- إنضم
- 29 ديسمبر 2012
- المشاركات
- 2,167
- مستوى التفاعل
- 0
- النقاط
- 0
السلام عليكم ورحمة الله وبركاته
شلوونكم بنات؟؟
بالنسبة للحوامل اليدد الف مبرووك والله يتمم عليييكم
بقولكم تجربتي في الحمل علشان تستفيدون خطوة بخطوة.، مع العلم اني طيحت مرتين قبل حملتي هذي الحمدلله ولان حمالاتي ورا بعض فقلت افيدكم قبل لا اييني زهايمر :ggdw:
تحليل الحمل:
بالنسبة لاكتشافي لموضوع الحمل كان مختلف بكل حملاتي بالاولى نزل علي نقط بنية بوقت الدورة وعبالي الدورة لكن ما اخذت اعشاب او اشياء حارة ولما شفت انها ما انزلت سويت تحليل.. تقريبا بعد الدورة باربع او خمس ايام وكان تحليل منزلي / الاعراض: مافي اعراض كللللش لاحسيت بعوار دورة ولا دوخة ولا غيره
في المرة الثانية تأخرت الدورة يومين وقلت حق ريلي ييبلي تحليل منزلي وطلعت حامل وكان الخط خفيف / الاعراض: كنت مريييضة وتكرمون نزلة معوية وبطني يعورني
في المرة الثالثة: ماسويت تحليل كنت اصلا مسوية تحليل بول تكرمون حق تحاليل شاملة وقالولي انتي حامل والتحليل كان بيوم الدورة / الاعراض: نفس اعراض الدورة بالضبط لدرجة ماتوقعت اني فعلا حامل شكيت بالتحليل
الزبدة: صعب تتنبأين من الاعراض بانج حامل او لا ولازم تاخذين حذرج في حالة كنتي ماتاخذين مانع فلما تقرب الدورة ماله داعي دارسين واعشاب نطريها تنزل وتالي سوي اللي تبين >> شخصيا ماكنت اسوي شي لاني ماولدت بس ما اشرب بيبسي ولا اشياء باردة
بالنسبة لانج تشتهين شي معين ما اقدر افيدج لاني صاحبة فصلااات :eh_s(9): فسئلوا احد ثاني
الوحام:
انا صارتلي حالتين بالوحام وحدة بدت مبجر وكانت جاااايدة و وحدة بدت متأخر وكانت ارحم من اللي قبلها.. بس هم طولت بالوحام الثاني
اللي اكتشفته ان بالحمل الاول كنت حيل ضعفانة وضعفت اكثر وماكنت اكل ولا التزم بالحبوب وهم كنت اجهد نفسي فطبيعي الوحام بيصير دبل
اما الحمل الثاني فكان وزني زايد والتزمت بالحبوب وكلام الدكتورة وما اجهدت نفسي وحمدلله عدت على خير
اول شي اغلبنا ايينا وحام،، والوحام شي يغث ومأسااة ومابي اتذكره صرااحة.. لكن فعلا تقدرون تخففون من حدته وممكن تتعايشون معاه
الطريقة:
1 قسموا وجباتكم لست وجبات صغيرة ولاتتهاونون.. كل مافضت معدتكم كل مازادت فرصة الترجيع واذا غثيتوا نفسكم بالاكل نفس الشي بترجعون فالافضل وجبات صغيرة مقسمة علشان لا اتيوعون وعلشان لاتنغثون
2 مافي شي اسمه غصبي نفسج عالاشياء المفيدة.. الاكل الصحي خليه لفترة بعد الوحام واكلي بس اللي انتي متقبلته
3 السوائل مهمة لكن بكميات قليلة وعلى فترات مو مرة وحدة علشان لاترجعين وخلوكم عالاشياء اللي مافيها حموضة او تعور البطن
4 خلي الكربوهيدرات صديييقتج توستة وحدة حطي فيها جبن واكليها او كرواسون صغير مع عصير ميني افضل شي اول ماتقعدين من النوم
5 الفلفل ممنووووع يسبب سيولة ويزيد الترجيع
6 في ادوية للوحام اخذيها اذا احتجتيها ولو مافادتج خلي الدكتورة تغيرهم واذا رجعتي 5 مرات باليوم على طوول اخذي درب ولاتستهينين
وتجنبوا الاشياء اللي اتييبلكم لوعة والاشياء اللي تدوخكم واول ماتاكلون لاتنسدحووون.. واذا بتنامون على النص الايسر >> مهم
العلاجات والتغذية:
الحبوب التقليدية: في البداية الفوليك اسيد ينوخذ يوميا لمدة 3 او 4 شهور او ليما يخف الوحام تالي بالرابع او الخامس تاخذين بريغنا بلان واهوا عبارة عن فوليك اسيد مع حديد واوميغا 3 واكيييد تاخذين حبوب الكالسيوم
الحبوب الثانية: ممكن في بنات يحتاجون مثبت اللي اهوا الدوفاستون لي الشهر الرابع وممكن تحاميل تثبيت للي تحتاج.. وفي بنات عندهم نقص في الحديد فياخذون حديد وفي البعض ياخذ بيبي اسبرين طبعا كلهم باستشارة طبيب لان في بنات ممنوع عليهم الاسبرين وبنات الحديد اييبلهم عوار بطن فسمعوا كلام دكتورتكم احسن
البدائل: اذا ما ارتحتي لحبوب معينة ممكن تطلبين البدائل مثلا انا البريغنا بلان مامشت معاي فعطتني هيموفيت بداله والفرق ان هيموفيت مافيه اوميغا 3 لان الاوميغا 3 يعور بطني
يتبع....
