تجمع أولياء أمور مدرسة التكامل العالمية للعام الدراسي2011-2012

[رفرف]

شلونكم امهات ؟؟؟


سكرنا التتجمع القديم وبدينا تجمع يديد لسنة يديدة2011-2012 وعساها تكون سنة خير علينا وعلى عيالنا قولوا امين والله يوفقهم يارب ويعيننا على التدريس والمتابعة واللوية والواجبات ..

حياكم الله ونبلش سوالفنا ونقاشاتنا عن المدرسة والمدرسين والواجبات هني انشالله ..

 

[نواره الحلوة]

بالمباارك التجمع اليديد
وعسى يجعلها سنة نجاح وتقوف وخير على اعيالنا

 

[نواره الحلوة]

أسأل الله لك ولأبنائك في بداية عامهم الدراسي أن يبشرهم بما يسرهم ويكف عنهم ما يضرهم ويرزقهم العلم النافع والمعلم الكافي والصديق الوافي وأن يكون طلبهم للعلم عبادة وأن تملأ صدورهم سعادة

آميييييين

 

[ملكة زماني]

أاف مبروك
افتتاح التجمع اليديد
:eh_s(7):
وعسى الله يوفق اعيالنا في دراستهم وحياتهم
ويرزقنا برهم بحياتنا ودعاؤهم لنا في مماتنا
:yaaaaaarb:

 

[Creamy Girl]

اللهم آمييين

 

[رفرف]

امهات كيجي١ شلون عيالكم مع البجي؟؟
بنتي شزيييينها بس كارهه الساحه تخاف تروح تبي تقعد بالصف .. من نوصل الصبح تضحك وتسلم ع المس لي قالت لها تلعب بره مدت البوز وبجت ..
اليوم ابلة المناوبة يحلووها ماعرفها مصرية متحجبة ضعيفة لممتها وتمشت معاها لين سكتت ..
لين تتعود هالخوافه الا منشلع قلبي

 

[ماما فله]

أسأل الله لك ولأبنائك في بداية عامهم الدراسي أن يبشرهم بما يسرهم ويكف عنهم ما يضرهم ويرزقهم العلم النافع والمعلم الكافي والصديق الوافي وأن يكون طلبهم للعلم عبادة وأن تملأ صدورهم سعادة

آميييييين

أجمعين يارب
ويحفظ عيالنا من كل شر
اللهم آمين

 

[ماما فله]

بنات بالنسبه للاوبن هاوس
اللي بسوونه الخميس 22/9
لازم نحضر؟؟

 

[Creamy Girl]

لا اتوقع مو لازم
انا حضرته العام ووقتها قالو راح نطبع كل الكلام ونطرشه مع اليهال
بس اذا ودج تعرفين عن قوانين المدرسة والدراسه روحي

 

[رفرف]

الاوبن هاوس حق الكيجي عادي قوانين المدرسة بس ومردهم يوزعونه باوراق

بنات الاوبن هاوس للقريدز نروح الصف والا المسرح ؟ لان العام رحت الصف وحلو تعرفت على طريقة المس والهومووركس يعني يسوى العنوة بس الحين كاتبين بالورقة انه بالمسرح

 

[حصه2007]

مس بونا من يعرفها


وابله اميره عربي لعريد ١

 

[Baby^Bop]

الاوبن هاوس حق الكيجي عادي قوانين المدرسة بس ومردهم يوزعونه باوراق

بنات الاوبن هاوس للقريدز نروح الصف والا المسرح ؟ لان العام رحت الصف وحلو تعرفت على طريقة المس والهومووركس يعني يسوى العنوة بس الحين كاتبين بالورقة انه بالمسرح

ولدي ماعطوه الورقه لما الحين فما ادري شسالفه

بس بنتي كي جي 2 عطوها الخميس الياي وبصراحه ماني رايحه العام زهقت ما استفدت شي

 

[jegrom]

مبرووك التجمع اليدييد

وبالنسبه للوبن هاوس عن نفسي ماراح اروح لان ماكو شي يديد

 

[نونا حبيبتي]

امهات كيجي1 شلون عيالكم مع البجي؟؟
بنتي شزيييينها بس كارهه الساحه تخاف تروح تبي تقعد بالصف .. من نوصل الصبح تضحك وتسلم ع المس لي قالت لها تلعب بره مدت البوز وبجت ..
اليوم ابلة المناوبة يحلووها ماعرفها مصرية متحجبة ضعيفة لممتها وتمشت معاها لين سكتت ..
لين تتعود هالخوافه الا منشلع قلبي

ويي رفرف مثل ولدي يبجي يقول ابي اروح علي طول الصف مايبي بره واليوم المس معطتهم كيندي بس ماعطت ولدي مع جم واحد بالصف لانهم ماكتبوا بس شنو بالضبط مادري
ابي اعرف عشان ادربه بالبيت والله كاسر خاطري احسه صغير توه 3 سنين ونص
بليييز رفرف اذا بنتج تقولج شنو يعطونهم بليييييييز علميني ولدي كلش مايتكلم والله احاتيه مابي يكره الوضع من اول شي

 

[Creamy Girl]

هلا نونا
اي هذي سياستهم يتبعونها مع اليهال
يعني اللي يصير شيطان وما يسمع الكلام ولا يسوي او يكتب اللي تقوله المس ما يعطونه
بس لا تحاتين المس اكييد راح تعلمه بس يمكن اهو بعده ما اخذ عالوضع

 

[D A N A]

أنا بنتي بكي جي ١ عند مس باتريشيا ومساعدتها مس إيمان كويتيه حليوه
منو مع بنتي ؟؟

 

[D A N A]

شنو شمعطين اليهال؟؟

 

[نونا حبيبتي]

مشكوره علي الرد كراميل حبيبتي والله يسمع منج ان شاء الله

 

[Shaima-M]

أنا بنتي ب grade 1 منو مع بنتي

 

[رفرف]

نونا بنتي تقول قرينا قرآن ودرسنا letter A ولونا bus
عاد صارلي يومين ما اخذها ابوها ياخذها من المدرسة وعلى ما تخلص اختها ونرد البيت الا اهي فاقدة الذاكرة ما ترضى تتحجى ..
قلت لها شنو السورة اللي قريتوها بالقرآن لأني محفظتها وايد تقولي قرآاااااان شفييييج
وقبل لا تنام تقول بس خلاص مابي اروح سكول الاطفال مزعجين يبجون ويعورون راسي ( ماجنها اهيه من ضمن اللي يبجووون)