((تجمع الحوامل الي يعانون من السكر ))

[MaNaNa]

:33_1185028183: :33_1185028183: :33_1185028183:

السلامممممممم عليكممممممممممم

اشلونكممممممممممم احلى بنات كروشششات متسروسين شيرررررررره

الله يقومكم بالسلامه .. بصراحه انا حامل بجر اول مره احمل من عقب 6 سنوات

واعاني من مرض السكر من 12 سنه يعني مترووووووسه شيرررررررررره حدددددددددددي

انا حاليا خايفه على حملي وقاعده احاول مع دكتوري السكر السيطره عليه بحيث تكون قراءاتي السكر

بين 5 قبل الاكل و 7 بعد الاكل ولله الحمد قاعده اجاهد نفسي

اكيد في وااايد حالات منكم مثلي والا حالات سكر الحمل الي يحووش اخر فتره 3 شهور من الحمل

والله يعينا ويشافينا ... ودي نجتمع بكل خبراتنا وافكارنا ومخاوفنا واحداثنا هني بهالتجمع

خلونااا نتعاااون ونتشارك ويكون هالتجمع مرجع لنا ولغيرنااا

انتو عارفين مرض السكر مرض العصر ولالالازم نتعايش معااااه

ودي اعرف الي عندها تجربه سابقه وين افضل ولاده لمثل حالتناا ؟؟ صج الحكومه؟؟

مو معقوله المستشفييات الخاصه مافيها تجهيزات لمثل حالتنااا؟؟

ومنو افضل دكتور او دكتوره ولاده تتعامل مع هالحاله ؟؟ وافضل مستشفى للولاده سواء خاص او حكومي ؟؟

ساعدوني وخلونااا نثري هالتجمع بمعلوممممممات الكل منها يستفيد

 

[Miss-_-Fl0wer]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

الله اثبت حملج واسهل عليج وعلى كل الحوامل يااارب

 

[MaNaNa]

رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

Miss-_-Fl0wer

مشكوره حبوبه والله يسهل علينا كلنا

ويرزقنا الذريه الصالحه العافيه المتعافيه

 

[noshy]

رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

انع حامل اب بجرييي بعد عمرييي

واعاني من السكر من يوم كان عمري ٣ سنين لول على قولتج متروووسة شيرة

والحال من بعضة احاول اضبطة مع ان واااايد قاعد يصير لخبطة

وبالنسبة لي هم سمعت ان الحكومة احسن وانا قاعدة اراجع بصباح ورويال حياة

وعندي خالتي فيها سكر من يوم كانت بثانوية وكاهي مشالله عندها ٤ من لعيال مافيهم الا العافية

الله الحافظ انشالله وااااايد استانست من التجمع لما شفته

 

[MaNaNa]

رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

انع حامل اب بجرييي بعد عمرييي

واعاني من السكر من يوم كان عمري ٣ سنين لول على قولتج متروووسة شيرة

والحال من بعضة احاول اضبطة مع ان واااايد قاعد يصير لخبطة

وبالنسبة لي هم سمعت ان الحكومة احسن وانا قاعدة اراجع بصباح ورويال حياة

وعندي خالتي فيها سكر من يوم كانت بثانوية وكاهي مشالله عندها ٤ من لعيال مافيهم الا العافية

الله الحافظ انشالله وااااايد استانست من التجمع لما شفته

حبيبتي الله يهون عليج يااااااااااارب

بصراحه من زمان وانا ادور تجمع يتكلم عن حالتنا بس الظاهر البنات الي متروسين شيره

مو مجابلين النت هههههههههههههههههههه الله لا يبلي احد يااااااااااااااارب مرضنا السهل الصعب

انا بعد اراجع برويال حياه عند خالده المجييبل بس ماراح اوولد عندها محد من اهلي مدح ولادتها

ريلي يحن علي مالج الا الحكومه الصباح والا العدان

منو دكتورج بالصباح؟؟ وشنو قاعده تاخذين حق السكر؟

يالله بنااااااااااااااات شاركوناااااااااااا خل نستفيد

 

[MaNaNa]

رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

انا من قبل كنت اخذ حبوب لاني النوع الثاني بس كل هالسنين ما حملت

نصحني الدكتور فهد الغانم جزاه الله خير اني احول على الانسولين لانه يضبط السكر اكثر وممكن يساعد على الحمل

قعدت 9 شهور اخذ انسولين ولله الحمد حملت بس طيحت مره قبلها

بس الانسولين الي عطوني اياه الحكومه ( الاخضر ) عفسني عفااااااس سوى لخبطه

من رجعت على الlantus الرمادي جان احمل مع ان دكاتره الحكومه ماينصحونج فيه خلال الحمل

وسالت 4 دكاتره غير دكتور فهد مو من الحكومه كلهم قالولي ان الlantus افضل يثبت مستويات السكر

عاد توكلت على الله واستمريت عليه والله الحافظ

 

[noshy]

رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

والله انا اخذ قبل اللانتوس بعدين عطوني الاخضر لما حملت ويا قلم النوفورابيد

خفت من اللانتوس مادري الي يقول ايي والي يقول لا

وحاليا نفسيتي زفت شوية عليها من كثر ما السكر مو راضي يثبت عندي فخاااااايفة بس ربج كريم انشالله

 

[noshy]

رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

اي ونسيت اقولج اراجع بصباح عندة دكتورة امنة شاغولي دكتورة السكر

ورويال حياة الدكتورة نداء بو خضور ليلحين ما استقريت على احد حده ابي اولد بالخاص بس الكل نصحني حق حالتي لا

بس معقولة ولا وحدة فيها سكر ولدت بخاص ؟؟

 

[MaNaNa]

رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

اسم الله عليج عسى الله يثبته لج ... الله بعمليتي الاخيره طفل الانبوب طعت نصيحه دكتور الحكومه الي في مستشفى العدان

وحولت على الاخضر وفشلت العمليه وطاحو الاجنه وقالي الدكتور 100% من اضطراب السكر

بس حملت عقبها طبيعي لله الحمد ... وكنت على الللانتوس سالت دكتور بداار الشفا اسمه سمير الشمري

وقالي احسنلج اللانتوس مثل كلام دكتور فهد الغانم وماصدقتهم وسالت دكتوره رفيجه اختي قالتلي اللانتوس يخافون منه

لان ماعليه دراسات تقول انه امن 100 % ولا عليه دراسات تقول انه خطر

بس اغلب مريضاتها في المستوصف الحمل نفسنا يضبط سكرهم على اللانتوس

عاد اخر مراجعه حق دكتوري الي بالعدااان تناقشت معاه قالي اذا تبين اللانتوس براحتج ما اغصبج

انتي من صجج يكون خطر ويقولي براحتج؟؟؟

 

[MaNaNa]

رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

وتصدقين اغلب الدكاتره انصحوني حتى دكتوره خالده مصره على اخذ الجلوكوفاج لين الولاده

تقول طلع مثبت حمل ... يعني مو عشان السكر بس عشان تثبيت الحمل

ورفيجتي دكتورها اسامه صالحه يعطيها جلوكوفاج ليما ال تاسع

انتي باي شهر؟؟؟؟؟

 

[noshy]

رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

انا بالثالث الحين وانتي

شنو الجلوكوفاج ؟؟ متخربطة ترا انا ذكريني

 

[إنسانه وأكثر]

رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

الله يسهل حملكم وولادتكم

انا فيني سكر بكل حملاتي الحمدلله على كل حال وآخذ اونسلين ونظام غذائي بمستشفى العدان وكل ولاداتي فيها ماعدى الاخيره كانت بره مو بالكويت لاني كنت مع ولدي علاج بأمريكاوالعدان مراجعات كل اسبوعين بأول الاشهر ونظام غذائي ولازم اييبلهم قراءاتي قبل الاكل وبعد الاكل بساعتين والشهور الاخيره كل اسبوع مراجعه وهم مع القراءات والنظام الغذائي

اول ولد بس تأثر من هالسكرلاني خربطت وماهتميت بنفسي واكل واعصب يابعد قلبي الحين اذا شفته قلبي يعورني وبس ابجي صج هذا امر الله بس احس اني سبب للي اهو فيه

بس الباجي الحمدلله الله يحفظهم مافيهم الا العافيه
ومع هذا ليلحين خايفه من الحملات الباجي اذا الله كتب

دربالكم يابنات لاتتساهلون مع هالمرض التزموا بالعلاج والمراجعات مو لازم تاكلون كل اللي بخاطركم بكميات كبيره اكلو شويه عن الشهوه حطوا جدامكم انه انا بتعب هالجم شهر وبنحرم من جم شغله انا احبها بس ضناي بيكون ان شاءالله بأحسن حال وحتى لو لاسمح الله صار بضناي شي اقول انا الحمدلله سويت اللي علي وهذا امر الله وكتبته

انا مابي اخرعكم بس مابي اجاملكم لازم اقولكم الصج واللي صار معاي

عسى الله يثبت حملكم ويرزقكم بالضنى كامل الخلق والخّلق

موفقين

 

[noshy]

رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

عسى الله يشافي ولدج ويعافية عاجلا غير اجلا يارب العالمين

بس شصار فيه حبيبي ؟

 

[.:lady bug :.]

رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

الله يخليلكم ضناكم ويثبت مافي ارحامكم
ويثبت العله السكر
بنات وحامي زااايد تخيلو انام موماكله شي الصبح 13
لييييييييييييييييييييييييييشششششششششششششششششششش؟؟؟
صج غثا الله يعين
نفسيتي حيل تعبانه لان الوحم متعبني

 

[.:lady bug :.]

رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

انا اراجع اسبوعيا عند استشاري السكر الكتور عبدالمحسن وااايد شاطر وزين بالعدان

 

[noshy]

رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

اي والله الله يثبت السكر

 

[MaNaNa]

رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

انا بالثالث الحين وانتي

شنو الجلوكوفاج ؟؟ متخربطة ترا انا ذكريني

ياحياتي الله يهون عليج

انا بالثاني وماشيه على نظام غذائي واتابع السكر بدار الشفا لان الدكاتره وايدد زينين

وبالحكومه في العدان عند دكتور شكله وايد شاطر وعنده زحمه بس دايخ حده

اسمه عمار

الجلوكوفاج حبوب منظم سكر للنوع الثاني وحق الي فيهم تكييس مبايض

ماكو دكتور موضه قديمه الا يقولج لالالالالالا بس اخذيهم 3 شهور اول حمالج وعقب قطعيهم

اي مو اول 3 شهور اهي اخطر شي بس بمشي مع راي الاغلبيه مالي شغل فيه اهم شي الجنين

 

[MaNaNa]

رد : رد: ليش ماكو تجمع حق الحلوات السكريات ((الحوامل الي يعانون من السكر )) ؟؟

الله يسهل حملكم وولادتكم

انا فيني سكر بكل حملاتي الحمدلله على كل حال وآخذ اونسلين ونظام غذائي بمستشفى العدان وكل ولاداتي فيها ماعدى الاخيره كانت بره مو بالكويت لاني كنت مع ولدي علاج بأمريكاوالعدان مراجعات كل اسبوعين بأول الاشهر ونظام غذائي ولازم اييبلهم قراءاتي قبل الاكل وبعد الاكل بساعتين والشهور الاخيره كل اسبوع مراجعه وهم مع القراءات والنظام الغذائي

اول ولد بس تأثر من هالسكرلاني خربطت وماهتميت بنفسي واكل واعصب يابعد قلبي الحين اذا شفته قلبي يعورني وبس ابجي صج هذا امر الله بس احس اني سبب للي اهو فيه

بس الباجي الحمدلله الله يحفظهم مافيهم الا العافيه
ومع هذا ليلحين خايفه من الحملات الباجي اذا الله كتب

دربالكم يابنات لاتتساهلون مع هالمرض التزموا بالعلاج والمراجعات مو لازم تاكلون كل اللي بخاطركم بكميات كبيره اكلو شويه عن الشهوه حطوا جدامكم انه انا بتعب هالجم شهر وبنحرم من جم شغله انا احبها بس ضناي بيكون ان شاءالله بأحسن حال وحتى لو لاسمح الله صار بضناي شي اقول انا الحمدلله سويت اللي علي وهذا امر الله وكتبته

انا مابي اخرعكم بس مابي اجاملكم لازم اقولكم الصج واللي صار معاي

عسى الله يثبت حملكم ويرزقكم بالضنى كامل الخلق والخّلق

موفقين

يا حبيبتي الله يشافي ضناج ولا يحوسج عليه يارب

ويخليلج عيالج .. بس شنو صار فيه اسم الله عليه ؟؟؟

 

[MaNaNa]

رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

الله يخليلكم ضناكم ويثبت مافي ارحامكم
ويثبت العله السكر
بنات وحامي زااايد تخيلو انام موماكله شي الصبح 13
لييييييييييييييييييييييييييشششششششششششششششششششش؟؟؟
صج غثا الله يعين
نفسيتي حيل تعبانه لان الوحم متعبني

حبيبتي الله يعينج ويثبت مافي ارحامنا ويحسن خلقه وخلقته يارب

ويثبت السكر نازل مو صاعد ههههههههههههههه

طيعيني والله والله تناقشت مع دكتوري الي بالعدااان الموضه القديمه

قلته انا لمن خذيت انسولين اخضر كله سكري مرتفع يعني ماسويت شي

ولما كنت على اللانتوس منتظم ؟؟؟ ليش خربطتني؟؟؟ عشان جذيه فشلت عمليتي طفل الانبوب

قالي روحي شوفي راي ثاني وانتي براحتج رحت حق د. سمير الشمري ود.فهد الغانم ود. جميله الفرج بمستوصف
النزهه كلهم قالولي اللانتوس اهو الي بنظم السكر وماكو عليه دراسات تقول انه خطر

لانه انسولين صناعي مو طبيعي نفس الباجين

عشان جذيه دكاتره الحكومه متخوفين منه اشويه

وقالولي اهم شي بالحمل السكر ثم السكر ثم السكر

 

[MaNaNa]

رد : ليش ماكو تجمع حق الحلوات السكريات ((الحوامل الي يعانون من السكر )) ؟؟

بناااااااات شنو لاحظتوو انواع من الاكل ترفع السكر وايد؟؟؟

تصدقون قايلي الدكتور الغي البطاط من حياتج

ونسيت كليت اشويه بطاط على الغدااا

قعد السكر 3 ايام الصبح على الريج مرتفع !!!!! ماهقيت جذيه يسوي اشدعوه

بس صج طلع صاج الدكتور