- إنضم
- 21 نوفمبر 2008
- المشاركات
- 1,260
- مستوى التفاعل
- 0
- النقاط
- 0
السلام عليكم ورحمة الله وبركاته
شلونكم بنوتات عساكم بخير.. بما أنها ليلة عرفة فاللي تقرا موضوعي ويعجبها تدعيلي اللع يرضى علي ويسهل أموري آمييييييييين
في جم وحدة سألتني بالخاص على ردودي المتعلقة بالميزو وقلت خل أكتب موضوع أفيد البنات جود يدعولي بهاليوم الفضيل..
بنات بكتبلكم كللللللل شي صار بالضبط أتمنى تقرون كل الموضوع وبحاول أخليه شامل عشان ماتعتازون تسئلون..
أولا اسم العلاج ونوعه: ميزوثيرابي لعلاج تساقط الشعر واهو عبارة عن إبر تنحط بشغلة جنها مسدس وتطق وخزات صغيرة بالراس لعلاج مشكلة تساقط الشعر..واهي عبارة عن فيتامينات ومواد مفيدة للشعر تساعد على منع التساقط وزيادة كثافته..
واهي كلش ماعورتني أبدددددد والدكتورة بنفسها تسويها مو الممرضة وحدها لطيفة وكلش ماتعور..
إختي جربتها تقول يعور وبنت خالتي جربتها هم قالت ماتعور.. يعني 2 مقابل 3 يعني المسألة نسبية وتختلف من شخص لي شخص.. بس بشكل عام الأغلبية ماتعورهم..
ثانيا المكان: سويتها بعيادة الدكتورة منى الفارس واهي عيادتها بالجابرية..أول ماتدشين الجابرية من الدائري الرابع تاخذين أول لفة يمين اهي سيدة عاليمين بأول مبنى للعيادات وعندها صيدلية جنه اسمها الغدير يعني لاتمشون وايد أول ماتدشون الجابرية.. بالنسبة حق رقم العيادة غيرت فوني فماعندي الرقم حاليا وبدورلكم ياه قريبا بإذن الله.. وعلى فكرة ترى ماعرفها ولاتعرفني ولا أصيرلها واللي تبي تتأكد تسألني بالخاص عن اسم عايلتي وبجاوبها عشان ترتاح قلوبكم أدري فيكم كله شاكين بالناس لوووول
ثالثا عدد الإبر بالكورس والتكلفة: عدد إبر الكورس 6 إبر والإبرة الوحدة ب30 دينار وبين كل جلسة وجلسة مدة أسبوعين وإذا تبينهم بسرعة أقل مدة 10 أيام
يعني الكورس الكامل إذا تبينه سريع يخلص يشهرين بس! واعتقد الكل يبي يرتاح بأقصى مدة ممكنة وخصوصا اللي عندهم تساقط وايد أو العرايس اللي ماعندهم وقت أو البنات اللي عندهم فراغات!
الحين أخيرا بقولكم تجربتي بالتفصيل عقب ماحطيت كل المعلومات الأساسية:
الله يسلمكم شعري كان لي آخر ظهري وكثافته متوسطة يعني يميل للخفيف لأن آنا نوعية شعري جذي بالوراثة بس كان زين وحلو..
طبعا انطفقت ورحت خصلته أشقر واللي صبغتلي شكلها غيدها ثقيلة وأصلا وايد ناس الله يسامحهم كانوا يقولوليي أكيد حاطة اكستنشن هذا موشعرج ولا يذكرون الله :/
ومع كل هالأسباب فجأة بدا شعري يطيح بشكل خيالي فوق ماتخيلون وعلى قولة البنات بدا يطيح خصل وآنا فوق هذا نفسيتي اختربت آنا نوعي وايد أحب اهتم بشكلي وشعري ولبسي فلمن بدا شعري يطيح بشكل ينوني اختربت نفسيتي وايد وقام يطيح بزيادة عشان النفسية :eh_s(2):
عقب سويت سيرج بالنت عالميزو ماعجبتني الردود أحس الردود يا ناس تسأل يا ناس تخش وماتقول..
وأصلا كنت رايحة عند منى الفارس جم مرة علبو آنا راعية حساسية ووايد ارتحت على علاجاتها يوم يومين أطيب..
فشفت إعلان عندها عالميزو توكلت ورحت سويت..
