تجربتي مع الرجل الطاووس

[زمن2008]

احب انقل لكم جزء من تجربتي واتمنى تستفيدون منها وماتقعون بالخطا الي طحت فيه بكل بساطه انا تزوجت من رجل طاووس بمعني الكلمه ويشوف نفسه هبه الله لنساء الارض كان ماعنده غير مقابل المنظرة ويتحلى بوجهه تخيلو تتزوجين رجل كل همه نفسه وكشخته ومومهم انتي ودايما يعيب عليج مهما كان جمالج للعلم انا مزيونه بكل تواضع اقولها بس صدقوني اسلوبه حطم ثقتي بنفسي كنت اشوفه يوميا يهتم بنفسه ويعاملمني اني مقلب هو عاشه ويتحسر على نفسه وعلى حظه لحد مافعلا اقتنعت اني عديمه الجمال واني موناعمه ولاعندي من ريحه الحريم شي طبعا غلطتي اني استجبت لايحائاته المقصوده وخليته ياثر علي وللاسف بعد الطلاق عرفت ان هذا كان مخطط من امه ومنه حتى ماتكبر عليه ولو كنت اعرف بالرجال حزتها كنت طنشته وخليت كلامه حافز لي اني اقهرية واهتم بنفسي فنصيحتي لكم لاتهتز ثقتج بنفسج او عالاقل جدام ريلج بيني ان الكلام ماثر فيج وقولي له ذها رايك وانت حر فيه وانا شايفه غير جذي وابتسمي راح تشوفين شلون يرجع فار بس طبعا اذا كان متقصد هالشي ماراح يستسم من اول جوله فخلي نفسج طويل وبانتظار ردودكمoster_av1:

 

[NoWay2know]

الله يعوضج باللي احسن منه انشالله

 

[قلب راشد]

فعلا يجب ان لا نتأثر بالايحاءات الخارجيه وخاااصه السلبيه منها

عسى الله يعوضج خيير وجزااج الله خيرا على مشاركتنا بتجربتج

 

[أعرف قدر نفسي]

كرري << اللهم آجرني في مصيبتي واخلف لي خيرا منها >>

 

[سفيرة العشق]

وي بعد عمري عاد يا شين الريال اللي يشوف نفسه

الله يعوضج باللي أحسن منه

 

[منوووووله]

والله الريايل ماخذين بروحهم مقلب !!

ترى جمالهم وحلاتهم بدينهم واخلاقهم ورجولتهم مو الكشخه والرزه والوقفه جدام المنظره !! الحمدالله والشكر علي ذي نوعيه :/

والمرأه لازم اتكون واثقه اميه بأميه لو شنو كان شكلها انها احلى من الرجل بألف مره كافي حنانها وتعاطفهاا عليهم !!

<< مدافعه عن المرأه !!

والله يعوضج خير منه بألف مره ياقلبي

 

[نجمة سهيل]

الجمال جمال النفس لان جمال الوجه زوال الله يعوضج اصلا الجمال للمرأة مو للرجل

 

[بنت عطا]

الحمدلله الله فكج منه......ولن شاء الله الله يعوضج باللي يحطج فووووووووووووووووق راسه

تستاهلين..............وانا مع كلامج 100%

 

[روحـ روحه]

حلات الواحد اخلاقه مو وجهه مالت عليه .. والله يعوووضج

 

[كندية]

لو الجمااال جمااال الشكل جااان واايد اقعدو في بيتهم....الداااخل يحلي الشخص....
الله يعوض علييج حبيبتي ويرزقج بالاحسن منه

 

[حلوة الحلوين]

الله يعوضج

 

[عشق]

نفس الحاله دايم يقول لي شكلي اصغر منج مع انه الفرق 3 سنوات

 

[بنت جنيف]

الله يعوضج انشالله بلي احسن منه وتاخذين سيد سيده اصلا اذا كان تخطيط امه المصون وتخطيطه ليش تزوج بالاساس بنات الحمايل مولعبه بايدهم وتجربتج مفيده بعض البنات غافلين عنها عسى ريلها ماقالها كلمه جسمج خشمج بطنج الخ تزعل وتبينله انها زعلانه ومتضايقه من كلامه لكن الي مفروض يصير العكس المفروض تضحكين اصلا وتقولينله اصلا انا واثقه من نفسي مليون بالميه وادري اني حلو وجسمي حلو انا عاجبه نفسي وعاجبه غيري مايهني رايك حتى لو متأثره بكلامه لا تبينله تسوي روحه واااااثقه من نفسها حيل

 

[هند الهنود]

الله يعينه على نفسه..... صدقيني هذي خيره لأن الله سبحانه راح يعوضج باللي أحسن منه

 

[*برونزيه شقره*]

من صجه والله ....مو ناقص الا يروح يسوي عمليات ......لا تزعلين من تعليقي بس انا طليقي ابو بناتي كان جذى صج كان مزيون ملوع جبدي عايش دووووور ع باله ريكي مارتن مع هالوي هههههههههههههههههههههههه... بس شنو الفايده الجمال يروح وتبقى حسناته .....لا تزعلين انتى مافيج شي باجر ربي يعوضج باللي احسن منه.. ترا خيره والخيره فيما اختاره الله سبحانه..... مرده بيطيح بوحده تطلع عينه وبيعرف الحق وين وشنو كانت من نعمه عنده.......سكري صفحته ولا تردين تفتحينها الحمدالله ان الله فكج منه .....ربي سبحانه مايحب المغرورين خل غروره ينفعه...

 

[نداوي]

الله يعوضج باللي أحسن منه

 

[بناتي حبيباتي]

حمدي ربج وشكريه انه ريحج منه وفتكيتي منه قبل لا اتييبين عيال منه

ربي يعوضج بزوج صالح احسن منه

ربي يرزقج الزوج الصالح اللي يحبج ويحترمج ويقدرج ويسعدج ويهنيج

اللهم اميييييين

 

[أم دناش]

الله يعوضك خير
إدعي بهذا الدعاءاللهم آجرني في مصيبتي وأبدلني خيرا منها )

 

[الاستاذة]

وييع الحمدلله افتكيتي والله يعوضج بريال خلوق

 

[Dancing^Queen]

لله يووفقج باللي احسن واللي يستاهلج