تجربتي مع حقن الفيلرز

[احلللى بدررر]

السلام عليكم حبيباتي

ما اطول عليكم ,, انا قبل 4 سنين تقريبا حقنت عن الدكتور طلال العلي خدودي و كانوا من اروع ما يكون لكم من قبل سنه تقريبا بدت المادة تتكتل بخدودي و تحت عيني و صار شكل وجهي مو حلو باين فيه هالتكتلات

قريت وايد تجارب بنات صار عندهم نفس المشكلة ,,

ابي الحل الافضل حق اللي جربوا او شافوا احد بعينهم هل ((( اسحب المادة بالجراحة و عند منو ؟؟؟؟؟؟؟؟ ------- او ------اطق ابرة التذويب اللي ما ادري هل اهيا الكورتيزون و الا غيرها )))

الله يخليكم ساعدوني و ان شاء الله في ميزان حسناتكم :eh_s(2)::eh_s(2)::eh_s(2):

 

[زين ودلال]

ماعندي فكره

ان شاء الله البنات يفيدوونج

 

[قاهره عذالي]

لا حول ولا قوة الا بالله

كل ما افكر اتفخ

اخاف من فكرة التكتلات

الحين 4 سنين

وماراحت الماده ؟

ليش شنو كانت الماده كولاجين؟

 

[داناو]

شنو كانت الماده اللي حاقنتها
لازم تكونين عارفه اسمها

 

[oorccia]

وي

توي ادري انه تتكتل

 

[عجينه]

الله يشافيك

ما عندي فكره

 

[مولاي الفرج]

روحي عند نفس الدكتوووور وشوفي شنو يقولج

وان شاءالله يرد نفس قبل

 

[مدّهره !]

مااعندي فكره بس رووحي كذاا إستشااره للدكاتره وشووفي طريقه للتكتلات


..’


قاااهره نصيحة لووجه الله لااتفكرررين أبداً بتفخ إلا الوجه لاتغاامرين فيه ..’

شفت ووحده تافخه ومتكتله ماودي أوصف لك الشكل

وإلااا شووفي بداائل لسممنة الووجه

..’


ياازين خلقة ربي

 

[سكارلت]

اختي احسن حل العملية الجراحية
لاتخلين احد يلمسها ويذوبها بالابر نهائيا نهائيا
لأنها راح تكبر

ولاااااااااازم تكونين عارفة
نوع المادة اللي حقنج فيها هالمجرم
وروحي لجراح تجميل متمرس عندج بورزق ولا عاطف علام
عشان يشيلونها بعملية
وكثري من الاستغفار والدعاء
والله يشفيج ويرفع عنج

 

[داناو]

جربي ابر التذويب
لكن سالي عن صناعتها واضرارها وشنو تركيبتها

 

[semony]

لا حول ولا قوه الا بالله

لا تلقو بأيديكم الى التهلكه فتهلكو

العافيه زينه

 

[um bader81]

بالفعل لازم تعرفين شنو الفلر الي استخدمة واذا ممكن استخدام حقن التذويب معاها لكن المفروض استخدام الهيلورينيك اسيد افضل فلر وايكون مسجل بالكويت وافضل فلر انا اعرفة derma fill من غير اي مضاعفات او دوم ما يترك اي اثار دكتور عاطف علام يستخدمة

 

[ام عبد العزيز م]

واالله يا اختي مراح يفيدج غير الدكتور لي سواها لج

 

[نوف الصقعبي]

رفيجتي كانت ايه بالجمال وغرها ابليس وبنات الدوام تفخى وتفخى خدودج
راحت اتفخت اخدودها واستانست حيل

وبعد 3 سنين اعوذ بالله من غضب الله اللي حاشها من ورا هالتفخ تغيرت ملامحها 180 درجه وصارت تخرع جنها عيوز والله العظيم وبدت تتكتل الماده بأماكن بخدودها مثل التيل والكور صار شي يخرع وماخلت عياده ماراحت تبي حل وقالو لها عملية جراحيه
والبنت الحين مشوهه تمامآ

بنات نصيحه ترى هالبلاوي تطلع نتايجها عقب 3 سنين و 4 سنين والله ديرو بالكم
مو مع الخيل ياشقرا
اى موضه اطلعت رحتو ركضتو وراها

لاتغيرون خلقة ربكم عشان ماينزل عليكم سخط الله تعالى ​

 

[hamoud Chami]

وما على الرسول إلا البلاغ أخواتي العزيزات اكو شي يقولون عليه وعي وإدراك لما تقعدون تستفسرون أي فضل وأي احسن وتجي وحدة تسولف عن دكتور وأنه قمة في الروعة ما تصدقون كلشي تسمعونه ما يمكن تكون قاعدة تشهر بالدكتور والعيادة عحساب غيرها هاذ الدكتور طلال انا سمعت عنه أيام قطر انه وايد زين وماكو متله وعيادته تجنن يمكن كانو يقصدون أيام زمان مو الحين رحت من فترة للامانة التعامل خايس تحسين تبيهم ينتفعون مو ينفعوك واخذي هاذ وهذا احسنلك وعملي هاذ يعني حتا اول ما يسولفون معاك يجيبون طاري الفلوس واولهم هاذ الدكتور والعياذ بالله تحسين ساحرلك تلقين نفسك تنجذبين وياه بالكلام وتصدقينه واهوا متله متل باقي العيادات ويمكن برا أرخص واحسن وايد هاذي كانت غلطة عمري وخرب شكلي قمت صلحته بالخارج يعني يبونك تبهدلين تصرخين ليسوون شغل عدل ما ينفع معهم غير التخويف بس قمت اصارخ صارو معاي يلفون ويدورون بالكلام ما يستحوون ونعوضلج ونخصملج وش النفع بعد ما طيحتولي ثقتي ادخل العيادة كلش كلام فاضي بس ما يبونك تطيحي بشغلهم الفاشل للأسف الواحد قاعد يحجي مو شماتة ولا تشويه سمعة قاعد يحجي من تجربة مرت ويبي غيره يستفيد منها وهاذ الصح ودمتم في رعاية الله وحفظه