تجمع امهات صعوبات ((تشتت انتباه))

[فرح الياسر]

الى كل أم....لديها طفل صعوبات تعلم...​

الى كل ام لديها معلومه مهمه تخص الموضوع...

اتمنى من كل ام ان تتحدث عن حكايتها...عن كيف اكتشفت ان ابنها (ابنتها) صعوبات تعلم....كيف واجهة هذه المشكله؟؟؟
وكيف استطاعت التغلب عليها؟؟؟؟​

....قصتي مع ابنتي وصعوبات التعلم...
ابنتي عمرها الأن 6 سنوات....عندما دخلت سنه اولى ابتدائي...((هذه السنه)) شعرت انها تختلف عن اخواتها عندما كانوا في نفس عمرها!!!!
لا تتجاوب مع تدريسي لها!!!لا تتجاوب مع المدرسه..(((والمدرسه اصلا لم تبذل مجهود معها)))
اشعر انها تعاني كثيرا عندما تحاول التركيز((اعتقد انها تعاني من تشتت انتباه))
وعندما شعرت بالعجز معها...حاولت ان اتثقف عن طريق الأنترنت و اصبحت اقرأ اكثر في هذا الموضوع...ثم اصبحت عضوة في موقع الدكتور / البروفيسور عبدالله السبيعي (موقع نجاح-و الدكتور يقدم برنامج بر الأمان على قناة المجد)
...المهم انني استشرته في امر ابنتي و نصحني ان اعمل لها اختبار ذكاء...وان شاء الله سأعمل لها الأختبار قريبا....
ثم قمت بتسجيل ابنتي لدى مدرسة صعوبات تعلم ومن تقيمها لها اخبرتني انها تعاني من صعوبات و لكن يمكن ان تتحسن!!! الحمدلله انا مرتاحه من تدريسها و هي استفادت كثيرا من معلمتها!!!:yaaaaaarb:​

هذه قصتي مع ابنتي....اعرف انها لم تكتمل قصتها بعد...لكنني اتمنى ان تفيدوني بتجاربكم!!!:hjy5jewf:​

 

[غلاي غير]

الله يشفيها بس شلون عرفتني هل بدا عليها صعوبه في شي معين

 

[فرح الياسر]

مشكوره اختي عالرد و الاهتمام بالموضوع....
بالنسبه لسؤالك....نعم انتبهت انها لا تستطيع ان تكتب الأحرف ...يعني اذا كتبت لها حرف (أ) مثلا...وجدت انها لاتستطيع ان تكتب نفس الحرف...تمسك القلم ثم تقوم بكتابة خطوط وتشعر بالتعب لمجرد التركيز و المحاوله!!!!!

 

[فوفو22]

بصراحه مشكلتي مع ابني عمره 9 سنوات

هو انه مؤدب زياده عن اللزوم وذرب والاهم من هذا انه خجول

فلا يشارك في الفصل بالشفوي ولا يستطيع ان يكون صداقات مع زملاءه

حاولت اشركه بالمقصف ورفض

تعبت في تكويت ودراسة شخصيته

رحت عملت له اختبار الديسيلكسيا ب 95 دينار
والنتيجه انه سليم ولله الحمد

من فترة ليست قريبة لا يأكل وجبته اللي احطها بالشنطه والسبب ان واحد بالصف يأكلها

ويرفض ان يقول اسم الطالب اللي ياخذ الوجبة

قمت احط وجبتين له ولصديقه عشان افرح ولدي واعزز الثقة بنفسه

تتوقعين شنو قالي عقب يومين

ترى رفيجي ما يبي كل يوم سندويش جبن حاولو تجيبون زعتر!!!!!

طبعا صرت اشتري على شهوة رفيجه

هو لا يعرف يكون الصداقات مع اني اجتماعية درجة مليون

ومعطيته كل وقتي

ولكن لا اعرف اتعامل مع حالته

على فكره يوم كان باول وثاني وثالثة ويمكن حتى الحين

دايم يطقونه اليهال بالمدرسة وهو يتحمل الضرب وما يقولي عشان ما زعل عليه ولا اتضايق منه

بس اشوف اثار قلم رصاص وكدمات وغيره

والله يعور قلبي

يا ليت القى حل حتى لو يكلفني كثير

 

[فرح الياسر]

شكرا على مشاركتك....ويمكن طبع الولد خجول وبس !! يعني مافيه مشكله نفسيه...ولله الحمد!!
والله يعينج...ترى هذي هي مشاكل الأولاد في المدرسه....يا يطق يا ينطق!!!!
وشكرا....

