تجربتى مع عملية شفط الدهون وشد البطن عند د.أشرف عبدالقادر

[elegentlady72]

السلام عليكم
بكتب لكم اليوم عن تجربتى مع عملية الشفط وشد البطن


واناا جاهزة للاستفسارات

اخيرااا سويت عملية شفط الدهون وشد الترهل بالبطن

بصراحه تعبت من الرجيم وحبوب التخسيس وشرب شاى الاعشاب والقهوة اللى تخسس والرياضه بانواع والكيلو اللى انزله بشهر - عشا واحد يرجعه دبل كرهت اللبس ومليت طيب شنو الحل
رحت لدكتور تجميل وشرحت له حالتى قالى يبيلج عملية
استخرت ربى توكلت على الله وسويتهااا


والحين صار لى 5 اسابيع والنتائج بدت تظهر

على العموم بكتب كل شى بالتفصيل عشان تستفيدون​

 

[elegentlady72]

رد: تجربتى مع عملية شفط الدهون وشد البطن

فى البداية مانى قايله لكم ان زوجى رحب بالفكره واستانس لا بالعكس كان من اول المعارضين وخايف على
بس انااا قدرت اقنعه
واهو شاف نفسيتى بسبب جسمى وحرمانى من الاكل وممارستى الرياضه باستمرار وما فى فايده
المهم رحت لدكتور عندنا مشهور بهالعمليات طبعا سالت وسالت وسالت وايد لغايه مااستقريت عليه
زرته مرتين وبالثالثه سويت العملية


واهو ذكى اختار وقت قريب عشان ما اتردد واغير راي


المهم رحت باليوم المحدد للمستشفى الساعه 6 صباحا واخترت الغرفة وحضرو الممرضات وجهزونى للعمليه اللى كانت الساعه 9 صباحا


-طبعا مرناا الدكتور وسلم وطمنى وطمن زوجى -


وخذونى الساعه 8 ونص وانااا امشى بممرات المستشفى لغرفه العمليات وانااا ادعى الله يسهل الامور على بصراحه كنت خايفه بس طاقم الممرضات ودكتورة البنج واايد كانو مريحين وواقفين يمى على طول


شافتنى دكتوره البنج وقالت لى ما تخفيش سمى بسم الله الرحمن الرحيم وفعلا سميت ورحت بساااابع غيبوبه اقصد نومه


وصحيت بعد 7 ساعات كانت الساعه 5 العصر -اول شى سالت عنه الساعه كم - انتى شكوو بالساعه وراج موعد بس اللقافة شلون صايره
المهم فتحت عينى وشكرت ربى انى صاحيه وحيه الحمدلله -


وبعدين قمت ادور على ايدى اشوفهااا فيهااا المغذى وكيس دم والمس على بطنى واللاه وين بطنى راااااااااااااح لا مااا صدق


طبعا ما فى الم لانى مبنجه ولبسونى كورسية -مشد قوى كامل من بطة القدم الى الصدر عشان يشد الجسم


وبعدين قمت اتجهز عشان اروح غرفتى رحت الغرفه لقيت زوجى حبيبى ناطرنى ​

 

[elegentlady72]

رد: تجربتى مع عملية شفط الدهون وشد البطن

السلام عليكم

الدكتور اسمه اشرف عبدالقادر فى بوشهرى كلينك والسعر طبعا الدكتور 2200 دينار والمستشفى طلع على كاااامل 1700 دينار واناا سويتها فى مستشفى السلام الدولي رعايتهم وااايد زينه وممرضاتهم متمرسين وكله بفضل الله


بكمل معاكم
بس انااا نسيت اقول لكم ان طولى 170 سم ووزنى قبل العملية بساعات شارف على 100 كيلو والله خوانى كان وزنى 98 كيلو طبعااانا اخترعت ونزلت من على الميزان بسرعه وهالوزن قبل دخولى غرفه العمليات.


