تجمع امهات دسمان :)

[حلم الطفولة]

رابط مدرسة دسمان النموذجيه
http://www.dasmanschool.com.kw

 

[أوراد3]

رد: عطونا نبذه عن دسمان وأسرار والرواد وأجيال ..

والله يا أم اسيل آنا ولدي بدسمان بالروضة
حطيته فيها لأنها قريبة من دوامي مثلج
بس والله ولدي وايد تعلم منها والأبلات زينين
بس عيبها إن المبنى قديم

 

[الصابرة المحتسبة]

رد: عطونا نبذه عن دسمان وأسرار والرواد وأجيال ..

السلام عليكم
بخصوص دسمان سمعت انها متغيرة من الأفضل للأسوء والأبو نقل ولده منها للحكومة تخيلوا طبعا يمكن ناس عن ناس تفرق في بعضهم يرتاحون على شغلات ويطوفون وفي بعضهم لا ما يعجبهم بس الأبو اللي تكلمت عنه اهو رفيج ابونا
وارضاء الناس غاية لا تدرك
وتسلمين يا حلم الطفولة على هالبادرة دوم مبدعه

 

[زيزية سمره]

رد: عطونا نبذه عن دسمان وأسرار والرواد وأجيال ..

هاي كويتيات..

بالنسبة لمدرسة دسمان ترى حدها عجيبة..آنا ولدي هالسنة kg1 عندهم..لو مهما أوصف ما أقدر أوصل لكم اشكثر المدرسة قوية و ممتازة.. ما شااللة ولدي الحين يعرف يكتب اسمة بالعربي و الانجليزي و يتكلم انجليزي يطلاقة حتى شخصيتة تغيرت صار أكثر ثقة بنفسة و الحلو بالمدرسة انها قوية بالعربي و الانجليزي..يعني الياهل يطلع قوي بالعربي و الانجليزي...هذا غير انهم يحفظون اليهال القرآن و يقصون لهم قصص دينية بعد.. يعني الياهل كل يوم يجيج بموضوع يديد و قصة يديدة و تلاحظين التطور عليه أول بأول ... وتحسين ان فلوسج صج حاطتها بمكانها.

 

[حلم الطفولة]

رد: عطونا نبذه عن دسمان وأسرار والرواد وأجيال ..

مشكوره زيزيه سمره ..
صديقتي عيالها بدسمان وتمدحها دايما .. وتقول الاكسنت روعه .. والكتابه حتى قصايد انجليزي يكتبون ... والانشطه وايد نشاطات ..
آنا أثق باختيارها .. وعلى كلامها دسمان وايد زينه .. والعلم عند الله .

وأرد أشكر الاخت زيزيه .. وجان زين تكتبين لنا اكثر تفاصيل عن المدرسه ..

 

[زيزية سمره]

رد: عطونا نبذه عن دسمان وأسرار والرواد وأجيال ..

حبيبتي الصابره المحتسبة ممكن تقولين لما بالضبط شنو مشكلة رفيج ريلج مع دسمان ... خلونا نفيد و نستفيد.

حبيبتي حلم الطفولة.. المدرسة نظامها وايد عجيب.. يعلمون الياهل عن طريق التلوين واللعب ووايد الياهل يستفيد و بعدين يراقبون و يطورون قدراتة مثل مسك القلم.. استخدام المقص و الصمغ.. حركتة و لعبة و تفاعلة مع الاخرين..و بعد اذا حسو ان اداء الياهل قل أو نشاطة تغير على طول يكلمونج علشلن يعرفون الموضوع... الياهل يكتسب لغة قوية بالانجليزي و بعد يصير قوي بالعربي و بالدين و يعطونة رياضيات عربي بعد . يعني تحسين صج انج قاطة فلوسج بمكانها.

 

[مشرومه]

رد: عطونا نبذه عن دسمان وأسرار والرواد وأجيال ..

يعطيكم العافيه

بالنسبه لمدرسة دسمان ؟؟ عيال اخوي وبنات عمتي وعيال خالتي فيها ... بصراحه المدرسه من اروع مايمكن وانا شخصيا سألت عنها عن طريق وحده تشتغل بوزارة التربيه بقسم التعليم الخاص وقالتلي من احسن المدراس الامريكيه بالكويت واهي مدرسه قديمه مو يديده يعني عندهم خبره كبيره بطريقة التدريس وبصراحه ومن غير زعل انا ضد اختنا سيدة الكويت انها قالت لعب اكثر من تدريس اصلن مساكين وين يمديهم يلعبون اذا كانتي تتكلمين عن الروضه شي طبيعي ما يضغطون عليهم وبعدين روحو شوفي الروضه بمدارس الحكومه طول اليوم اغاني وحفلات وطبعن ما نقول كل المدارس بس الاغلبيه .. ومدرسة دسمان صج مبني الروضه والابتدئي قديم بس الاهم مستوى الدراسه يعني شسوي بمبنى يديد والدراسه خرابيط ؟؟
ومدرسة دسمان اصلن ما فيها قبول على طول يعني كله عالويتينق ؟؟ لانه المدرسه عليها ضغط تبارك الرحمن .. وانا من المدارس الامريكيه القويه الي مرو علي مدرسة دسمان النموذجيه والامريكيه الدوليه وفي بعد مدرسه امريكيه كانت بسلوى وانقلوها حلوي حتى المبنى لونه ازرق ألحين ؟؟ بس مو ذاكره اسمها ..وصدقوني كل وحده بتدخل عيالها مدرسه اكيد بتمدحها .. يعني الزين عندي والشين حوالي ههههه .. والله يوفق الجميع ..​

 

[مشرومه]

رد: عطونا نبذه عن دسمان وأسرار والرواد وأجيال ..

اي اكيد كل واحد يقول انطباعه .. ناظرتهم ليلحيم امريكيه كبيره بالعمر .. نفسها ما تغيرت .. وكل وحده بدخل عيالها مكان اكييييييييييييييييييييييييييييييييييييييد بتقول الزين عندي والشين حوالي .. وبعدين الياهل الشاطر لو وين تحطينه يمشي ... بس طبعن هم التأسيس يلعب دور كبير ... وانا قتلج هذا راي وراي وايد ناس اعرفهم بالمدرسه .. ووايد تخرجو منها وتبارك الرحمن ألحين بالجامعه الله يوفقهم وييوفق عيالكم ياربي

 

[حلم الطفولة]

رد: عطونا نبذه عن دسمان وأسرار والرواد وأجيال ..

عيال صديقتي بدسمان وتمدح حيل حيل فيها .. ويبقى الرأي الشخصي مو مقياس ولكنه ورقه راجحه في كفة سمعة المدرسه..
وهي ماتفكر أبدا تطلعهم منها , حتى اللهجه عندهم تقول وايد حلوه أمريكيه .. ويبقى التوفيق من رب العالمين ومثل ماقلتو الشاطر شاطر وين ماينحط.