تجربتي .. رجيم 7 كيلو في 7 ايام , رجيم التمر و اللبن

[وقــار]

السلام عليكم

طول عمري عانيت من السمنه ..
لين ضعفت ووصلت 57.. لكن زدت و صرت 65كيلو ..

حاليا قاعد امشي على رجيم 7 كيلو في 7 ايام ..

و انا الحين باليوم الثالث و نزلت كيلو يعني تقريبا باليوم نص كيلو قاعد انزل .. على الرغم من الدورة ..

8/7 الي اهو يوم الاحد راح يكون 7 يوم و بعطيكم توتال النزول شكثر ..

الي حابة تعرف الرجيم اهو جدا معروف و اسمه 7 كيلو في 7 ايام ..

أنا حابه أوصل لـ 57 .. و راح أشاركم بتجربتي ..
الي اهي
1- الرجيم الي انا فيه لمدة أسبوع .
و بعدها ان شفت النزول ممتاز راح اعيده بس بكسره بيوم و بعدها امشي 3 أيام رجيم التمكر و اللبن .. و بعدها أرد له ..

READY .. GET SET .. GOOOOOO :ggdw:

 

[*جنوون*]

الله يسهلج حبيبتي
وانا انشاءالله ببدا فيه من الاربعاء
وراح اكتب شنو صار معاي

 

[قطوووة]

ممممم اتمنى لج التوفيق مع اني ضد هالنوع من الرجيمات

 

[بحرينيه كوول21]

ان شاءالله ابتدي فيه يوم الخميس
وأقول لكم يصير وياي

 

[غلاي امي وزوجي]

وانا معاكم ابتدي فيه من باجر باذن الله

واقولج شيصير معاي

بسشلون طريقته ويصير اشرب عصير اناناس

 

[نـوت الحلا]

هرجيم حلوو بس لاا تكثرينة حدج 7 ايام وقفي يكون الريوق والغدا و العشا 7 تمرات مع قلاص لبن صج يضعف ويصخر المعدة والتمر وااايد مفيد

 

[احترت وياك]

موفقه حبيبتي ,
ان شاء الله باجر بجرب واذا اوك بكمل والتمر مفيد مهما اكلتي منه مايضر ان شاء الله بس اهم شي تاكلين عدد فردي من التمر مو عدد زوجي

 

[*Qdsawiyaah*]

طول اليوم بس تمر ولبن تقصدين ؟؟

 

[وقــار]

صباح الخير
سوري طولت عليكم
انا لازلت مستمرة و لله الحمد ..
بس ان يعت كنت اكل مارس الحجم الوسط , بس عشان ما يصير فيني هبوط بالسكر .. مع العلم ان ما فيني سكر الحمد لله بس لا قل بجسمي أحس بدوخة فضيعة ..

الاحد باذن الله اوافيكم بالنتيجة النهائية :**​

 

[بنت شاهة]

السلام عليكم ..

حبيبتي انا جربت ريجيم التمر وحليب خالي الدسم لمدة 10 ايام مع المشي والتعب

نقصت 12 كيلو بس اول يوم تركته زدت 2 كيلو !!

عقبها قلت ابي امشي على ريجيم السلطه بس .. وهمن قمت اشوف وزني يزداد !

يعني هالريجيم للي عندها مناسبه ورا الريجيم مباشرةً لان علطول يرد وزنج مثل ماهو

 

[أبلة فاتن]

طيب بنات النزول بس رقم العداد بالميزان ولا حتى شكل جسمكم يتغير ؟؟؟!! يعني الشيحوم تخف ؟؟

لان احتمال اللي ينزل منه الماي بالجسم والله اعلم ،،، لان اغلبكم قال زتدو دبل وسبحان الله جسم عن جسم يفرق

انا نوعي احب الرجيم اللي تخفيف اريح واضمن بسويه بعد اسبوعين برمضان احلى شيء

 

[بنت شاهة]

أبلة فاتن .. انا والله شكلي ماتغير بس رقم الميزان اهو اللي تغيـر
في ريجيم السوائل بس هذا مضمون وتنقصين بالاسبوعين 5 كيلو تقريباً بس يبيله عزيمه ^_^

 

[وقــار]

مساء الخير ..
اليوم الحمدلله كملت اسبوع بالرجيم و نزلت كيلوين و 800 قرام .. نزل وزني من 65.2 لين 62.4 ..
الرجيم ما التزمت فيه بالضبط كنت ازرق ككاو اة كيكة صغيرة .. و الحمدلله مع هذا النزول ممتاز ..
اليوم ان شا الله بكسر الرجيم ..
و باچر ببلش برجيم السوائل و بدمجه مع اتكنز بدال التمر و اللبن لاني لاحظت اغلبية ما مدحوه ..

و اوافيكم بنتيجته خلال اسبوع .. ؛**

شكرا عالمتابعه