تجربتي رجيم مع بشره صافيه وشعر صحي

[ألمـاااس]

السلام عليكم ..

شلونكم بنات ..

اعذروني تاخرت عليكم شوي ..

النت غثني ووالوقت يمشي بسررررعه

المهم بكتب لكم تجربتي بس قبل بذكركم بنقاط ..

انا ماجيت اكتب لكم تجربتي غير لاني ابيكم تستفيدون

واذكركم مو شرط الي نفع معاي ينفع معاج

يعني كل وحده بنات تشوف الي يناسبها ويناسب صحتها

بالنسبه لي ..

الوزن 80 تقريبا

الطول 164

البشره دهنيه وللامانه بشرتي زينه بس فيها باقي اثار لحبوب الشباب

الشعر دهني قصير

فقر دم ..

خمول بالغده الدرقيه..

بناااات انا سبق وسويت رجيمات وكنت اوصل للوزن الي ابيه لكن بعد شنو؟؟؟

شعري يطييييييييييييح ويصير خفيف يخرع

بشرتي تصوفر

ما فيني حيييييييل كلش

غير جذيه اصير مالي خلق حق روحي

بس هالمره بنات انا قررت بيني وبين نفسي شغله

قلت لما احط براسي اني بسوي رجيم اصير بحاله من التوتر وتشوفيني بس اراقب الميزان

وانتظر فتره الرجيم متى بتخلص

وووو

يعني حدي اتعب نفسيا اكثر شي

هالمره قلت مابي احط براسي رجيم معين

يعني قلت بغير اسلوبي

بحط قائمه ممنوعات

وقائمه مسموحات

وبعدها باااكل الي ابيه ماراح احدد الكميه كلش

المهم انا من كثر ما احوس بالنت حددت القائمتين بنفسي *_^

الممنوعات ...

السكريات بانواعها

النشويات

الدهون


المسموحات..

السلطات

اللحوم

الاجبان

بس انا عندي مشكله الي هي التمر

انا ادمان تمر ولا اتخيل يوم ما احط مطاره القهوة والتمر جدامي هههههههههه

عشان جذيه غضيت النظر عن التمر لكن حددت كميته ما يتعدى 5 تمرات باليوم

يعني بعطيكم مثال على اكلي خلال يوم

الصباح

تمر + حليب خالي الدسم

الضحى تفاحه او عصير برتقال

الغداء

شريحه لحم الهمبرجر اشويها على الشوايه او قطعه دجاج او بيض

مع سلطه وشريحه جبن

العصر قهوة وتمر

العشاء

اما بيض بالفرن او سلطه باللحم
طبعا مع سلطه
وبرتقاله

هذا كمثال لكن انا كنت انوع بالاكل

واذا تبون احط لكم وصفات الاكل الي كنت اسويها لنفسي تبشرون راح انزل لكم طريقه عمل الاكل

الحين بقولكم شغله

بين الاكل ما اكل كلش واذا حسيت بالجوع اشرب عصير برتقال طازج او اكل بطيخ او رقي


اشرب شاي اعشاب اسويه بنفسي

طبعا عشان احافظ على شعري اتبعت له برنامج والبرنامج ما جاء غير بعد بحث وسؤال

النتيجه كانت هالبرنامج

زيتي هو زيت الزيتون

اسوي حناء لشعري يوم بالاسبوع

احط مع الحناء هالخلطه

علبه فيها (( اكليل الجبل / سدر / فلفل اسود / حبه سوداء / محلب / حلبه / آس))

اعجبنها بماي البصل والثوم

وانضميت لحمله السدر الي هذا رابطها

http://www.q8yat.com/t781923.html

ويوم او يومين للسدر

احط ملعقه آس مع ملعقتين سدر واعجنهم بماي البصل والثوم

احط لوشن لشعري الي هو كومونوتو الياباني (( عندي الفضي والذهبي ))

اكل حبوب سنتينال (( اكلتهم 4 شهور )) بعدها غيرت لحبوب هير دال

واكل حبوب للدم هي ايزي ايرون

واكل حبوب زنك مع فيتامين سي


وبالنسبه لوجهي احط الكريم Blending

Bleaching cream

صار وجهي صافي

وراجعت عن الغده وضبطتها صرت اكل كل يوم حبه بقوه 75

واستمريت على البرنامج هذا 6 شهور والحين الحمد لله

كل اموري زينه وتحاليلي ممتازه

واي سؤال تفضلوا انا حاضره


بنات والله حدي تعبت النت عندي ضعيف واعذروني يمكن نسيت بعض الشغلات بس الصور اجي ابي ارفعها على موقع تحميل يطلع لي امتداد الصور غير مسموح او الحجم مدري ما اعرف زين بهالسوالف

بس وربي كل هدفي انكم تستفيدون

​

 

[exanon]

الله يعطيكي الف عافية

 

[راعية الطويلة]

مشكوووووووووووورة

 

[فرح@@الكويت]

