تجربتي مع الليزر الضوئي في بودي ارت سنتر (لازالة الشعر )

[حوريه عسل]

قوووووه بنات فديتكم <3


مابي اطول عليكم بس حابه اذكر لكم تجربتي خاصه اني اعرف بنات وايد وايد وااااااااااااااااااااااااااااااااايد ليلحين مو مسوين ليزر حق الشعر
حتى رفيجاتي اسمعهم دايما يسئلون بس مايسوون يحاتون ويخافون وفوق هذا التكلفه
المهم انا قلت اذا بقعد افكر ماخلص اعرف نفسي :eh_s(4):
فرحت امس وتوكلت على الله


اول شي : مكان بودي ارت سنتر اهو في السالميه قبل المطافي فيه بنزين بالشارع اللي جبال المطافي
( اسميه البانزين الاخضر ) و بودي ارت سنتر يكون بالشارع اللي ورا البانزين يم مكان وطنيه و خياط شي جذي

ثاني شي : رقم الخبيره الصينيه اللي تشتغل هناك اهو : 97354489


ثالث شي : لما وصلت شفت اثنين طالعين من العيادة يشبون ليتات مشالله نور على نور قلت امبيييييييييه وناسه ابي :eh_s(11):
دخلت مشالله المكان وايد هادي ونظيف

رابع شي : الاسعار كبدايه انا سويت ويهي قالتلي الجلسه ب40 دينار
بس تقول عندهم باكج 6 جلسات ب 150 دينار يعني تطلع الجلسه ب25 دينار ( الوي مع الرقبه كامله )
قلت امبيه وايد وايد زين .. وقالتلي اشتري منها اللي اهو زيت فايتمين E للبشره عشان احطه قبل النوم مره

خامس شي : الليزر الضوئي ipl قالت ان مو بس يعالج الشعر ويقلله قالت انه يشد البشره ويفتحها و ماله اي اثار جانبيه وحتى لو طلع الشعر يطلع خفيف واشقر ماينشاف يعني مستحيل يطلع نفس قبل بعد ال 6 جلسات . ولازم مواضبه بين كل جلسه وجلسه شهر او شهر ونص
وانا سويت جلسه وحده امس وايد وايد انصدمت يعني طلعت راضيه 200% لان شفت ويهي وايد احسن من اللي توقعته حسيت سحر :eh_s(2): وابدا ابدا ماتحسفت على الفلوس ولا على الوقت
بس تحسفتي على عمري اللي راح بدون لا اسوي الليزر هذا :eh_s(4):
تقول هم في بنات صغار يطلعلهم شوارب وجذي تشيلهم وايد يطلعون مستانسين واغلب اللي ايولها من السمعه يعني اللي تسوي اختها تشوفها ولا امها ولا رفيجتها فتيي العايله كلها تسوي
قتلها افا عليج بيبلج 3 من رفيجاتي اهما ناويين ايون بعد مايشوفون النتيجه علي :eh_s(7):

فنصيحتي بنات الحين الحين تروحون تسوون ليزر لان مافي خطووره وايهبل اينن اذا سويتو ماله داعي لا شمع ولا خيط ولا شيره يعني حتى لو فيكم حبوب بويهكم ترووووح بح ( انا ماخرب ويهي الا الحف والشمع ) وغير الترهل اللي بعد الشمع يعني الليزر وايد وايد اريح
ومن ناحيه الفلوس تخيلو بنات انا اعانتي 100 الحين بقط من 50 لي 80 دينار بس على الليزر لان سويت تضحيه قلت مابي اشتري لا هدوم ولا شي بس عشان العلاجات لما تخلص لان احس احلى شي في البنت انها تكووون صافيه من الشعر

ودي اوريكم رقبتي امبيه مثل الباربي صارت جد جد اول مره اشوف رقبتي جذي
ويهي صار صافي بس الشي الوحيد المو حلو فيه اهو الحبوب مالت الدوره والحف بس انشالله عقب جلسات الليزر تروووح بح :eh_s(7):



فديتكم


ملاحظه : انا عندي موعد شهر 7 في مستشفى دار الشفا عشان اسوي ليزر حق منطقه البكيني لان الشعر فيها خشن وايد فقلت اسوي اول شي جلسات ليزر عادي بعدين الضوئي ( يعني اي مكان شايفه انه خشن اسوي فيه ليزر عادي بعدين جلسه جلستين ضوئي والاماكن اللي فيها الشعر خفيف وخايفه تكون فيه النتيجه عكسيه اسوي بالضوئي لان امان )

 

[حوريه عسل]

على فكره بنات اسم الفيتامين بالضبط اهو
puritan's pride natural vitamin E-oil

وهذي صورته

موجود في بووتس

 

[حوريه عسل]

شدعوه بنات محد رد يعني ماتبوون نفيدكم؟؟

اذا مارديتووو مارح احط النتايج اللي بعد الجلسات كلها ;p

 

[همسة الاحساس]

الله يوفقكم يارب يجيب معك احلااااااااا النتائج انا ودي اسوي بس بعد سنتين يبيله ميزانيه

امي رافضه اني اسويه لأنها قبل سوته قبل 10سنين ولا افادها تعقدت منه قسم تعبت من الشيل وخصوصا الوجه



على العموم انا من السعوديه

 

