تجربتي مع اكسجين الحواجب .. الله يسامحها اعفستني

[blue ocean]

السلام عليكم​

شلونكم حبايبي وشخباركم عيدكم مبارك مقدمآ :yaaaaaarb:​

بختصار قبل فتره قررت اشقر حواجبي و اوقف حف نهائيآ​

وبديت اطول الشعر الصغار في حواجبي والحمدالله صرت شي يخرع لحد ما ​

وانا من نوع اللي ما اخلي شعره بويهي من زمان وشعر ويهي خفيف بسرعه ينشال ويتشقر​

فا التجربه هذي كانت تهمني ان تنجح ..​

المهم حطتلي الحفافه اكسجين فوق وتحت حواجبي ونطرت النتيجه ..​

صبغ فوق حاجبي طلع حلو بس تحت طوّل وكل شوي تشيل تتاكد مو راضي يصبغ عدل :eh_s(4):​

المهم صار زين بس ليلحين مو اوكي في نقط سود فـقالتلي ماقدر احط اكثر عشان هالمنطقه راح تتحسس​

انا ضاق خلقي من النتيجه يمكن لازم يكون الشعر اطول بس اهي مالها ذنب فـ قلت لها مو مشكله​

قالتلي انا اللحين اضبطج .. :rerrerek:​

ماوعيت الا قامت تعافر بحواجبي مره موس ومره مادري شنو يعني مضبطتني​

طبعآ انا مغمضه عيني ماوعيت الا الأخت قاصه كل الشعر اللي ربيته​

انا انقهرت وصرت جذي :eh_s(14): بس سكت لنه خلاص ماكو فايده شالته من غير​

لا استوعب الموقف .. والحين النتيجه النهائيه ماعجبتني​

جنه حف ماكو فرق مادري ومبزبز شوي طلع من ثاني يوم برز ..​

شستفيد الحين اذا قصته لي وانطر يطلع بعد جم شهر :eh_s(4):​

ابي اعرف تجاربكم وشنو تنصحوني فيه المره اليايه ؟ وايد بنات اعرفهم مسوين اكسجين​

حواجب وشحلاته الشعر موجود ومايبين انا بغيت جذي بس هذي ودرتني​

 

[فـسقانه]

اب اب اب

 

[ظبية بوظبي]

اش تقصدون بودرتني؟

****
عن نفسي الحمدلله ما احف
واستخدم مشقر جولين ومررتاااحه عليه
اخلط الكريم والبودره ( يجون كلهم في نفس العلبه)
ووزعه على حواجبي بعود الاذن
وانتظر لين ما يبدا يتفتت.. وبعده امسحه وغسل وجهي بماي وغسول وبس

 

[ظبية بوظبي]

لا وبعد الحين في تشقير يخلي الشعر شفاف >>لا تساليني معرف اش تقصد او شالفرق بينه وبين جولين !!
مادري عنه اختي كل يوم تعودنا تجيب لها ولنا
ومدري متى بشوف المزيون المنتظر

 

[Mjnont '3lay]

حبوبه شقري بالبيت سهل ترى !!
انا اشقر بالبيت قبل كنت اقص الشعر الزايد
يوم قريت فتوى انه حتى القص مايجوز
وقفت وتبت لوجه الله وقررت اشقر
وكله اشقر بالبيت
بس هالمنطقه واجد حساسه عشان جذي انا اول شي احط فازلين فوق وتحت الحاجب يعني المكان اللي ابي اشقر فيه
< عن نفسي اكثر فااازلين عشان بشرتي ما تتحسس
بعدين اجيب المشقر اللي بودرته لونها ازرق فاتح مع اوكسجين بالاعشاب ماخذته من السالميه صوب المحل اللي جنب ماكس
صووووب نسايم ومحلات التجميل
المهم وطريقتي احط فازلين بعدين اجيب الفرشه واشقر الحواجب اللي ابي اخفيهم وبس اخليهم من نص ساعه لي ساعه
حتى لو نشفو اخليهم لين ساعه بعدين اغسلهم وارسم حواجبي بصبغة الطااووس < هي حنه تلقينها عند الحواج لو تبينها
وبس سلامتج
ترى سهل ومايبيله مجهود ولا تعب ولا وقت
كله سريع سريع
اتمنى اني افدتج
وبعدين حبيبتي المفروض تشتكين عند صاحبة الصالون مووو بكيفها تشيل شي انتي ماقلتي لها تشيله
وبعدين يوم شالت لج بموس ولا بمقص لهالدرجه ماحسيتي !! معقوله وقتها كنتي نايمه اكييد رح تحسين يا امي
انا لمن كانت تشيل لي قبل الصالونه بمقص كنت احس هذا وانا مغمضه عيوني كلش مابطلتها
عالعموم ماعليه خليهم ولا عاد تشيلينهم وشقري بالبيت احسن لج
مع الممارسه رح تتعلمين وتتعودين مافي احد طلع من بطن امه عالم والتشقير سهل مو مثل الحف والقص

 

[حيزبونة كيوت]

مو كل وحدة تضبط التشقير ، يعني انتي ونصيبج

انا ودي اشقر بالبيت بس للاسف ما اعرف ولا جان علوم


واختي دامج تركتي الحف نهائيا تركي القص مرة وحدة لانه نفس الشي

والشهر الياي شقري حواجبج عند وحدة ثانية وسهالة ان شاءالله

 

[blue ocean]

فسقانه

حبيبتي تسلمين على الأب ..

