تجربتي في عملية شد البطن بلبنان

[حنانه رنانه]

هايات للجميع
توني راجعة من لبنان قبل عدة اسابيع
وروحتي هالمرة كانت بهدف اجراء عملية جراحية لشد البطن بالاضافة الى الشفط
اجريتها ولله الحمد وسعيدة بالنتيجة
وشلت 6 كيلو من الترهلات في منطقة البطن بالاضافة لشفط الارداف
انا اكتب هذا الكلام لاجيب على استفسارات من ترغب بالسؤال عن العملية و نتيجتها
وانا حاااااضرة لاي استفسار يا بنات

 

[ضعيفه وعصله]

هلا حبيبتي
الحمدلله على السلامه
نبي انتي حسيتي بالفرق
وجم كان وزنج وجم صار ؟

 

[حضن امى]

عند اى دكتور سويتى العمليه؟؟وكم تكلفتها؟؟

 

[sozeeta]

الحمد لله على سلامتك

 

[فوفو22]

حبيبتي انا سويتها من شهرين

بس النزول ما يكون بالوزن

يكون بالمحيط بالسنتمتر

وحمدالله على سلامتج

 

[حرم الحوت]

الحمدلله على السلامه
ويالله بشرينا بالنتياج علشان نشوف الفرق بين دكاترتنا ودكاترت لبنان

 

[Pissy Missy]

الحمدالله على السلامه

عند منو سويتيها

جم كلفتج

جم ساعه العمليه

هل كان في عوار ايد وشكثر الغرز؟

مشكوره مقدما

 

[غلاية قهوه]

حمدا لله على سلامتك .......ومين سواها لك وبكم؟

 

[شــــــوق~]

حمدلله على السلامه ماشاء الله عليج قلبجقوي لان هالعملية يبيلها شجاعه
ابي اسألج اللي تسوي عملية شد للبطن ماتحمل عقبها الا بعد ثلاث سنوات صح وشنو قالج الدكتو بعدها شنو تسوين وشنو تعليماته لج بهاالخصوص وشكرا

 

[حنانه رنانه]

هلا حبيبتي
الحمدلله على السلامه
نبي انتي حسيتي بالفرق
وجم كان وزنج وجم صار ؟

عزيزتي
الدكتور قالي ان الشكل و الفرق النهائي ما راح يبين معاج الا عقب ما يخف ورم الجسم وهذا سيحتاج نحو 6 اشهر تقريبا مع التزام تعليمات مشددة
لكن و برغم اني في المرحلة الاولى الآن والتي يفترض فيها ان جسمي للحين وااارم
ما راح اتصدقين اذا قلت لج اشكثر فرق معاي وااايد
باللبس
بالثقة بالنفس
تخيلي للحين وانا وارمة فرق معاي مقاسين باللبس ، كنت البس مقاس 16 الحين 12
الفرق تحسينة بالسنتيمترات اكثر
لكن انا بين معاي بالوزن وعلى فكرة خليت الدكتور يخش لي (( تب الشحوم اللي شالها من جسمي و شفتها بعد العملية ))

 

[حنانه رنانه]

عند اى دكتور سويتى العمليه؟؟وكم تكلفتها؟؟

سويتها عند دكتور اسمه ايلي عبدالحق
و تكلفة اجراءها نحو 4000 الاف دولار
اقامة يومين بالمستشفي
ولازم تعملين حسابك انك لازم تقيمين بعد العملية في بيروت لمدة 12 يوم لحين ما تشيلين الضمادات و الغرز و تتطمنين

 

[حنانه رنانه]

الحمدالله على السلامه

عند منو سويتيها

جم كلفتج

جم ساعه العمليه

هل كان في عوار ايد وشكثر الغرز؟

مشكوره مقدما

وقت العملية مو ثابت بحسب الحالة نفسها
انا عمليتي طولت 5 ساعات
بينما صديقتي سوتها عند نفس الدكتور في مدة 3 ساعات