[زهره الجلنار]

يعني حبيبتي اذا الشعر اشوي خشن موزين له الليزر الضوئي لانه انا عندي بحنجي شعر اشوي خشن والمشكله اشقر بس ملمسه خشن شنو تنصحيني

 

[حوريه عسل]

يعني حبيبتي اذا الشعر اشوي خشن موزين له الليزر الضوئي لانه انا عندي بحنجي شعر اشوي خشن والمشكله اشقر بس ملمسه خشن شنو تنصحيني

اذا الشعر خشن سويله 4 جلسات بالليزر العادي لما يصير الشعر خفيف كلش كلش ومايطلع مثل قبل بعدها سوي جلسه او جلستين ليزر ضوئي عشان تشدين المكان وتبيضينه وفوق هذا يشقرلج الشعر اللي ممكن يطلع لاقصى درجه يعني كلش ماتشووفينه نهائي

اعرف بنات وايد سوو جذي رووعه :rerrerek:

الليزر العادي كعلاج احس احسن بس مشكلته ماينفع حق الشعر الخفيف او البشره السمرا او الشعر الاشقر
فممكن انه تكون نتيجته عكسيه مثل ان الشعر يطلع خشن اكثر من قبل

اذا شعرج تحسينه اشقر بس بشرتج بيضه سوي الليزر العادي

على العموم اذا مستعده تدفعين اكثر انصحج بمستشفى دار الشفا يسوولج فحص جلديه قبل لا تسوين الليزر
جذي تضمنين انج ما تحترقين وتتجنبين الاثار الجانبيه العكسيه

انا من جذي حجزت عندهم وترى زححححححححمه تنطرين مووعد
مو مثل العيادات الثانيه عادي حتى لو بنفس اليوم


حتى لو فيج مناطق فيها مسام و شعر تحت الجلد هذا كله يرووووح

 

[om-3wenat]

وااي شوقتيني انا قايلة هالاسبوع بسوي ليزر حق الاندر ارم و لان اول مرة اسوي و شعرتي خفيفه حيل
خايفة لا تسمك الشعره و ابتلش بعدين
بس شكلي بغير العياده و بروح بودي ارت وايد سمعت بنات يمدحوونها

 

[pearls_q8]

انا لي سنين افكر اسوي ليزر بس محتاره بالمكان
ومتردده اسوي
كنت افكر اسوي بالياكو ابولو ما ادري الحين بشوف هل المكان
تسلمين حبيبتي بدق عليهم اشوف اسعارهم لباقي الجسم

 

[✿فيْۈنڪْہ✿]

مشكـــووره حبيبتـــي ع ذكــر تجربتـــج ~

 

[سمو الغلآ]

ماشاء الله تبارك الرحمن وربي يتمم عليج ان شاء الله..,


ناويه ان شاء الله ع الليزر ربي يسهل ويكتب اللي فيه الخير..,

 

[ملفتة للنظر]

انا شعر ايدي مو اسود حيل يعني موخشن ..اسوي ليزر عادي ولا ضوىي؟؟؟


ومشكووورة

 

[ام حنونة]

اشلون أول يشيلون الوجه بالموس ولا على طول ليزر ؟؟؟؟

 

[• JoJo •]

تتهنين يا قلبي

 

[مظلومة حيل]

مشكورة عمري ما قصرتي
والله لايحرمنا منج
ناطرين المزيد

 

[NOONOOO]

ماقصرتي حبيبتي افدتينا

 

[حوريه عسل]

البنت اللي ذكرت ياكو ابولو الله يذكرج بالخير
انا كنت بروحلهم عشان ان اهما اسعارهم وايد رخيصه بالنسبه لباجي العيادات
بس اليوم دقيت عليهم قالتلي ان من الخميس اللي طاف زادو اسعارهم 10 دنانير تخيلو ان منطقه البكيني كانت 28 وتقل لي25 بعد الجلسه الرابعه الحين سوو الجلسه 38 قلت شحقه فرق 12 دينار بس بينهم وبين دار الشفا
قلت ادفع عند المضمون احسن منهم لان رفيجتي سوت عند ياكو ابولو تقول صج مايحرق ويخف الشعر بس خرطي يعني نتيجته مو حيل تفرق

 

[حوريه عسل]

ام حنونه اي اول شي تشيلج بموس لازم .. حتى تبطلج موس يديد جدامج

بس شوي دفشه واهي تسوي الليزر احس جنها معصبه لوول بس كله عادي فدوه في سبيل الجمال ;p

 

[قدوتي سنتي]

ماشاء الله يبيله والله
شلون عالمواعيد؟؟
لازم نروح ناخذ رقم ولاندق ونحجز؟؟

 

[حوريه عسل]

انا شعر ايدي مو اسود حيل يعني موخشن ..اسوي ليزر عادي ولا ضوىي؟؟؟


ومشكووورة

اي نفس ايدي الشعر فيها خفيف و مو اسود من جذي احسلج سوي الضوئي امان مايطلع نتيجه عكسيه :eh_s(7): اهم شي المواضبه :rerrerek:
رفيجاتي مسوين بس ماواضبو قام وطلعلهم الشعر من يديد يعني ماسوو شي

 

[قدوتي سنتي]

اي نسيت اسال اذا يعور ولا لا p: ؟؟