تجربتي مع الفور دي ( السونار الرباعي)

[om_saleem]

قوه بنات بدش بالموضوع دايركت

راح اكتب لكم مقارنه عن الفور دي الي اهو السونار الرباعي ..

اول شي راح اعطيكم معلومات عنه حق الي مو عارفين شنو اهو وعقب راح اقولكم تجربتي

فور دي سورنا لونه ذهبي بالشاشه يبين البيبي وملامحه واشلون يتحرك وتقريبا كل المستشفيات يسوونه

هذا الوحده تسويه يا امه انها تطمن على البيبي اذا فيه اي عيب خلقي او تشوهات او للذكرى ان البيبي لي كبر يشوف نفسه يسبح فبطن امه احسن وقت اتسوينه باسبوع 26 لي 29 من الحمل اخر السادس واول السابع

انا جربت ثلاث مستشفيات وبحط لكم تجربتي

اول تجربه لي بدار الشفا كان سعره ب45 قبل سنتين وكانت فاشله وايد لان سونارهم يلوع الجبد معنى هالمستشفى احبه

ثاني تجربه لي مع دكتور اشرف بالسلام قبل سنتين سويته ب65 وكان واضح وحلو والدكتور كان عسل معاي

قبل اسبوع رحت اسوي عنده قالولي ب75 وخل نسال الدكتور يستقبلج او لا .. طبعا انا رحت الساعه 5 قعدت لي 7 وشي يالله دخلت عليه حط الجهاز على بطني طلع ويه البيبي واااااااضح حيل اينن مشاءالله ولا اضحك من الوناسه عصب علي ونفس وقالي يلا قومي قلت ليش قالي الياهل تحت المشيمه منخش وماقدر اسويلج شي وصوري هاللقطه بتلفونج اذا تبين تعالي بعد اسبوع .. نفسيته الصراحه ويع وصاير مغرور انصدمت منه على شنو مادري

اليوم رحت طيبه كلينك لان في بنات وايد امدحولي الرباعي مالهم .. الاستقبال هنود والمستشفى مشاءالله ذكرني بمسلسل اوبرا عايده لوول المهم

سعره ب55 الدكاتره المتخصصين اثنين هشام والي سوالي نسيت اسمه اوكي نفسيته حلوه وكل شي وبنتي زعلانه نايمه مو راضيه تقوم وطولنا وكان باله طويل والسونار واضح بس للامانه سونار اشرف زوووووم اوضح

الرباعي بطيبه الصبح بس من 9ونص لي 3

الي تبي واضح حيل حيل حيل تروح حق اشرف وتستحمل نفسيته الخايسه

والي تبي واضح وثاني يوم تستلم السي دي مو بنفس اليوم تروح طيبه كلينك


والفرق 20 دينار

هذي تجربتي ويومياتي مع الفور دي ..

 

[baa6aa]

حسافه راحت علينا ما يمدي نسويه

واهم شي سويتيه وتطمنتي عالبيبي وعقبال نقرا موضوع ولادتج

 

[sara_87]

انا كان ودي اسويه بس سبحان الله ماصار

على قولة بطه راحت علينا


والله يسهل عليج وتولدين بالسلامه

 

[noo7a]

حيالله ام سلوم
و مبروك البنوته الله يقر عينج بشوفتها بصحه و سلامه


بالنسبه لاشرف شكله من كثر ما سموه ملك السونار شاف نفسه
او
ماتدرين يمكن يومها عنده ظرف فاخلاقه كانت خايسه

 

[glby7sas]

مبروووك ام سلووم واخيرا سويتيه
انا بعد اليوم رحت سويته عند هند الحمدان اهو الرباعي عندها ب٥٠ وانا سويته ٧٠ لانه توأم المووهم امبي نفس الوضع الدكتوره يمكن بس ساعه خذت مني تحاول فيهم اثنينهم حاطين ليدهم بويهم مايبون اسوفهم الموهم قوليت فيني خلتني انسدح على جنب حاولت مسكينه وله وحده تبطل قامت بسرعه حذت لها لقطه لووول اما الثانيه عاندت زياده قامت ارفعت يريلها وخشت ويها بين ريولها مستوعبه الوضع بطت جبدي لووول الموهم وحده مشت حالها الثانيه لا تعاند ماقدرنا نسوي شي يوم حولت على التو دي جان توخر ايدها ههههه بطت جبدي ردته فور دي حطت ايدها معانده البنت ������ اخرتها حطت ريلها ابويهنا تقولي شسوي ابنتج هذي قامت خذتلها لقطات بالتو دي بصراحه التودي امبين ملامح حلوه بس ابيض واسرد هذاك كان ملون عطتني السيدي والصور قالتلي نقي او تبيني انا انقيلج لانه في وايد صور بنتي امصختها معطتني ظهرها او ريلها او مقعدتها صور مامنهم فايده قتلها ابي الصور اللي بالويه دكتوره قالت وحده اوكي بس الثانيه شسوي فيها قعدنا ساعتين داخل الغرفه لين يتلي النومه والمدام مغطيه ويها قالتلي تعاليلي مره ثانيه اعيدلج لوول مللتها وعليه وبس