يعطيج العافيه بس ودى تقولولينا وصفات للاكل يعنى المشكله الغدا يعنى ابى افكار حلووه وماكليتى اى نوع من حبوب التخسيس والرياضه سويتى والا لا ومشكووره

 

[الحراير]

كم شهر قعدتي وكم نزلتي وتلعبين رياضه


ويعطيج العافيه

 

[الفدنه]

الله يديم عليج الصحه والعافيه والرشاقه والحلا يالغلا

 

[{ عبره وهلت }]

،


الله يتمم عليج بخير ،
ويرزقج ما تتمنين ~


شنو شاي الاعشاب اللي تسوينه بنفسج ؟
حبوب اللي تاخذينهم للشعر مو مضره لمشاكل الجهاز الهظمي ؟



تنصحيني اخذهم بروحهم من غير خلطتج ؟







.​

 

[jnon-bint]

مشاء الله عليج يارب انوصل للوزن الي نبيه

 

[~✿ ارتـِوآآآء روح !]

وعليكم السلام ورحمه الله وبركآآته
الله يتمم عليج ويعطييج الصحةة والعاافييييه
ومشكوووورةةة بس شنهي اكلآآآتج ؟؟

 

[kef aseebak]

مشكووووره ويعطيج العافيه

 

[تفاصيل الغرابه]

يعطيج الف عااااااااااااااافيه

 

[chnoof11]

مساء الخير هاي

كيفكم بنات دبدوبات جايبتلكم اليوم رجيم جنان اسمه رجيم الدكتور حسين الدشتي او اتكينزاو رجيم الكيتوني من جد بنات الا يفوتكم اسال مجرب ولا تسال طبيب وانا ساكنه في سعوديه ورحت زياره للكويت وزرته شخصيا وعطاني رجيم يجنن ينفع لكل الاشخاص مكون من اربع مراحل وانا جربت مليون رجيم ورجيم ورحت كل دكاتره الرياض بدون ذكر اسماء طبعا ولا واحد فادني وبصراحه هو الدكتور الوحيد الي شفت النتيجه من اول اسبوع والحمد الله نزلت عليه 3 كيلو وبلشت بالاسبوع الثاني ونزلت 3 كيلو
وانا كتبتلكم اليوم هذا الموضوع مثل ماستفدت ابي غيري يستفيد وجربوه وانتوا راح تصدقوني والي حابه تبدى معي حاياها الله وراح اكتبلكم الاربع مراحل بتدريج وافكار لطبخات وموقع الدكتور بعد ولا يهمكم راح اكون معاكم خطوه بخطوه جاينا رمضان والله يعين على السمنه من جد الي موافقتني تردلي على صفحتي الي باسم chnoof11 وموضوعها واخيرا لقيت الحل ادخلو وشوفوا او ترسلي على الخاص واتمنى نكون قروب حلو عشان نشجع بعض وانا بنتظاركم????::yaaaaaarb::yaaaaaarb::yaaaaaarb::yaa aaaarb::yaaaaaarb::yaaaaaarb::yaaaaaarb::eh_s(9):: eh_s(9)::eh_s(9)::eh_s(9)::eh_s(9):

 

[حلاتي ابتسامتي]

ماشااالله عليك حبوبه

بس انا سويت رجيم والحمدلله نقصت 10 كيلو واللحين وزني 55 و غراماات ولكن شنو صار فيني شعري والله يقهر قاام يتساااقط اللحين شعري مررررره خفيف وكنت اشرب عصاير واكل فواكه بس مادري ليش يعني انتي هذي الخلطه ظنج تنفع لشعري ؟؟؟و انتي كنتي برجيمج تسوين تمارين رياضيه ؟؟؟؟؟؟؟؟؟

 

[ألمـاااس]

الله يعطيكي الف عافية

الله يعافيك

 

[مسك وطيب]

الله يتمم عليج الصحه والعافيه

 

[دمعة^حزن]

والله شي حلو انشالله انا مقرره اهتم بشعري وبجسمي بتبع طريقتج

 

[ام حمد 85]

مشكووورة

 

[ألمـاااس]

يعطيج العافيه بس ودى تقولولينا وصفات للاكل يعنى المشكله الغدا يعنى ابى افكار حلووه وماكليتى اى نوع من حبوب التخسيس والرياضه سويتى والا لا ومشكووره

هلا فروووحه..

الله يعافيج يا قلبي..

بالنسبه لحبوب التخسيس ابد ما اكلت اي شي طريقتي مثل ما ذكرتها فوق
ولا استخدمت اي نوع من الحبوب غير الفيتامينات الي ذكرتها فوق

بالنسبه للرياضه .. ما سويت رياضه بصراحه ماعندي وقت.

وصفات الاكل ..

