- إنضم
- 11 أغسطس 2009
- المشاركات
- 144
- مستوى التفاعل
- 0
- النقاط
- 0
قوة كويتيات...
من سنين وأنا أعاني من آثار الحبوب بويهي لأن بشرتي مختلطة وحساسة وبسرعة تحبب. وهالموضوع سبب لي أزمة لإني ما كنت أحب أطلع إلا وحاطة كونسيلر وكمباكت باودر عشان أخفي البقع والآثار. جربت شكثر منتجات طول هالسنين وما شفت منها نتيجة مرضية.
الحين بقولكم طريقتي اللي اعتمدتها من ثلاث أشهر وشفت منها نتايج روعة، ويهي صار صافي ما شاء الله وما قمت أحط مكياج لما أطلع إلا للمناسبات.
1- أول وأهم خطوة تسوون تنقية داخلية للجسم خصوصا للكبد لأن حياتنا العصرية وأكلنا غير الصحي المتروس مواد حافظة تتعب الكبد وما تخليه يؤدي وظيفته بتنقية الجسم من السموم. أسهل طريقة تساعد على تنقية الجسم خذيتها من العضوة عبقرية جزاها الله خير وهي عبارة عن كوب ماي دافي معصور عليه نص ليمونة تشربونه كل يوم الصبح على الريج قبل ما تاكلون بنص ساعة.
الوصفة مع استمراري عليها نظمت عندي الهضم وعطتني نضارة بويهي وقللت الحبوب اللي تطلعلي.
2- الشغلة الثانية والأساسية اللي تحتاجونها إهيا كريم حماية من أشعة الفوق بنفسجية UVB بنسبة ما تقل عن SPF 30 والأهم يكون فيه حماية من الأشعة فوق بنفسجية UVA لأنها سبب التصبغات في الجلد والتعرض لها من غير حماية يؤخر علاج البقع وآثار الحبوب. راح أحط لكم صور كريمات الحماية اللي أنصح فيها عن تجربة (اختاروا أي واحد منها). الحلو فيها إنها تناسب البشرة الدهنية وما تترك أثر أبيض مزعج على الويه.
3- الشغلة الثالثة اللي صج كان لها دور كبير في علاج آثار الحبوب هي سيروم العلاج الليلي من استي لودر. لو أمدح السيروم من اليوم لي باجر ما أوفيه حقه. من ثاني أسبوع من استخدامي اليومي له (مرتين باليوم) شفت نتايج ما كنت أحلم فيها لدرجة إني قررت ما استغني عنه نهائيا في روتيني اليومي. بالنهار استخدموه قبل كريم الحماية وفي الليل قبل النوم قبل أي كريم ليلي تحبونه. هذي صورته:
4- رابعة شغلة تحتاجونها عشان تصفون بشرتكم وتزيدون فعالية المنتجات اللي قلتها فوق إنكم تستخدمون مقشر microdermabrasion. الفرق بينه وبين السكرب العادي إنه أقوى على الخلايا الميتة ويستخدم مرة بالأسبوع وما يحتاج تستخدمون سكرب ثاني على الويه لأنه تأثيره قوي ومرة بالأسبوع تكفي. مع استخدامي الأسبوعي له... آثار الحبوب حييل خفت وويهي صار وايد أنعم ومنور. طريقته بالاستخدام إنكم تستخدمون كمية قليلة كبر حبة البازاليا على ويهكم ورقبتكم مع التدليك الدائري الخفيف لمدة ما تزيد عن دقيقتين. بعدها تغسلونه عادي وتحطون السيروم اللي قلتكم عنه مع كريمكم العادي. ساعات لما أكون فاضية وأبي أدلع بشرتي بعد هالمقشر أحط ماسك وبعده السيروم وكريمي اللي استخدمه. هذي صور المقشرات اللي أنصح فيها:
هالشغلات الأربع اهيا اللي كان لها الدور الأساسي في تصفية ويهي من آثار الحبوب والبقع وصارت ما تفارق روتين العناية ببشرتي. حطيتلكم كذا منتج في كل شغلة عشان يكون عندكم أكثر من خيار لكن النتيجة وحدة عن تجربة.
