تجمع الكلس في قاعدة غلايات الرضاعات؟ ساعدوني

[الاخلاص]

مرحبا بنات

اليوم شفت غلاية عيالي ماركة شيكو جان القى قاعدة الغلايه الي تسخن المااي كله فيها ابيض واع لاعت جبدي شسوي فيها بليييييييييييييييييييييييييييز


لاتقولون صابون او اي شئ لان اذا حكيتها بالليفه اتوقع تخرب

_shh_:

 

[اللمسة المخملية]

غسليها بماي بس واذا بتحطين صابون فركيها بس باسفنجة ..
انا حق غلاية ولدي بين فترة والثانية اسوي جذيه .. كان ماركة مذركير ومسطحة من تحت
كان تنظيفها سهل ..

 

[ام البواسل]

حطي شويه ماي وخل ابيض وخليها تغلي وبعدها بيطلع الكلس انا اسوي كذا بالغلايه

 

[دلع86]

مثل ماقالت الاخت خلي الخل يغلي مع الماي وبعدين غسليها وردي اغلي ماي بدون خل عساس تروح ريحه وطعم الخل

وعندج ملح الليمون بعد سوي نفس طريقه الخل

 

[الاخلاص]

مشكورين يابعد قلبي بسسسسسسسسس الخل ماايطعم بالغلايه اخاف تغث عيالي

 

[ღ Prettyღ♥ღWoman ღ]

شوفي اذا غلايتج من دااخل مو قااعده ستييل يعني كامله كلهااا حدييده قطيهااا بالزباله

لان الغلايه الي فيها مثل سبرنغ حديد ملفوووف اتيمع الكلس وهالشي مو زيين ويسبب امراض وتسمم

اما اذا كانت قاعده استيل لو كنتي قريتي التعليمات الي معاهااا تلقين كاتبين طريقة الغسييل

واهي انج تحطين قفشة خل مع الماي وتغلينهاا تغلي لمدة سااعه والخل راح يذوب الكلس

اماا اذا كان وايد وما فادج اشتري غييرهااا احسن نوع مونينكس

 

[tulip]

السلام عليكم
تقدرين تستخدمين بدل الخل ---> بيكربونات الصوديوم اغليه مفعوله سريع و مضمون و بدون ريحه و يرد كأنه جديد عن تجربه
و فيه بعد اذا حابه في محلات الأطفال قسم المميات موجود دايما في المذركير علبة فيها أكياس صغيرة تستخدم لإزالة المادة الكلسية و تكون خاصة لغلايات المميات سألي عنها ...
و ما في داعي تقطين الغلاية حبيبتي

ان شاء الله أكون أفدتج

 

[@Miss Dio@]

الخل ينفع ولا تحاتين عادي عقبها اغلي ما ي وغسليها بالصابون لازم بين فتره والثانيه تسوين هالشئ

 

[Athwaq]

انا قريت مره ان الخل ينفع حق تجمعات الكلس .. حتى بالدش مال الحمام عزج الله

و بعدين الخل من المواد الطياره .. يعني ماتظل بالمكان بعد الغسل وان شالله ماراح تضر

 

[الاخلاص]

السلام عليكم
تقدرين تستخدمين بدل الخل ---> بيكربونات الصوديوم اغليه مفعوله سريع و مضمون و بدون ريحه و يرد كأنه جديد عن تجربه
و فيه بعد اذا حابه في محلات الأطفال قسم المميات موجود دايما في المذركير علبة فيها أكياس صغيرة تستخدم لإزالة المادة الكلسية و تكون خاصة لغلايات المميات سألي عنها ...
و ما في داعي تقطين الغلاية حبيبتي

ان شاء الله أكون أفدتج

حياتي انتي عجبتني بيكربونات الصوديم هذي معقوله وبعد يفيد في الامراض مشكوووره

الخل ينفع ولا تحاتين عادي عقبها اغلي ما ي وغسليها بالصابون لازم بين فتره والثانيه تسوين هالشئ

مشكوووره جزاج ربي خير

انا قريت مره ان الخل ينفع حق تجمعات الكلس .. حتى بالدش مال الحمام عزج الله

و بعدين الخل من المواد الطياره .. يعني ماتظل بالمكان بعد الغسل وان شالله ماراح تضر

جزاج ربي خير

 

[bint_looda]

انا الي اعرفه ان الغلايه ايحطون فيها خل ويخلونها تغلي... بس في حاله ان تستعملين مالت المميات والله ماعندي فكره بس يمكن ينفع وياها الخل نفس الشي

 

[ام العبايه]

تعرفين ملح الليمون حطي كميه مع ماى وخليها تغلى بتشوفين انها ارجع جديده وعن تجربه

 

[ام بشورة]

تجربتي مع الغلاية للماي استخدم الليمون
اعصر ليمونة فيها وشوية ماي يكون يغطى القاعدة من داخل واشغلها وشوفي اشلون تصير وبعدين غسليها

 

[غنــج]

تعرفين ملح الليمون حطي كميه مع ماى وخليها تغلى بتشوفين انها ارجع جديده وعن تجربه

انا معاها ملح الليمون طير الكلس اللي بغلايتي وخلاها جديده تلقينه برف البهارات بالجمعيه

 

[ام ضاويه]

أحسن شئ من عند المذركير وايد ممتاز وترد كانها يديده الغلايه واسمه de-scaling sachet علبه فيها 6 أكياس

 

[bint_looda]

هالطرق تنفع لجهاز البخار الي يرطبون الجو ؟ لان عندي من هالجهاز وقاعدته صايره جذي تجمع فيها فمادري شسوي عشان يروح