 

[الأميرة جوري]

مبروك البنوته مقدما

 

[# غنوجة بيبي #]

وناسه ام سالم

معقوله بس رياييل اللي يسوون الرباعي ؟؟

ماكو حريم؟؟

ريلي رافض الرباعي عند ريال

يقول لانه يطول و بطنج طالع

و يدري اني براجع عند دكتور و اولد عند دكتور ان شاءالله

بس شهالتناقض

يقول عالاقل السونار العادي دقيقه

و الرباعي ما ارضى ساعه كامله مبطله بطنج جدامه


قهرني
!!!!

 

[camilia]

ما أفكر أسويه الا حق التأكد من جنس البيبي اذا كان الكل متردد بجنسه
مردي بشوف خلقته واذا عالأمراض والعيوب طبيعي بقبل بالبيبي بكل حالاته

 

[om_saleem]

بطه وساره ان شاءالله المره اليايه تسوونه فديتكم :**

قلبي حساس بناتنا فيهم دلع من الحين لازم نكسر شوكتهم لوووووول المهم خشيتيلهم شي ذكرى والله يفرحنا بشوفتهم يارب ..

حبيبتي نوحا الله يبارك فيج .. وانتي بعد مبروك الحمل توني دريت والله من التوقيع الله يرزقج الذريه الصالحه يارب .. واهو من كثر ما طيروه الحريم السما صار مغرور بس اهو الخسران راح يخسر الزباين ويطيح حظه على هالنفسيه ..

الاميره الله يبارك فيج حبيبتي ..

غنوجه والله قالولي ماكو حريم متخصصين .. روحي حق الي راحت لها قلبي حساس او روحي حق مستشفى عاليه .. وهم ريلج متفرغ اشيبي بعد انتي بالولاده راح يشوف الدكتور شي ثاني طول اليوم مو بو ساعه وبطنج بعد .. بس نصيحتي روحي حق اشرف لان انا بالسونار اليوم يمكن حتى الامن شافو بطني الخبله مخليه الستاره مفتوحه وتدش وتطلع هالنيرس وانا لاهيه بالسونار مالي خلق ازفها


كاميايا الدكتور اهو يطلب من المرضى في بعض الحالات اذا شك فيهم عيب خلقي فالبيبي او الرحم علشان يتاكد بس ووقت الولاده ما يلومونه يقولون منك لان في ناس تخلف علبالهم كل شي من الدكتور الي يولد

انا اسويه ذكرى حق عيالي كلهم مع البوماتهم الحين ولدي عمره 9 سنوات هذاك اليوم شاف الفيديو الثلاثي على ايامه واهو يحوس فبطني لا تشوفون شصار فيه من الوناسه مو بعد لي كبر وتزوج اكيد بيوري عياله ومرته مثل ما الحين احنا لي شفنا صورنا بس واحنا صغار ودنا نبجي من الوناسه

 

[جوزائيه مغروره]

اي طيبه كلينيك عجيب

بسويه باذن الله عالاسبوع الياي اكون اول السابع

بس لاني توام باكل هوا وبدفع ٩٠

 

[New_bride]

مبرووك البنوته الله يتمم لج

ان شاء الله ناويه اسويه عاذ انا مستعيله ابي اشوف شكل البيبي من الحين

 

[مذهلة2013]

ان شاءالله بنهايه السادس وبدايه السابع بسويه
عند عاليه يمدحون الرباعي الي عندهم

 

[# غنوجة بيبي #]

ام سالم شفتي التناقض ؟هههههههه

امس احاول اقنعه بأشرف

حسيته شوي متردد

لاني قلتله يقولون عنه التوب اوضح شي

جان يقول يصير خير مادري لووول

 

[ملح الكون]

ان شاء الله بسويه بس محتاره بالخامس ولا اخر السابع!!

 

[# غنوجة بيبي #]

ملح نصيحه لا تسوينه بالخامس تخترعين البيبي جنه هيكل عظمي

انا بسويه اسبوع الياي اكون بالسابع ان شاءالله

تكون ملامحه نفس لما ينولد ان شاءالله


ينصحون فيه من 25 الى 29


و بسويه 26 او 27 ان شاءالله