تجمع أمهات الروضه (أولى وثانيه ) 2012-2013

[LoOoOoOra]

السلام عليكم
انا لي الحين ماشريت لها شي
حبيبتي اولى روضه
الله يخليلكم عيالكم وتشوفونهم دكاتره
بنات بسالكم شنو المعرض المصري وين صاير؟

وبس اشتريلها بقولكم
وان شفت شي حلو بعد بعلمكم :*

 

[اطياب طيبه.أم عبدالله]

بنتي رايحه ثانيه ان شاء الله
للحين ما بلشت ولا جهزت ولا شي

الله يبلغنا فيهم يارب

 

[أم الذيب]

أنا عندي ولدين واحد يروح اولى روضه والثاني ثاني روضه بس للحين ماشريت شي
متى دوام الروضه???

 

[ديانا سبنسر]

ام الذيب دوام الروضة ١٦ سبتمبر ٢٠١٢

 

[القمر هو حبيبي]

السلام عليكم بنات

ومشكووووره اختي على هالتجمع لاني صج محتاجته

انا بنتي بجري بتدخل اولى روضة فمحتاره من وين اشتريلها ملابس الروضه ناس تمدح الايوب وناس تمدح معرض افكاري فما ادري منو شايف الي بالمعرض حلوين ويسوون اروح اشوفهم والا لا؟

وبسأل عن جنطة الروضة ناس اتقولي مو ضروري تاخذ جنطة لانه الروضة تعطيهم وجباتهم واذا مهمه الجنطة شنو احط فيها غير الماي والسناكس احط فيها ملابس اتكون غيار والا اعطي الغيار للادارة

واسفه ازعجتكم بالاسئلة

 

[عيالي ذيابه]

هم انا ولدي بكري روضه
مادري شنو اشتري
نفسً اسألت القمر

 

[كارلوفي فاري]

بنات لا تشترون اغراض احيانا الروضه تطلب مبلغ وهم يتكفلون بالمشتروات واذا اطلبوا هذيك الساعه اشتروا حتى الصدريه يحددون اللون.