قالتلي لاتحاتين وشعرج مافيه إلا العافية وآنا أشوف حالات أخس وآنا طبعا الدمعة بعيني زين مابجيت عند الدكتورة :eh_s(2):
قالتلي بسويلج كورس 6 إبر بينهم أسبوعين ولو تبين حل سريع عشان نفسيتج بينهم 10 أيام قتلها ماشي
وطبعا اهي عندها نظام حلو لو تدفعين فلوس الإبرة ماتدفعين فلوس الزيارة فهالشي يخفف عاللي ميزانيتهم قليلة أو يكونون طلبة<نفسي
بديت العلاج وكتبتلي معاه شامبو اسمه ريفوفوجين على ما اعتقد واهوا شامبو عضوي وتقول أحسن شامبو ينظف ويطهر فروة الراس بس حسيته وايد نشف شعري خصوصا مع الصبغ فما حبيت تأثيره على شعري معنه كان وايد حلو عالفروة أول مرة أحس فروة راسي تتنفس.. والشامبو موجود بالصيدلية اللي تحت عيادتها واعتقد سعره من 5 لي 7 ويمكن أكون غلطانة بس أكيد مو أكثر من 7 ..
أما الحبوب فعطتني بنتوقار قالتلي وايد زينين وصج ماجذبت عجيبييييييييين وايد أحس نفعوني حتى عقب ماخلصت الكورس..
وقالتلي معلومة مهمة أن الحبوب مانستخدمهم شهر بعدين نقول خلاص مانفعوا لا غلط!
لازم نستخدمهم كورس كامل يعني 3 شهور كل يوم حبة.. وصج جربتها ومثل ماقتلكم أحس حيل انفعوا وظليت استمر عليهم عقب الكورس
بس حطوا ببالكم أنهم وايد أقويا يعني لهم عيب وحيد لكن آنا أشوفه كبير واهو أن من قوتهم يأثر حتى على شعر الجسم
آنا تنرفزت لأن الشعر الوبري اللي بجسمي طال يعني اللي صوب الصدر والبطن والله يستر يمكن صوب الظهر بس ماقدر أشوف هناك.. فعشان جذي قطعتهم ولا اهم من ناحية القوة والإفادة وااااااااايد زينين..
الحين أكملكم قصة العلاج..
طبعا طقيت إبرة وعقبها ب10 أيام رديت طقيت الثانية وخلال 19 أو 20 يوم بديت أحس بفرق بسيط وبدا يزيد الفرق ويقل التساقط ونطرت الإبرة الثالثة وقزيتها وعقبها صج صج فرق شعري واااااااااااااااايد
أقدر أعطيكم نسبة 80% قل التساقط.. قمت آنا من وناستي وقفت الجلسات لأن الميزانية كانت بحححح لوووول
وطبعا نبتنلي بيبي هير صوب يبهتي ويبين لمن أمشط شعري في بيبي هير بقمة راسي وصج استانست غير أن التساقط اللي كان قاثني خف وايد ولله الحمد..
طبعا ماكملت والسبب أني حصلت نتايج مرضية ولأن مثل ماقلت الميزانية موشي خصوصا أن احنا طالبات
بس شعري وايد تعدل ما شاء الله ذكروا الله وبنفس الوقت اعتقد لو كملت كانت كثافة شعري يمكن تزيد..
وطريقة الدكتورة حق اللي تبي عناية كاملة وحلوة ودائمة عشان دوم يظل شعرها حلو وكثيف عقب ماتخلص الكورس الأول تدش كورس ثاني مخفف..
والثاني أنج تقزين أول إيرة وتنطرين عقبها شهر وتردين تقزين الثانية وتنطرين عقبها شهرين وعقب الثالثة كل 3 شهور وتستمرين عاد كل 3 شهور تقزين مرة ويظل شعرج دوم حلو لين تخلصين الكورس الثاني..
عاد شنو عقبه تكملين كل 3 كورسات أو تخلصين للأبد مادري بس آنا بنيتي أكمل لي الأبد وأخليه جزء من عنايتي الشخصية لأن الشعر زينة المرة وكل ما كان حلو زانت وفي وايد عوامل فجائية ممكن تصيرلنا سوالف زواج دراسة حمال ولادة فأول شي يتأثر شعورنا فودي دوم أكون مغذيته .. فهمتوا علي؟
والحين السؤال اللي الكل ناطره وأدري بتسئلونه.. هل طاح شعري عقب 6 شهور مثل ما الكل يقول عن الميزو.؟ الكل يقول أنه حده الميزو 6 شهور وعقب يرد يطيح..الجواب أن فعلا طاح شعري عقب 6 شهور بس هااااااااا ترى مو من الميزو
من خمالي وإهمالي!