برجع لحديثناااا طبعاا اول يوم كله مسكنات والدكتور مر على بعد العملية ب 3 ساعات يتطمن على قالى لازم تشربين عصائر طبيعية وماء اول يوم وتحاولين تروحين ( الله يعزكم الحمام ) عشان اشيل البربيش وتاخذين راحتج


طبعا انااا مااحب البربيش وفعلا شربت عصير رمان واكلت شويه بسكويت وبعدين على الساعه11 تقريبا شالو البربيش ورحت الحمام لا واقنعونى الممرضات انى لازم امشى شوية بممر المستشفى
وفعلا مشيت شويه بس لان ريلى كانو مربطينهاا بضاغط الجلطات خوفا من حدوث اى جلطة مفاجاه بس الحمدلله مشيت تقريبا 3 دقائق جنهم 30 دقيقة من ثقل جسمى وراسى وما زال تاثير المخدر ورجعت السرير ونمت حتى 6 صباحا


صحيت على الممرضه تاخذ لى الضغط وتقيس لى الحرارة وتسحب دم سالتهااا ليش قالت احنا معطيج كيس دم بالعمليات لازم يوميا نسوى تحليل المهم خذت اللى تبيه ورجعت نمت -


والله ما فى نوم بالمستشفيات من دخول وخروج الممرضات - طبعاهذا شغلهم والله يعطيهم العافية


صحيت الساعه 8 صباحا واللاه زوجى موجود وقعد معاى فطرنى وساعدنى امشى شوى بممر المستشفى الساعه 10تقريبا حضر الدكتور للاطمئنان
قالى لازم تسوين رياضه لريولج حولى تحركينهم كانك راكبه دراجة على الاقل 5 مرات لكل قدم وكلما حركتى قدمك اكثر راح اشيل الضاغط وامشى بالممر يوميا
المهم الدكتور قالى راح اعطيج مسكن كل 6 ساعات بس انااا ما كنت اخذه اللاه كل12ساعه مو حابه اتعود على المسكنات بعدين اتعب لماا اطلع للبيت على فكره هذا كله وما شالوو المغذي من على ايادى كيس وراه كيس


بعدها الساعه 2 تقريبا وصحت الساعه 4 الدكتور مرنى وقالى تحليل الدم مبين انه عندج ان نسبه الدم نازله ولازم نعطيج كيس دم وفعلا حطولى كيس الدم ولما خلص ارتفعت حرارتى والاكسجين نزل عندى طبعا الممرضات كل ساعتين يقيسون لى الضغط والحراره والاكسجين كله نازل


نسيت اقول لكم انه فى بربيش موصل من جسمى للخارج لطرد السائل المستخدم فى عملية الشفط وكل4 ساعات يفرغونه من السائل ويرجعونه وكل هذا وزوجى يمى كل ساعه تقريبا يساعدنى بالتمارين للقدم ويمشينى شوية بالممرات وارجع بس كان التعب والالم لايوصف وكنت اتحمل حتى الممرضات كانو يقولون عنى انى المراه الحديده انى قويه متحملة كل اللى سوو هالعمليات بس يبون مسكن كل 4ساعات انتى ما تاخذين ومتحملة
المهم ظليت اول يوم بعد العملية احرك ريولى وامشى بالممرات واروح الحمام بصعوبه بالغه لما صااارالليل ونمت​

 

[بنفســـــج]

رد: تجربتى مع عملية شفط الدهون وشد البطن

الف الحمد لله على سلامتج

طهور ان شاء الله

ربي يفرحج بجسمج ياااااااارب

 

[سندريــــلا]

رد: تجربتى مع عملية شفط الدهون وشد البطن

الحمدالله عالسلامه

وان شاء الله تشوفين النتيجه اللي تبينها

 

[@Miss Dio@]

رد: تجربتى مع عملية شفط الدهون وشد البطن

وووووووووووووووووواااااااااااااااااااااااااااااااااااااااي مساكين الحريم والله صج العمليه متعبه انا شفت بنت خالتي صج النتيجه حلوه بس عذاااااااااااااب الله يتمم عليج

 

[بنت الأصول]

رد: تجربتى مع عملية شفط الدهون وشد البطن

حمد الله عالسلااااااااااااااامه وكماي تقريرج ناااااااااااااااااااااااااااااااطرينج حبيبتي

 

[طير الحب]

