تجربتي مع دايت سنتر ...

[عروس الدنيا]

السلام عليكم ... بنات للمانه قبل لا تشتركون باي شركه جربوا تطلبون منهم بو يوم ... لان حرام تقطون فلوسكم عل فاضي ..
انا اشتركت و تحسففففففففففففت استغفر الله يوميا الاكل بالزباله ..
اولا الاكل مثلا اذا يابوه اليوم لي باجر يكون محمض حتى لو بالثلاجه ...
ثاني شي على بو مشتركه بعرض الاكل جنه فضله استغفر الله ... اللحم مقصص و شكله و الطعم الصراحه ... كلش ما ينبغى


يوميا الاكل كان ينقط استغرالله نعمة الله
خصوصا اذا ستيك و لا دياي ... يعني العيوش و الباستا كنت احطهم ياكلونه الدياي ... بس الايدام استغفرالله
و لا التبوله مقصصين البقدونس و حاطين لج شوي ليمون ... اكس اكس اكس ..

انا مجربه دايت كير من ثبل ... فرق السما عن الارض اكلهم يهبل تشتهينه بس هذيل ...
يعني الوحده تضعف لانه ما تشتهي اكلهم ....


و الشوربه مثل طعم المرقه مافي فرق ... و شوربة الدجاج بالكريمه حاطين فيها دياي مشوي لم شخنتها صار لونها برتقالي بسبة الدياي استغفرالله
ما يخافون على سمعتهم ... على بو الناس مقصه ... فتحوا عيونكم ...

و فوق هذا زدت كيلو لووووووووووووووووووول يكون مسويه خير :nocommint:

 

[Ice CreaMa]

وييييييييييي الله يعينج

انزين ما اشتكيتي ما كلمتيهم؟

انا مفكره عاد اشترك معاهم

بس اشوه انج قلتي لييييييييي
جزاج الله خير وعسى ربي يعوضج

 

[أحلى عيون]

رد : تجربتي مع دايت سنتر ...

استغفر الله عاد والله انا ماحب هذي السوالف اني اشترك بشركه الله يخلي اكل البيت انظف وعلى ايدج

على العموم الله يعوضج وقولي لهم ماابي اكمل ولا مايصير

 

[مخروووشة]

الله يوفقج دنيا واخرة

عاد كنت بروح اشترك

 

[أنوثهـ حتى الثمالهـ]

أنا مشتركه عندهم بس مو بالعرض الاكل حلو ماعدا الجكن فيليه والاسكالوب زفر ومو شي وبعض الساندوتشات
بس انا كنت مشتركه عشان ازيد وباكمل شهر مازدت الا 200 غم
حسافة فلووووسي مادري اسمع كلام الاخصائيه واكمل شهر بعد لان تقول جسمك مو متعود عالاكل يحتاج وقت حتى الخلايا تتمدد
مادري والله بس المبلغ مو شويه اللي ياخذونه

 

[ألماسهABM]

صاااجـــه أخت ( أحلى عيـــون ) !

شفيــــــــه أكــل البــيــت ؟؟؟ هااااه !!!

أول شي استشيري دكتور تغذية ،، أوكي ؟ بــعـــديــن ...

إذا بتضعفين : سكري حلجج عن الدسم والحلى وتحركي وخلال شهر بتصيريييين مانيكان .

وإذا بتمتنين : أخذي فاتح شهيه وابلعي كل شي بالثلاجة وجابلي التلفزيون والنت وخلال شهر بتصيرييين دبدوبة .

وخلي شركات الدايت تولي (سامحوني على دفاشتي )

____________________________________

*** ألـمـــــاســـه وحـســــاســـــه ***

 

[ZajiL]

انا جربتهم من 4 سنين تقريبا او 3 ماني ذاكره كان اكلهم رووعه
ومن فتره قمت اشتري من الثلاجات ملووتهم صج تغيرواااااااا والاكل كللللللش مو حلو

انا ارشح اكل البيت والله انظف وفرش وكل يوم انتي سوي وجباتج او علمي الخدامه انا جذي اسوي حتى الدواااام
اخذ ريوقي معاي

 

[الحراير]

مشكوره عالافاده

 

[عروس الدنيا]

رد : تجربتي مع دايت سنتر ...

مشكورين حبايبي على المشاركه ... انا اقصد دايت سنتر التفاحه ... و تصدقون انا غبيه
لان مشتركه معاهم من قبل و التزمت حرفيا و ما ضعفت و كنت اقولهم اكلكم مو حلو .... بس لان الحين ارضع بنتي و احس اكلي كله خرابيط و ما اشتهب طباخي كلشششششششششش فقلت اغير ...

و الله بنات الاكل يحمض بالثلاجه الي الخدامه من نفسها تقطه تقول ماما هذا ريحه خايسه ...اهم كانوا مسوين عروض للصيف فاشتركت معاهم
و طرشت لهم ايميل ان الاكل يلوع الجبد ... و ادق على رقم المندوبه الي حاطينها ما ترد ... و خذوا فلوسهم كامله من اول يوم فما اقدر اوقف .... توبه ...

و الي يسالون عن دايت كير ... دايت كير بالعكس يهبل ... اختي مشتركه و انا يوم ولدت بالسلام اكلهم دايت كير حلوووووووووووووو
و لذيذ ...