تخيلوا معالجة شعري والنتيجة من أحلى مايكون والدكتورة تقولي فحصج يقول ماعندج مخزون حديد لازم طول عمرج تاكلين حبوب حديد لأن آنا فيني فقر دم منجلي ولازم الحبوب آكلهم الكورس كامل مدة 3 شهور
أما آنا شسويت؟ من ذكائي بس تعدل شعري انغريت وطنشت الاهتمام عبالي نفس قبل لا اهتمام لا شي وبيظل زين
وفعلا رد طاح بس فقير يزاه الله خير 6 شهور ماغذيته ولا اهتميت فيه و ظل طبيعي..
فكروا فيها يعني إنتي لو ماكليتي يوم شبيصير بويهج وبجسمج؟ تصيرين ذبلانة ومالج خلق تحركين ونشاطج منخفض
والشعر هم يحتاج تغذية واحنا مطنشينه ومانفكر نغذيه أكيد بيطيح ويتعب صح ولا لأ؟
الحين الزبدة ياجماعة الخير..
آنا على ويه زواج مايندرى يضبط مايضبط ادعولي بالتياسير.. وراح أرد بإذن الله أسوي الكورس مرة ثانية..
واللي ماعندها ميزانية ترى بس الكورس الأول يكفي والكورس الثاني حسب حاجة شعرج مو إلا تسوينه..
وكا جدام عينكم كتبت تجربتي من 3 إبرة ارتحت وحتى ماكملت الكورس الأول..
بالنسبة للحبوب اللي ماتبي بنتوقار علبو تطلع شعر بالجسم آنا جربت غيرهم حبوب بيرفكتيل عجيبين ما يأذونج بمسألة شعر الجسم وايد كثر البنتوقار بس وايد يعورون المعدة >عندي مشكلة بمعدتي فاللي عندها مشاكل بالمعدة تظل على بنتوقار أحسنلها..
والشامبو كيفها اللي تبي تستخدمه آنا قتلكم ماحبيت تأثيره عالشعر ولا اهو عالفروة ممتاااااااااااز واللي تبي تستخدمه خل تستخدم وياه بلسم..
بالنهاية عقب ما طاحت إيدي من الكتابة أبيكم تدعولي الله ييسر أمور زواجي ويسخر قلوب الناس لي ويكتبني من عتقائه بهاليوم الفضيل..
وأي استفسار عيوني لكم بس اقروا الموضوع مو تسئلوني سؤال آنا مجاوبته بالموضوع وتحسسوني أني كاتبة كلام عالفاضي :eh_s(2)::eh_s(2):
شلونكم بنوتات عساكم بخير.. بما أنها ليلة عرفة فاللي تقرا موضوعي ويعجبها تدعيلي اللع يرضى علي ويسهل أموري آمييييييييين
في جم وحدة سألتني بالخاص على ردودي المتعلقة بالميزو وقلت خل أكتب موضوع أفيد البنات جود يدعولي بهاليوم الفضيل..
بنات بكتبلكم كللللللل شي صار بالضبط أتمنى تقرون كل الموضوع وبحاول أخليه شامل عشان ماتعتازون تسئلون..
أولا اسم العلاج ونوعه: ميزوثيرابي لعلاج تساقط الشعر واهو عبارة عن إبر تنحط بشغلة جنها مسدس وتطق وخزات صغيرة بالراس لعلاج مشكلة تساقط الشعر..واهي عبارة عن فيتامينات ومواد مفيدة للشعر تساعد على منع التساقط وزيادة كثافته..
واهي كلش ماعورتني أبدددددد والدكتورة بنفسها تسويها مو الممرضة وحدها لطيفة وكلش ماتعور..
إختي جربتها تقول يعور وبنت خالتي جربتها هم قالت ماتعور.. يعني 2 مقابل 3 يعني المسألة نسبية وتختلف من شخص لي شخص.. بس بشكل عام الأغلبية ماتعورهم..
ثانيا المكان: سويتها بعيادة الدكتورة منى الفارس واهي عيادتها بالجابرية..أول ماتدشين الجابرية من الدائري الرابع تاخذين أول لفة يمين اهي سيدة عاليمين بأول مبنى للعيادات وعندها صيدلية جنه اسمها الغدير يعني لاتمشون وايد أول ماتدشون الجابرية.. بالنسبة حق رقم العيادة غيرت فوني فماعندي الرقم حاليا وبدورلكم ياه قريبا بإذن الله.. وعلى فكرة ترى ماعرفها ولاتعرفني ولا أصيرلها واللي تبي تتأكد تسألني بالخاص عن اسم عايلتي وبجاوبها عشان ترتاح قلوبكم أدري فيكم كله شاكين بالناس لوووول
ثالثا عدد الإبر بالكورس والتكلفة: عدد إبر الكورس 6 إبر والإبرة الوحدة ب30 دينار وبين كل جلسة وجلسة مدة أسبوعين وإذا تبينهم بسرعة أقل مدة 10 أيام
يعني الكورس الكامل إذا تبينه سريع يخلص يشهرين بس! واعتقد الكل يبي يرتاح بأقصى مدة ممكنة وخصوصا اللي عندهم تساقط وايد أو العرايس اللي ماعندهم وقت أو البنات اللي عندهم فراغات!