ظبية بوظبي

مشكوره على المعلومه هذا النوع من المشقر كنت استخدمه من زمان
الحين ماقمت الاقيه بس اللي استعمله اللحين احسن لأنه المادتين كريم
يعني مو بودره وكريم وبعد افضل من اللي اول , اسمه kent
و ودرتني يعني اعفستني



مجنونة غلاي

حبيبتي مشكوره على الافاده انا جربت اشقر بالبيت بس ماضبط وياي
وان شالله بجرب اللي قلتيلي عنه
وبالنسبه حق الموس انا بالعاده اسكر عيوني وهي ايدها خفيفه
حسيت طبعآ بس مو بالبدايه عقب ماشالت شوي حسيت
وعرفت انه ماكو فايده شالته شالته :/

حيزبونه كيوت

اي صاجه حدي بروح حق وحده ثانيه
انا والله ماهمني القص اهم شي عندي يتشقر الشعر
مشكوره عالنصيحه حبيبتي​

 

[manoooram]

انا مره شقرت مع ان حواجبي ضعاف بس بالبيت وشحليلهم حواجبي صارو
بس ما عليه يا قلبي لا يضيق خلقج

 

[أم ميميتو]

حبيبتي انا اشقر بالبيت مشقر جولين و توه من جم يوم رحت صالون اسمه سانتا ماريا بحولي تشقيرهم وااااايد حلو
بس انتي لان الشعر توه طالع ما ضبط معاج انا ضليت خمس شهور ما لمست حواجبي كلش بعدها شقرت

 

[قاهره عذالي]

انا عبالي احترقتي

لان انا توووووووووووبه


مره وحده بحياتي لما كان عمري 18

شقرت وياليتني ماشقرت

من ثاني يوم انتفخت عيوني وجفوني احترقوا

جني فلبينيه صرت

ورحت الطبيبه ويالله تعالجني الادويه

مو حلووو التشقير

بس خليها تحط لج فازلين قبل تحط الاوكسجين

 

[اهذريبك~]

خليها تحط لج فازلين قبل الاكسجين وروحي حق صوالين معروفة بهالشغلات

 

[إم بــــرٍآك]

كنت اشقر بالصالون بس مايعطوني النتيجه الي ابيها صرت اشقر بروحي وايد احسن واريح لي من زحمة الصالونات

 

[3la-q8']

قبل كنت عادي اشقر بس من فتره يحترق تحت الحاجب ويصير اسود
اذا كنتي تقصين بعد التشقير حراام عندي تحفينهم ابرك
تركي القص والموس والتشقير يلعبون بالحواجب لعب
نظفي حوالين حواجبج مو حواجبج بالخيط وقصي من طول الحواجب وبيطلعون مرتبيين

 

[عادت ذكرياتي]

التشقير أفضل وعندج صالونات شكثر بس لا تغامرين عند أي وحدة لأان منطقة العين حساسة وايد ^_^

 

[angel94bloushya]

اختي عل حسب كثافه شعرج
انا رفيجتي تصبغ بس مايضبط يبين يعني ان صابغه فتقصه بمقص صوب اللي صابغته
و رفيجتي الثانيه شعرها اصلا خفيف صبغته اكسجين وضبط

بس مانصحج بالاكسجين والله حفي اللي ماتبينه كلش والباجي رسميه حنه

وان شاءلله يضبط شيليه احسن من اكسجين بس لا تشيلين موس ديري بالج يطلع خشن حيل حيل ومايطلع يمكن مره ثانيه

 

[رورو 88]

اوشن حبيبتي روحي الشرقيه اللي بالجابريه بدون تفكير .. معروفين بالحواجب شغلهم توب

وايد اشوف يشقرون ويطلع يهبل .. الناس ادش بشكل وتطلع بشكل

بس عيبه اتشوفين كل الكويت هناك

وماانصحج اتسوين بالبيت هالمنطقه حساسه وايد ..

 

[ظبية بوظبي]

اوكي دورت على صوره مشقر كينت الي قلتيلي عليه بدور عليه وبجربه ان شاء الله وبقارن
اما من ناحيه كلمه ودرتني استغرب منها لان شفت استخدمتيها في مكان بالنسبه للمعنى غير عنا
لان ودرت بالاماراتي يعني تركت او وخريه عنج
مثال : يعني شي تسوينه بس مب زين ارد وقول لج ودريه عنج p:

 

[ظبية بوظبي]

اوكي دورت على صوره مشقر كينت الي قلتيلي عليه بدور عليه وبجربه ان شاء الله وبقارن
اما من ناحيه كلمه ودرتني استغرب منها لان شفت استخدمتيها في مكان بالنسبه للمعنى غير عنا
لان ودرت بالاماراتي يعني تركت او وخريه عنج
مثال : يعني شي تسوينه بس مب زين ارد وقول لج ودريه عنج

 

[PuPa^^SWeeT]

شوووفي انا لا اشقر ولا احف



حواجبي خليتهم عالطبيعة



بس بقوولج شغلة اهيا صح طريقتها مو حلوة


بس راح اتريحج بعد اسبوع اتلاقين الشعر الصغيير كله طلع



انا علشان اخلي حواجبي مرة وحدة بدون فرق المحفووف عن العادي



شلت المحفوف بمووس مرتيين


وكاه الحين حواجبي جنه عمري ما حفيت




و بجذي راح ينفع التشقير مع الوقت


و الله يثبتج و يثبتني