وأخييرا. أكيد كلكم تدورن عن كريم بدال أولاي التوت البري اللي اقطعوه. بدون مقدمات وكلام طويل اسمه
Olay Total Effects 7-in-1 Anti-Ageing Blemish Care Moisturiser
بالأخير أتمنى إن موضوعي عجبكم وكانت تجربتي واضحة لكم. وأي استفسار أنا حاضرة. :eh_s(8)::eh_s(8)::eh_s(8):
من سنين وأنا أعاني من آثار الحبوب بويهي لأن بشرتي مختلطة وحساسة وبسرعة تحبب. وهالموضوع سبب لي أزمة لإني ما كنت أحب أطلع إلا وحاطة كونسيلر وكمباكت باودر عشان أخفي البقع والآثار. جربت شكثر منتجات طول هالسنين وما شفت منها نتيجة مرضية.
الحين بقولكم طريقتي اللي اعتمدتها من ثلاث أشهر وشفت منها نتايج روعة، ويهي صار صافي ما شاء الله وما قمت أحط مكياج لما أطلع إلا للمناسبات.
1- أول وأهم خطوة تسوون تنقية داخلية للجسم خصوصا للكبد لأن حياتنا العصرية وأكلنا غير الصحي المتروس مواد حافظة تتعب الكبد وما تخليه يؤدي وظيفته بتنقية الجسم من السموم. أسهل طريقة تساعد على تنقية الجسم خذيتها من العضوة عبقرية جزاها الله خير وهي عبارة عن كوب ماي دافي معصور عليه نص ليمونة تشربونه كل يوم الصبح على الريج قبل ما تاكلون بنص ساعة.
الوصفة مع استمراري عليها نظمت عندي الهضم وعطتني نضارة بويهي وقللت الحبوب اللي تطلعلي.
2- الشغلة الثانية والأساسية اللي تحتاجونها إهيا كريم حماية من أشعة الفوق بنفسجية UVB بنسبة ما تقل عن SPF 30 والأهم يكون فيه حماية من الأشعة فوق بنفسجية UVA لأنها سبب التصبغات في الجلد والتعرض لها من غير حماية يؤخر علاج البقع وآثار الحبوب. راح أحط لكم صور كريمات الحماية اللي أنصح فيها عن تجربة (اختاروا أي واحد منها). الحلو فيها إنها تناسب البشرة الدهنية وما تترك أثر أبيض مزعج على الويه.
3- الشغلة الثالثة اللي صج كان لها دور كبير في علاج آثار الحبوب هي سيروم العلاج الليلي من استي لودر. لو أمدح السيروم من اليوم لي باجر ما أوفيه حقه. من ثاني أسبوع من استخدامي اليومي له (مرتين باليوم) شفت نتايج ما كنت أحلم فيها لدرجة إني قررت ما استغني عنه نهائيا في روتيني اليومي. بالنهار استخدموه قبل كريم الحماية وفي الليل قبل النوم قبل أي كريم ليلي تحبونه. هذي صورته:
4- رابعة شغلة تحتاجونها عشان تصفون بشرتكم وتزيدون فعالية المنتجات اللي قلتها فوق إنكم تستخدمون مقشر microdermabrasion. الفرق بينه وبين السكرب العادي إنه أقوى على الخلايا الميتة ويستخدم مرة بالأسبوع وما يحتاج تستخدمون سكرب ثاني على الويه لأنه تأثيره قوي ومرة بالأسبوع تكفي. مع استخدامي الأسبوعي له... آثار الحبوب حييل خفت وويهي صار وايد أنعم ومنور. طريقته بالاستخدام إنكم تستخدمون كمية قليلة كبر حبة البازاليا على ويهكم ورقبتكم مع التدليك الدائري الخفيف لمدة ما تزيد عن دقيقتين. بعدها تغسلونه عادي وتحطون السيروم اللي قلتكم عنه مع كريمكم العادي. ساعات لما أكون فاضية وأبي أدلع بشرتي بعد هالمقشر أحط ماسك وبعده السيروم وكريمي اللي استخدمه. هذي صور المقشرات اللي أنصح فيها:
هالشغلات الأربع اهيا اللي كان لها الدور الأساسي في تصفية ويهي من آثار الحبوب والبقع وصارت ما تفارق روتين العناية ببشرتي. حطيتلكم كذا منتج في كل شغلة عشان يكون عندكم أكثر من خيار لكن النتيجة وحدة عن تجربة.
وأخييرا. أكيد كلكم تدورن عن كريم بدال أولاي التوت البري اللي اقطعوه. بدون مقدمات وكلام طويل اسمه
Olay Total Effects 7-in-1 Anti-Ageing Blemish Care Moisturiser
بالأخير أتمنى إن موضوعي عجبكم وكانت تجربتي واضحة لكم. وأي استفسار أنا حاضرة. :eh_s(8)::eh_s(8)::eh_s(8):
التعديل الأخير:
