&&* تجــــمع مـــراجــعات مسـتشفـــى المـــــواســاه *&&

[Om _ Almona]

>>>تجمع مراجعات او اللي حابه تراجع عند الدكتورة نداء بو خضور<<<

السلام عليكم ورحمة الله وبركاته:68_asmilies-com:





هذا تجمع حق كل وحدة تراجع او كانت تراجع او حابه تراجع عند الدكتورة نداء بوخضور...
ولكل من ولدت او راح تولد عندها...
ومن وين سمعت عن الدكتورة؟
وشنو رأيها عن الدكتورة؟



خلونا نتشارك تجاربنا ورأينا أو مواقفنا مع بعضنا عن الدكتورة اللي في نظري ذهبه تهبل
على شان نستفيد ونفيد وتستفيد اللي ما تعرفها:tek:


*حق كل وحده ما تعرفها وتبي عنوانها ورقم عيادتها:
عيادتها موجوده في علاج كلينك
مقابل مطافي السالمية
اللفه اللي بعد البنزين
رقم تلفون العيادة: 25665204:




oster_av1:يالله لا تبخلون علينا بردودكم الفعاله oster_av1:

 

[Om _ Almona]

رد: >>>تجمع مراجعات الدكتورة نداء بو خضور<<<

حبايبي وينكم

 

[غيـ الناس ـر]

رد: >>>تجمع مراجعات الدكتورة نداء بو خضور<<<

انا اول الموجودين ^_^


انا اراجع عندها والله الدكتوره تهبل وعندها ذمه

 

[مناير خزنة التاير]

رد: >>>تجمع مراجعات الدكتورة نداء بو خضور<<<

انا معاكم بعد

انا اول مرة ما حبيتها ! بس عقب لا و النعم
شحليلها

بنات بسالكم ما تدرون جم تاخذ على الولادة ؟؟ و عادي اتولد باي مستشفى ولا لها مستشفى معين

 

[رفييف]

رد: >>>تجمع مراجعات الدكتورة نداء بو خضور<<<

انا راجعت عندها بعد

و الشهاده لله وايد محترمه

مره انا تأخرت على موعدي و ما قدرت تنطرني لان كان عندها ولاده .. قامت دقت علي تتعذر و تسألني اذا في شي ضروري

وايد حبيتها من هالحركه

و كلامها حلو و تطمن الواحد ما تخبصه

انا هذا بجر فمادري عن غيرها ما اقدر اقارن .. بس وحده قالتلي انها تعتبر تاخذ وايد و اكثر من غيرها بالولاده .. بس مادري عاد !

 

[رفييف]

رد: >>>تجمع مراجعات الدكتورة نداء بو خضور<<<

اذا ما خانتني الذاكره 280 دينار

و جنه المستشفى ما تفرق معاها بس جنها قالت اهي تفضل رويال حياة و دار الشفا

 

[غيـ الناس ـر]

رد: >>>تجمع مراجعات الدكتورة نداء بو خضور<<<

بنات هي بالطبيعيه شوي غاليه اكثر من غيرها ب 30 دينار يعني تاخذ طبيعي 280 متعسره 300 قيصريه 350 ..


الدكاتره الثانين ياخذون 400 او 450 على القيصريه

 

[مناير خزنة التاير]

رد: >>>تجمع مراجعات الدكتورة نداء بو خضور<<<

يعني اهي ارخص ؟

 

[النجوم الثلاث]

رد: >>>تجمع مراجعات الدكتورة نداء بو خضور<<<

الكلام عن دكتورة نداء طويل بس احب افيد خواتي حول تجربتي معاها في حملي الأخير

كنت اعاني من سكر حمل مرتفع وعالجت في البداية في مستشفى الصباح اللي اقرولي ابر انسولين

وتميت على علاجهم حتى الشهر السابع راجعت عند الدكتورة نداء وهي شاطرة في موضوع السكر

فقللت لي جرعات انسولين وتابعت معاي حجم البيبي بالسونار وكان كل شئ تمام لله الحمد

الولادة حددت لي الدكتورة موعد ( ولادة بالطلق الصناعي بسبب السكر ) في مستشفى السلام وكان يوم طويل عانيت فيه معاناة نفسية بسبب ان الرحم ما قاعد يفتح على الرغم من وجود طلق ..وارتفع عندي اسيتون بس الدكتورة قدرت تخفض مستوى الاسيتون بالعلاج ..وكان بالها طويل.. وتشرح لي كل الخطوات والاحتمالات اللي ممكن اولد فيها ...وفي النهاية عقب ما وقف الطلق معاي قررت أطلع من المستشفى وأحدد يوم آخر للولادة ..وهذا اللي صار وولدت يوم ثاني وكانت الدكتورة من اروع ما يكون معاي وسويتلي خياط تجميلي بعد الولادة .. الخياط كان شوي يعور بس وصفت لي حبوب وتحاميل وكريم .. وهذه التحاميل ممتازة توخر الم الخياط بصورة فعالة .. بعد اسبوعين كانت لي مراجعة معاها حول السكر والخياط ولله الحمد كل شئ تمام