بنج كامل طبعا
الألم اكيد في الم مثل اي عملية جراحية
عندي 3 غرز
العملية مرهقة اكثر من كونها مؤلمة
يعني خليني اوصف لج مثلا انج راح تحتاجين احد معاج يجابلج و يساعدج ع الحركة لفترة ، ممنوع المشي (( استريت او باستقامة لفترة اسبوع تقريبا راح تمشين وكأنك بوضعية ركوع )) ارهاااااق طبعا
النوم خلال اول 5 ايام سيكون مزعج لأنج راح تتعبين من نومة الظهر كونك ممنوعة تنامين ع الجنبين او ع البطن و اصلا ماراح تقدرين تنقلبين و تتحركين بالفراش بسهولة دون مساعدة - بس 5 ايام - و عقبها سهالات انشالله
ما ابي اخرع احد بس قاعدة اقولكم انها مرهقة لكن والله العظيم والله والله كل هالتعب يهون لما تشوفين النتيجة
انا نسيت كل شي وكل تعبي لما لبست (( البدي )) لأول مرة بحيااااتي!! لا تضحكون بس فعلا انا كنت مكرشة بشكل مقزز رغم ان وزني كان 75 كيلو اي مو وايد متينة بس الكرش كان ازمة حياتي

 

[حنانه رنانه]

حمدلله على السلامه ماشاء الله عليج قلبجقوي لان هالعملية يبيلها شجاعه
ابي اسألج اللي تسوي عملية شد للبطن ماتحمل عقبها الا بعد ثلاث سنوات صح وشنو قالج الدكتو بعدها شنو تسوين وشنو تعليماته لج بهاالخصوص وشكرا

عزيزتي
مو صحيح ما تفضلت به عن الحمل
الدكتور قالي ممكن أحمل اذا بغيت عقب 6 اشهر عاااادي
بس النصيحة تكون بعمل العملية بعد الانتهاء من الانجاب بمعنى تكونين خلاص ماخذه قرارج بأنج ما تبين بعد يهال افضل عشان تستمتعين بالنتيجة دوم
لكن مو ضروري يعني انا مثلا ناوية أحمل في السنوات القادمة انشالله فقلت اسوي العملية و استمتع بنتيجتها و عقب 3 سنوات لاحقة ع الحمل خاصة واني يبت عيالي ورا بعض اول ما تزوجت
صديقتي سوتها و عقبها و بالغلط احملت بعد اقل من 4 شهور على اجراء العملية ، اتصدقين عادي ماصار معاها مضاعفات خطرة فيما عدا احساسها بعدم الراحة والألم جراء تشقق الجلد اكثر من معدله الطبيعي بسبب شد العملية ، لكن عالجت الموضوع بعناية فائقة وعقبها وعقب الولادة تعالي شوفي بطنها اشزينه ، ما خرب عليها الحمل ابدا بالعكس

 

[أربيعينية]

الحمدالله على سلامتك
استانستلك وايد عسى الله يتمم عليك
وعلى فكره اسلوبك بالكتابة حلو ومرتب
مشكوره على الافاده

 

[ريم @]

الحمدالله على سلامتك
كم غرزه ويروح الاثر بعد كم ويبين اثر الغرز ولا مايبين

 

[سندريــــلا]

الحمدالله على سلامتج اختي
وان شاء الله اتصيرين سمبتيك

 

[لطيفــة]

حمدلله على سلامتج
واهم شى النتيجه حلوه

 

[معا الى القمه]

السلام عليكم بنات جميعا
انا اختى لكم عايشه فى امريكا سويت عمليه شفط وشد والبنج كان موضعي
لى الحين 18 يوم من سويت العمليه والصراحه ماتغير فى وزنى شي مع اني بعينى شفت الشحم الى شفط
منى وشفت قطعه الجلد الى قطع
صحيح البطن صار شكله ارتب شوي وصار اقصر من ناحيه الطول بس المقاس ماتغير والبطن قاسي
مره غير انه صار عندي التهاب فى الجرح وهذا خلى الدكتور يقول لى اشيل المشد وانا خايفه من هذي النقطع بالذات خايفه تخرب النتايج ويكون سبب انى مااستفيد من العمليه

الله يمتعنا جميعا بالاجسام الحلوه

 

[وحش الكويت]

الحمدالله عالسلامة

وانا اختي مفكره تسوي بس قالها الدكتور لازم رجيم اول