تجربتي بالتفصيل مع الرداده أم أسد

[حبيبة عز]

السلام عليكم ورحمة الله وبركاته ..​

شلونكم بنات ؟؟​

بنات وايد يسألون عن الترديد وشنو طريقته ومنو أحسن رداده وما يلقون أجوبة ..​

أنا لأني بجرية وجربت بدون خبرة ومعرفه .. قلت خلني أفيد البجريات ..​

لأني ما لقيت احد يفيدني ..​

أول ما ولدت دقيت على الرداده وأنا بالمستشفى ..​

وقالتلي أدز مسج بتفاصيل ولاتي وعنواني ..​

الطبيعي ترددها بعد 10 أيام ​

والقيصريه ترددها بعد 20 يوم​

ولادتي طبيعية وسوتلي بعد 10 أيام من ولادتي

الأشياء اللي تحتاجين تجهزينها ..​

شرشف
سفر نايلون
جدر كبير
جدر صغير
دراعة قطن واسعه
دراعه قطن مريحة للنوم
قصدير
بيض عدد 2
بطل كبير زيت زيتون
ملفع
سروال طويل
سروال صغير
ماي حار بمطارة
عدد 3 فوط صغار ( فوطة مطبخ عرفتوها )
فوطة وسط
فوطة كبيرة​

والأفضل أنج تحطين نايلون على سريرج كله وتغطينه علشان لا يتوصخ
وتستخدمين كفر ومخدة وشرف قديم ما تبينه علشان بعدها تقطينه​

خطوات التمريخ ​

اليوم الأول​

يبدأ التمريخ الساعه 10 بالليل أو بوقت متأخر​

تسخنين ماي حار بالجدر الكبير
وتفرشين نايلون بالأروض وفوقه شرشف
وتجهزين الماي الحار بالمطارة
وتجهزين بيضتين​

تدخل أم أسد المطبخ​

وتحط أعشاب بجدر الماي الكبير وتقصدره وتخليه يطبخ
وتسخن زيت الزيتون مع زيت خلطة أهي حاطتها​

بعدين توقفج على الشرشف وتدهن جسمج كله بالزيت الدافي
وبعدين تلبسين دراعة القطن الواسعة وتحطين فوطه على راسج​

وتحط جدر الماي الحار المطبوخ بالأعشاب وتخليج توقفين فوقه
وتتبخرين ليما تعرقين وينزل الماي من جسمج​

بعدين تحط من الأعشاب اللي بالجدر بفوطه صغيرة وتلبسج ياها كأنها فوطة صحية​

وتلبسين دراعة النوم وتنامين على بطنج
وتسوي تدليك لجسمج وظهرج​

تسوي خلطه أعشاب والبيض وتحطها بفوطة حارة وتحطها على راسج
وتحط وحدة على ظهرج​

وتقولج خشي جدر الماي والزيت عشان راح تكررين العملية لمدة يومين​

وتقولج ساعتين لا تتحركين
وبعد الساعتين نامي على جنب عادي​

وممنوع تقومين حتى تروحين الحمام عزكم والله
ولا تمسكين البيبي ولا ترضعينه​

لي الساعه 6 الصبح يصير تروحين الحماما عزكم الله
والساعه 9 الصبح تتسبحين​

وتتريقين وتريحين والساعه 9.30 الصبح تمرج أم أسد
ترددج وتدلك عظامج بقوة ولازم وحدة من أهلج تساعدها ويكون حيلها قوي​

وأنا ما تحمل خخخخ عصبت علي وتضحك وتقولي لا يسمعونج الجيران عبالهم ريلج يطقج
وكل شوي أصارخ تقولي شكلج بتولدين مرة ثانية خخخخ​

وتييبلج وياها دياي محشي أعشاب مع عيش
وعصيدة بالأعشاب​

تبخر راسج وأذونج بأعشاب الدياية وبعدين تقولج أكلي هذا غداج​

وتنامين على جنب وتدلكج وتعلمج على حركات وتدليك تسوينها حق روحج​

وتقولج اليوم بالليل دهني جسمج وتبخري
ولما تقومين لا تتسبحين
وبالليل ردي دهني جسمج وتبخري
ولما تقومين تسبحي​

تاخذ 55 د.ك​

اللي أستفدته ​

بطني صغرت شوي
جسمي كان متفوخ من الماي وفش شوي
وعظامي صار أحسن الحمد لله
وظهري كان يعورني وراح العوار بفضل من الله


الرداده دمها خفيف وحبوبه
وأنا وايد ارتحت لها ​

هذا تجربتي أتمنى تستفيدون منها​

وإذا تبون رقمها 97342440​

 

[c00L G!RL]

حبيبة عز شلونج وشلون النونو دشي على تجمعنا مشتاقيلج

اب اب
اب
لعيوووونج

 

[Eng.Kokoro]

الحمدلله على سلامتج

خل نسمع من غيرج بعد اللي مجربهااا

 

[وهــايب]

حسيت بعذاب نفسي وانا اقرا

 

[ام الحلوااات]

ااااااااااااااااااب للـــفـــــــايـــــــــدة

 

[ام اغلى الناس]

مشكوره حبيبتي
سمعت انه الفلبينيات احسن من الحريم الكبار
عشان لايقلبون الرحم
اعتقد ٥٥ وااااجد على يومين بس

 

[غند-777]

مشكوره حبيبتي على ذكر تجربتج

 

[المكسيكيه]

مشكوره

 

[ام ساره 4]

جزاج الله خير

 

[um haya]

يعطيج العافيه صراحه ودي اجرب بس خايفه ولدت مرتين وما عمري جربت الترديد وودي اجرب بالثالثه بس انا سمعت ان الترديد اكثر من يومين اعتقد من 5 ايام الى 8 ايام ولا انا غلطانه يعني معقوله ترديد يومين وياثر تاثير قوي مادري ما عنددي خلفيه بالموضوع بس ياريت اللي جربوو يشاركونا عشان نستفيد اكثرر

 

[حلاه الكون]

جزاج الله خير

 

[الم وجروح]

الترديد. عجيب. بكل عيالي سويته
وابي وحده. ترددني قريب علي بالمنطقه العاشره بس بدون سوالف ديايه مسلوقه ولابيض
وهالسوالف
ولا تقولي لا تمسكين البيبي. انا ام عيال ماقدر. ولادتي وقت المدارس. بأصغر عيالي خذيت رقم من الوسيط هنديتين بجنوب السره يعني خدمة منازل
على يومين او ثلاث. بس فوق الممتاز ياريت اذا تعرفون ومجربين ردادات تحطون رقمها

 

[بيت التوت]

مشكوره قلبي

 

[أحلام بنت]

اب اب اب
اب اب
اب



للفايده

 

[فله]

يعطيج العافيه

 

[*kim*]

55واجد
انا جربت ام علي 3 ايام ب 30
بس من غير غدا ههههه

 

[أإلع ـشق دلع ـهـأإ]

بس بعرف البيض والدجآجه شنو فآيدتهم ؟؟ 

ويعطييج العآفيه والله يخليلج وليدج

 

[بدوية بملامح كشميرية 86]

مشكوووره.

اختي مجربتها تمدحها حيييل

 

[أملي بعد الله]

أحلى مافي الترديد التدليك والتدهن بالزيت بصراحة عيبني وايد

بس سالفة الدياية والبيض والنومة ع البطن مافهمت فايدتها : /


عموماً مشكورة حبيبتي والحمدلله ع سلامتج ومبروك مايـاج

 

[معزوفه حنين]

يعطيج العافيه