رد: تجربتى مع عملية شفط الدهون وشد البطن

الحمد لله على سلامتج

 

[عمري الخالد]

رد: تجربتى مع عملية شفط الدهون وشد البطن

حمد لله علي السلالالالامه حبيبتي وما تشوفين شر

الحمد لله في احد جرب هالدكتوووور لاني سمعت شكثر يمدحووووونه بس كنت ابي تجارب

حبيبتي متااااااااابعينج

 

[elegentlady72]

رد: تجربتى مع عملية شفط الدهون وشد البطن

السلام عليكم
شكرا على متابعتكم

ثانى يوم الصبح الساعه 8 الممرضه اخذت لى الحراره والضغط والاوكسجين طبعا نازل وحرارتى ارتفعت خااافوو على نادوو الدكتور قال لهم خلاص لا تعطونها كيس الدم الثانى بس عطوها خافض حراره وتعابوو حرارتها ولازم اشرب سوائل وااايد كل ساعتين
فعلا الممرضات استنفروو على وجابلونى عدل الساعه 10 صباحا حضر زوجى وشافنى ما اقدر اقوم من السرير قام يسويلى تمارين لريولى وقدمى وكل ساعتين يحركهم والله اذا مر على وقت وما حركتهم احس بحراره بقدمى خاااصه الكعب


الدكتور مرنى الساعه 1 الظهر يتطمن كانت حرارتى ولما شافنى انى قادره امشى وارحك قدمى شااال الضاغط من عليهم وااى حسيت بحريه ومن بعدها نمت لغاية الساعه 4 العصر صحيت على الحرارة وريجى ناااشف عطشانه وبديت احس بنفاااظة ورجفه قوية وبرررررد ناديت على الممرضات قاست لى حراارتى والله 40 اهنى لا اشتغلت الكمادات على لين حراراتى انزلت وزوجى يمى يقرأه على والحمدلله تعشيت واخذت ادويتى المسكن ونمت الساعه11


ثالث يوم الحمدلله تحسنت الحراره والضغط تقريبا تم السيطره عليه والاوكسجين بعد وقمت امشى اكثر بممر المستشفى لا تجرات قمت امشى بالدور كله ههههههه


وقدرت اكل عدل واحاول ادخل الحمام اللى يعتبر بالنسبة لى معااااااناااااااه وسالت الدكتور متى اطلع قالى يبيلج بعد يومين على فكره هذا كله واناا لابسه المشد المخصص (الكورسية) للعمليه لا وطلبت لى واااحد ثانى مع انه غالى 65 دينار


المهم اليوم الرابع لا قمت امشى بروحى بالغرفه والممر الجانبى لغرفتى وقمت اقدر اقوم من السرير بروحى واقعد واقدراسوى تمارين القدم بصعوبة بروحى طبعا مع وجود الالم موتتوقعونهااا سهاله .... لا المشكلة ما تدرين وين يعورج بس عوووار وبس كان احد ضاااربك ضرب سنه بساااعه
خامس يوم وافق الدكتور على الخروج بس قالى قبل ما تطلعين تاخذين دش عندنا بالمستشفى الممرضات يساعدونج لانى ادرى فيكم يا الحريم على طول البيت والاستحمام واخاف انتى بروحج ما تقدرين خلينااا احنا هنى نساعدك اول مره بعدين يصيرخير .


وفعلا قبل ما اتحمم اتصلت على صالون سيدات تسوى لى
شعرى بعد الاستحمام ودخلت استحم واااااااى كنت سعيده بالماء والصابون - علما كنت يوميا الصبح ايب فوطة فيها صابون وفوطة فيها ماء وامسح على جسمى بس وين الاستحمام الكاااااااااااامل غيرنظافة .