هذه تجربتي مع الدكتورة وللعلم هذه ثاني ولادة لي وياها .. :eh_s(6):

 

[frappuccinoo]

رد: >>>تجمع مراجعات الدكتورة نداء بو خضور<<<

توني والده عندها تهبل الدكتوره وخذت مني 300 لاني ولاده متعسره الصراحه الدكتوره وايد شاطره

 

[Om _ Almona]

رد: >>>تجمع مراجعات الدكتورة نداء بو خضور<<<

انا اول الموجودين ^_^


انا اراجع عندها والله الدكتوره تهبل وعندها ذمه

إنتي أول الموجودين :ggdw:
فعلاً هالإنسانه تشتغل بذمه وضمير وتحسينها تشتغل على شان تخدم
مو على شان الفلوس مثل بعض الدكاتره:tomato2:

غير الناس وين ناوية تولدين؟

 

[Om _ Almona]

رد: >>>تجمع مراجعات الدكتورة نداء بو خضور<<<

انا معاكم بعد

انا اول مرة ما حبيتها ! بس عقب لا و النعم
شحليلها

بنات بسالكم ما تدرون جم تاخذ على الولادة ؟؟ و عادي اتولد باي مستشفى ولا لها مستشفى معين

النعم فيها وبأخلاقها والله
ما ادري جم تاخذ بالضبط
بس هي تولد بكل المستشفيات الخاصه

 

[Om _ Almona]

رد: >>>تجمع مراجعات الدكتورة نداء بو خضور<<<

انا راجعت عندها بعد
و الشهاده لله وايد محترمه
مره انا تأخرت على موعدي و ما قدرت تنطرني لان كان عندها ولاده .. قامت دقت علي تتعذر و تسألني اذا في شي ضروري
وايد حبيتها من هالحركه
و كلامها حلو و تطمن الواحد ما تخبصه
انا هذا بجر فمادري عن غيرها ما اقدر اقارن .. بس وحده قالتلي انها تعتبر تاخذ وايد و اكثر من غيرها بالولاده .. بس مادري عاد !

حتى أنا مره كنت عندها بالعايادة ولمن صلر دوري طلعت تتعذر إن عندها ولادة وما راح تتأخر لأن الولاده كانت بمستشفىى رويال حياة
يم عيادتها
ولمن ردت تعذرت إنها طلعت وتاخرت انا وايد احبها

يمكن تاخذ اكثر من غيرها
بس هي شاطره بالتوليد وامراض النسا وتوه اختي والدة عندها فتح بطن خياطها يهبل لا مشبون ولا شي
ولاياتها كحه ما بعد العملية


رفيف وين ناوية تولدين؟

 

[Om _ Almona]

رد: >>>تجمع مراجعات الدكتورة نداء بو خضور<<<

بنات هي بالطبيعيه شوي غاليه اكثر من غيرها ب 30 دينار يعني تاخذ طبيعي 280 متعسره 300 قيصريه 350 ..
الدكاتره الثانين ياخذون 400 او 450 على القيصريه

يعني الدكتورة نداء أرخص!

 

[Om _ Almona]

رد: >>>تجمع مراجعات الدكتورة نداء بو خضور<<<

النجوم الثلاث

ألف الحمدالله على سلامتج وسلامة البيبي
والدكتورة فعلاً شاطره بجمبع امور الولاده وبالها وايد طويل وتعطيج من وقتها
وتطمنج ما تخرعج وكله تهون على الوحده لمن يكون فيها شي جايد

إنتي معاج السكر من قبل الحمل؟
وشلون السكر الحين؟

 

[Om _ Almona]

رد: >>>تجمع مراجعات الدكتورة نداء بو خضور<<<

فرابتشينو

ألف الحمدالله على سلامتج
وشلون الخياط معاج؟ وبعد شكثر طاح؟

 

[Om _ Almona]

رد: >>>تجمع مراجعات الدكتورة نداء بو خضور<<<

دكتوره تهبل ماعليها كلام وكافي انها لها باع طويل مع خواتي وامي عشان جذي مطمنه اكثر

حبيبة قلبي أم امار:tek:

انا بعد قلبي متطمن لانها ولدت اختي وسوت حق امي عملية
وكلهم بالمواسات
وانا ان شاء الله راح اولد بالمواسات

 

[H_R_S]

رد: >>>تجمع مراجعات الدكتورة نداء بو خضور<<<

دكتورة نداء مولدة خوات رفيجتي ووايد يمدحونها بس بغيت أوضح شي إنها ما تولد بالمواساة

 

[ام ريان3]

رد: >>>تجمع مراجعات الدكتورة نداء بو خضور<<<

السلام عليكم اشلونكم خوات بنسبة للدكتوره ندا انا جربتها مرتين خوش دكتوره ماعليها شي وتسوي تجميلي من نفسها وماتاخذ وايد 250

 

[سبائك]

رد: >>>تجمع مراجعات الدكتورة نداء بو خضور<<<

انا صار لي اكثر من اربع سنين مع الدكتوره

وولدت عندها والحمدلله ربي سهل ولادتي وبصراحه الدكتورة ممتااااااااازه اصلا اهلنا كلهم عندها تينن