تجربتي::ليزر معاكم من اول جلسه للفائده

[ام الشقى]

السلام عليكم

شلونكم خواتي الغاليات❤❤

حبيت افيدكم لو بالقليل بهالموضوع وراح انقل لكم تجربتي مع ليزر ....بكل صراحة والله ع ماقول شهيد...

العيادة:ديرمانت بالجهراء
السستر : إيرالا فلبينيه
السعر :110د.ك
اماكن ليزر:
الارجل كامله:80----نص. الرجل ب40
والبكني:30
للعلم السعر ثابت لكل الجلسات..
ليزر بتبريد بالغاز ...
الالم :محتمل نوعا ما..يافديت العربي بس����
التعليمات اللي بورقه قبل ليزر ..
لبس نظاره -ممنوع شيرة او اي له نزع الشعر من الجذور-الحناء-كريمات تقشير للمناطق اللي مسويتها ليزر..
وبنسبه للحمام المغربي ع الاقل بينه وبين الجلسه اسبوع ويفضل 3اسابيع

للعلم هاذي اول مرة بحياتي اسوي ليزر كنت متخوفه منه لكن اول يوم عد بسلام...

اسئلتي لدكتوره واجوبتهاا؟؟

&&ليزر لمنطقه البكني يطلع ريحة نفس الابط؟!

-- لا لان كل من جتنا زبونه تعمل ليزر للبكني جلسة ثانيه نسئلها هل حستي بريحة يقولون لا ...اما الابط الاغلبيه ايه بتطلع ريحة ((قلت شنو السبب))) قالت مابعرف لكن اتوقع انه ليزر ينشط الغدد العرقيه وتفرز عرق اكثر لكن الريحة من كثرة استخدام مزيلات العرق ...

&&يصير مابين الجلسات لو طلع شعر اشيله بموس مانطر الجلسه الثانيه (لان سعمت مايصير ابد )؟؟

يصير قالت شيلي اد مابدك بس بشرط تشيلي من فوق لتحت يعني مثلا من الركبه لين القدم اتمني فهمتو قصدي يكون مسكه الموس اتجاه الارض ...

&&قلت تصبغات ؟!
قالت ع حسب طبيعة البشره مرات بتكون بيضاء مرات سمراء نعطي مركم اذا حصل هالشيء نادر مايصير --

اللي صار معاي
شالت لي موس قالت قبل الجلسه شيلي بموس ...وحطت ع البكيني مخدر ..
وسوت لي كنه غز ابر وكان بساق حيل يعور لاني مشعره وسميك الشعر وسوده قوي في تحت الجلد..عكس الفخد لمن سوت كان جد خفيف في الم بس محتمل ..لان شعر اخف سماكة.. المنطقه ماحسيت بشيء...
لمن خلصت حطت لي كريم ... قالت الماي لايجي مكان ليزر لمدة 3ساعات بعدين غسلي ماي بارد وحطي كريم ميبو قبل نوم 3يوم وخلاص ....

وسلامتكم اليوم سويت اول جلسه وان شاءالله اوفيكم بالاخبار ونتيجة النهائيه...

دعواتكم الله يسخر لي زوجي ويوفق الجميع ..

 

[ام الحلوااات]

اللـــــه يــهـــنـــيــج

 

[غزال الدار]

الله يهنيج ياعمري

 

[فديت خبآلي]

تسلمييين حبيبتي ع موضوعج وان شاءلله الدور علينا ويا ريت تكملين بكل جلساتج متابعتج ��

 

[فجرر]

تتهنين مشكوووووووووووووووووووورة

كملي

 

[ام الشقى]

الله يسلمكم حبايبي
ان شاءالله راح اكمل معاكم جلساتي واقولوكم اذا غي تغيرات ملخوظه

 

[Sosota_20]

تتهنين بالنتيجه

يسلموو

 

[Withered flower]

مشكورة على ذكر تجربتج
بعيدة الجهرا
انا ودي اذا بعيد حيل بالعاصمه لان ما ادل
وابي جسمي كامل وين تنصحيني

 

[ام الشقى]

هلا اختي
شوفي الجهرا بعيده عليج بشوف لج وحدة بسالميه اذا تقدرين رفيجت اختي مسويه جسمها كامل ب١٢٠
لان رفجتي تبيه اسم العياده اذا دزت الاختي اسم العيادهه اقوالج لان صار لها يومين ماردت عليها


