تجربتي الخاصه

[عتيبيه مردده]

السلام عليكن

شلونكن بنات شخباركن؟

في البدايه حبيت اقولكم عن تجربتي الخاصه مع الرجيم مشيت على نصائح اخصائين تغذيه شكثر بس مافاد معاي شيء اليما اخصائين التغذيه قالو لازم تكميم هني تركت الاخصائين واشتركت مع دايت كير ونقصت معاهم في ثلاثه اشهر بس 5 كيلو

فقعدت بيني وبين نفسي وقلت لازم احط لي برنامج غذائي امشي عليه وفعلا جاب نتيجه معاي

وحبيت انقله لكم تستفيدون منه وكل وحده على حسب جسمها

الفطور :
2 توست اسمر مع شريحه جبن خالي الدسم + كوب حليب خالي الدسم مع اضافه سكر قليل السعرات الحراريه بديل السكر

الغداء؛

صدر دجاج مشوي + سلطه خضراء

العشاء:

روب خالي الدسم فقط

وممكن اضافه وجبه خفيفه بين الوجبات وهي صنف واحد من الفاكهه ( برتقال او تفاح او عنب ...الخ )

ولازم يابنات تشربون ماي وايد على الاقل 8 اكواب باليوم لانه مفيد للجسم

اذا تحبين شاي الاعشاب تشربينه بس من غير سكر

الاعشاب هي ( مراميه او بابونج او زعتر او ينسون او نعناع او زنجبيل )

بنات انا جربت هالنظام والحمدلله صار الكلسترول طبيعي

ونزل وزني ولحد الان مستمره على هالنظام اليما اوصل للوزن المطلوب ​

 

[سلاسل الذهب]

ان شالله توصلين للوزن اللي تبينه وانتي بصحه وعافيه رجيمج حلو بس ما عندي اراده وامووووووت على العيش اذا ماكليت عيش اقعد طول اليوم يوعانه جربت كذا رجيم كله افشل وزني مو هين الله يعيني

 

[عتيبيه مردده]

ان شاء الله

اذا تحبين العيش اكلي خمس ملاعق عيش مايضر بس لازم يكون مشخول مافيه دهن

وعادي ماعليه بالتدريج توصلين للي تبينه

 

[سلاسل الذهب]

مشكوره بعد عمري

 

[BubbLe87]

الله يوفقج حبيبتي

 

[عتيبيه مردده]

العفو سلاسل

وياج يرب

 

[Dream2013]

بالتوفيق ツ

 

[غلااا ابوها]

مووفقه يالغلا

 

[مـرايـم]

الله يسعدج

 

[اميره بكلمتي]

شربي أعشاب أحسن عشان تساعدج بالنزول

انا تقريبا نفسج بس ماكو عشا بتاتا واشرب شاي العويد حق الرجيم

 

[اميره بكلمتي]

شربي أعشاب أحسن عشان تساعدج بالنزول

انا تقريبا نفسج بس ماكو عشا بتاتا واشرب شاي العويد حق الرجيم

 

[modern]

موفقة و الله يخلي عندك هالارادة القوية

 

[عتيبيه مردده]

اشكركن على المرور

وفعلا الاعشاب تساعد على نزول الوزن

 

[نجمة_الكون]

استمري بس اخذي مكمل غذائي لان البروتين باكلج قليل

 

[عتيبيه مردده]

ان شالله

 

[ياسمين.]

موفقه يارب وتنزلين بصحه وعافيه
بس بغيت أسئل جم كيلو نزلتي بالاسبوع??

 

[عتيبيه مردده]

بصراحه اول مره في 3 ايام 7 كيلو

بعدين ثبت الوزن ونصحتني وحده من رفيجاتي اخررربط بالاكل وفعلا حاليا اخرربط

وراح ارد لنفس ريجيمي علشان لايثبت الوزن

 

[فجرر]

استمرررررري

 

[عتيبيه مردده]

ان شاء الله

 

[عتيبيه مردده]

حاليا قاعده على نفس ريجيمي وفعلا نزلت 4 كيلو بعد ماخربطت بس علشان مايثبت الوزن

بس تخربطين بحذر مو تنسين نفسج

طبعا قطعت ستاربكس ومطاعم الوجبات السريعه كلها ماخربطت في هالاشياء