شلوونكم بنات؟؟
بالنسبة للحوامل اليدد الف مبرووك والله يتمم عليييكم
بقولكم تجربتي في الحمل علشان تستفيدون خطوة بخطوة.، مع العلم اني طيحت مرتين قبل حملتي هذي الحمدلله ولان حمالاتي ورا بعض فقلت افيدكم قبل لا اييني زهايمر :ggdw:
تحليل الحمل:
بالنسبة لاكتشافي لموضوع الحمل كان مختلف بكل حملاتي بالاولى نزل علي نقط بنية بوقت الدورة وعبالي الدورة لكن ما اخذت اعشاب او اشياء حارة ولما شفت انها ما انزلت سويت تحليل.. تقريبا بعد الدورة باربع او خمس ايام وكان تحليل منزلي / الاعراض: مافي اعراض كللللش لاحسيت بعوار دورة ولا دوخة ولا غيره
في المرة الثانية تأخرت الدورة يومين وقلت حق ريلي ييبلي تحليل منزلي وطلعت حامل وكان الخط خفيف / الاعراض: كنت مريييضة وتكرمون نزلة معوية وبطني يعورني
في المرة الثالثة: ماسويت تحليل كنت اصلا مسوية تحليل بول تكرمون حق تحاليل شاملة وقالولي انتي حامل والتحليل كان بيوم الدورة / الاعراض: نفس اعراض الدورة بالضبط لدرجة ماتوقعت اني فعلا حامل شكيت بالتحليل
الزبدة: صعب تتنبأين من الاعراض بانج حامل او لا ولازم تاخذين حذرج في حالة كنتي ماتاخذين مانع فلما تقرب الدورة ماله داعي دارسين واعشاب نطريها تنزل وتالي سوي اللي تبين >> شخصيا ماكنت اسوي شي لاني ماولدت بس ما اشرب بيبسي ولا اشياء باردة
بالنسبة لانج تشتهين شي معين ما اقدر افيدج لاني صاحبة فصلااات :eh_s(9): فسئلوا احد ثاني
الوحام:
انا صارتلي حالتين بالوحام وحدة بدت مبجر وكانت جاااايدة و وحدة بدت متأخر وكانت ارحم من اللي قبلها.. بس هم طولت بالوحام الثاني
اللي اكتشفته ان بالحمل الاول كنت حيل ضعفانة وضعفت اكثر وماكنت اكل ولا التزم بالحبوب وهم كنت اجهد نفسي فطبيعي الوحام بيصير دبل
اما الحمل الثاني فكان وزني زايد والتزمت بالحبوب وكلام الدكتورة وما اجهدت نفسي وحمدلله عدت على خير
اول شي اغلبنا ايينا وحام،، والوحام شي يغث ومأسااة ومابي اتذكره صرااحة.. لكن فعلا تقدرون تخففون من حدته وممكن تتعايشون معاه
الطريقة:
1 قسموا وجباتكم لست وجبات صغيرة ولاتتهاونون.. كل مافضت معدتكم كل مازادت فرصة الترجيع واذا غثيتوا نفسكم بالاكل نفس الشي بترجعون فالافضل وجبات صغيرة مقسمة علشان لا اتيوعون وعلشان لاتنغثون
2 مافي شي اسمه غصبي نفسج عالاشياء المفيدة.. الاكل الصحي خليه لفترة بعد الوحام واكلي بس اللي انتي متقبلته
3 السوائل مهمة لكن بكميات قليلة وعلى فترات مو مرة وحدة علشان لاترجعين وخلوكم عالاشياء اللي مافيها حموضة او تعور البطن
4 خلي الكربوهيدرات صديييقتج توستة وحدة حطي فيها جبن واكليها او كرواسون صغير مع عصير ميني افضل شي اول ماتقعدين من النوم
5 الفلفل ممنووووع يسبب سيولة ويزيد الترجيع
6 في ادوية للوحام اخذيها اذا احتجتيها ولو مافادتج خلي الدكتورة تغيرهم واذا رجعتي 5 مرات باليوم على طوول اخذي درب ولاتستهينين
وتجنبوا الاشياء اللي اتييبلكم لوعة والاشياء اللي تدوخكم واول ماتاكلون لاتنسدحووون.. واذا بتنامون على النص الايسر >> مهم
العلاجات والتغذية:
الحبوب التقليدية: في البداية الفوليك اسيد ينوخذ يوميا لمدة 3 او 4 شهور او ليما يخف الوحام تالي بالرابع او الخامس تاخذين بريغنا بلان واهوا عبارة عن فوليك اسيد مع حديد واوميغا 3 واكيييد تاخذين حبوب الكالسيوم
الحبوب الثانية: ممكن في بنات يحتاجون مثبت اللي اهوا الدوفاستون لي الشهر الرابع وممكن تحاميل تثبيت للي تحتاج.. وفي بنات عندهم نقص في الحديد فياخذون حديد وفي البعض ياخذ بيبي اسبرين طبعا كلهم باستشارة طبيب لان في بنات ممنوع عليهم الاسبرين وبنات الحديد اييبلهم عوار بطن فسمعوا كلام دكتورتكم احسن
البدائل: اذا ما ارتحتي لحبوب معينة ممكن تطلبين البدائل مثلا انا البريغنا بلان مامشت معاي فعطتني هيموفيت بداله والفرق ان هيموفيت مافيه اوميغا 3 لان الاوميغا 3 يعور بطني
يتبع....