الدكتور قالى انه راح يغير لى مكان الجرح وفعلا وصل وغيرلى وشال غرز الشفط من على الظهر والافخاذ والبطن ونظف الجرح وبعدما خلصت حضرت الكوافيره وسوت لى شعرى


ودخل زوجى شفت على وجهه ابتسامه من 5 ايام ما شفتهاااا وجمعنا حاجياتنا من المستشفى وخرجنا بسلاااااااااااااااااام


امااامعانات البيت -لانى طلعت وانااا البربيش للحين موجود يبيله على الاقل 10 ايام -تعب تعب تعب زوجى قالى لازم ممرضه متمرسه اناا مااعرف اسوى شى انتى محتاجتها وفعلا طلبت لى وحده تحضرمن8 الصبح حتى 8 بالليل​

 

[أستر البنفسج]

رد: تجربتى مع عملية شفط الدهون وشد البطن

الحمدالله عالسلامه وان شاءالله النتيجه مرضيه

 

[elegentlady72]

رد: تجربتى مع عملية شفط الدهون وشد البطن

بكمل لكم اليوم


طبعا مروو على 10ايام الاولى صعبه جدا قعدتى وقومتى صعبه ونومتى اصعب والسبب التعب الجسدى والبربيش اللى كل ساعتين اروح الحمام افرغه من السائل مع انه الممرضه معاى بس بجد كانت اول 10 ايام مرهقه جدا
وبعد هالفتره رحت للدكتور شال البربيش وارتحت شويه وقالى لازم اخذ جلسات ( ليمفوبرس )جهاز لطرد الماء والسوائل من الجسم واايد ارحت عليه هالجهاز ومن بعد كل جلسه احس انى تحسنت وبديت امشى شوي
هم قام يروح التتفخ والماء اللى بجسمى شوى شوى واهو بصراحه يدر البول الله يعزكم يعنى من اخلص من الجلسه ابى اروح الحمام افضى مثانتى -
هالجهاز خواتى يسوى مساج بطريقه منظمة بقوه معينه على الجسم سويت 8 جلسات يوم وترك وكل 4 ايام اروح للدكتور اراجع يتطمن على الجرح
طبعا اول اسبوع شال البربيش ثالث اسبوع شال غرز السره رابع اسبوع شال غيار الشد وقالى خلاص الحين اخذى راحتج اتسبحى وعيشى حياتج طبيعيه الجرح سليم وماله داعى تغطينه ولاشى الحمدلله
وبديت امشى عدل من رابع اسبوع وقمت اقدر اتقلب بالسرير بروحى ههههههههه
اول العملية ما كنت اقدر اركع بالصلاه ثالث اسبوع الحمدلله قدرت اوقف عدل واركع بس للحين مااقدراسجد بس الحمدلله تحسنت واايد
وجسمى شد -الدكتور شاده بضمير - حتى زوجى يقولى اذا سمنتى يا ويلج
بس مازال الانتفاخ عند الافخاذ وخفيف عند البطن والظهر مكان الشفط والدكتور عطانى بدايه الاسبوع الخامس كريم يساعد على الشد ويمنع تكون السيولويت ويرجع كل شى طبيعى
واصلا اناا وزنت نفسى من يومين نزلت زياده 2كيلووو يعنى للحين 10كيلو نازلة فى 6اسابيع تقريبا
طبعاا مقاسى تغير وااايد والدكتور قالى لاتشترين ملابس اللى بعد شهرين لانه راح ينزل وزنج بعد اذا حافظتى والتزمتى بلبس الكورسية ​

 

[حنون المزيون]

رد: تجربتى مع عملية شفط الدهون وشد البطن

واااااااااااااااااااااااااو بصراحه إنتي المرأة الحديدية ماشاء الله عليج والله يهنيج بريلج ويسخره لج

أول شيء لازم تشترينه البكيني


والفال لي يا ربي يرضى أسويها عاجلا غير آجل ... يا رب

 

[شموخ آنثى]

رد: تجربتى مع عملية شفط الدهون وشد البطن

الف حمدالله على سلامتك يا اختي

وربي يتمم لك بخير


والله الله بالرقيه تررى الناس ماتعطي خير


بسألك خيتوو


شلون ع الجرح ؟؟؟ شنو قالك عشان اثره ؟

انا مستعده اتحمل العوار والتعب لانه فتره قصيره ويروح ان شاءالله بس خايفه وشايله هم الاثر

خصوصا اني مو متزوجه وخايفه

 

[الله يفرجها]

