تجربتي مع ابرة الظهر .. الكل يدخل

[بدويه حنطاويه]

بسم الله الرحمن الرحيم

السلام عليكم ورحمة الله وبركاته ..

شلونكم بنات شخباركم ؟؟

انا ولدت صار لي اسبوعين والحمد لله خذيت ابرة الظهر وكان الرحم مفتوح 5 سانتي عطوني اياها والله يابنات الحمد لله ماحسيت بشي اللهم لما طلع الراس حسيت اني بروح الحمام اسوي شسمه عزكم الله واقول للسستر انا حسرانه بروح الحمام تقول مايصير رحم مفتوح 10 سانتي ممكن بيبي يطيح داخل حمام قلت لها لا بروح الحمام قالت في بربيش عادي قلت لها لا مابي اسوي بول (عزكم الله ) بسوي شي ثاني قالت عادي سوي انا ينظف مكان ( يععععع ) ودخلت الدكتوره قالت حبيبتي هذا راس البيبي بيطلع انتي ماخذه ابرة ظهر لو حسرانه سويتيها على نفسج ماحسيتي بس هذي طلوق ومع كل احساس اني بسوي شسمه عزكم الله تقول سوي بوش وفعلا الحمدلله طلع الراس و ولدت لله الحمد بدون اي الم الحمدلله ماشاءالله بس اني كنت اسوي بوش قوي عشان يطلع البيبي ..

طبعا قبل اولد كنت اقرى عنها في اللي مدحها وفي اللي ذمها .. وانا حالفه بس اولد اقول للكل عنها وفعلا جربتها وظلعت نعمه من الله تكونين واعيه وحاسه باللي حولج طبعا انا ولدت بالعدان لان الخاص حولني لان كان في مشكله واللي بالغرفه اللي صوبي كان في وحده هم بجر بس كانت تصرخ صراخ يخررررررع يما جنها رجال والله موقصدي اتطنز بس هي ماخذت ابرة الظهر وتعبت حيييل وقامت تهلوس وتقول اشياء غريبه وتصرخ .. وكان في دكتوره شمريه بالطوارئ وقبل ادخل الولاده سألتها قلت لها احلفج بالله الابره لها مخاطر قالت انهم اكتشفوا انها افضل من الكمام بألف مره لان الام تكون مخدره والطفل مخدر والحليب بصدر الام مخدر و يسبب ذهاب العقل وخفته والنسيان ..

بالنهايه انصح الكل فيها والله يسهل ولادتكم ويرزقكم بالذريه الصالحه السليمه ..

 

[امواج الكويت]

صاجه والله انا اخذتها مرتين والحمدلله ما ظرتني بس اللي يغث فيها لمن يودونج الافاقه وتنطرين المفعول يروح

 

[أم عزيـز]

الف الحمدالله على سلامتج حبيبتي
ومبروك ماياج
الحمدالله ولدت طبيعي ٣ مرات وما اخذتها ولامره
كان في البدايه خوف منها لان اسمها بروحه يخوف ههههههه
بس اعرف ناس وايد جربوها ويمدحونها وناس ماضبطت معاهم لكن الحمدالله على كل حال
اهم شي السلامه

 

[أأأميرة الورد]

ماشالله والحمدالله على سلااااااااامتج

جزاج الله خييييييييييير على ذكر تجربتج

 

[ام وليد hamood]

تسلمييين حبيبتي ... بس سؤال لما يقزون الابره تعور؟؟؟... والف حمدلله على سلامتج وسلامة البيبي .

 

[ورود خذلتها العاصفه]

مجرد انها بالظهررر احس بالم


يممممه مافكر اجربهااا
مقزرتها كمام بولاداتي كلها

 

[زين ودلال]

الحمدالله على سلامتج

وعن نفسي افضل الولاده بالالم حتى لو بسيط ماحب ماحس كلشششششش

 

[[[ عيون جابر ]]]

انا ناويه اجربها انشالله بولادتي هذي
الحمدلله على سلامتج حبيبتي

 

[FJ style]

للاسف كلام الناس وخرابيطهم ما شجعوني اني اخذها
ولاداتي الاربع كلها طبيعي بالكمام
اموت واحيا من العوار
مادري ليش كنت غبيه وخوافه

 

[مشتطـه]

انا اخذت كماام و زين

ما يضر ولا شي واساس معرووووفه
الابرة خطرة اكثر من الكمااااام

والكمام ما سمعنا له مضاااار
والابرة تييب صداع وتييب شلل

عموما حتى الكمام يريح

لي اسبوع والده ونسيت كل شي

 

[ghadeeeer]

