تجربتي في الخبر ونظرتي لمحل الاناقه البسيطه

[السطوع]

قوه بنات

شلونكم شخباركم

حبيت اقولكم قصتي بخبر وبنفس الوقت بتكلم عن محل مميز

انا عندي عرس بعد اسبوعين عرس بنت عمتي وقعدت ادور بالكويت نفنوف حلو وبنفس الوقت رزه وراقي حتى البيوت رحت وكان يعجبني نفانيف البيوت بس مبالغ باسعارها وايد يعني لقيتلي واحد ساده مافيه شي بس الحركه صوب الصدر ب360دينار شدعوه واذا صار فيه شك بسيط قالوا 400 المهم قالتلي رفيجتي روحي الخبر قلت فكره حلوه وخصوصا اني سامعه من قبل عن الخبر ويمدحونه

ورحت هناك وفتريت والله اني انصدمت لقيت نفانيف شفتها اهني بالخبر ببلاش طبعا رحت فنيسيا والراشد بس هذول ماعجبوني وايد او اهما فيهم شغلات بس لازم ادورين عدل ومو حق عرس احد قريب منج وخصوصا فنيسيا كله خبه واوفر وخامات مو حلوه بس لما دورين اطيحيلج علي شي ناعم ورخيص وانا قلت فرصه وخذيتلي واحد ب30دينار ناعم

المهم بعدين رحت مجمع الثريا وفي محل اسمه الأناقه البسيطه
بنات هالمحل روعه وستايل الصراحه يهبل وكله نفانيف الموضه وخامات راقيه ورخيص مقارنه بالكويت مثلا الحين العالم هابه بالترتر والمصممين اشوفهم بالتلفزيون كله ترتر لقيت واحد هناك رااااااااقي وترتره حده راقي ب160 دينار وبالكويت بمجمع زهره يبيعونهم على300 وفوق يعني هالمحل حيل عجبني في ستايلات يديده ماتتحسفون اذا رحتوله وصاحبة المحل تهبل حبوبه وتساعدج ونفسيتها حييل حلوه وراقيه بالتعامل الصراحه هالمحل طلعنا منه بثلاث نفانيف وكل موديل اغرب من الثاني وكله سوالف الموضه ويدد

ادري طولت عليكم بس حبيت انقل تجربتي

عندكم بعد مجمع ظهران فيه محلات راقيه
بس محل الاناقه البسيطه بثريا عجبنا واااايد

 

[على باب الزواج]

ي مآآآآل العآآآفيه والله
الخبر معروفه في بساطتها واناقتها واسعارها مناسبه
اما الكويت نار

 

[الأبتسامة الدام]

حلو ان شالله امره وماقصرتي ياقلبي

 

[manoooram]

الله يعطيج العافيه على الريفيو الحلو وتتهنين حبيبتي
الخبر معروفه خامات ونفانيف العروس توب عندهم

 

[ana - lk]

يامال العافيه ماقصرتي توني شاريه فستان يجنن راقيىو فخم تقريبا نفس فستان نجوى كرم ارخص حييل من الكويت وللجادين ترى الفستان للبيع راسلوني عالخاص

 

[ام شيخوه]

ياريتج حطيتي الصور

 

[في الكون زهره]

حياكم والله بسعوديه يبنات الكويت والله نفرح بشوفتكم انتم اهل الذوق واذرابه والسنع والبس الكشخه احنا نحب سنعكم في روحكم وفي كل شي فديتكم والله

حابه اضيف بعد عندنا خبر بلازا متروس فساتين وعندك جمعه سنتر بعد وفي واحد مو بل الخبر هذا في الدمام اسمه مجمع الحياه بلازا وفيه سوق الحب بعد فيه فساتين

وعندك شارع السويكت بعد

ترا الي في الواجه البحريه اسمه اعتقد لمسات ان كنت منا غلطانه بعد حلو وفي شارع الببسي بغد بس هذا شوي غالي وبنفس الشارع في كم محل لمصممات سعوديات

فديت اهل الكويت كلهم ياحيله بديرتكم والله واي سوال انا حاضر بل الخدمه

 

[السطوع]

الله يعافيكم حبايبي ماقصرتوا على المرور

 

[السطوع]

مشكوره على الاضافات في الكون زهره
بس حبيت انبه عن شغله
مجمع الجمعه ستي مصكر للصيانه انا رحتله ولقيته مصكر

 

[honey lust]

اي وايد سامعه ان الخبر فيها اشياء اتينن و اسعارها اقل من الكويت بوايد

عليج بالعافيه

 

[السطوع]

للاسف ماعرفت احط صور

 

[العمر]

محل الاناقه البسيطه في اى مجمع

 

[αℓмαѕα]

ماتقضى من الخبرررررررر بس بحطه على بالي بشوفه لاني ابغى فستان ومحتاره

 

[امواج الكويت]

اي انا غرامي الخبر تهبل

 

[@ DLOO3TAH@]

يعطيج العافيه

 

[غلا الغوالي]

ملبووووس العافيهـ
:eh_s(22):​

 

[أشبـاهـ المطـر]

يعطيج العافيه
مجمع الثريا بالخبر ؟؟
بالضبط وين موجود ؟؟​

 

[فيونكه..~!]

*,

تتهنيـن فيةة !

 

[اروحله فدوه]

اااب

 

[Diana *]

تقصدين إلي في شارع البيبسي؟
حلو و تحصلين فيه فيه بعد ميموزا عند مريديان الخبر أحلى و أحلى