بس دايت سنتر و لا بيييييييييييييييييييييزه

 

[وردة النرجس]

رد : تجربتي مع دايت سنتر ...

الله يعوضج والله

بس لو مختاره دايت كير

لأني شفتي تجارب جدامج ومحد ذم فيهم

يلا خيرها بغيرها

وإذا فكرتي تشتركين بدايت كير مره ثانية قوليلهم أنج ترضعين علشان يحطون بحسباهم جم سعره تعطيج

وشربي ماي وايد كثر ماتقدرين

والله يوفقج توصلين درب الرشاقة

 

[عوااار قلب]

رد : تجربتي مع دايت سنتر ...

الله يعوضكم خير

 

[Creazy]

احلى شي دايت كير انا اشتركت مره بس للتسمين الاكل رووعه ونظييييييييييف


لوفات بعد زوجي مره لاشترك وياهم

 

[miss angel]

رد : تجربتي مع دايت سنتر ...

اي صح كلامج اكلهم مو شي

واكل دايت كير واايد حلو بدون لا تشتركين موجود بجمعية القادسية ومركز سلطان

 

[اعشق همسك]

والله احترنا ناس تذم وناس تمدح عاد بغيت اشترك شكلي بهون وباكل اكل من البيت

 

[om MaRyooM]

امبي معقولة ؟؟؟


عاد خالتي اشتركت معاهم تقول زين . .

بس حرااام جان قطعتي اشتراكج بدال لاينقط الاكل


عموما مشكورة عالتنبيه .. وفعلا دايت كير غير واكلهم اينن ولذيييييييييييييذ

 

[Om Ghalia]

دايت سنتر والله حلو وأنا ما شفت منهم شي بالعكس الأكل لذيييذ والسلطات والتبولة بعد لذيييذة .. ودايت كير بعد براداتهم موجودة بمركز سلطان أكلهم حلو بس الكمية أقل من اشتراك الدايت سنتر.....

 

[!! D m i r a a !!]

وي عاد انا ناويه اشترك ومحتاره بين دايت كير ودايت سنتر

 

[<<لمار>>]

انا شؤيت مرة منهم بس كلش ماحبيت الاكل مافية طعم

 

[n_1]

انا مدري شلون الناس تشترك بهالشركات لو اكلهم موروعه وبس لو شنووو كان

اولاً : لان السعر اوووفر شوي شهر ب200 دينار شدعواااا

ثانيًا : ان الاكل من الصبح يجي كله دفعه وحده وهالشي يلوع الجبد ويؤثر على جودة الاكل لو شارين اكل من الجمعيه مال تسخين الماكرويف ارخص واحلى واكثر صحه وجوده

ثالثًا : لان مودايما تاكلون كل اللي بالكرتون

رابعًا : اللي تفكر تسوي اشتراك بهالشركات خل تجرب اسبووع تسوي اكلها بنفسها او تطلب وجبه من مطعم تجيها طازجه وحاره مو بايته وتسخنها

مثلًا : الريوق قهوه او عصير او صاج صغيره من مطعم فطاير او حتى كرواسونة الفييصل هههههههه

السناك:عصير كي دي دي ماكو احلا منه او تشتروون لتر عصير برتقال طازج بدون سكر مال المراعي او ندى وكل سناك تصبون قلاص بااارد ياسلاااام

الغدا : اطلبو من مطعم اي وجبه خفيفه ارخص واكلوو منها شوي او خذو من غدا البيت مقدار قوطي روب مع صحن سلطه ماكو اسهل منها

السناك : اكلوا قطعة ككاو فيررري روشييه تسوا الحلوو مالهم كله او روحوا الجمعيه اشترو علبة حلو من ارفف هالشركه ان كنتم حيل تبونها

العشاء : قووطي رووب مع سلطه او صحن تبوله ابو نص دينار من مطعم يجي طازج وسنع او توست اسمر شغل بيت مع جبن وطماط

ولو تحسبووون كل هالمصرف على مدااار شهر =30 يوووم بتنصدمووون من الرخص والتوفييير على سنع وعلى صحه مو كرتونه بايته نسخن فيها من الصبح لليل وب 200 دينااار هههههههههههه

وانتم كيفكم عاد بمصاريفكم

حسبة بسيطه لأعلى استهلاك نظام رجيم طبيعي :

اذا كل يوم يتم استهلاك عصير او حليب كي دي دي =100 فلس =3 دينار بالشهر

السناكات الثانيه =30 سناك كل سناك ب200 فلس = 6000 دنانير

وجبة الغداء الرئيسة من احسن مطعم 2 دينار = 60 دينار

وجبة العشاء من احسن مطعم = 2 دينار ايضا = 60 دينار

المجموع الكلي = 3+6+60+60 = 129 دينار

مع العلم ان غالب وجبات العشاء تكون ارخص

مع ملاحظة ان الاكل طازج ونظيف مع عدم الاخذ بأن كثير من الاحيان يتم الاستعانه بأكل البيت بالتالي يكون اقل الصرف

*لاتنسوون هم يحطوون لكم شوية اكل بالقطاره علبون رجييم والصج هووو بخل وتوفير وزيادة ارباح

*مع العلم انهم يتعمدون يزيدون لكم سعرات حراريه عشان ماتنقصوون واجد وتضطرون تمددون المده معاهم ويربحون اكثر