الحين أخيرا بقولكم تجربتي بالتفصيل عقب ماحطيت كل المعلومات الأساسية:
الله يسلمكم شعري كان لي آخر ظهري وكثافته متوسطة يعني يميل للخفيف لأن آنا نوعية شعري جذي بالوراثة بس كان زين وحلو..
طبعا انطفقت ورحت خصلته أشقر واللي صبغتلي شكلها غيدها ثقيلة وأصلا وايد ناس الله يسامحهم كانوا يقولوليي أكيد حاطة اكستنشن هذا موشعرج ولا يذكرون الله :/
ومع كل هالأسباب فجأة بدا شعري يطيح بشكل خيالي فوق ماتخيلون وعلى قولة البنات بدا يطيح خصل وآنا فوق هذا نفسيتي اختربت آنا نوعي وايد أحب اهتم بشكلي وشعري ولبسي فلمن بدا شعري يطيح بشكل ينوني اختربت نفسيتي وايد وقام يطيح بزيادة عشان النفسية :eh_s(2):
عقب سويت سيرج بالنت عالميزو ماعجبتني الردود أحس الردود يا ناس تسأل يا ناس تخش وماتقول..
وأصلا كنت رايحة عند منى الفارس جم مرة علبو آنا راعية حساسية ووايد ارتحت على علاجاتها يوم يومين أطيب..
فشفت إعلان عندها عالميزو توكلت ورحت سويت..
قالتلي لاتحاتين وشعرج مافيه إلا العافية وآنا أشوف حالات أخس وآنا طبعا الدمعة بعيني زين مابجيت عند الدكتورة :eh_s(2):
قالتلي بسويلج كورس 6 إبر بينهم أسبوعين ولو تبين حل سريع عشان نفسيتج بينهم 10 أيام قتلها ماشي
وطبعا اهي عندها نظام حلو لو تدفعين فلوس الإبرة ماتدفعين فلوس الزيارة فهالشي يخفف عاللي ميزانيتهم قليلة أو يكونون طلبة<نفسي
بديت العلاج وكتبتلي معاه شامبو اسمه ريفوفوجين على ما اعتقد واهوا شامبو عضوي وتقول أحسن شامبو ينظف ويطهر فروة الراس بس حسيته وايد نشف شعري خصوصا مع الصبغ فما حبيت تأثيره على شعري معنه كان وايد حلو عالفروة أول مرة أحس فروة راسي تتنفس.. والشامبو موجود بالصيدلية اللي تحت عيادتها واعتقد سعره من 5 لي 7 ويمكن أكون غلطانة بس أكيد مو أكثر من 7 ..
أما الحبوب فعطتني بنتوقار قالتلي وايد زينين وصج ماجذبت عجيبييييييييين وايد أحس نفعوني حتى عقب ماخلصت الكورس..
وقالتلي معلومة مهمة أن الحبوب مانستخدمهم شهر بعدين نقول خلاص مانفعوا لا غلط!
لازم نستخدمهم كورس كامل يعني 3 شهور كل يوم حبة.. وصج جربتها ومثل ماقتلكم أحس حيل انفعوا وظليت استمر عليهم عقب الكورس
بس حطوا ببالكم أنهم وايد أقويا يعني لهم عيب وحيد لكن آنا أشوفه كبير واهو أن من قوتهم يأثر حتى على شعر الجسم
آنا تنرفزت لأن الشعر الوبري اللي بجسمي طال يعني اللي صوب الصدر والبطن والله يستر يمكن صوب الظهر بس ماقدر أشوف هناك.. فعشان جذي قطعتهم ولا اهم من ناحية القوة والإفادة وااااااااايد زينين..
الحين أكملكم قصة العلاج..
طبعا طقيت إبرة وعقبها ب10 أيام رديت طقيت الثانية وخلال 19 أو 20 يوم بديت أحس بفرق بسيط وبدا يزيد الفرق ويقل التساقط ونطرت الإبرة الثالثة وقزيتها وعقبها صج صج فرق شعري واااااااااااااااايد
أقدر أعطيكم نسبة 80% قل التساقط.. قمت آنا من وناستي وقفت الجلسات لأن الميزانية كانت بحححح لوووول
وطبعا نبتنلي بيبي هير صوب يبهتي ويبين لمن أمشط شعري في بيبي هير بقمة راسي وصج استانست غير أن التساقط اللي كان قاثني خف وايد ولله الحمد..