 

[فرح الياسر]

نداء لأخواتي الأمهات............افيدونا جزاكم الله خير

 

[فرح الياسر]

سبحان الله وبحمده....سبحان الله العظيم

 

[najlaa]

هلا انا من المهتمات جدا بهذا الموضوع

 

[فرح الياسر]

اختي نجلا....ممكن اعرف سر اهتمامج!!! يعني عندج طفل صعوبات تعلم ((تشتت انتباه)) والا اهتمامج اكاديمي((تخصص))..او اهتمام بالموضوع من باب الثقافه العامه؟؟
واياً كان ردج اتشرف بزيارتج و اثراء الموضوع بأرائك...
وشكرا

 

[القرآن ربيع قلبي]

بصراحه مشكلتي مع ابني عمره 9 سنوات

هو انه مؤدب زياده عن اللزوم وذرب والاهم من هذا انه خجول

فلا يشارك في الفصل بالشفوي ولا يستطيع ان يكون صداقات مع زملاءه

حاولت اشركه بالمقصف ورفض

تعبت في تكويت ودراسة شخصيته

رحت عملت له اختبار الديسيلكسيا ب 95 دينار
والنتيجه انه سليم ولله الحمد

من فترة ليست قريبة لا يأكل وجبته اللي احطها بالشنطه والسبب ان واحد بالصف يأكلها

ويرفض ان يقول اسم الطالب اللي ياخذ الوجبة

قمت احط وجبتين له ولصديقه عشان افرح ولدي واعزز الثقة بنفسه

تتوقعين شنو قالي عقب يومين

ترى رفيجي ما يبي كل يوم سندويش جبن حاولو تجيبون زعتر!!!!!

طبعا صرت اشتري على شهوة رفيجه

هو لا يعرف يكون الصداقات مع اني اجتماعية درجة مليون

ومعطيته كل وقتي

ولكن لا اعرف اتعامل مع حالته

على فكره يوم كان باول وثاني وثالثة ويمكن حتى الحين

دايم يطقونه اليهال بالمدرسة وهو يتحمل الضرب وما يقولي عشان ما زعل عليه ولا اتضايق منه

بس اشوف اثار قلم رصاص وكدمات وغيره

والله يعور قلبي

يا ليت القى حل حتى لو يكلفني كثير

اولا اشكر اختي العزيزة فرح الياسر على طرح الموضوع الحساس لان كل ام تتوقع انه ولدها ذكي ومتفوق ولما تشوفه صعب التعلم تكابر وتضغط الولد وهذا اكبر غلط لان الولد بالدرجة الاولى يتعب نفسيا وجسميا
ثانيا احييج على اهتمامج الكبير ببنتج وماشاء الله تبارك الرحمن الله يخليج لهم تداركج للموضوع سرييع وان شاء الله تلقين نتايج طيبة

ثانيا اخت فوفة حل ولدج سهل وبايدج
لا تتاخرين على طول شركيه كاراااااااتيه
مو عشان يطق لا حبيبتي عشان يدافع عن نفسه ولان رياضة الكاراتيه خصوصا والرياضات عموما وخاصة للولد تعطي ثقة للولد وتخليه يعبر عن نفسه صح
وانتي دخليه وشوفي التغيير بشخصيته مع التشجيع منج
وسلامتكم

 

[omneyaty]

خواتي لا تتوقعون الحل والمساعده بتلاقونها عند ولا مع المدرسه هذا بالنادر

الحل اذا شكيتي ان عند ولد ولدج اي حاله بالدراسه متعلقه بذكاءه وانتباهه


روحي المستوصف ةاخذين تحويل للطب التطوري بمستشفي الصباح ويسوون لك اختبار ذكاء ويدخلونه على الطبيب

وهو يقدر مستوى الحاله انصحكم بالابتعاد عن المراكز التجاريه

الشافي الله سبحانه وراح يعطونج تعليمات واوراق للمدرسه تجبرهم على التعامل بجديه مع الطالب


ولي عوده للموضوع

 

[فرح الياسر]

اختي ...القرآن ربيع قلبي....اشكرج على المرور و ردج اللي اتمنى انه يفيد صاحبة المشكله....وانتظر مشاركاتج الجديده في هالموضوع.....

 

[nouna82]

السلام


عند بنت اعاني معاها لان ما تنتبه بالصف ( قلة تركيز ) و لما وديتها قياس و تقويم الطفل بالسرة و الطب التكوري قالولي احتمالية انها يكون فيها فرط نشاط عشان جذي ماتركز بس ماتشخصت من صعوبات التعلم يعني تشتت الانتباه مو شرط ان يكون الطفل من فئة صعوبات التعلم او بطئ التعلم

 

[فرح الياسر]

خواتي لا تتوقعون الحل والمساعده بتلاقونها عند ولا مع المدرسه هذا بالنادر

الحل اذا شكيتي ان عند ولد ولدج اي حاله بالدراسه متعلقه بذكاءه وانتباهه


روحي المستوصف ةاخذين تحويل للطب التطوري بمستشفي الصباح ويسوون لك اختبار ذكاء ويدخلونه على الطبيب

وهو يقدر مستوى الحاله انصحكم بالابتعاد عن المراكز التجاريه

الشافي الله سبحانه وراح يعطونج تعليمات واوراق للمدرسه تجبرهم على التعامل بجديه مع الطالب


