تجمع خاص فقط لموظفات بنك بوبيان

[البسمه الحزينة]

السلام عليكم ...​

شلوووونكم بنات شخباركم ؟؟​

حبيت أسوي تجمع خاص حق موظفات بنك بوبيان نقعد نسولف فيه ​

أو نرد على أي استفسار لبنات المنتدى ...​

يلا بنات أي وحده تبي تسأل أي سؤال أنا إنشالله راح أكوووون موجوده ​

 

[3washa al-m]

انا عندي دبلوم برمجة كمبيوتر ..... يبون هالتخصص و جم يعطون معاش؟؟

شاكرتلج حبيبتي و الله يوفق الجميع

 

[البسمه الحزينة]

هلا والله يس حبيبتي يقبلون هالتخصص وبالنسبه للراتب يعطون للدبلوم 400 ومع دعم العماله 389 يصير 789 يعني بالنسبه للراتب كأول سنه زين وهذا طبعاً غير البونص كل سنه وبدل التذاكر وتأمين الصحي يعني أنا أتوقع وااايد زين

أي استفسار ثاني حبيبتي ؟؟​

 

[jekara_maziona]

انا عندي دبلوم خدمة عملاء يبون تخصصي ولا لا ؟؟
اذا بقدم .. وين اقدر اقدم ؟؟
يعطيج العافيه حبيبتي

 

[البسمه الحزينة]

انا عندي دبلوم خدمة عملاء يبون تخصصي ولا لا ؟؟
اذا بقدم .. وين اقدر اقدم ؟؟
يعطيج العافيه حبيبتي

هلا حبيبتي انتي شهاتج من وين ماخذتها اللي إهي تصير دورات الدبلوم إللي مدتها 9 شهور؟؟
​

 

[^^ROSE^^]

يعطيج العافيه جنج حاسه فيني ابي احد اسأله

انا تخصصي محاسبه بكالريوس وابي اقدم بس ابي الرئيسي وان شاء الله الواسطه موجوده بس بعرف شنو احسن الاقسام المحاسبه ولا الاستثمار؟
وبوبيان كابيتال يوظفون بنات ولا نفس اعيان بس شباب؟ لان هم يمدحونه

ومرة وحده الراتب جم يصير؟ والزيادات والبونصات شلون عليها؟
ادري وايد اسئله بس ماعليه ماعندي احد اسأله

ومشكوره ويعطيج العافيه مقدما

 

[jekara_maziona]

هلا حبيبتي انتي شهاتج من وين ماخذتها اللي إهي تصير دورات الدبلوم إللي مدتها 9 شهور؟؟
​

لا حبيبتي دبلوم سنتين - دورات خاصه تبع التطبيقي

 

[krkosha]

حبيبتي تقدين السي في وين بالرئيسي اللي بشرق ولا بفرع ثاني

والله يوفقج نشالله

 

[قرنبيطوو]

انا عندي بكالريوس محاسبه شلوون التقديم عندكم وبسرعه توظفوون والسالفه طويييله وانا سمعت ان معاشاتكم شويه مقارنه بالبنوك الاخرى واذا قدمت ان شاءالله وتوظفت شلوون الشغل كرااف وااايد ولا عادي لان انا مفكره اكمل ماستر ان شاءالله بمصر فبعرف اذا اقدر اخذ اجازات واروح مصر اقدم امتحانات يعني هالموضوع سهالات وصعبه ومشكووووووووره

 

[^^ROSE^^]

اللي اعرفه بس بالموقع تقدمون ماتروحون لهم

 

[! GaLaXy !]

يقبلون دبلوم بنوك شهادة قديمه ودورة كمبيوتر

 

[sawaleh]

مساء الخير على الكل شلونج ياختي البسمه الحزينه انتي تشتغلين ابنك بوبيان ارجو الرد

 

[البسمه الحزينة]

يعطيج العافيه جنج حاسه فيني ابي احد اسأله

انا تخصصي محاسبه بكالريوس وابي اقدم بس ابي الرئيسي وان شاء الله الواسطه موجوده بس بعرف شنو احسن الاقسام المحاسبه ولا الاستثمار؟
وبوبيان كابيتال يوظفون بنات ولا نفس اعيان بس شباب؟ لان هم يمدحونه

ومرة وحده الراتب جم يصير؟ والزيادات والبونصات شلون عليها؟
ادري وايد اسئله بس ماعليه ماعندي احد اسأله

ومشكوره ويعطيج العافيه مقدما

هلا حبوبه شوفي الصراحه الأثنين زينين وحلوين بس هم بعد أنصحج بالفروع لانها حدها أونس من الإدارات وبالنسبه حق بوبيان كابيتال ماعندي فكره عن إللي يتوظفون هناك ,,,وإذا على الراتب وااايد زين وخصوصا اذا كنتي بكالريوس راح يوظفونج على الدرجه الخامسه وومع دعم العماله ومثل ماقلت قبل البونصات والتأمين الصحي وتذاكر سفر ومعاشج كل سنه يزيد ...


وشوفي حبيبتي اذا على الواسطه ترا بوبيان مايتعامل على الواسطه يعتمد على القابله والشهاده والشخصيه وعلى فكره ترا أنا متوظفه بدون واسطه ...​

 

[البسمه الحزينة]

لا حبيبتي دبلوم سنتين - دورات خاصه تبع التطبيقي

خلاص عيل حبيبتي قدمي على سايتهم www.bankboubyan.com وانشالله يقبلونج اذا يبون تخصصج وإذا ما فهمتي شي بموقعهم قوليلي بس على فكره زهبي الــC.V عشان ترفيقنه مع طلب الوظيفه أوكي ​

 

[البسمه الحزينة]

حبيبتي تقدين السي في وين بالرئيسي اللي بشرق ولا بفرع ثاني

والله يوفقج نشالله

لأ التقديم فقط على السايت بوبيان لان أنا قبل ما توظف رحت لهم قالوا مانقبل إلا عن طريق النت فقط​

 

[dimples]

انا بكلريوس محاسبة ومقدمة بموقعهم من شهر 3 ولي اللحين ماكو شي ,, نوعهم انقعونج ولا اواظفون ابسرعة يعني انا مليت وانا انطر لا حس ولا خبر

بس على المعاشات انتي قلتي الدبلوم 400 ,, انزين البكالريوس جم؟

 

[البسمه الحزينة]

انا عندي بكالريوس محاسبه شلوون التقديم عندكم وبسرعه توظفوون والسالفه طويييله وانا سمعت ان معاشاتكم شويه مقارنه بالبنوك الاخرى واذا قدمت ان شاءالله وتوظفت شلوون الشغل كرااف وااايد ولا عادي لان انا مفكره اكمل ماستر ان شاءالله بمصر فبعرف اذا اقدر اخذ اجازات واروح مصر اقدم امتحانات يعني هالموضوع سهالات وصعبه ومشكووووووووره

التقديم عن طريق النت
يس بسرعه يوظفون طبعاًعلى حسب حلاجتهم يعني أنا مثلاًقدمت عندهم بعد شهرين قالولي عندج مقابله قبها توظفت
لأ معاشاتهم واااايد زينه وأنا أعرف ناس متوظفين بالتمويل والدولي تقربياً نفس المعاشات يعني ماكو فرق
حبيبتي كل مكان فيهه قطاع خاص لازم يكون فيه شوية كراف يعني هذا قطاع خاص أكييييد يبي منج إنتاج وبعدن الشغل يعتمد على حسب وين بوظفونج
واذا على تكملت الدراسه لازم البنك يكون له هلم فيها عشان يقدر ينظم إجازاتج مايصير تتوظفين وتدرسين من غير ما يدري البنك...​

 

[البسمه الحزينة]

اللي اعرفه بس بالموقع تقدمون ماتروحون لهم

صــــــــح كلامج يا rose بس بالسايت وهم يدقون ​

 

[شكو 77]

صراحة أنا مو موظفة ببوبيان

وحدة من عملاءه ...

بس حبيت ادخل يمكن اقدر اشارك بمساعدة ..

الله يوفقك ويرزقك إن شاء الله >>شاركت بدعوة من قلبي ...​

 

[البسمه الحزينة]

يقبلون دبلوم بنوك شهادة قديمه ودورة كمبيوتر

شوفي قدمي يمكن يقبلون ليش لأ ...​