله ملفاتي للأسف ]
مناقشة عن فائدة العربة و أين نراها وماذا نضع فيها
وبعد ان ننتهي أين نقف
عند المحاسب
عرض صورة لطفل يقف بالطابور بانتظام ومناقشتهم بالمنظر وترك حرية التعبير للطفل

بعدها لعبة شعبية أي لعبة تحبين المهم بختامها يحصل الطفل الفائز على علبة فيها صورة وكلمة عربة
قراءة فردية ثم جماعية
كتابة الكلمة وقراءتها
ثم لعب لعبة أي لعبة تعززين من خلالها الكلمة
اطلعي على موضوعي العاب الحلقة فيه عدة العاب لتعزيز الكلمة
كـ مثال صيد الكلمة على شكل اسماك وسنارة واربع اطفال يصطادون فقط كلمة اليوم
لعبة الدومينو
لعبة الأونو
لعبة الأبواب
لعبة ............................ الموضوع مليان وراح تستفيدين ان شاء الله
اخر شي الهدف الحركي يحوط او يركب لازم تعززينه
وبعدها تغذية راجعة وسلامتج

نسخت الرد هني يمكن محد يشوفه هناك

 

[عهود الحب]

مثير عربة جمعية
سويته على عجالة


http://www.mlfnt.com/do.php?id=323959


المثير الثاني بعد قليل

 

[عهود الحب]

الرابط ان مافتح جربوا هذا

http://www.mlfnt.com/do.php?id=323959


واذا ما فتح ارجو تبلغوني عشان احمله ثاني مرة


سويت مثير عن قسم الالبان اتمنى يعجبكم بس اخلصه احمله

 

[عهود الحب]

تجمع سابق للخبرة



http://q8yat.net/showthread.php?t=295493