تجمع امهات الصف الاول .خصوا اللي اول مره

[ديرتي الغاليه]

السلام عليكم :

بما اني ام ولاول مره تدخل بنتي المدرسه اكيد واااايد مثلي ومتوهقاتبطريقة التدريس وتدخيل المعلومه للبنت ............ياليت يكون تجمع وخصوصا الامهات الجدد لاول مره عيالهم يدرسون ...........

1-شنو المشاكل اللي تواجهينها ؟ وشلون حليتيها ؟

2-اي ماده صعبه وما تقدرين تشرحين لبنتج او دخلين المعلومه ؟

3-وكل وحده عارفه او عندها طريقة لتدريس سهله تتفضل تقولها وخصوصا الانجليزي:0bee2e8d89: مو فاهمه اشلون ادرسها او احفظها كتابيا او شفوي ؟

انتظركم _03BA:​

 

[المهـــــــــــا]

هلا فيج يا الغاليه .....

جزاج الله خير على ها التجمع الصراحه وانتى صااجه فى شغلات كثيره انا متوهقه فيها بنتى اولى ابتدائى والمنهج لج عليه احسه صعب انا يا الله افهمه شلون ها ليهال العلوم فيه شغلات صعبه ومن غير طلبات المدراسات اللى ما تخلص وهم انا مثلج الانجليزى مو عارفه شلون افهمها وناطرين باجى الامهات يا ريت يشاركوناا ......

 

[همسة فرح]

هلا والله بامهات المستقبل انا بعد اول مره تدخل عندي بنت للمدرسه وبصراحه حدي متوتره وانقلبت حياتي طول الاسبوع ما اطلع وملعوزتني بالارقام تنسخ بدون حفظ لا والطامه الكبرى اهي كلامها مكسر وتعالي حفظيها ايه والله والله لما حفظتها سورة الناس صار فيني انهيار عصبي :eh_s(14): وقمت ابجي يومين وبالنسبه للانجليزي الحفظ يكون شفهي والابله عطتهم اول حرفين كتابه بالواجب

 

[maryam_q8]

والله متوهقة بالعلوم ماني عارفه شلون ادرسها وهالاسبوع عندها امتحان

 

[بنت الكويت1]

في البداية مبروك كبرنا واكبرو عيالنا انا مثلكم وبنتي مو راضية تعطيني وجهه بالمرة يعني غصب تحل الواجب العربي واليوم نامت وما اكتبت أختي والرياضيات مشكلته مشكلة يعني انا ادرسها وماسكة مرة ادلع ومرة اطق واخذي عندج عاد اذا قامت تبجي ما خلصنا المهم الطامة الكبرى عندي العلوم مصيبة بس الانجليزي ما اقربله لانه ما عليه درجات فما ودي اتعب نفسي فيه يصير خير بالاجازة ادخلها نادي وخلاص

 

[المهـــــــــــا]

همسه عز الله صااجه انا بعد نسخ بدون فهم بس تبى تخلص ...

 

[المهـــــــــــا]

والله متوهقة بالعلوم ماني عارفه شلون ادرسها وهالاسبوع عندها امتحان

:eh_s(1): امتحان بها السرعه هم خل يدرسونهم مثل الاوادم وبعديين يفكرون با الامتحانات

انا ملاحظه ان التدريس كله مخلينه على الامهات مدرى شغلتهم المدرسات بس يعطون اوامر الحفظ الواجبات الشرح التجارب كله للبيت عيل شنو بالمدرسه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[om_talal]

والله انا ريحت نفسي وجبت حق بنتي مدرسه تاسيس عربي وانجلش بعطلة الصيف والحين الحمد لله تعرف تكتب وحافظه الاحرف العربيه والانجليزيه وحافظه الارقام بسم الله عليها والله يحفضها وخليها لي

 

[ريماا]

الله يعين انا ابى اشكاركم بس ولدى بسنة ثانية روضة لاتستغربون اهو بخاصة يعنى يعاملونة مثل الابتدائى
مشكلتى مع الايات كلللش مو مستوعب ويسرح وفجاة يطرى على بالة سؤال طبعا السؤال بعيد كل البعد عن درسنا لااااعت جبدى
اذا ابى انسخ معاة الاحرف ينسخ من غير مايحفظ ساعات احس ضغط علية يدرس الاحرف بالعربى والانجليزى والارقام
والحين سمعت عن معاهد او ونوادى عصر فيها تقوية وتأسس الطفل وان شاللة هاليومين بدخلة
اختى اول العام كان ولدها باولى ابتدائى وملعوزها يابتلة مدرسة مصرية تأسسة عربى وفعلا اسيتة عدل الان حرام مدرسات هالايام مايعطون من قلبهم طبعا البعض اول عندهم صبر ويعيدون لحد ماتدخل المعلومة
الله يعينة على التربية بس

 

[Om Haya]

اييييي والله حوووووش تجمع
وااااااي انا بنتي مأذيتني مو قادره تحفظ سورة الفلق ياااااربي شسوي؟
24 ساعه ارددها وتردد وياي حفظت بس اول آيتين بس

 

[قلبي ابيض]

اي والله انا محتااااااجة هالتجمع ولدي معاناة بالكتابه والابلة زعلاااااااااااانة منه << عشتو ماهذا وماهذا :eh_s(14): حدي مقهورة

 

[بنت الكويت1]

بليييييز من تجاربكم اللي عندها مدرسة اومدرس تساعدني اجيبه حق بنتي انا بمحافظة الفروانية محتاجتكم عفية لأني مسافرة علاج مع بنتي وودي اخليها على يد مدرس فاهم يتابعها بكل المواد او عربي عفية لا تخلوني

 

[مرتاحه]

انا ولدي اول ابتدائى واول اسبوع مدرسة الرياضيات لاتت اذنه لان الى يمه يكلمه وهو رد عليه
وهو يشتكي منهاومن تعاملها
ام العربي انا امسك قلم وهو قلم فاحط قلمي عند اول الحرف مثل الالف احط القلم بداية الخط
وقله يحط قلمه يم قلمي وانزل قلمي من غير ما اكتب وقله وصل الى قلمي
اما الانجليزي ليلحيني متوهقه معاه

 

[لحظه ندم]

صراحه تجمع رائع خلينا تستفيد من بعض

الصراح الى الان لا اعرف ابنى عليه ايه

ايه اللى المفروض يعمله

الى الان لم ياخذ واجب انجليزى ولا كتب ولا حرف

ابله العربى تكتب الكلمات بطريقه خاطئه وياخذون الالف بعدين الراء بعدين الشين

ده ينفع ده تشتيت للطفل

وانا كنت بدرس فى مدرسه خاصه بمصر

وكان الاطفال فى اولى روضه لازم يكونوا عارفين الحروف ويكتبوا بعض الكلمات

وتانيه روضه يكونوا بيقروا ويكتبوا املاء

وكانت الطريقه غير كده وكانت افضل واحسن للاطفال

وانا بحاول اعلم ابنى بهالطريقه غير طريقه المدرسه

 

[فراشة الوادي]

مرحبا امهات المستقبل ...
انا نفس معاناتكم بنتي اولي ابتدائي وكلا تقول ليش نكتب انا سالم وانا عبير ور رؤ ري لاعة جبدها وخطها اسم الله عليها ولله حلو بس الابله حقيره حاطه غلط علشان شويه نزلت تحت الخط يعني توها تعرف تكتب ليييييييش تزف بنتي مدري ...وسالفة العلوم مجنني ماني عارفه حل الريشه ولله المنهج حيييل صعب ماني فاهمه شي...وبنات ابي اسألكم اذا الابله حاطه 2ونص و2ونص 2ونص يعني شنو علامات كامله تكفون خواااتي ردو علي علشان اطمئن...؟؟؟؟؟؟؟؟؟؟

 

[مطلع الشمس@]

بالنسبة للدرجات لي الحين مابلشوا فيها مدرسة ولدي

الله يستر

 

[أبلة لولوة]

الله يكون بعوننا الابلات

وبعونكم يالامهات :>


وحبيت ارد على الي تقول بعض الابلات مايتعبون وياهم ويسوون شي بالصف ويخلون التدريس بالبيت تراكم غلطانين طبعا ..

اصلا لازم المواد الاساسية يكثفون دراستها بالبيت ولا مارح تركز

اما باجي المواد مثلنا الاجتماعيات والوطنية مانعطيهم شي ..

 

[ديرتي الغاليه]

هلا والله فيكم ....


بالنسبه لكتابه الارقام او الاحرف او الكلمات حاولوا انهم تعطونهم شيء يشابه شيء علشان يرسخ بذهنهم مثال :

رقم 4 كنت اقول لبنتي <<<2 تحتها 2 فيطلع الشكل 4 .....
حرفb كنت اقول لها لها بطنين هذا بطن وتحتها بطن وكانت تكتب ...
C اقول لها هذا نفس الدائره بس ما تسكرينها .....
حرف س مثل سالم......كنت اقول ها نفس الاسنات سن وسن جنب بعض .......ان شاء الله فهمتوا علي ..........

والكلمه اذا ما تعرف تكتبها .......اكتبها بورقه بروحها عن الدفتر وتكتب نفسي حرف حرف وانبها انه علي السطر واكرر لها ........صج تعب ويدوخ راسي بس نعمه لو اطلع بشي افهته لو كلمه ...........ويالله اللي عندها افكار تذكرنا ........بس عقدتي العلوووووووووووووووم لا الكتاب الاول يشرح علي الاقل افهم بالاول وبعدها افهمها ولا الكتاب الثاني يفهم بس يبونا نطلع نزهه <<<<فاظين كل يوم بالحديقه هههه

 

[مطلع الشمس@]

الحلا والنور انا مثلج واكتب له نقط

كلهم ماااااالهم خلق الله يهديهم ويصلحهم

يعني مثلا اكتب له كلمتين بنقط واقوله كمل الكلمه الثالثه من غير نقط واشرط عليه

جذي يتعود

والله يخليهم لنا ويصلحهم

 

[ديرتي الغاليه]

الحلا والنور .......................لا مو كله نقط حطيله 3 نقط والباجي.اهو يكتبها وشجعيه وعطيه كلام حلو مع بوسه ترى بيستانس وبعدها كاكاو صغيرون حقه انا شاريه كاكا و الحجم الصغير يعني تذويقه وتشجيع لبنتي ..........زبس مو دايما علشان ما يتعود كله مكافئه بعدها ما يحل الا بمكافأه وتتوهقين ..........والله يهديهم