حياكم الله

 

[ام الشقى]

الموس معروف ابن الحلال ان طول ثلاث ايام وتلاقين الشعر طلع
اليوم لي ثامن يوم من جلسه لاولى لليزر وشعر بدايه ظهورة ومابي اشيله موس دام زوجي مسافر
ل
لان بعد ماغسل ان شاءالله ناويه اسوي حمام مغربي وشيل موس وسعمت انه بعد عشر ايام يطيح من كيفه الشعر
للحين ماطاح صامد هههه
ان شاءاالله ماتخسر وتضبط معاي ،،����������

 

[عاشقة العباس]

شوفو خوااتي انا مسويه ليزر في السالمية عياد ياكو ابولو بس شرط مو عند اي وحده لا عند نيرس وحده مااغيرها فلبينية مشاء الله واااايد شاطره واذا حسيت شوي الم توقف وتكمل والله بنات انا وايد مرتاحه معاها صارلي تقريبا سنه او اقل الي قول هذي العياده مو زينه ويحرقونج ومو شي نصيحة انا نيرس وحده ما اغيرها وهذي احسن وحده صادفتها والله شاهد علي لاحرقني ولاشي بالعكس وااايد حبوبه من قبل فتره نزلو جهاز يديد اسمه سوبرانو اتحطلج معاه جل علشان ماتحسين بالم خوووو اهو الجهاز مايعور وااايد عادي والله تتحملينه واساسا كل وحده طبيعة شعرتها عرفتو والله بنات صرلي تقريبا 3 جلسات نص ريلي قلت اجرب اول والله العظيم من3 جلسه الشعر حييييييييل خف وفي اماكن مايطلع شعر كلش مع ان شعرتي متينه بس البكيني ما انصح جهاز سوبرانو لان مايوصل للمناطق شوي تكون داخل اكيد فهمتوا قصدي انا بكيني شلته بجهاز جنتل صرااااااااااحه اول مره في الم بس مو وايد واذا حسيت بالم توقف والله خوش نيرس وبعدين لي تعودتي عليه عادي عندج والله احس بنظافه والشعر قام يطلع بيبي هير مثل اليهال وهذي تجربتي والله شاهد علي اني ما جذبت والاسبوع مو الياي الي وراه عني جلسه


اي استفسار انا حاااااااااااضره ........ نصيحه انا نيرس وحده ولاعمري غيرته وللحين موجود:eh_s(7):

 

[ام الشقى]

بس حبيبتي ماقلتي لنا تفصايل السعر
وهل هو ثابته بس وحدة اعرفها مامدحتها لي
هالعياده نشدت عنها البنات هنيه مدحواها ورفجتي مدحتها
قلت اروح لوحدة مضمونه واعرف اللي مجربينها
ع العموام كل السيترات يتحملونج لانه يدرون بالعوار

جزاج الله خير اختي ع طرح تجربتج

 

[عاشقة العباس]

لا بالعكس العياده وااايد زينه ولو موزينه جان ماشفتيني للحين اسوي فيها النيرس ما اغيرها نفسها طبعا النيرس من وحده لي الثانية تختلف وانا والله النيرس الي تسويلي بالعكس وااااايد نظيفه وزينه وسالفة الاسعار اذا رحت الاسبوع الياي اقولج

 

[ام الشقى]

سلاام عليكم

احداث ثاني جلسه
انا شهر 4ماقدرت سوي

اليزر شوي كان يعور هصوصا بالساق نفس ماقلت لكم شعرته حيل قويه
والبكني الله يخلي مخدز
بس النتجيه مابين الجلسات كانت مرضيه والحمدالله

مشكورين حبيت افيد

 

[ام الشقى]

حبايبي انا سويت ٤ جلسات وقفت بسبب الحمال الله يتتم علي
شعر الساق نفس السواد بس اخف و الفخذ خفيف اما البكيني نفس الشيء ردت نفس قبل ماستفدت شيء
للعلم الحين رديت لشيرة وشعر اللي تحت جلد خف

 

[kwt_Adv]

انا اسوي عند زينب عند بوشهري الشعر صار متل بيبي هير