طبعا ماكملت والسبب أني حصلت نتايج مرضية ولأن مثل ماقلت الميزانية موشي خصوصا أن احنا طالبات
بس شعري وايد تعدل ما شاء الله ذكروا الله وبنفس الوقت اعتقد لو كملت كانت كثافة شعري يمكن تزيد..
وطريقة الدكتورة حق اللي تبي عناية كاملة وحلوة ودائمة عشان دوم يظل شعرها حلو وكثيف عقب ماتخلص الكورس الأول تدش كورس ثاني مخفف..
والثاني أنج تقزين أول إيرة وتنطرين عقبها شهر وتردين تقزين الثانية وتنطرين عقبها شهرين وعقب الثالثة كل 3 شهور وتستمرين عاد كل 3 شهور تقزين مرة ويظل شعرج دوم حلو لين تخلصين الكورس الثاني..
عاد شنو عقبه تكملين كل 3 كورسات أو تخلصين للأبد مادري بس آنا بنيتي أكمل لي الأبد وأخليه جزء من عنايتي الشخصية لأن الشعر زينة المرة وكل ما كان حلو زانت وفي وايد عوامل فجائية ممكن تصيرلنا سوالف زواج دراسة حمال ولادة فأول شي يتأثر شعورنا فودي دوم أكون مغذيته .. فهمتوا علي؟
والحين السؤال اللي الكل ناطره وأدري بتسئلونه.. هل طاح شعري عقب 6 شهور مثل ما الكل يقول عن الميزو.؟ الكل يقول أنه حده الميزو 6 شهور وعقب يرد يطيح..الجواب أن فعلا طاح شعري عقب 6 شهور بس هااااااااا ترى مو من الميزو
من خمالي وإهمالي!
تخيلوا معالجة شعري والنتيجة من أحلى مايكون والدكتورة تقولي فحصج يقول ماعندج مخزون حديد لازم طول عمرج تاكلين حبوب حديد لأن آنا فيني فقر دم منجلي ولازم الحبوب آكلهم الكورس كامل مدة 3 شهور
أما آنا شسويت؟ من ذكائي بس تعدل شعري انغريت وطنشت الاهتمام عبالي نفس قبل لا اهتمام لا شي وبيظل زين
وفعلا رد طاح بس فقير يزاه الله خير 6 شهور ماغذيته ولا اهتميت فيه و ظل طبيعي..
فكروا فيها يعني إنتي لو ماكليتي يوم شبيصير بويهج وبجسمج؟ تصيرين ذبلانة ومالج خلق تحركين ونشاطج منخفض
والشعر هم يحتاج تغذية واحنا مطنشينه ومانفكر نغذيه أكيد بيطيح ويتعب صح ولا لأ؟
الحين الزبدة ياجماعة الخير..
آنا على ويه زواج مايندرى يضبط مايضبط ادعولي بالتياسير.. وراح أرد بإذن الله أسوي الكورس مرة ثانية..
واللي ماعندها ميزانية ترى بس الكورس الأول يكفي والكورس الثاني حسب حاجة شعرج مو إلا تسوينه..
وكا جدام عينكم كتبت تجربتي من 3 إبرة ارتحت وحتى ماكملت الكورس الأول..
بالنسبة للحبوب اللي ماتبي بنتوقار علبو تطلع شعر بالجسم آنا جربت غيرهم حبوب بيرفكتيل عجيبين ما يأذونج بمسألة شعر الجسم وايد كثر البنتوقار بس وايد يعورون المعدة >عندي مشكلة بمعدتي فاللي عندها مشاكل بالمعدة تظل على بنتوقار أحسنلها..
والشامبو كيفها اللي تبي تستخدمه آنا قتلكم ماحبيت تأثيره عالشعر ولا اهو عالفروة ممتاااااااااااز واللي تبي تستخدمه خل تستخدم وياه بلسم..
بالنهاية عقب ما طاحت إيدي من الكتابة أبيكم تدعولي الله ييسر أمور زواجي ويسخر قلوب الناس لي ويكتبني من عتقائه بهاليوم الفضيل..
وأي استفسار عيوني لكم بس اقروا الموضوع مو تسئلوني سؤال آنا مجاوبته بالموضوع وتحسسوني أني كاتبة كلام عالفاضي :eh_s(2)::eh_s(2):
التعديل الأخير:
