تجمع حق الي حابين يسوون زراعة شعر او بيقولون تجربتهم بالزراعه حياكم خنفيد بعض ,, :)

[قوقوش89]

قوه بنات
لاحظت انه في تجمع حق تجميل انف واشياء ثانيه بس زراعة الشعر مو معطينها حقها :eh_s(10):

مع انه وايد بنات يبون يسوون وادري عندهم استفسارات وهالتجمع عشان الي تبي تسأل

والي سوت زراعة شعر وتحب تقول تجربتها او تعرف احد مسوي ووين احسن مكان واحسن

طريقه لانه الزراعه لها طريقتين على ما اعتقد واسعارهم !:eh_s(4):

وانا سمعت سالفة وحده كان شعرها حيييل خفيف ولما سوت زراعة ماشاءالله تغطت الفراغات وسمعت الدكتور يقول الحين الزراعة تطورت وفي رياييل ماعندهم شعر وطلع لهم شعر بصراحه هالحجي شجعني لانه شعري حيييل خفييييييف :eh_s(2):

وان شاءالله بنفيد بعض :yaaaaaarb:

ولي ماتعرف شي ترفع الموضوع:eh_s(7):

المايك لكم

 

[al7nooona]

رففففففففففففففففففففففففففففففففففففففففففففففع

 

[Miss Cherry]

انا حاطه موضوع محد رد علي


بس انا مسويه سيرج وقاريه عنها .. ودخلت مواقع دينيه الكل اجمع على انه زراعة الشعر حلال اذا كان شعر طبيعي ومأخوذه من الشخص نفسه .. ماتدخل بالوصل


ومن اللي قريته انه اهم ياخذون من الشعر اللي ورا وهالمنطقة قوية الشعر فيها ما يطيح يسمونها المنطقة المانحه ويملون فيه الفراغات جدام بس فيه طريقتين اما انه ياخذون خصلة كاملة من الشعر ويكون فيه شق عرضي طويل بس يغطونه بالشعر او انهم ياخذون شعر متفرق مو من مكان واحد والثانية احسن

بس ترا العملية مو بسيطة انا شايفه لها فيديوات باليوتيوب


بس بتأكد جم تكلفتها عندنا بالكويت

 

[قوقوش89]

ياحلوج يالحنونه

 

[قوقوش89]

Miss Cherry والله انا سمعت ان واااايد مسوينها وماشاءالله انجحت بس اهم شي عند اي دكتور بتسوينها موتروحين حق

واحد فاشل طايح حظه يلعب براسج خو اهوا بروحه جم شعره الي بقت عشان جذي نبي تجارب البنات او احد يعرفونه

وهم سمعت في ناس يروحون ايران احسها مغامره يعني بالله طلع الدكتور نصاب منو بياخذ حقي :$

 

[sheraZia_Q8]

انا امي سوت يمكن قبل 7 سنين
اول شي ويها ورم حييييييييل كانها مسويه عملية تجميل انف ماادري ليش !
اخذو من شعرها الي ورا وحطو لها جدام مثل ما تفضلت العضوة الي قبلي وشرحت
مااذكر جم كلف لان من 7 سنين

بس لظروف نفسيه ((اختها توفت)) الله يرحمها ويغمد روحها الجنه انشاءالله
قام يرد يحت((يطيح))
واهيا من نفسها صارت تلعب بالشعر المزروع وتنتفه ماادري ليش ! يعني عامل نفسي

ورد شعرها خفيف ..

حبيباتي بس بنصحكم جم نصيحه جربوها شهرين اذا ايستو .. روحو للزراعه

حطو سدر + اكلو فيتامينات شعر + حبوب حديد + عيشو حياتكم وبلاها نكد
جربو لمده شهرين بسرعه يعدون والله
وبعدا اذا ما طلع شعر صغير صغير روحو للزراعه

وانشاء الله تتعدل شعورنا كلنا
انا شعري مو ثقيل لا والله خفيف حيل بالنسبه لعمري 20
بس راضيه الحمدلله احمده واشكره

 

[قوقوش89]

حياتي ان شاءالله يرد يطلع شعر امج يارب

وصدقيني انا عن نفسي مابقت خلطه ماجربتها وخذيت حديد وفيتامينات بالعكس كل ماله ويحت زياده قطيت فلوس لي الراس حتى ذهبي بعته وانا افرفر بهالعيادات من عيادة لي عيادة وكلهم نصابين

عشان جذي قمت افكر بالزراعه ولا ماودي اصلا وعاد حتى انا مرات لاشعوريا اقطع شعري :$

ولما استوعب شقاعده اسوي احس ببجي بروحه خفيف

 

[قوقوش89]

ذاك اليوم بعد قريت بالمنتدى وحده تقول اخوها سوا وماشاءالله النتيجة وايد حلوه تغطت القرعه

 

[العااااااااشقة....]

انا بعد ودي اسويها لاكن مو عارفه اتمنى البنا يفيدونا وجزاكم الله الجنه

 

[ṦάЯỢηά ĚŁђĻώạ]

سمعت اللي تسوي زراعة للشعر وما اهتمت فيه يصير دود بشعرها @!

 

[sheraZia_Q8]

كيوت كوين ككككككككككككككككك من صجج ولا تغشمرين تكفين يبي لي الي قايلج هالشي !!!!!
اذا شعرج اهوا ياخذونه ويردون يزرعونه نفسه .. بالله شلون يتحول ويصير دود ! بوكيمون وانا ماادري @@ والله فقدت سامحيني حبيبتي

 

[كويتية222]

رفيج ريلي تركي زرع شعره بتركيا اعتقد كلفته بحدود ال 700 دينار هالحجي من جم سنة لكن لازم يقرعون عدل ؟!!

قبل الزراعة

 

[Eva-SS]

انا شفت العمليات بالانترنت لازم يكون الشعر قصير حيل بس مو قرعه مره وحده

واللي سمعته كلهم يقولون بالكويت ممكن توصل التكلفة فوق ال ٥٠٠٠ دينار وبايران حيل رخيصة اقل من الف دينار*

 

[قوقوش89]

كويتية يعني زراعتهم زينه بتركيا !! طلع شعره رفيج ريلج؟

 

[بتوتة كتكوتة]

يمدحووون الزرع بتركيااا وااايد
شغلهم زين واسعارهم يمدحونهاا بعد

 

[هيوونه@]

اب
اب

 

[Miss Cherry]

اب

اب

 

[عسووووولة]

اب اب

 

[shams2008]

ودي حق حواجبي صار فيهم خط فاضي

 

[غلا الجوري]

اب اب