تجربتي بنادي الرماية - حياكم الله

[اخت واختها]

اليوم يتكلم عن تجربتي بنادي الرماية لاني توني مسجله

اهم شغله تلاحظينها اهي نقص شديد بالبنات هناك يعني يمكن شفت بنات مره وحده بس

الاشتراك 15 دينار تقريبا

في ثلاث انواع من الرماية تقدرين تشتركين فيهم

الي هم قوس وسهم

والبنديقه الهوائيه الي اهي ام مصجمه

والخرطوش الي اهو الشوزن - وطبعا هذا رصاص حي مو مثل ام مصجمه :eh_s(1):

بنسبه لي انا مشتركه بشوزن تراب

في شغله اسمها تراب وفي سكيت انت تختارين والفرق بينهم طريقة قذف الاطباق


خمس حصص مجانيه واذا شافو منج تطور بالرمايه يكلمون الاداره يعطونج حصص ازياده مجانية

اذا ماكو تطور بمستواج راح تطرين تشترين الفشق الي اهو الرصاص

الكرتونه 25 فشقه على خمس دنانير

طبعا الحصص يحددلج اياها المدرب ماكو يوم محدد يعني

يبدا التدريب من الساعه 4 لي ست العصر

ممنوع الاشتراك لغير الكويتيين

وتر الرمايه تونس وسهله وشغله مفيده بنفس الوقت واهم شي انج راح ترفعين فيها اسم ديرتج اذا صرتي احد ابطال الرماية

وان شاء الله شهر 10 في بطوله نسائيه والمدرب يقولي شدي حيلج عشان تشتركين معاهم

الاعمار الي يقبلونها من 15 على ما اذكر لي 24 سنه

مكانهم يصير على الدائري السادس جنج رايحه الجهرا ورا الصليبيه على طول وقبل وصلة الدوحة

خنشوفكم :ggdw:

 

[آدمنت قربككِ]

تدرييييييييين حلمي ادخل هالناادي وناادي الفرووسييه
اعشقهم هالاثنين بس مااقدر ادش
موفقه حبيبتي

 

[kuwait_queen82]

موفقه يارب راحت علي انا عيوزه 28 لوووووووووووول

 

[broor]

مايقبلون الي بالثلاثين ؟؟ اشدعواااا

 

[اخت واختها]

والله سوري

للاسف رديت سالت وتاكدت قال حدنا لي 24


اما اذا تعرفين بالاسلحه وتبين ترمين بروحج عندهم بالميادين عادي يرضون

بس ماكو تدريب لكم للاسف

 

[راعي المثل]

في جهه اهليه تعلم الرماية ؟

ازين ونادي الرمايه يقبلون أي أحد ولا بشروط لاني سامعه ان يقبلون اللي يبونه وبالواسطه ؟ لاني قريت في الانترنت يقول واحد ان يبي يدرب كل ما يروح المدرب يتحججله

ماعنده كذا . .. هذا الكلام مكتوب من 3 سنوات

 

[91 hellokitty]

السلام عليكم بغيث اسألج قيمة الاشتراك 15 دينار شكثر مدته يعني يوم ولا اسبوع؟ واذا ابي اشتراك سنوي شلون ؟؟
واحسن مدرب اهناك منو؟
وشاكره لج

 

[افريقيا]

في اكثر من مكان نتعلم في الرمايه وين ها الاماكن ؟

 

[1001]

استغرب ليش مافي دعايه على النادي يعني الحين كبرنا وماتعرف عنه راحت علينا الي حابين الرمايه والفروسيه
ما كنت ادري ان فيه تدريب و يستقبلون متدربين