السلام عليكم بنات بكتب لكم تجربتي والله على ما اقول شهيد لا دعايه ولا بطيخ وانا حاسه بشعور اي وحده فيها حب شباب ومايروح من يوم كانت صغيره وانا صبرت لين اشوف النتيجه النهائيه وافيدكم فيها
ملاحظه : العلاج يحتاج صبر شديد الي بتتهيون يوم او يومين لا تقرى
.....................................
عمري : 18
بدايه حب الشباب : 13
مشكلتي : حبوب تحت الجلد كل ويهي ضيم وحبوب حمرا وبيضه وسوده تحت الجلد
العلاج : حبوب كوراكني 30mg بعد الغدى وجرعته حسب الوزن والعمر |
( retin -a + icn eldoquin forte 4% cream )قبل النوم اخلطهم بيدي واحطهم ع بشري يعتبر مقشر |
akni care cream مرطب للصباح |
soskin 40 حمايه للشمس ( عجيب ) | الغسول صباحا ومساء neova بشجره الجاي عباره عن جل مهدئ للبشره
المستشفى : دار الشفاء
الدكتوره : حنان سوريه
عيبها ماتعطي نصايح عن الاكل او شرب ماء وميزتها ماتخسركم مفروض كل شهر مراجعه وادفع 15 دينار ادش عليها بس اهي تقولي كل شهرين
مده العلاج : 6 شهور للحبوب والبثور وشهرين للبقع والندب يعني على حالتي كان العلاج 8 شهور
النتيجه : ارتحت من الهم والله يريحها مشكلتي انحلت وبشرتي تينن مشالله لا حول ولا قوه الا بالله لا حبوب ولا بثور والبقع قريبا بتروح
التجربه بالتفصيل الممل راح اذكر كل شي ومراح ابخل عليكم لان هالمنتدى فادني وايد
تجربتي :
كان عمري 17 وبعد انعدام ثقتي بنفسي بسبب بشرتي وانحراجي من الكل والكلام الي اسمعه من البنات واهلي وحتى اليهال قررت اتوكل على الله واجرب حظي مع دكتوره بدال الخلطات وكريمات وعفسه الي فايدتها مؤقته ويرجعون لما اهدهم
رحت الدكتوره حنان وقلت لها مشكلتي واني احب الككاو وماقدر استغني وضلت تبتسم جنه حالتي وايد مرت عليها
قاست وزني وسولي تحليل دم و كبد والكلسترول يكون منخفض طول العلاج وهذا مهم لازم تحليل لا تاخذون العلاج بروحكم اساسا العلاج لا يصرف الا بوصفه
عطتني العلاج الي ذكرته لكم لمده شهرين قالتلي اراجعها وقبل ما ادخل عليها اسوي تحليل دم واعطيها النتايج
بيدايه كنت ادور الحبوب بالصيدليات ما القاها فقررت ابدي استخدم الكريمات أول لين القى الكبسولات وخلال اسبوع الكل لاحظ ويمدح بويهي يقولون متغيره صايره بيضه شحلاتج شمسويه هذا بس المقشر ومرطب وغسول ....
لقيت الكبسولات وبديت استخدمها وتبدي المعاناه قامت تطلع كل يوم حبه ثنتين وجسمي جف بشكل مو طبيعي ويهي جف شفايفي جفو ومرات اشلعهم ويطلع دم ويهي كله قشور بيضه من الجفاف تقولون فيني مرض اعوذ بالله الكل يقول شفي ويهج ويطنز وكله متقشر انا مستانسه الان العلاج يأدي مفعوله بس كل مره الحبوب تطلع ولاحظت انها تطلع لما اكل ككاو او دهن لدرجه ويهي يحكني وبعد جم ساعه تطلع حبوب واكره نفسي تدريجيا قمت اوخر عن الخرابيط لان ادري شراح يصير لي بس الي ماقدرت اتحمله لما تيني العاده !!!! ويهي حبووووب اكره نفسي ودي اشلعهم بس اتحمل الدكتوره قالت لا تلمسين اذا لمستهم يسبب ندب وماجذب عليكم لمستهم جم مره وطلع دم ... سببلي بقع - الجفاف بجسمي ماينوصف ماكنت استعمل كريمات لجسمي وهذا خطأ ولا كنت اشرب ماي معنه ريجي ناشف وهذا خطأ وشعري جف بشكل فضييع كشه كشه تعذبت بس صبررررت رحت للدكتوره بعد شهرين قتلها الي صارلي قالت ممتاااز !!! باين عليكي منتظمه بالعلاج وطالعت بشرتي تقول حبوب تحت الجلد خفو !! ووصفت لي كوراكني وقالت تعالي بعد شهرين ! وانا ضايق خلقي اقول اللهم صبرني الدكتوره اعصابها بارده وانا حالتي حاله حتى الي تقيس الدم شفقت على حالي ايدي مو طبيعيه متقشره تقشر - انصحكم تحطون مرطب خالي من العطور وكحول لان الجفاف يسبب سمار وهذا الي صار معاي المهم ضليت شهرين واروح لها وتوصف لي العلاج بس الكبسولات لان الكريمات يضلون معاي اكثر من شهرين ولما يخلصون بنفسي اشتريهم مايحتاج وصفه طبيب
وكل عاده يطلعون الحبوب وكان المقشر يهدئهم ويقشرهم ويطيحون بعد 3 ايام وكنت اصبر وماحط مكياج والدكتوره ما كانت تمنعني من اكل او تقول شربي ماي فا كنت اكل الي ابيه بس القا نتايج وخيمه
لان الكبسولات تطلع كل السموم الي بالجسم والنتايج بويهي لول اكل ككاو يحكني ويهي وبعد 5 دقايق تطلع حبه العلاج صار فعال جدا اخر شهرين لان زادت الجرعه صارو 40mg فاحترمت نفسي وخففت دهون وككاو وع فكره العلاج يضعف حسيت جذي مكون من فيتامين e
وهني قلت خل استخدم معاه اومقا3 شوي بدا يرطب جسمي ونزل كلسترولي وسمعت انه يوخر حب الشباب
واخر مره رحت لها وصفت لي الكبسولات زادت الجرعه 40mg وهذي اهم مرحله قالتلي انتظمي الكل ييأس بهالمرحله بس هذي الاهم كل السموم بتطلع و قالت لي يخلصون الكبسولات لمده الشهرين لا تراجعيني استعملي الكريمين المقشرين ومرطب لمده شهر واحد بعدها راجعيني
وسويت الي قالت عليه وتحملت التقشير بجسمي وشعري ناشف
بعده شهرين حمدالله خلصو الكبسولات اخيرا
الحين بس الكريمات لمده شهر احس ردت روحي وجسمي ترطب وشعري بديت اهتم فيهم
والنتيجه : بشره بلا حبوب ماكو حبوب حمرا ولا تحت الجلد بلا مبااالغه ولكن البقع للحين موجوده خفيفه وحمرا على خدودي بس
والحين : باقيلي شهر واحد باجر موعدي مع الدكتوره وراح اونسهااا وراح تعطيني كريمات علاج للبقع الي تركتها الحبوب او تسويلي ليزر او تقشير كريستالي
وراح استعمل الاومقا3 كمرطب ويجمل بشرتي اكثر واكثر
ملاحظه : كبسولات كوراكني ترا نفسها الروكاتين بس فرق السعر لان الشركه غير بس نفس المفعول ماكو فرق
روكاتين سعر العلبه 30 دينار
وكوراكني 15 دينار
انا قلت بلا خساير دام نفس المفعول وخذيت كوراكني ويقولون انه اخف وافضل ،،
والعلاج ممنوع للحامل يسبب تشوه للجنين لازم تكونين حذره وتنطرون بعد العلاج شهرين عالاقل وتحملين ... اذا كنتي متزوجه
هذي تجربتي بكل وضوح مابي منكم الا الدعاء ان الله يوفقني بدراستي ومستقبلي الجامعي الي راح ادشه بكل ثقه انشالله وادعولي تروح اثار الحبوب معنها خفييفه لان رتن اي خففهاا كونه مقشر
: ) والحمدالله لك يارب بعد العلاج وصبر وتوفيق من الله ودعائي من كان يصدق
انصحكم بنات لا ليزر ولا بطيخ لان كله مؤقت
لازم علاج كوراكني وبعدين ليزر للبقع
واي استفسار واصلوني برساله خاصه لا تكتبًونً هني وانشالله مراح ابخل عليكم بشي
ملاحظه : العلاج يحتاج صبر شديد الي بتتهيون يوم او يومين لا تقرى
.....................................
عمري : 18
بدايه حب الشباب : 13
مشكلتي : حبوب تحت الجلد كل ويهي ضيم وحبوب حمرا وبيضه وسوده تحت الجلد
العلاج : حبوب كوراكني 30mg بعد الغدى وجرعته حسب الوزن والعمر |
( retin -a + icn eldoquin forte 4% cream )قبل النوم اخلطهم بيدي واحطهم ع بشري يعتبر مقشر |
akni care cream مرطب للصباح |
soskin 40 حمايه للشمس ( عجيب ) | الغسول صباحا ومساء neova بشجره الجاي عباره عن جل مهدئ للبشره
المستشفى : دار الشفاء
الدكتوره : حنان سوريه
عيبها ماتعطي نصايح عن الاكل او شرب ماء وميزتها ماتخسركم مفروض كل شهر مراجعه وادفع 15 دينار ادش عليها بس اهي تقولي كل شهرين
مده العلاج : 6 شهور للحبوب والبثور وشهرين للبقع والندب يعني على حالتي كان العلاج 8 شهور
النتيجه : ارتحت من الهم والله يريحها مشكلتي انحلت وبشرتي تينن مشالله لا حول ولا قوه الا بالله لا حبوب ولا بثور والبقع قريبا بتروح
التجربه بالتفصيل الممل راح اذكر كل شي ومراح ابخل عليكم لان هالمنتدى فادني وايد
تجربتي :
كان عمري 17 وبعد انعدام ثقتي بنفسي بسبب بشرتي وانحراجي من الكل والكلام الي اسمعه من البنات واهلي وحتى اليهال قررت اتوكل على الله واجرب حظي مع دكتوره بدال الخلطات وكريمات وعفسه الي فايدتها مؤقته ويرجعون لما اهدهم
رحت الدكتوره حنان وقلت لها مشكلتي واني احب الككاو وماقدر استغني وضلت تبتسم جنه حالتي وايد مرت عليها
قاست وزني وسولي تحليل دم و كبد والكلسترول يكون منخفض طول العلاج وهذا مهم لازم تحليل لا تاخذون العلاج بروحكم اساسا العلاج لا يصرف الا بوصفه
عطتني العلاج الي ذكرته لكم لمده شهرين قالتلي اراجعها وقبل ما ادخل عليها اسوي تحليل دم واعطيها النتايج
بيدايه كنت ادور الحبوب بالصيدليات ما القاها فقررت ابدي استخدم الكريمات أول لين القى الكبسولات وخلال اسبوع الكل لاحظ ويمدح بويهي يقولون متغيره صايره بيضه شحلاتج شمسويه هذا بس المقشر ومرطب وغسول ....
لقيت الكبسولات وبديت استخدمها وتبدي المعاناه قامت تطلع كل يوم حبه ثنتين وجسمي جف بشكل مو طبيعي ويهي جف شفايفي جفو ومرات اشلعهم ويطلع دم ويهي كله قشور بيضه من الجفاف تقولون فيني مرض اعوذ بالله الكل يقول شفي ويهج ويطنز وكله متقشر انا مستانسه الان العلاج يأدي مفعوله بس كل مره الحبوب تطلع ولاحظت انها تطلع لما اكل ككاو او دهن لدرجه ويهي يحكني وبعد جم ساعه تطلع حبوب واكره نفسي تدريجيا قمت اوخر عن الخرابيط لان ادري شراح يصير لي بس الي ماقدرت اتحمله لما تيني العاده !!!! ويهي حبووووب اكره نفسي ودي اشلعهم بس اتحمل الدكتوره قالت لا تلمسين اذا لمستهم يسبب ندب وماجذب عليكم لمستهم جم مره وطلع دم ... سببلي بقع - الجفاف بجسمي ماينوصف ماكنت استعمل كريمات لجسمي وهذا خطأ ولا كنت اشرب ماي معنه ريجي ناشف وهذا خطأ وشعري جف بشكل فضييع كشه كشه تعذبت بس صبررررت رحت للدكتوره بعد شهرين قتلها الي صارلي قالت ممتاااز !!! باين عليكي منتظمه بالعلاج وطالعت بشرتي تقول حبوب تحت الجلد خفو !! ووصفت لي كوراكني وقالت تعالي بعد شهرين ! وانا ضايق خلقي اقول اللهم صبرني الدكتوره اعصابها بارده وانا حالتي حاله حتى الي تقيس الدم شفقت على حالي ايدي مو طبيعيه متقشره تقشر - انصحكم تحطون مرطب خالي من العطور وكحول لان الجفاف يسبب سمار وهذا الي صار معاي المهم ضليت شهرين واروح لها وتوصف لي العلاج بس الكبسولات لان الكريمات يضلون معاي اكثر من شهرين ولما يخلصون بنفسي اشتريهم مايحتاج وصفه طبيب
وكل عاده يطلعون الحبوب وكان المقشر يهدئهم ويقشرهم ويطيحون بعد 3 ايام وكنت اصبر وماحط مكياج والدكتوره ما كانت تمنعني من اكل او تقول شربي ماي فا كنت اكل الي ابيه بس القا نتايج وخيمه
لان الكبسولات تطلع كل السموم الي بالجسم والنتايج بويهي لول اكل ككاو يحكني ويهي وبعد 5 دقايق تطلع حبه العلاج صار فعال جدا اخر شهرين لان زادت الجرعه صارو 40mg فاحترمت نفسي وخففت دهون وككاو وع فكره العلاج يضعف حسيت جذي مكون من فيتامين e
وهني قلت خل استخدم معاه اومقا3 شوي بدا يرطب جسمي ونزل كلسترولي وسمعت انه يوخر حب الشباب
واخر مره رحت لها وصفت لي الكبسولات زادت الجرعه 40mg وهذي اهم مرحله قالتلي انتظمي الكل ييأس بهالمرحله بس هذي الاهم كل السموم بتطلع و قالت لي يخلصون الكبسولات لمده الشهرين لا تراجعيني استعملي الكريمين المقشرين ومرطب لمده شهر واحد بعدها راجعيني
وسويت الي قالت عليه وتحملت التقشير بجسمي وشعري ناشف
بعده شهرين حمدالله خلصو الكبسولات اخيرا
الحين بس الكريمات لمده شهر احس ردت روحي وجسمي ترطب وشعري بديت اهتم فيهم
والنتيجه : بشره بلا حبوب ماكو حبوب حمرا ولا تحت الجلد بلا مبااالغه ولكن البقع للحين موجوده خفيفه وحمرا على خدودي بس
والحين : باقيلي شهر واحد باجر موعدي مع الدكتوره وراح اونسهااا وراح تعطيني كريمات علاج للبقع الي تركتها الحبوب او تسويلي ليزر او تقشير كريستالي
وراح استعمل الاومقا3 كمرطب ويجمل بشرتي اكثر واكثر
ملاحظه : كبسولات كوراكني ترا نفسها الروكاتين بس فرق السعر لان الشركه غير بس نفس المفعول ماكو فرق
روكاتين سعر العلبه 30 دينار
وكوراكني 15 دينار
انا قلت بلا خساير دام نفس المفعول وخذيت كوراكني ويقولون انه اخف وافضل ،،
والعلاج ممنوع للحامل يسبب تشوه للجنين لازم تكونين حذره وتنطرون بعد العلاج شهرين عالاقل وتحملين ... اذا كنتي متزوجه
هذي تجربتي بكل وضوح مابي منكم الا الدعاء ان الله يوفقني بدراستي ومستقبلي الجامعي الي راح ادشه بكل ثقه انشالله وادعولي تروح اثار الحبوب معنها خفييفه لان رتن اي خففهاا كونه مقشر
: ) والحمدالله لك يارب بعد العلاج وصبر وتوفيق من الله ودعائي من كان يصدق
انصحكم بنات لا ليزر ولا بطيخ لان كله مؤقت
لازم علاج كوراكني وبعدين ليزر للبقع
واي استفسار واصلوني برساله خاصه لا تكتبًونً هني وانشالله مراح ابخل عليكم بشي
