تجربتي مع ابر النضارة والتفتيح وال lpg

[نوار]

السلام عليكم
شلونكم بنات شخباركم
حبيت اقولكم تجربتي مع ابر النضارة والتفتيح والحمدلله وايد فادتني وفرقت معاي بشرتي وايد والكل سألني مسوية تقشير
واهي عبارة عن كورس 4 جلسات كل جلسة 3 ابر او ابرتين على حسب حالتج والجلسة الوحدة ب 35 دينار على عكس العيادات الثانية الابرة الوحدة ب 35
وعن تجربتي مع lpg اهو عبارة عن 3 جلسات بالاسبوع حق الشد ونحت الجسم والسيلولايت يعني اذا مخففه اكل يعدل جسمج ويقسمه
وفيه بهالجهاز حق الويه شد الويه وتوخر الذقن( اللغلوغة) ماجربتها للامانة
الدكتورة صريحة وحبوبة وتقولج اذا بيفيدج او لا
هذه تجربتي حبيت اقولها لكم لاني احبكم في الله:fun:
واي استفسار انا حاضرة
واللي تبي رقم العيادة تدز لي على الخاص
وسلامتكم

 

[$حبيبة عبودي$]

بالعافيه عليج

 

[$حبيبة عبودي$]

منو دكتورتج قولي عالعام خل يستفيدون وسألي دكتورتج احسن حبوب تبيض شنو بليييييز

 

[نوار]

رد : تجربتي مع ابر النضارة والتفتيح وال lpg

اهلين اسمها دكتورة ريم
اي نسيت اقولكم ال lpg
12 جلسة ب 180 دينار
اخاف احط الرقم يتصكر الموضوع فاللي تبيه تقولي وانا حاضرة ادزه لها

 

[نوار]

رد : تجربتي مع ابر النضارة والتفتيح وال lpg

اي سألتها من قبل عن حبوب التبييض قالت انه بس دعاية مو صج

 

[$حبيبة عبودي$]

بعد قلبي نوار ..مشكوره
بس انا اشوف بنات قلبو من سمرااااا الى قمحي فاتح شلون ؟؟ اكييييد حبوب تبيض
زين اقوى نوع ممكن ينفع شنو؟؟

 

[نوار]

رد : تجربتي مع ابر النضارة والتفتيح وال lpg

وبنت عمي استخدمت اللي في boots ومافادها بشي

 

[نوار]

رد : تجربتي مع ابر النضارة والتفتيح وال lpg

حياج ما ادري والله بس هذا كلامها وبنت عمي ماسمعت الكلام وشرت جربت يمكن نوعين ولا واحد فادها

 

[#تولين#]

رد : تجربتي مع ابر النضارة والتفتيح وال lpg

ياليت ترسلين لي التفاصيل على الخاااص ولك شكري

 

[_zahra]

يعطيج العاافيه وبالعاافيه شنو اسم العياده؟

 

[هناديq8]

رد : تجربتي مع ابر النضارة والتفتيح وال lpg

بالعافية عليج

 

[((shoOoshoOo))]

دكتوره ريم السوريه ؟

 

[كويتيه فرنسيه]

شنو اسم العياده؟

والله يهنيج بالنتايج

 

[نوار]

رد : تجربتي مع ابر النضارة والتفتيح وال lpg

مشكورين حبايبي
الدكتورة ريم فلسطينية
واهي بالسعد التخصصي يم مختبر السالمية
والتلفون اللي تبيه ادزه على الخاص اخاف الادارة مايرضون احط ارقام

 

[يا عيون سمي]

ممكن الرقم على الخاص

 

[نوار]

رد : تجربتي مع ابر النضارة والتفتيح وال lpg

يا عيون سمي صندوق الرسائل لديه ممتلئ و لن يمكنه استقبال رسائل جديدة قبل حذفه عدداً من الرسائل المحفوظة لديه
هذا اللي يطلع لي اذا بدز لج

 

[مملوحة_الوصايف]

رد : تجربتي مع ابر النضارة والتفتيح وال lpg

ممكن الرقم على الخاص او لو سمحتي ممكن تقوليلي اكثر عن جهاز ال ال بي جي لان صج من زمان بخاطري اسويه لاني ضعيفه مافيني شي بس ابي اعدل شغلاااااااات بسييييطه بجسمي فا هالاجهزه تنفع معاي وانا اعرف وحده تسويهم تقول في نتيجه بس ياربي انا حنه احب اروح مكان ثقه او لازم اسأل عدل او ليش اهي رخيصه جذي وايد ؟؟؟ جم جلسه سويتي ليلحين من اصل 12 ومتى بين معاج اذا صج بيبن معاج شي ؟ او مشكوووره

 

[نوار]

رد : تجربتي مع ابر النضارة والتفتيح وال lpg

اهلين حبيبتي انا سويت كورس كامل وجسمي فرق معاي الحين بديت بس احافظ على شكلي يعني كل اسبوع جلسة وحده وهو عبارة عن جهاز يمشونه على جسمج مع التركيز على المناطق اللي تبين تنسقينها وتلبسين لبس خاص مثل الدلاق يصك على الجسم تسوينها 3 ايام بالاسبوع لمدة 35 دقيقة واذا شرتي ماي وايد تبين النتيجه من 5 جلسة واذا جسمج من النوع اللي يستجيب بسرعة تبين لج النتيجة اسرع
اخذيها قاعدة بكل شي اللي يمشي معاج ممكن مايمشي مع غيرج والعكس
يعني لازم تجربين وتشوفين
وانا انصحج روحي وقعدي مع الدكتورة وشوفي ماراح تخسرين شي لان الاستشارة عندها ببلاش وماتاخذ فلوس عليها

 

[Mrs.Q]

نوار موضوعج واااايد يشجع بس بسأل عن الأل بي جي فاد حق السليوليت؟ يعني خففه شوي ولا وايد؟
لأن موهامني التنحيف عاد كرشتي تنرفز بس ماكو شي باط جبدي كثر السليوليت فبعرف هالجلسات احسن من المساج ولا لا
وشكرا عالموضوع الله يفتح عليج كل ابواب الخير

 

[dla3_princess]

مشكوووووورة حبيبتي