رد: تجربتى مع عملية شفط الدهون وشد البطن

حمدالله على السلامه ياقلبى ماتشوفين شر فديتج بس انا محتاجه منج اجابه ضروريه واتمنى انج تفيدينى امانه لاتكشتين فينى ردى على بالخاص فديتج انا مطلقه وعندى بنت وعنى شويه بطن وكله خطوط ووراى زواج ورحت حق دكتور تجميل وقالى لازم انج تسوين شفط وشد بس اذا بتسوينه لازم بعدها ماتحملين وانا بصراحه وراى زواج وتعرفين ابى البس واكشخ وانا مستحيا من بطنى والخطوط اللى فيه وانا عادى عندى اسويه واحمل ويخرب مره ثانيه وارجع اسويه عادى بس اهم شى انى اسويه على اذا تزوجت وابيج تفيدينى امانه شلون شسوى ردى على خاص امانه لاتطنشين واجر وعافيه فديتج ومشكوره على مساعدتج لى

 

[Glamour_85]

رد: تجربتى مع عملية شفط الدهون وشد البطن

انا بغيت اسوي مثلج بس وضعي ما يسمح لان عندي ولد بجابله وانومه واشيله
فقلت اشوي شوي شوي بالبنج الموضعي احسن
وشد البطن اسويه لم اخلص واجيب العيال واقفل عشان ماتكون عالفاضي ويرد يترهل
لان الدكتور قالي ان اذا تبين شد لازم ماتحملين من سنه الى سنتين وقالي في بنات عادي احملوا عقب 6 شهور والنتيجه ما اختربت
كل وحده تختلف عن الثانيه وقالي لمن تخلصين احسنلج فقلت اوكي ومنها اني اخاف اذا سويتها تصير ولادتي قيصريه هههههههههه
واحتمال اسوي صدري اذا ما يأثر عالرضاع

 

[elegentlady72]

رد: تجربتى مع عملية شفط الدهون وشد البطن

اشكركم جميعا

 

[elegentlady72]

رد: تجربتى مع عملية شفط الدهون وشد البطن

السلام عليكم
شكرا حبيباتى على مروركم وتعليقكم

اللي سالتنى عن الرد بالخاص والله مااعرف شلون ارد عليج خاص
الدكتور قالى مو تحملين عشان ما يخترب الجسم واناا الحمدلله عندى البنات والبنين الحمدلله
وانتى تزوجى الله يتمم عليج ويوفقج
والاخت اللى قالت لى عن العين والحسد والله كلامج صح لان الحين من ادخل مكان اول ما يطالعون بطنى وجسمى مع انى والله ما قلت حق احد حتى خواتى ما يدرون
- وعن الجرح والله انااحاليا صار لى 6 اسابيع مكان الجرح موجود بس ما يعور ومثل ما قلت انه على خط البكينى
والاخت اللى تسوى هالعملية وعندها طفل واحد حبيبتى يبيهم وراه بعض وافتكى وسوى العملية
- وعلى فكره اناا رفيجتى جابت طفلهااا الخامس بقيصريه متعمده عشان تسوى شد للبطن بالنهاية وفعلا اتفقت مع الدكتور اشرف ودكتورتها للولاده وحددت يوم وكان 4-4-2010 ولدت وشده مره وحده وتقول اهو عوار واحد ليش بعد ادخل مره ثانية العمليات وبنج بس الله يسهل للجميع ​

 

[elegentlady72]

رد: تجربتى مع عملية شفط الدهون وشد البطن

السلام عليكم

السلام عليكم
شكرا حبيباتى على مروركم وتعليقكم
اناا حاليا كملت 11 اسبوع من العلمية والحمدلله جسمى فرق على وااايد وقياس لبس نزل رقمين
كنت 18 صرت 14 واناامستمره بالرياضه المشى 3 ايام بالاسبوع ولبس الكورسية ويبت لكم صورته اليوم وسعره 65 دينار كويتى http://www.cereplas.com/fr/images/panty_haut_long.jpg
ومستمره باستعمال كريم التخسيس وكريم ترميم الجروح عجيب​

 

[توتا5]

رد: تجربتى مع عملية شفط الدهون وشد البطن

الحمدالله عالسلامه