ولي عوده للموضوع

الله يخليج اذا عندج اي معلومات عن طريقة عمل اختبار ذكاء بمستشفى حكومي...افيديني...والله ودي اكلم احد مر بنفس هالتجربه....بس تعرفين الناس و فكرتهم الخاطئه عن صعوبات التعلم!!!!
ساعديني الله يساعدج دنيا و آخره...آمين

 

[nouna82]

فرح عندج 3 اماكن تروحين لها

1) مركز قياس و تقويم الطفل بالسرة و هذا رقمهم دقي اخذي موعد 25353681
2) روحي مستشفى الطب التطوري عن طرق تحويل من مستوصف و هم لازم موعد و ياكرهم موعدهم بعيد

3) و الاختيار الاسلم انج تروحين عيادة د فاطمة العوضي تسويلج اختبارات تقريبا تاخذ 300 دينار و هذا رقمها 25632345

 

[فرح الياسر]

السلام


عند بنت اعاني معاها لان ما تنتبه بالصف ( قلة تركيز ) و لما وديتها قياس و تقويم الطفل بالسرة و الطب التكوري قالولي احتمالية انها يكون فيها فرط نشاط عشان جذي ماتركز بس ماتشخصت من صعوبات التعلم يعني تشتت الانتباه مو شرط ان يكون الطفل من فئة صعوبات التعلم او بطئ التعلم

منو اللي قاللج ان تشتت انتباه مو بالضرورة صعوبات تعلم؟؟؟ الدكتورة؟؟؟
اللي اعرفه((قريته بالانترنت ان صعوبات تعلم درجات و الاسوء ان الطفل يكون فيه تشتت انتباه + فرط الحركه مع بعض....بس بنتي الحمدلله بس تشتت انتباه خفيف بس مع طريقة تدريس المدرسه و عصبيتها و تصنيفها لها بالكسلانه و الغبيه...البنت ماتبي تتجاوب معها !!! الله يعيني ان شاء الله ويعين جميع المسلمين!!!
الله يخليج اختي جاوبي على سؤالي !!!!

 

[nouna82]

الدكتور قالي ان بنتي فيها فرط نشاط و انها ماتعتبر من صعوبات التعلم ولا حتى بطء تعلم يقولولي بس تحتاج تقعد في فصوول يكون طلبتها عدد قليل عشان تقدر تركز


حبيبتي صعوبات التعلم لها مدرسة خاصة فيها يكون الطفل مايتعلم و لايتوعب كلش

انا بنتي الحمدلله تستوعب اذا الابلة كلمتها فيس تو فيس بسرعة تلقط المعلومة عكس اذا كان الفصل وايد فيه مو بسرعة تلقط المعلومات فيبلها متابعة

 

[فرح الياسر]

وبنتي نفس الطريقه...المدرسه مالت صعوبات التعلم اللي قاعده تدرسها الحين قالت لي نفس الكلام...ان بنتي محتاجه مدرسه تدرسها بصف عدد طالباته شويه....تدرين كم عدد الطالبات اللي مع بنتي....35 طالبه!!!!والحين بنتي احس ماشيه مع المدرسه الخاصه...بس طلعتها من اولى ابتدائي هالسنه وراح ادرسها السنه الجايه...بس و الله احس اني ميته من الخوف عليها وعلى مستقبلها ما ادري شنو راح اتسوي اذا دشت المدرسه و لما تكبر اذا الله عطاها عمر.....الله يعين الامهات!!!!

 

[جمانةالربيع]

انا ولدي في الصف الثاني عنده تشتت وعدم مبالاه وخطه رديئ وديته عند دكتور نفسي وذكر انه عنده ارتخاء في عضلات اليد وارسلني حق مدرسه في هل المجال واتقول انه ماشي معاها بالنسبة حق التشتت وعدم المبالاة لانه مدرسة ولدي خاصة انجليزيه وايد ضاغطين عله اليهال بشكل كنت في الويدكند ما اطلع واختبارات موجنه في الاول والناس قدرات وقالي غيري المدرسه والسنه ذي غيرت لمدرسه امريكيه بس الحمدلله صار احسن شوي بس لحد الحين مع مشكلة الخط

 

[برونزية رشيقة]

انا ولدي في الصف الثاني عنده تشتت وعدم مبالاه وخطه رديئ وديته عند دكتور نفسي وذكر انه عنده ارتخاء في عضلات اليد وارسلني حق مدرسه في هل المجال واتقول انه ماشي معاها بالنسبة حق التشتت وعدم المبالاة لانه مدرسة ولدي خاصة انجليزيه وايد ضاغطين عله اليهال بشكل كنت في الويدكند ما اطلع واختبارات موجنه في الاول والناس قدرات وقالي غيري المدرسه والسنه ذي غيرت لمدرسه امريكيه بس الحمدلله صار احسن شوي بس لحد الحين مع مشكلة الخط

جمانة الربيع : أي مدرسة كان فيها ولدج ؟ ووين نقلتيه ؟؟؟ إذا ممكن .. :yaaaaaarb::yaaaaaarb: