تجربتي مع شفط الدهون عند عادل قطينه

[نفنوف 85]

السلام عليكم و رحمه الله و بركاته


شلونكم يا حلوين ,,, شخباركم


راح ابدي بالموضوع على طول


انا كنت متينه حيــــــــــــــــــل و الحمدلله قدرت انزل وزني


صج ان ليلحين جدامي طريج طويل لحد ما اوصل الوزن اللي ابيه بس الحمدلله ماشيه على الرجيم


المهم


انا عندي منطقه الزند و الظهر مو راضيه تضعف


تخيلو نزلت 20 كيلو و كل جسمي تغير شكله الا هالمنطقه صامدة و مو راضيه تنزل :cxxxp:


المهم رحت عند د/ عادل قطينه اليوم و سويت شفط الدهون اللي اسمه ليبو سكشن


العمليه كانت ببنج موضعي و مدتها ساعتين


كلفتني بحدود 700 دينار

شفطلي الجزء الاعلى من الظهر و الزنود



طبعا الالم كان مؤلم بدرجه خيااااااااااااليه قعدت ابجي و دموعي شلال :krkrkr:



شرح العمليه ,,,


طبعا العمليه مافيها شق كبير و خياط و من هالسوالف

اللي صار بالضبط


قبل العمليه بربع ساعه عطوني حبه مسكن


اول ما دشيت انسدحت على الصوب اليسار و بلش شغل بزندي اليمين و الظهر صوب اليمين

اول شي يغزني ابرة و يفتح فتحه صغيــــــــــــــرة جنها شامه و يبدي يحطلي السوائل


طبعا السوائل عبارة عن مخدر (( هذا كله فبل الشفط ))


الشفط بحد ذاته ما يعور بس لما يدخل السوائل هني العوار الصجي



و طبعا الم غير طبيعي لا يحتمل



المهم لما يحطلج السوائل يبدي جسمج ينتفخ حيل جني متنانه 50 كيلو


بس لازم يحطها عشان السوائل عبارة عن مخدر


عقبها يبدي بالشفط ,,, ماراح تحسين بالم بس راح تحسين بضغط و الم شوي يعني تقدرين تتحملينه


و اهوا قاعد يشفط تشوفين الانبوب قاعد ينملي شحم قاعد يطلع منج (( اخيرا افتكيت منه )) :ggdw:



و عقبها قلبت على اليمين و بدا يسوي نفس الشي على الجانب اليسار



لما خلصت جسمي متورم و حسيت بآلام بس وصفلي حبوب مسكنه و الحمدلله سكنتلي الالم


طبعا عطاني كورسي للزند و الظهر و قالي لازم البسه 24 ساعه


و قالي ان التورم راح يزول بعد اسبوعين الى 3 اسابيع


و بالنسبه للتورم هذا بسبب السوائل اللي حطها فيني و يقول اني راح اتخلص منها مع البول و انتو بكرامه




ادعولي يصير شكلي حلو ,,, و اللي عندها اي استفسار انا حاظرة :tek:​

 

[حنون المزيون]

مبروووووووووووووووووك
والله يشافيج وان شاء الله تحصلين نتيجه
بس نصيحه سوي تمارين عشان يشد الجسم بعد جم يوم والا بيترهل الجلد عندج لان اهو بس شفط على مااظن

 

[جوكليت بار]

الحمدلله على سلامتج
وان شاءالله يصير شكلج مثل ماتبين واكثر

 

[نفنوف 85]

هلا حنون

اي انا مسويه بس شفط

و انشالله راح اسوي تمارين و اذا صار الترهل وايد قوي راح اسوي المساج اللي يشد ولا جهاز تايتاان بقولون انه يشد

و مشكورين على دعواتكم الحلوة عسى ربي يوفقكم

 

[مستشاره قانونيه]

واو وناسه الحمدالله عالسلامه
وين صايره عيادته ....؟؟
وشفطتي بس زنودج
ولاظهرج بعد !!؟

 

[مخروووشة]

الحمدلله على السلامة وما تشوفين شر ان شاء الله

بسالج يشفط الكرش

 

[نفنوف 85]

هلا مستشارة ,,,


الله يسلمج يالغاليه


عيادته في فرجينيا كلينك


شفطت زنزدي و نص ظهري (( بالتحديد النص العلوي من الظهر ))

اذا طلعت نتايجي حلوة و تستاهل بسوي النص السفلي من الظهر مع الخصر انشالله


بس على فكرة ,,, ملاحظه جدا مهمه :

الشفط اللي انا سويته مو حق اللي يبون يضعفون

حق اللي بيحسنون شوي من شكلهم

و طبعا لازم رياضه عقبه و رجيم و لا بيصير جنج ما سويتي شي


و اذا تبون نصيحتي حق اللي بتسويه خل تسوي ببنج عام لان الالم كان فظييييييييييع

 

[نفنوف 85]

هلا مخروشه


اي حبيبتي يشفط الكرش


اذا كان الكرش فيه بس زيادة بسيطه يقدر يسوي ببنج موضعي

و اذا تبين شد ما يصير ببنج موضعي لازم بنج عام


انا انشالله بسوي الكرش اذا طلعت نتايجي زينه

 

[مستشاره قانونيه]

نفنوف انتي جم وزنج وطولج

انا ودي اسوي بس كرشتي وظهري

لان زنودي طبيعيه حيل وفخوذي تمام مع الرياضه اصغروووا حيل ومشدودين بس
ياربي زغاديد بالظهر موراضيه تروح

يعني جم يكلف اذا الوحده بتسوي شفط بطن وظهر ...؟؟؟

 

[نفنوف 85]

هلا مستشارة

والله بصراحه مادري جم راح يكلفج ؟؟

بس اتوقع ما يوصل الف انشالله


احسلج اخذي موعد و روحيله اخذي اسنشارة و شوفي شيقولج


هذا رقمهم

5622015


بس ترى مواعيدة صعبه يعني دقي من باجر و شوفي عاد متى يدخلونج !!!

و موفقه يارب

 

[go0omar]

بالاول حمدالله على سلامتج وانشالله تبين نتايجج مضبوطه

انا حابه اسالج اذا تنفع الشفط للبنت وله لاء ماعندج فكره

 

[منانا]

الحمدلله على سلامتج وماتشوفين شر انشالله

 

[Tangled]

الله يوفقج ويعديج الشر انشالله وتوصلين للنتايج المطلوبة واي انا ودي بس حملت الله كريم اولد واشوف شسوي انا مفكرة اسوي ميزو ثيربي لن انا مافيني زود بس نفس مشكلتج الزنود ما تضعف بسرعه اهي وظهري

 

[سمسميه]

الحمدلله على سلامتج
وبلغينا بالنتايج اشكثر شفط كم كيلو؟
ما تشوفين شر ان شاءالله

متابعينج

 

[ظلال القرآن]

الحمد لله على السلامه
الله يتمم عليج
ودي اسوي كرشتي بس اتوقع لازم عمليه كامله

 

[F.A]

حمد الله على سلامتج وان شاء الله توصلين لهدفج

 

[نفنوف 85]

السلام عليكم و رحمة الله و بركاته


go0omar


حبيبتي اي يصلح حق البنت

انا ليلحين مو متزوجه مخطوبه بس



روحي-تحبك

حبيبتي انا جربت الميزوثيرابي و ما حسيت بفرق

بس للامانه انا ماكملت فيه الدكتوره قالتلي يبيلج 5 جلسات و انا سويت بس 3

و الميزو نتايجه مؤقته و من تردين تاكلين يرد يمتن




سمسميه

هلا حبيبتي ...


شفط مني كيلو و نص


كان يقدر يشفط اكثر بس اهوا قالي بما اني مابي اسوي شد ف لازم ما يشيل وايد عشان ما تترهل زنزدي


يعني ماراح يصيرون عصاقل بس اكيد راح يصيرون اضعف وايد انشالله






ظلال القرآن

حبيبتي اذا بتسوين شد مع الشفط لازم عمليه كامله


اما اذا ما تبين تسوين شد (( نفس حالتي )) ف عادي تسوينها ببنج موضعي و اذا ما تبين تحسين بالالم ف تقدري تسوينها ببنج عام و عمليه كامله





على فكرة ,,,

البنج الموضعي تسوينها بالعيادة ,,, اما العمليه الكامله ف تكون ببنج عام و تكون بالمستشفى



مشكورين يا حلوين على دعواتكم ,,, عسى ربي يوفقكم :tek:

 

[أغلى الناس]

الحمدلله على سلامتج وان شاء الله تشوفين نتيجه حلوة
انا اخاف من شفط الزنود يقولون اهي اكثر منطقه خطره لان فيها اوردة القلب وودي اجرب الابر اول انا نفس مشكلتج زغاديد وزنود بس اخاف شرايج
عند منو انتي جربتي الميزرثيرابي ومانفع وجم وزنج اذا مافيه احراج

 

[MissChoco]

الحمدالله عالسلامه نفوف


واي انا بخاطري اضعف بس ما اقدر اتحمل الالم كلش كلش

حتى لو بنج عاد ادري وراها راح اتعور شوي موو وايد بس ما اقدر ياربي :\\



وبشرينه شيصير وياج

 

[music_teacher88]

يبييييييييييييييييييله ورى الصيفييييييييي
ونااااااااااسه انا امي موراضيه انا ادري عن قطينه من زمان بس محد جرب
الحين بحن وازن


الله يوفقج حياتي ويصير وزنج مثل ماتبين وبلغينا بالنتايج الحلوه