آنا من عرفت بحملي ريلي قال لي اخذيها وقرينا عنها وايد والحمد لله وقت الولادة خذيتها وكان كل شي سهالات من رب العالمين بس من كثر خوفي من عوار الخياط والتضييج قلت للدكتورة خليها لي باجر تكفيييييييين لا تشيلينها وفعلا تمت علي لي ثاني يوم آنا ولدت الأربعا بالليل الساعة 8 ونص وشالوها ثاني يوم تقريبا الضحى وفعلا الحمد لله عدت ساعات عوار الخياط القوية وما حسيت فيها بس صج عيبها يبي لها تقريبا ساعتين علشان يروح مفعولها من بعد ما تنشال بس صج صج صج رحمة من الله هالاختراع وترا إهي تقريبا مثل نوع بنج الأسنان بس تنعطى بالظهر حالها حال البنج النصفي واللي تقول تسبب شلل مو الإبرة السبب السبب يكون بخبرة الدكتور نفسه وين يعطيج الإبرة مكانها محدد ومعروف لكن لو الوحدة تحركت واربكت الدكتور معاها أكيد بقزها بالمكان الغلط وممكن تسبب شلل بالنسبة لي كلللللللش ما سمعت أحد من طرفي الحمد لله حاشه شلل ولا صداع وترا الصداع لو بحوش الوحدة يحوشها نفس اللحظة مو اتيي بعد 4 أو 6 شهور تقول حاشني صداع بسبة الإبرة!!!

 

[حرم النقيب]

انزين شلون يعني بلخاص يعطونها ولة الوحدة لازم تطلبها قبل لادش الولادة

 

[دلال و غلا]

انا ان شاء الله ناويه اخذها بولادتي
و مشكووورهـ ع نقلج للتجربه حبيبتي 

 

[ميهار]

تكفون يابنات اكتبوا تجاربكم ...انا اللي سمعته انها تسبب ألم بالظهر يقعد سنين... وانا بروحه ظهري منتهي... وانا بجرية وبالتاسع يعني واصله ... همتكم بنات !!

 

[.،:"$الـعـوبــــة$":،.]

للاسف انا ماناسبتني ،،

والكمام فعلا يسبب نسياااان مو طبيعي استغفرالله !!

بس شنسوي على قولة المثل شحادك عالمر قال اللي امر منه !!

 

[ضحاوي الديره]

واااايد سمعت بنات يمدحونها بس بالمقابل وايد سمعت يذمونها
واللي اعرفه انها تعتمد ع الدكتور او الدكتوره اللي يقزها
يعني فيه دكاتره يعرفون شلون يتعاملون معاها وفيه دكاتره مايعرفون ويغامرون
انتي خوووووووفج من النوع اللي مايعرف ويجرب فيج يعني احتمال ان اي خطأ بسيط يسبب شلل لاسمح الله
فأنا انشالله وبدون تفكير كمام شنسوي نختار الاحوط
الصحه والعافيه محد يغامر فيها

الحمدلله على سلامتج حياتي

 

[معاالي]

انا ماناسبتني وكنت احس بالالم واحس بالجزء السفلي كله وبالاخير خذيت كمام لأني ولدت قيصري

وبعدها قعدت سنه كامله ظهري يعورني

 

[معاالي]

اقصد بنج كامل

 

[كويتيه مذهله 87]

مشتطه اشدعوه شلل مرا وحده لووول


والكمام اخطرررر كافي يسبب نسياااااان والكل ماخذ الكمام يقولح صايره انسى وايد


علي العموم كل واحد واعتقاده في ناس تبااااااااااالغ



انا اخذتها تهبببل وكل ولاده باخذها ان شالله

 

[tmtmt]

انا اخذت كماام و زين

ما يضر ولا شي واساس معرووووفه
الابرة خطرة اكثر من الكمااااام

والكمام ما سمعنا له مضاااار
والابرة تييب صداع وتييب شلل

عموما حتى الكمام يريح

لي اسبوع والده ونسيت كل شي

الحمدالله ان ماضرج
وايد ماضرهم ووايد ضرهم ...

واحنا خذينا ابرة الظهر والحمدالله ماصار شي

بس الظاهر انتي قاعده تقولين كلام الناس انها تسبب شلل و...الخ
اقري عنها بالمواقع الطبيه مو كلام الناس وشوفي شقولون

معروف الكمام يضر
وحتى اهني بالمنتدى حطوا جم موضوع
انهم تاذوا

اتوقع كل شي له مضار ومنافع
بس اهوا علىالنفسيه الوحده تكون مرتاحه حق شنو