تجمع امهات الصف العاشر

[angle girl]

اعتقد إحنا الأمهات نواجه مشكلة فعلا مع عيالنا بالصف العاشر ؟؟؟ خصوصاً الكيمياء و الرياضيات وايد صعب و باقي المواد ايضاً؟؟؟ اشلون انلحق على الدروس الخصوصية ؟؟؟ ساعة درس خصوصي بعشرة دنانير يعني إذا ساعتين بعشرين و جم مرة بالإسبوع و حق جم مادة ؟؟؟

يا ويلي بدفع المعاش كله ؟؟؟ شنو الحل عفية الى يعرف معهد زين يدلني عليه ،، احسن من الدروس الخصوصية مو ملحقة والله ؟؟؟؟

 

[النهج الاسمى]

انا مثلج ومن كثر خوفي على ولدي دخلته مدرسه خاصه


لاني ادري صرفي على المدرسين الخاصين بالكورس راح يوصل 400 دينار

يعني مثل سعر الخاص على الاقل يفكني من الهم

 

[angle girl]

يعني مافي معهد زين حق عاشر _ يا ريت الأمهات الي يودون عيالهم معاهد زينة و فادت عيالهم يخبرونا

 

[جريحة الصمت]

أختي أنا ما ني ولية أمر..بس عانيت مثلج أختي كانت بعاشر..ودام أنتي دافعه فلوس..أنا أفضل تدفعينها على الددروس الخصوصية..على الأقل بنتج جدام عينج..وراح تكون المدرسة لها بروحها..وخل أقولج شي أنتي موشرط تجيبين كل مدرسات المواد..هاتي اللي بنتج أو ولدج مستصعبة..أما الباقي هاتيهم على حزة الامتحانات..وانتي خليج معاها أول بأول بالمذاكرة.بس مو معناة هذا اعتماد كلي عليج..
صدقيني جذي أحسن وأخذيها مني عن تجربة..بعدي عن المعهد الخاص..راح يكون سالفة ..من يوديه ومن يجيبه..وراح تنشغل مع البنات اللي معاها..ويمكن المعلمين مو شي..

 

[نـــــوف]

اختي انا بعد عندي بنت بالعاشر وقبلها اخوها الله يوفقه


عاشر تغير للأفضل وخفت الضغوط الي على عالطلبه صج انهم زادو النسبه هالسنه بس افضل لهم


عاشر يبيله دراسه اول بأول وبس بالنسبه للرياضيات وااااااااااااايد اسهل من تاسع وراح تشوفون الفرق


وانصحج اذا محتاجه شي تيبين لها مدرس خاص تحت عينج ولا طلعه المعاهد والله ما تدرون شالبلاوي الي تصير هناك



وبعدين حصص عاشر ما توصل 10 الحين من 7-8 وهذا في الغالب


وبالذات هالسنه التركيز على الاعمال اكثر حتى من الامتحان هذا الي تقوله اللائحه الجديده وترى للحين اللائحه مو واضحه لتوزيع الدرجات


بس خلو اعيالكم يركزون عالاعمال اليوميه الدفاتر الطلبات التحضير والتقارير وطبعا كتابه الواجب اوب بأول والدراسه اليوميه

ترى الاختبارات بتكون تقريبا 9/11 يعني ما بقا لها الا الشهر والله يوفق الجميع


في وااااااااايد مذكرات حلوة خاصه بالصف العاشر موجوده بموقع منتدى مدرستي الكويتيه حطي بجوجل ويطلع لج جدااااااااااااااا مفيده ولا تطوفكم وحق كل مواد عاشر مع نماذج اختبارات بعد بصراحه روووووووعة


بالاضافه الى مذكرات جمعيه المعلمين هم واااااااااايد زينه



وبالتوفيق ان شالله لعيالنا

 

[المرام]

انا بعد وياكم ,,بكري بعاشر وهي اصلا مو ذاك الزود بالدراسه بس مدري ليش قلبي بااااارد
الله يكون بعونهم وعونا

 

[Nice-Heart]

يا حسرتى انا بعد ولدى هالسنه بعاشر والله عقدنى ربعه راحوا خاص مدرسة خليفه الجرى
الله يعافيكم نصحونى شسوى اودريه او اخليه بالحكومه
والولد شاف ربعه بالخاص ويننى حنه يى يروح معاهم يقول اسهل من الحكومه
الله يعافيكم ردوا على
مو قادره انام من التفكير