والله حبوبه قمت اخترع بروحي طبخات هههههههههه بس بقولج يمكن طريقتي بالاكل ما تعجبج بس انا وايد حبيت الاكل والمهم ماحددت لروحي كميه عادي اكل لحد ما اشبع *_^
مثلا الريوق ..
بيضه وحده احط عليها ملح واخلطها زين وبعدين اجيب البصل اشوحه على النار بدون زيت لحد ما يصير احمر
واجيب البصل احطه على البيضه واحط معاه بصل اخضر مقطعته صغار وبقدونس اخلطهم زين وارجع احطهم بصينيه فرن صغيرونه عندي واحط عليهم شريحه جبن سلايس لايت

وبعدين على النار لحد ما يستووون من تحت بعدها ادخلهم الفرن يتحمر من فوق

واااو الجبن سايح والطعم حبيته

اكله طبعا بشوكه مع صحن سلطه وعصير برتقال .....>>>هذا ريوقي اشبع منه

الغداء ..

اجيب خس وفلفل اخضر بقدونس وجزر وطمام يعني حبوبه الخضرواوات الي تحبينها انتي وذوقج

انا مرات احط وايد انواع ومرات احط الموجود بالثلاجه بس!

واجيب شريحه همبرجر اشويها بالشوايه او اشويها بالفرن الهدف يطع الزيت منها
بعدين اقطعها مربعات واحطها فوق السلطه وابشر عليها مقدار ملعقه صغيره جبن

واجيب ملعقه صغيره زيت زيتون (( لاحظي صغيره!!! )) وملعقه خل وعصير ليمون اخلطهم وهذا الصوص للسلطه احطه بجنبي
مع عصير برتقال ....>>>هذي وجبه للغداء

طريقه ثانيه ..

صحن سلطه مقصص مربعات واحط عليها مربعات من الجبن الابيض قليل الملوحه والدسم

طريقه ثالثه ..

اجيب صدر دجاجه مع فلفل اخضر مقطع كبير مع بصل مع جزر مقطع كبير وكوسا (( باختصار خضرتج الي تحبينها انتي وذوقج ))

اتبل الدجاجه من الليل (( روب + خل + ليمون + ملعقه صغيره زيت زيتون)
لما اجي اطبخها

بصينيه الفرن احط الدجاج مع الخضره واذوب ماجي بشويه ماي واحطه عليهم

واسويها بالفرن لما تخلص بس افتح القصدير واحمرها

طريقه رابعه.

علبه سمك تونه اتبله بالبهارات حقت السمج عشان الزفره

واجيب البصل والخضره الخضراء كله مقصص صغير

اشوه البصل وبعده احط السمك وفوقه الخضره الخضراء واسويهم

طريقه خامسه ..
اجيب لحم مقصصته صغار ومغسلته زين واتبله (( باي نوع صلصه للشوي ))
اجيب الخضار المثلجه ومرات اجيب الطازجه وواشويهم بالفرن

طريقه سادسه ..

لحم اول اشوحه مع بصل وبعدين افوحه بماي مع بهارات عدله

ولما يستوي زين

اجيب خلطه طمام بالخلاط واحط معاه ليمون والخلطه الفرنسيه خقت الشوي

وبالفرن لحد ما تشوفينه نشف وتحمر مع شويه ماي للصلصه


وااااااااااااااااااايد طرق ابتكرتها بنفسي

بس بقولج اعتمدت شغلات اساسيه ما استغني عنها بكل تتبيله او طبخ او سلطه الي هي

(( اليمون / الخل/ البقدونس))

وبالعافيه واي استفسار من عيوني

 

[ألمـاااس]

كم شهر قعدتي وكم نزلتي وتلعبين رياضه


ويعطيج العافيه

هلا فيج اختي..
بالنسبه لي انا قلت بنفسي مابي اسوي رجيم ابي اغير اسلوبي بالاكل

يعني ما حددت الكميه عادي اكل لحد ما اشبع

بس مثل ما قلت لج تركت بعض الشغلات

يعني صارلي 6 شهور للحين مستمره

ووزني كان 80 والحين صرت 67

وحدي مرتاحه نفسيا مو حاسه روحي اسوي رجيم يعني مافيه قلق ولا توتر ولا شي

امارس حياتي طبيعي حتى رياضه ما اسوي وعايشه حياتي مثل ما انا بس اللهم اني غيرت طريقتي واختياراتي للاكل

والله والله والله

ان النزول ابتدي من الاسبوع الاول

وما انكر فيه فترات كنت احس روحي ثابته مو من الميزان لاني ما اوزن بس من لبسي لكن عادي ما توترت لاني اقتنعت اني ما اسوي رجيم انا بس مغيره طريقه واختيار اكلي


وولا تنسين مرات تجيني فترات اسافر ولما اسافر ما كنت التزم حححيل لكن بعد ما اخربط حييييل

حتى ماكدونالز وهارديز كنت اكل عادي

بس شسوي؟؟؟

اجيب صحن افرغ فيه كل محتويات الصمونه بس الخبز اشيله مااا اكله

بعدين بالشوكه اكل الي بالصحن كللله هههههههههههههههههه

 

[ألمـاااس]

الله يديم عليج الصحه والعافيه والرشاقه والحلا يالغلا

يا بعد عمري تسلمين يا قلبي ولج بالمثل