تجمع الصف الثاني ابتدائي للعام الدراسي 2012 / 2013

[manoooram]

فجر1
عقب كل حصتين من الدرس اليديد يعطون املاء بوحده من كلام الدرس
والتعبير يكون نفس فكرة تدريبات الكتاب ان تختار الابله كلمة من الدرس
والطالبه تصيغها بجملة من نفسها

 

[فجر 1]

مشكورين بنات ؛؛
لقيت الابلة كاتبة فى ورقة التعبير فى حروف الجر ( فى ؛على ؛؛ الى ) درستها وعطتيها امثلة
والإملاء مليتها الدرس كلها لانه الابلة موموضحة فى كم سطر ..

 

[الغلا كله 82]

شلونكم بنات

الله يعينا ويعينكم

عندكم استفسارات او اسئله ؟؟

حنا بدينا بالامتحانات والله يعيني عالامتحانات والواجبات مايمديها تخلص الا هي تعبانه حدهااا تدور المخده والحين بس تقول ابي اغيب

مدري صج تعبانه والا تتميرض عشان تغيب ؟؟

 

[&شهرزاد&]

مساء الخير بنات

مشالله سفرجل شغلج وايد حلوووو الله يقوما بسلاامه يارب

بأجر ولدي عنده املااااااء بس مو من الدرس قطعه خارجيه. مو لازم من الدرس استغربت والله

كلش موووو مرتاحه هالسنه من ابلااته للأسف التدريس صاير أي كلام

شادين علي اليهال وبس.

 

[كارلوفي فاري]

بنتي الاسبوع هذا تخلص الرياضيات وبعد بكره املاء كلمات انجليزي cat-star-toy-man -car
والخميس العلوووم. والقران بدوا باول ايه البينه وطنيه الكتاب عند الابله

 

[دارسين]

بنتي امتحنو رياضيات المهارةالثانيه
ومانزلو الاسبوع هذا الخطه 

الموقع عطلان مال المدرسه يعني مافي واجبات فوضى نوعا ً ما

بنات بسألكم شلون ودي بناتي يدرسون بمدارس نموذجيه حكوميه

بس ماني عارفه شلون في شروط او لا !!؟

اللي تعرف لاتبخل علي بلييز

 

[فجر 1]

^^^^
نفس فكرتى قاعده ادور بس يقولون هم مدرستين مو وايد ( بسال اشوف شنو نظامهم عندهم امتحان قدرات وذكاء ولا عادى )

عطونا عشره كلمات فى الاملاء الابله تقول تجى فى الامتحان ( hat , egg ,sit , one , pen , run , bag , box , hen ,car )

بس ماندرى متى الامتحان ومن امس قاعده احفظ فيها ..

 

[الغلا كله 82]

بنات شنو المدارس النموذجيه الحكوميه ؟؟

حنا امس املاء انجلش man/ men / dolls house

واليوم الى يوم الخميس اختبارات تسمع وترقم الصور وتسمع وتميز المعلومات


العلوم ماالذي تحتاج اليه الحيوانات ؟
واختبار من ص22الى37 على حسب حصه المعلم

والدين سورة البينه و دروس حسن الخلق واداب الاستنجاء

والعربي توظيف ضمائر الخطاب ونسخ الدرس واملاء بالدرس الرابع الى كلمة يوفقه

 

[احلى الاسامي]

خواتي بنتي امس جابت ورقه مكتوب فيها كلمتين بالانجليزي بخط ايدها وقالت ماما الابله تقول خلي ماما تشوفها اليوم جتني وبعد معاها ورقه وفيها كلمتين بالانجليزي وتقول الابله شوفيهن سالتها اليوم شسويتوا قالت اخ\نا املاء انقلش قلت ماعطتنا الابله ورقه اختبار قالت بنتي امبلى اللي امس قلت وحليتيهن قالت مادرستيني فعصبت عليها ليش ماقالت املاء قالت الابله ماقالت املاء امس احس ابلتها مالها خلق تصور الكلمات وتكتب اختبار الله يسامحها

 

[مطلقه وأفتخر]

السلام بنات شخباركم

غبت عنكم هالفتره لاني كنت تعبانه

بنات منو عندها حل كراسة الطالب لمادة الانجليزي صفحه 11 ضروري


وعندي استفسار بخصوص العربي صفحه 97 سؤال رقم 7
قال نحط دائره ع اللام نحط دائره حتى ع اللام الشمسيه؟

بنات بالامانه مو ملاحظين احنا اللي نحل الواجب مو عيالنا الاسئله حيل صعبه عليهم!!



احلى الاسامي هالفتره الظاهر امتحانات ومايعلمون احنا نفسج ماندري عن شي كلش


الله يوفق عيالنا يارب

 

[الغلا كله 82]

مطلقه سلامات ماتشوفين شر

كراسه الطالب بنتي ماوصلت لها بس اول شي توصل الاشياء اللي تبدي بحرفين sh مثل shoes /shirt

وبعدين الخط وبعده شفوي يتعلمون كلمه under

يختارون الصح الصورة اللي نفس جمله الخط

واخر شي يسمعون مع الابله ويحطون صح او خطأ


اما العربي هم ماوصلنا له بس يحطون دائرة على الامات كلها ويقرونها عشان يفرقون بين اللام الشمسيه والقمريه

اتمنى اني افدتج ??

 

[دارسين]

اليوم عطونا املاء حق باجر shoes وshirt

وامتحان رياضيات اليوم مفاجئ المهارة الثالثة وباجر الرابعه 

من غياب الابلات صاركل شي مفاجئ*

 

[احلى الاسامي]

دارسين انتي بنتج اي مدرسه اتوقع سعد العبدلله نفس اختبار بنتي باجر

 

[كارلوفي فاري]

اسئلة العربي حيل مبهمه ومو مباشره لما اقراها احس اكثر من اجابه لها. الرياضياااات الحمدالله خلصنا شكتهم الابله هالاسبوع وبكره العلوم بس والله كميته كبيره ومعلومات واااجد. مع اني مدرسه بنتي قبل لكن واااجد والله من ٢٠-٥٣

 

[دارسين]

اي بنتي بالرحيه

 

[احلى الاسامي]

هم انا بنتي برحيه ثاني سته

 

[احلى الاسامي]

اليوم عطوهم بالطابور هدايا وحيل مستنانسه

 

[دارسين]

هههههه انا بنتي ٣/٢

 

[احلى الاسامي]

الله يوفقهم حياتي

 

[دارسين]

ااآمين يارب ويوفق الجمييع ان شالله