تجمع بنات المسائي لمرحله 12 ثانوي لسنه 2010 \2011

[miss-fofo]

السلام عليكم

شلونكم بنات شخباركم

قررت اسوي هالتجمع حق كل وحده سجلت مسائي حق هالسنه هذه وانا لاحظت انه في عدد كبير من المسجلين


نبي نساعد بعض ونشجع بعض الصراحه انا وايد متشجعه بس ريلي قاعد يهبط من عزيمتي


ابيكم انتوا تشجعوني وتوقفون وياي


انا عن نفسي ابي اتخصص ادبي وادخل الجامعه معنه ريلي قالي ماكو جامعه ما تدخلين


بس انا خل اخلص الثانويه وبعدين بحاول وياه


الي سجلت بالثانويه تسجل حضورها هني في تجمعنا


يالله وينكم طالبات مجتهدات<<< هذا اول التشجيع


وانا ماراح اتشجع اكثر واكثر الا لمن اروح المكتبه واشتري ادوات المدرسه والله حدي مستانسه


من كثر ما مستانسه ودي اشتري جنطه على الظهر وجوتي اسود ودلاقات بيض ومقلمه


ريلي يقولي ياهل بس صج وناسه لمن ادخل المكتبه


تره الدوامات 26\9


وناسه <<<شفي الاخت وايد فرحانه لووووووووووول

 

[miss-fofo]

بنات انا رحت سجلت والحمد الله قبلوني

خل اقولكم شصار اولشي اختي راحت قبلي منطقه مبارك الكبير التعليميه جان يقولولها لا انتي روحي على طول حق المدرسه الي راح تدرسين فيها سجلي


قلت الحمدالله انه ما تعنيت ورحت المهم طلعت المدرسه هي صباح السالم انا بطاقتي المدنيه لي الحين على بيت اهلي صباح السالم بس اختي ريلها غيرها حطاها بيان

وهي تبي وياي صباح السالم قالتلهم قالولها عادي بس يبي ورقه مالت بيت اهلج وعلى طول نسجلج

يوم رحت بسجل اوراقي كلها كامله جان تقولي مو 4 صور 6 صور

قتلها كا المنطقه التعليميه معطيتنه ورقه مكتوب فيها جان تقول لا خذي هذه الورقه منا احنا

الفرق بين ورقه المدرسه والمنطقه التعليميه 6 صور

ويبون صوره الجواز

وطبعا كلشي صوره و اصل عشان يطابقون ويردولج الاصل بس شهادة الثانويه الاصل المصدقه يعني عليها طابع هي الي ياخذونها

يعني يبي وياج الجنسيه والجواز وشهاده الميلاد والبطاقه المدنيه الاصليين عشان يطابقون

بس الصراحه انا لا طابقوا ولا شي عطتني اياهم قالت شيلي الاصل وخلي الاوراق


المهم ردتني البيت بس عشان اييب صورتين زياده انا واختي واختي بعد كان ناقصها ورقه بيت اهلي

لا وبعد المصاخه لازم اييب ملف بو طباقي ولا ماياخذون اوراقي عاد ماادري كل الثانويات جذي بس الي بتروح صباح السالم نودي وياها ملف بو طباقي

تره صج احسن عشان لا يطيحون او يضيعون اوراقكم


المهم كملت صوري وشريت ملف ورديتلهم وسجلوني حطوني بصف ثانيه ادبي

واختي مسكينه لي الحين ماخذت من ابوي ورقه البيت

انشالله يوم الاحد تسجل

اي وسالتها عن امتحانات الفاينل عشان ولادتي بامتحانات الفاينل قالتلي عادي مؤجل ونحسبلج من 100


اي وقالت التسجيل لي اخر شهر 9


معنه في قبل قالت شهر 10

ماادري منو الصح بس روحو بسرعه احسن


اي تذكرت اختي موقتلكم بطاقتها على بيان يعني تابعه حولي

قالولها تدرس في خالده بنت الاسود

بس اختي الكبيره قبل سنتين درست في ام سلمه الظاهر كل سنه غير

اي وعلى سالفه الشهاده شهاده الدبلوم الي كنتوا ماخذينها ما تنلغي بس شهادة الثانويه تنلغي في حال تخرجتي من المسائي مايصير عندج شهادتين ثانوي عشان جذي ياخذون منج الشهاده الاصليه عشان يلغونها وقت التخرج

هذا كلاماختي الي اكبر مني قبل سنتين تخرجت من مسائي 12 ودشت اتصلات وملاحه لغوا الشهاده القديمه


واذا تذكرت شي بقولكم


واذا عندكم اي ستفسار انا حاضره يوم الاحد بروح ويه اختي اسالكم الي تبونه

 

[> Miss M6ereiah <]

< مو بــــ 12 بس نفس شعورج وناستي مالها حد
بس تكفون ادعولي ما يطوفني التسجيل لأني راح اروح يا الاحد يا الاثنين
حدي حدي حدددددددي متحمسة

 

[> Miss M6ereiah <]

مس فوفو بتروحين الاحد ؟
ميخالف اطلب منج جم شغلة عشان تسألينهم حقي ؟

 

[znzoon]

رد : تجمع بنات المسائي لمرحله 12 ثانوي لسنه 2010 \2011

انا انشالله بسجل يوم الاحد

بعيدها هالسنه ادبي انا كنت خريجه 2006

بعمره بنت رواحه

والحين بعيدها بزينب بنت محمد

اللي فهمته منج فوفو

اجيب معاي

1 الجواز وصوره عنه

2 ست صور

3 شهادة الثانويه مصدقه

4 الجنسيه وصوره عنها

5 شهادة الميلاد وصوره عنها

6 البطاقه المدنيه وصوره عنها

حبيت اكتبهم بالترتيب عشان يستفيدون البنات

تكفووووووووون ادعولي

يوم الاحد تسجيلي

بس سؤال من وين اجيب الشهاده المصدقه من المدرسه القديمه والا من المنطقه التعليميه

والا من البيت اقصد شهادتي القديمه

؟؟؟؟؟؟؟؟؟؟؟؟؟؟

 

[znzoon]

رد : تجمع بنات المسائي لمرحله 12 ثانوي لسنه 2010 \2011

اب



اب

 

[بنت عطا]

عاشوا بنات 12ء انا بعد وياااااااااكم

انا من عاشر كنت مسائي بنات والله سهالات ووناسه وضحك لاتحاتون والابلات يراعونا حيل

 

[miss-fofo]

شينو فيني لا تخافين انشالله ما يطوفج التسجيل لان لي اخر شهر٩
تفضلي امريني
اي صح زنزون الي قلتي ولاتنسون ملف بو طباقي وشهادتج القديمه اذا ضايعه طلعي بدل فاقد من وزاره التربيه

 

[miss-fofo]

شينو فيني لا تخافين انشالله ما يطوفج التسجيل لان لي اخر شهرتسعه تفضلي امريني
اي صح زنزون الي قلتي ولاتنسون ملف بو طباقي وشهادتج القديمه اذا ضايعه طلعي بدل فاقد من وزاره التربيه

 

[شيختهم$$]

رد : تجمع بنات المسائي لمرحله 12 ثانوي لسنه 2010 \2011

وي انا عيل شهادتي الاصليه مالت تخرجي ضايعه بس عندي طبق الاصل ومافيني اروح اطلع بدل فاقد بطنشهم ليمن يطلبونها
وزيين سويتو تجمع خل نسولف نفضفض ونشجع بعض

انا بعد ابي اعيد رابعه تحسين معدل شهادتي تخرجت 1999_2000 ومادري شنو يعادلونلي خايفه ادعولي بنات تتيسر اموري وبس اعيد 12

 

[miss-fofo]

عاشوا بنات 12ء انا بعد وياااااااااكم

انا من عاشر كنت مسائي بنات والله سهالات ووناسه وضحك لاتحاتون والابلات يراعونا حيل

حياج الله ويانا
يعني انتي خلصتي عاشر واحد عشر والحين رايحه ثاني عشر؟
انتي اي مدرسه

بنات ابي احط التوقيع شلون علموني

 

[miss-fofo]

رد: رد : تجمع بنات المسائي لمرحله 12 ثانوي لسنه 2010 \2011

وي انا عيل شهادتي الاصليه مالت تخرجي ضايعه بس عندي طبق الاصل ومافيني اروح اطلع بدل فاقد بطنشهم ليمن يطلبونها
وزيين سويتو تجمع خل نسولف نفضفض ونشجع بعض

انا بعد ابي اعيد رابعه تحسين معدل شهادتي تخرجت 1999_2000 ومادري شنو يعادلونلي خايفه ادعولي بنات تتيسر اموري وبس اعيد 12

ويي وين ضايعه نزين يمن يمكن يبون طبق الاصل مايصير سالي اذا يبون بدل فاقد بسرعه روحي طلعيها لان طواله على ما يطلعونها خوفج يخلص التسجيل

انا سامعه الي كانوا على نظام التشعيب يعيدون احد عشر وثاني عشر
والي على نظام ادبي وعلمي بس سنه الي هي ثاني عشر

 

[miss-fofo]

عاشوا بنات 12ء انا بعد وياااااااااكم

انا من عاشر كنت مسائي بنات والله سهالات ووناسه وضحك لاتحاتون والابلات يراعونا حيل

حياج الله ويانا
يعني انتي خلصتي عاشر واحد عشر والحين رايحه ثاني عشر؟
انتي اي مدرسه

بنات ابي احط التوقيع شلون علموني

 

[زووزو الكويتية]

رد : تجمع بنات المسائي لمرحله 12 ثانوي لسنه 2010 \2011

انا بعد وياكم ناويه هالسنه اعيدها بس ياريت للي عندها فكره عن المسائي والدوام يعني الدوام يومي والتزام او متساهلين تخبرنا

 

[شيختهم$$]

رد : رد: رد : تجمع بنات المسائي لمرحله 12 ثانوي لسنه 2010 \2011

ويي وين ضايعه نزين يمن يمكن يبون طبق الاصل مايصير سالي اذا يبون بدل فاقد بسرعه روحي طلعيها لان طواله على ما يطلعونها خوفج يخلص التسجيل

انا سامعه الي كانوا على نظام التشعيب يعيدون احد عشر وثاني عشر
والي على نظام ادبي وعلمي بس سنه الي هي ثاني عشر

انا تشعيب تجاري لووول حدي قديمه بروح اسألهم الله يستر ويسهل اموري واموركم

 

[znzoon]

رد : تجمع بنات المسائي لمرحله 12 ثانوي لسنه 2010 \2011

موفقين يا بنات

 

[> Miss M6ereiah <]

شينو فيني لا تخافين انشالله ما يطوفج التسجيل لان لي اخر شهر٩
تفضلي امريني
اي صح زنزون الي قلتي ولاتنسون ملف بو طباقي وشهادتج القديمه اذا ضايعه طلعي بدل فاقد من وزاره التربيه

ان شاء الله ما يطوفني
ابيج تسألينهم ان انا كنت نظام مقررات وخلصت اولى وثانية الحين شنو اخر شهادة يحسبونها رابعه متوسط ؟
يعني ارد اعيد اولى وثانية مرة ثانية ؟
وبس انا زهبت باجي الطلبات حتى الملف يبته
وابيج بعد تسألينهم فاطمة الهاشمية اللي بالعدان اقدر اكمل مسائي ولا وين اروح اقرب شي يعني

 

[miss-fofo]

رد: رد : تجمع بنات المسائي لمرحله 12 ثانوي لسنه 2010 \2011

انا بعد وياكم ناويه هالسنه اعيدها بس ياريت للي عندها فكره عن المسائي والدوام يعني الدوام يومي والتزام او متساهلين تخبرنا

اي الدوام يومي ولازم تلتزمين
انا اختي الكبيره درست مسائي تقول اذا شافوج المدرسات ملتزمه بالحضور يساعدونج بس اذا مستهتره مايساعدونج

 

[miss-fofo]

رد: رد : رد: رد : تجمع بنات المسائي لمرحله 12 ثانوي لسنه 2010 \2011

انا تشعيب تجاري لووول حدي قديمه بروح اسألهم الله يستر ويسهل اموري واموركم

اي نفس اختي الكبيره تشعيب تجاري عادت ثالثه ورابعه
شوفي روحي سالي

 

[miss-fofo]

ان شاء الله ما يطوفني
ابيج تسألينهم ان انا كنت نظام مقررات وخلصت اولى وثانية الحين شنو اخر شهادة يحسبونها رابعه متوسط ؟
يعني ارد اعيد اولى وثانية مرة ثانية ؟
وبس انا زهبت باجي الطلبات حتى الملف يبته
وابيج بعد تسألينهم فاطمة الهاشمية اللي بالعدان اقدر اكمل مسائي ولا وين اروح اقرب شي يعني

اوكي حبيبتي انشالله راح اسالج