شدعوه جذي طيحتي سوقنا مره وحده =)
مو معقوله ما شفتي من الطرفين ناس زينه وناس شينه
اذا انتي مع التآلف على العين والراس
بس هذا مو معناته تطلعين غيرج بصورة شينه
ولو تشوفين ردودج وايد تنتقدين و تستهزئين ,, مع انج مستجده على قولتج غريبه يعني =)
التآلف ولا المستقله ولا الوسط كلهم فيهم الخير و البركه ,, واذا في ناس شينه اكيد في ناس زينه بكل مكان
لو بنطلع العيوب ما نخلص =) ,, و لو مافي قصور بكليتنا جان ما تحجينا ,, احنا ما سبينا ,, ننتقد الاوضاع عشان نصلحها ,,
وكل واحد مسؤول عن نفسه و اسلوبه ,, الشين شين حق نفسه ,,
خلج تآلف بس مو معناته تطلعين غيرج بالشينه ,, خصوصا انج مستجده على قولتج يعني ما عندج علم باللي يصير بالكليه
إلا اذا كانو مسولفين لج ومطلعين غيرهم بصورة مو زينه ,, و انا استبعد هالشي من البنات لأن الانتخابات ما توصل البنات لهالمرحله =)
الله يكتب اللي فيه الخير ,,
